/newsfirstlive-kannada/media/post_attachments/wp-content/uploads/2025/06/Abhimanyu_Easwaran.jpg)
ಇಂಗ್ಲೆಂಡ್ ವಿರುದ್ಧದ ಬಹುನಿರೀಕ್ಷಿತ 5 ಪಂದ್ಯಗಳ ಟೆಸ್ಟ್ ಸರಣಿ ಆರಂಭವಾಗಿದೆ. ಮೊದಲ ಟೆಸ್ಟ್ನಲ್ಲಿ ಟೀಮ್ ಇಂಡಿಯಾ ಹೀನಾಯ ಸೋಲು ಕಂಡಿದೆ. ಕೆಲ ಆಟಗಾರರ ಪ್ರದರ್ಶನ ಮೆಚ್ಚಿಕೊಂಡಿರುವ ಕ್ರಿಕೆಟ್ ಪ್ರಿಯರಿಗೆ, ಲೀಡ್ಸ್ ಟೆಸ್ಟ್ ಸೋಲು ಮಾತ್ರವೇ ಅಲ್ಲ. ಕೆಲ ಆಟಗಾರರ ಆಯ್ಕೆಯೂ ಅಸಮಾಧಾನ ತರಿಸಿದೆ. ಇದಕ್ಕೆಲ್ಲ ಕಾರಣ ಐಪಿಎಲ್ಗೆ ಆದ್ಯತೆ. ದೇಶಿ ಕ್ರಿಕೆಟ್ ಆಟಕ್ಕೆ ಕಡಗಣನೆ.
ಟೀಮ್ ಇಂಡಿಯಾದಲ್ಲಿ ಶುಭಮನ್ ಗಿಲ್ ನಾಯಕತ್ವದ ಹೊಸ ಪರ್ವ ಶುರುವಾಗಿದೆ. ಮೊದಲ ಟೆಸ್ಟ್ನ ಮೊದಲ ಇನ್ನಿಂಗ್ಸ್ನಲ್ಲೇ ಟೀಮ್ ಇಂಡಿಯಾ ಅದ್ಭುತ ಆಟವಾಡಿದೆ. ಆದ್ರೆ, ಇದೇ ಪಂದ್ಯದಲ್ಲಿ ಸಾಯಿ ಸುದರ್ಶನ್ಗೆ ಟೆಸ್ಟ್ ಕ್ಯಾಪ್ ನೀಡಿ ದೇಶಿ ಕ್ರಿಕೆಟ್ ಅಭಿಮನ್ಯು ಈಶ್ವರನ್ಗೆ ಬೆಂಚ್ ಕಾಯಿಸಿದ ನಡೆ ಕ್ರಿಕೆಟ್ ಅಭಿಮಾನಿಗಳ ಅಸಮಾಧಾನಕ್ಕೆ ಕಾರಣವಾಗಿದೆ. ಅಷ್ಟೇ ಅಲ್ಲ, ದೇಶಿ ಕ್ರಿಕೆಟ್ಗಿಂತ ಐಪಿಎಲ್ ಪ್ರದರ್ಶನವೇ ಟೀಮ್ ಇಂಡಿಯಾ ಡೆಬ್ಯುಗೆ ಮುಖ್ಯನಾ ಎಂಬ ಪ್ರಶ್ನೆ ಹುಟ್ಟಿಹಾಕಿದೆ. ಇದಕ್ಕೆ ಕಾರಣ ಟೀಮ್ ಇಂಡಿಯಾದಲ್ಲಿ ನಡೀತ್ತಿರುವ ಧೋರಣೆ.
ದೇಶಿ ಕ್ರಿಕೆಟ್ ಹೀರೋ ಈಶ್ವರನ್ಗೆ ಯಾಕಿಲ್ಲ ಸ್ಥಾನ..?
ಅಭಿಮನ್ಯು ಈಶ್ವರನ್.. ಕಳೆದ 3 ವರ್ಷಗಳಿಂದ ಟೀಮ್ ಇಂಡಿಯಾದ ವಾಟರ್ ಭಾಯ್.. ಗೆಸ್ಟ್ ಅಪಿರಿಯನ್ಸ್ ಪ್ಲೇಯರ್. ಒಂದಲ್ಲ ಎರಡಲ್ಲ, 2022ರ ಬಾಂಗ್ಲಾ ಪ್ರವಾಸದಿಂದಲೂ ಬಹುಪಾಲು ಟೆಸ್ಟ್ ಸರಣಿಗಳಲ್ಲಿ ಅಭಿಮನ್ಯು ಈಶ್ವರನ್ಗೆ ಟೀಮ್ ಇಂಡಿಯಾದಲ್ಲಿ ಸ್ಥಾನ ಸಿಕ್ಕಿದೆ. ಆದ್ರೆ, ಆಡುವ ಹನ್ನೊಂದರಲ್ಲಿ ಮಾತ್ರ ಸ್ಥಾನ ಇಲ್ಲ. ಬಹುತೇಕ ಸರಣಿಗಳಲ್ಲಿ ಕೇವಲ ಬೆಂಚ್ ಬಿಸಿ ಮಾಡಿದ ಅಭಿಮನ್ಯು, ಇಂಗ್ಲೆಂಡ್ ಸರಣಿಯಲ್ಲಾದರು ಡೆಬ್ಯು ಮಾಡುವ ಕನಸು ಕಂಡಿದ್ದರು. ಆದ್ರೆ, ಆ ಕನಸು ಭಗ್ನಗೊಂಡಿದೆ. ದೇಶಿ ಕ್ರಿಕೆಟ್ನಲ್ಲಿ ಟನ್ ಗಟ್ಟಲೇ ರನ್ ಗಳಿಸಿದ ಈಶ್ವರನ್ಗೆ ಕನಿಷ್ಠ ಒಂದೇ ಒಂದು ಚಾನ್ಸ್ ನೀಡದೆ ಅನ್ಯಾಯ ಎಸಗಿದೆ.
ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಅಭಿಮನ್ಯು
ಇದುವರೆಗೆ 103 ಪ್ರಥಮ ದರ್ಜೆ ಪಂದ್ಯಗಳನ್ನಾಡಿರುವ ಅಭಿಮನ್ಯು ಈಶ್ವರನ್, 48.70 ಸರಾಸರಿಯಲ್ಲಿ 7841 ರನ್ ಗಳಿಸಿದ್ದಾರೆ. ಈ ಪೈಕಿ 27 ಶತಕ, 31 ಅರ್ಧ ಶತಕ ದಾಖಲಿಸಿದ್ದಾರೆ. ಇಷ್ಟಾದ್ರೂ, ಅಭಿಮನ್ಯ ಈಶ್ವರನ್ ಬದಲಿಗೆ ಸಾಯಿ ಸುದರ್ಶನ್ಗೆ ಪ್ಲೇಯಿಂಗ್ ಇಲೆವೆನ್ನಲ್ಲಿ ಸ್ಥಾನ ನೀಡಿರುವುದು ಅಭಿಮಾನಿಗಳ ಆಕ್ರೋಶಕ್ಕೆ ಮಾತ್ರವೇ ಕಾರಣವಾಗಿಲ್ಲ. ಟೀಮ್ ಇಂಡಿಯಾ ಆಯ್ಕೆ, ಡೆಬ್ಯು ಮಾನದಂಡಗಳನ್ನು ಪ್ರಶ್ನಿಸುವಂತೆ ಮಾಡಿದೆ.
ಟೀಮ್ ಇಂಡಿಯಾ ಪರ ಆಡಲು ಇನ್ನೇನು ಮಾಡಬೇಕು..?
ದೇಶಿ ಕ್ರಿಕೆಟ್ನಲ್ಲಿ 7841 ರನ್. 48.70 ಬ್ಯಾಟಿಂಗ್ ಅವರೇಜ್. 27 ಶತಕ. 31 ಅರ್ಧಶತಕ. ಇದು ಅಭಿಮನ್ಯು ಈಶ್ವರನ್ರ ಫಸ್ಟ್ ಕ್ಲಾಸ್ ಕ್ರಿಕೆಟ್ನ ಟ್ರ್ಯಾಕ್ ರೆಕಾರ್ಡ್. ಈ ಟ್ರ್ಯಾಕ್ ರೆಕಾರ್ಡ್ ಸದ್ಯ ಟೀಮ್ ಇಂಡಿಯಾ ಪರ ಆಡ್ತಿರುವ ಹಾಗೂ ಇತ್ತಿಚೆಗೆ ಡೆಬ್ಯು ಮಾಡಿರುವ ಯಾವೊಬ್ಬ ಕ್ರಿಕೆಟರ್ ಸಹ ಹೊಂದಿಲ್ಲ. ಬೇರೆ ಯಾರೋ ಯಾಕೆ.? ಸದ್ಯ ಟೀಮ್ ಇಂಡಿಯಾಗೆ ಡೆಬ್ಯು ಮಾಡಿದ ಸಾಯಿ ಸುದರ್ಶನ್ ಸಹ 39ರ ಬ್ಯಾಟಿಂಗ್ ಅವರೇಜ್ನಲ್ಲಿ ಗಳಿಸಿದ ರನ್ 1957. ಆಡಿದ ಪಂದ್ಯಗಳು 29 ಮಾತ್ರ. ಆದ್ರೆ, ಈಶ್ವರನ್ 103 ಪಂದ್ಯಗಳನ್ನಾಡಿರುವ ಅನುಭವ ಹೊಂದಿದ್ರು. ಟೀಮ್ ಇಂಡಿಯಾ ಪರ ಆಡುವ ಭಾಗ್ಯ ಸಿಕ್ಕಿಲ್ಲ.
ಸೀಸನ್-17ರ ಐಪಿಎಲ್ - ಹರ್ಷಿತ್ ರಾಣಾ ಟೆಸ್ಟ್ ಡೆಬ್ಯು..!
ಹರ್ಷಿತ್ ರಾಣಾ, ನಿತಿಶ್ ಕುಮಾರ್ ರೆಡ್ಡಿ ಸೀಸನ್-17 ಐಪಿಎಲ್ನಲ್ಲಿ ಬೆಳಕಿಗೆ ಬಂದ ಪ್ರತಿಭೆಗಳು. ಜಸ್ಟ್ ಒಂದೇ ಒಂದು ಸೀಸನ್ ಆಡಿದಷ್ಟೇ ಇವರ ಬದುಕೆ ಬದಲಾಯ್ತು. ಡೈರೆಕ್ಟ್ ಟಿ20 ತಂಡದಲ್ಲಿ ಸ್ಥಾನ ಪಡೆದ ಇವರು, ಟೆಸ್ಟ್ ಟೀಮ್ಗೆ ಎಂಟ್ರಿ ನೀಡಲು ಡೆಬ್ಯ ಮಾಡಲು ಆಗಿದ್ದು ಬೆರಳೆಣಿಗೆ ದಿನಗಳು ಮಾತ್ರ.
ಹರ್ಷಿತ್ ರಾಣಾ, ನಿತಿಶ್ ರೆಡ್ಡಿಗೆ ಹೋಲಿಕೆ ಮಾಡಿದ್ರೆ, ಸಾಯಿ ಸುದರ್ಶನ್, ಕಳೆದ ಎರಡು ಐಪಿಎಲ್ ಸೀಸನ್ಗಳಿಂದ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಈ ಬೆನ್ನಲ್ಲೇ ಟೆಸ್ಟ್ ಕ್ರಿಕೆಟ್ಗೆ ಬುಲಾವ್ ನೀಡಿದ್ದಾರೆ. ಅಷ್ಟೇ ಅಲ್ಲ, ಮೊದಲ ಸರಣಿಯಲ್ಲೇ ಡೆಬ್ಯು ಮಾಡಿದ್ದಾಗಿದೆ. ಆದ್ರೆ, 2022ರಿಂದ ಟೀಮ್ ಇಂಡಿಯಾದಲ್ಲಿ ಕಾಣಿಸಿಕೊಳ್ತಿರುವ ಈಶ್ವರನ್ಗೆ ಮಾತ್ರ, ಮತ್ತೆ ಮತ್ತೆ ಬೆಂಚ್ ಕಾಯಿಸ್ತಿರುವುದು ಇದೆಷ್ಟು ಸರಿ ಎಂಬ ಪ್ರಶ್ನೆ ಹುಟ್ಟದಿರಲ್ಲ.
ಇದನ್ನೂ ಓದಿ: BJP ಮಾಜಿ ಶಾಸಕನಿಗೆ ಬಿಗ್ ಶಾಕ್; 2ನೇ ಮದುವೆ, ಪಕ್ಷದಿಂದಲೇ ಸುರೇಶ್ ರಾಥೋಡ್ ಉಚ್ಚಾಟನೆ!
ಟೆಸ್ಟ್ ಕ್ರಿಕೆಟ್ಗೆ ಐಪಿಎಲ್ ಪ್ರದರ್ಶನ ಸಾಕೇ..?
ಟೀಮ್ ಇಂಡಿಯಾ ಎಂಟ್ರಿಗೆ ದೇಶಿ ಕ್ರಿಕೆಟ್ ಪ್ರದರ್ಶನ ಮುಖ್ಯವಾಗ್ತಿತ್ತು. ಆದ್ರೀಗ ಈ ಕಾಲ ಬದಲಾಗಿದೆ. ಟೆಸ್ಟ್ ಕ್ರಿಕೆಟ್ಗೆ ಸಂಬಂಧವೇ ಇಲ್ಲದ, ಐಪಿಎಲ್ನಲ್ಲಿ ಪ್ರದರ್ಶನ ನೀಡಿದ್ರೆ ಸಾಕು. ರೆಡ್ ಬಾಲ್ ಕ್ರಿಕೆಟ್ ಆಡುವ ಅವಕಾಶ ಸಿಗುತ್ತೆ. ವರ್ಷಾನುಗಟ್ಟಲೇ ದೇಶಿ ಕ್ರಿಕೆಟ್ನಲ್ಲಿ ರನ್ ಗಳಿಸಿದರ ಹೊರತಾಗಿಯೂ ಐಪಿಎಲ್ ಆಡಿದವರಿಗೆ ನೀಡ್ತಿರುವ ಆದ್ಯತೆ. ಇದು ಐಪಿಎಲ್ ಮುಂದೆ, ಭಾರತೀಯ ಕ್ರಿಕೆಟ್ನಲ್ಲಿ ಡೊಮೆಸ್ಟಿಕ್ ಕ್ರಿಕೆಟ್ಗಾಗಿರುವ ಸೋಲೇ ಆಗಿದೆ.
ಟೀಮ್ ಇಂಡಿಯಾ ಡೆಬ್ಯುಗೆ ಐಪಿಎಲ್ ಪ್ರದರ್ಶನಕ್ಕೆ ಆದ್ಯತೆ ನೀಡುವುದಾದ್ರೆ. ಭಾರತೀಯ ಕ್ರಿಕೆಟ್ನಲ್ಲಿ ಡೊಮೆಸ್ಟಿಕ್ ಕ್ರಿಕೆಟ್ ಮತ್ಯಾಕೆ ಎಂಬ ಪ್ರಶ್ನೆ ಹುಟ್ಟದಿರಲ್ಲ.
ವಿಶೇಷ ಸೂಚನೆ: ಕ್ರಿಕೆಟ್ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್ಫಸ್ಟ್ಚಾನೆಲ್ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ