ಟೋಲ್ ಬಳಿ ನಿಂತಿದ್ದ ಲಾರಿಗೆ ಡಿಕ್ಕಿಯಾದ ಇನ್ನೊಂದು ಲಾರಿ

ಮಧ್ಯರಾತ್ರಿ ಸಮಯದಲ್ಲಿ ಎರಡು ಲಾರಿ, ಒಂದು ಬಸ್​ ನಡುವೆ ಡಿಕ್ಕಿ

ಭೀಕರ ಅಪಘಾತದಿಂದ 7 ಜನರು ಸಾವು, 15 ಜನರಿಗೆ ಗಾಯ

ವಿಜಯವಾಡ: ಎರಡು ಲಾರಿ ಮತ್ತು ಒಂದು ಖಾಸಗಿ ಬಸ್​ ನಡುವೆ ಡಿಕ್ಕಿ ಸಂಭವಿಸಿ 7 ಜನರು ಸಾವನ್ನಪ್ಪಿರುವ ಭೀಕರ ಘಟನೆ ಆಂಧ್ರಪ್ರದೇಶದ ನೆಲ್ಲೂರು ಜಿಲ್ಲೆಯ ಕವಲಿ ಟೋಲ್ ಪ್ಲಾಜ್​​ದ ಬಳಿ ನಡೆದಿದೆ. ಸ್ಥಳದಲ್ಲೇ 7 ಮಂದಿ ಸಾವನ್ನಪ್ಪಿದರೆ, 15 ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ರಾತ್ರಿ ಸುಮಾರು 2 ಗಂಟೆ ಸುಮಾರಿಗೆ ಕವಲಿ ಟೋಲ್ ಪ್ಲಾಜ್​​ದ ಬಳಿ ಲಾರಿಯೊಂದು ನಿಂತಿತ್ತು. ಈ ವೇಳೆ ವೇಗವಾಗಿ ಬಂದ ಇನ್ನೊಂದು ರಭಸವಾಗಿ ಡಿಕ್ಕಿ ಹೊಡೆದಿದೆ. ಇದಾದ ತಕ್ಷಣ ಎದುರುಗಡೆಯಿಂದ ಬರುತ್ತಿದ್ದ ಬಸ್​ ಕೂಡ ಬಂದ ಆ ಲಾರಿಗಳಿಗೆ ಭಯಾನಕವಾಗಿ ಡಿಕ್ಕಿ ಹೊಡೆದಿದೆ. ಪರಿಣಾಮ ಎರಡು ಲಾರಿಯ ಡ್ರೈವರ್​ಗಳಿಬ್ಬರು ಮತ್ತು ಬಸ್​ ಚಾಲಕ ಹಾಗೂ 4 ಪ್ರಯಾಣಿಕರು ಸೇರಿ ಒಟ್ಟು 7 ಜನರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. 15 ಪ್ರಯಾಣಿಕರು ಗಂಭೀರವಾಗಿ ಗಾಯಗೊಂಡಿದ್ದು ಗಾಯಾಳುಗಳನ್ನು ಸಮೀಪದ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

Horrific: A V Kaveri travels bus collided with a lorry in #Nellore district, 7 dead as of now, with several seriously injured

The accident occurred on the highway near Kavali. Rescue efforts are underway. pic.twitter.com/EVVXybqmJm

— Sudhakar Udumula (@sudhakarudumula) February 10, 2024

ಎವಿ ಕಾವೇರಿ ಟ್ರಾವೆಲ್ಸ್​ಗೆ ಸೇರಿದ ಬಸ್​ ಚೆನ್ನೈಯಿಂದ ಹೈದರಾಬಾದ್​ಗೆ ಹೋಗುವಾಗ ಲಾರಿಗಳಿಗೆ ಡಿಕ್ಕಿ ಹೊಡೆದಿದೆ. ಇದರಿಂದ ಬಸ್​ನ ಮುಂಭಾಗವೆಲ್ಲ ಫುಲ್ ಜಖಂ ಆಗಿದ್ದರಿಂದ ಡ್ರೈವರ್​ ಸೇರಿ ನಾಲ್ವರು ಪ್ರಯಾಣಿಕರು ಸ್ಥಳದಲ್ಲೇ ಜೀವ ಬಿಟ್ಟಿದ್ದಾರೆ. ಇನ್ನು ಸಾವಿನ ಸಂಖ್ಯೆ ಹೆಚ್ಚಾಗಬಹುದು ಎಂದು ಹೇಳಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ