1000 ಸಂಚಿಕೆ ಪೂರೈಸುತ್ತಿದ್ದಂತೆ ವೀಕ್ಷಕರಿಗೆ ಶಾಕಿಂಗ್ ಸುದ್ದಿ; ಪುಟ್ಟಕ್ಕನ ಮಕ್ಕಳು ಮುಕ್ತಾಯ ಆಗುತ್ತಾ?

ಪುಟ್ಟಕ್ಕನ ಮಕ್ಕಳು ಕತೆ ಮತ್ತೆ ಟೇಕ್​ ಆಫ್​ ಆಗಿದೆ. ಮುಕ್ತಾಯ ಆಗುತ್ತಾ ಅಂತ ಅಂದುಕೊಂಡಿದ್ದ ಸ್ಟೋರಿಗೆ ಹೊಸ ಹುರುಪು ತಗೊಂಡು ಬಂದಿದೆ​. ಇದೇ ಸಂದರ್ಭದಲ್ಲಿ ಸಾವಿರದ ಸಂಚಿಕೆ ಪೂರೈಸಿದೆ ಧಾರಾವಾಹಿ. ಅಶ್ವಿನಿ ನಕ್ಷತ್ರ, ಜೋಡಿ ಹಕ್ಕಿ, ಭೂಮಿಗೆ ಬಂದ ಭಗವಂತ ಸೇರಿದಂತೆ ಹಲವು ಯಶಸ್ವಿ ಧಾರಾವಾಹಿ ಕೊಡೆಗೆ ನೀಡಿರೋ ಆರೂರು ಜಗದೀಶ್​ ಅವರ ನಿರ್ಮಾಣದಲ್ಲಿ ಮೂಡಿ ಬರ್ತಿರೋ ಪುಟ್ಟಕ್ಕನ ಮಕ್ಕಳು ಕೂಡ ದಾಖಲೆಯ ಮೈಲಿಗಲ್ಲು ಸಾಧಿಸಿದೆ.

ಇದನ್ನೂ ಓದಿ:ಯಾರಿಗುಂಟು ಯಾರಿಗಿಲ್ಲ.. ಒಂದೇ ಸೀರಿಯಲ್​ನಲ್ಲಿ ತಾಯಿ, ಮಗ, ಮಗಳು ಜಬರ್ದಸ್ತ್​ ನಟನೆ

ಪಾತ್ರ ವರ್ಗದಲ್ಲಿ ಉಮಾಶ್ರೀ, ವಿದ್ಯಾಶ್ರೀ, ಸಂಜನಾ ಬುರ್ಲಿ, ಮಂಜು ಭಾಷಿನಿ, ಶ್ವೇತಾ, ಸಾರಿಕಾ, ಅಕ್ಷರಾ, ಸುಮಾ, ಧನುಷ್​, ರಮೇಶ್​ ಪಂಡಿತ್​ ಸೇರಿದಂತೆ ಪ್ರತಿಯೋಬ್ಬ ಕಲಾವಿದರ ವೀಕ್ಷಕರ ಮನಸ್ಸಲ್ಲಿ ವಿಶೇಷ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಪುಟ್ಟಕ್ಕನ ಮಕ್ಕಳು ಬಗ್ಗೆ ವೀಕ್ಷಕರಿಗೆ ಸಿಕ್ಕಾಪಟ್ಟೆ ಎಕ್ಸ್​ಪೆಕ್ಟೆಶನ್​ ಇದೆ. ಟಾಪ್​ ಲಿಸ್ಟ್​ನಲ್ಲಿದ್ದ ಸೀರಿಯಲ್​ಗೆ ಡಿಸಿ ಸ್ನೇಹಾ ಸಾವು ಹೊಡೆತ ಕೊಟ್ಟಿತು. ಸ್ನೇಹಾ ಪಾತ್ರ ಮಾಡ್ತಿದ್ದ ಸಂಜನಾ ಬುರ್ಲಿ ಅವರು ವಿದ್ಯಾಭ್ಯಾಸದ ಕಾರಣದಿಂದ ಪುಟ್ಟಕ್ಕನಿಂದ ಹೊರಬಂದ ನಂತರ ಟಿಆರ್​ಪಿ ಕಡಿಮೆ ಆಯ್ತು. ಈ ನಡುವೆ ಸಮಯ ಬದಲಾವಣೆ ಹೊಡೆತ ಎದುರಿಸಬೇಕಾಯ್ತು ಧಾರಾವಾಹಿ.

ಈ ನಡುವೆ ಸಾಕಷ್ಟು ಪಾತ್ರಗಳು ಬಂದು ಹೊದ್ವು. ಸ್ನೇಹ ಪಾತ್ರ ಎರಡು ಬಾರಿ ರಿಪ್ಲೇಸ್​ ಆಯ್ತು, ಇನ್ನೇನು ಪುಟ್ಟಕ್ಕನ ಕಥೆ ಮುಗಿತು ಅನ್ನೋವಾಗಲೇ ಸಾವಾಲುಗಳಿಗೆ ಸೆಡ್ಡು ಹೊಡೆದು ಸಾವಿರದ ಒಡತಿಯಾಗಿದ್ದಾಳೆ. ಪುಟ್ಟಕ್ಕನ ಮಕ್ಕಳು ಮುಕ್ತಾಯ ಆಗುತ್ತಾ? ಎಂಬ ಪ್ರಶ್ನೆಗೆ ಉತ್ತರ ಹೌದು. ಈ ಹಿಂದೆ ನ್ಯೂಸ್​ ಫಸ್ಟ್​ ಜೊತೆ ಮಾತ್ನಾಡಿದ್ದ ಆರೂರು ಜಗದೀಶ್​ ಅವರು, ಸಾವಿರ ಸಂಚಿಕೆವರೆಗೂ ಸ್ಟೋರಿ ಮುಂದುವರೆಸುತ್ತೇವೆ. ಇದೇ ಸಂದರ್ಭದಲ್ಲೇ ಧಾರಾವಾಹಿಯನ್ನ ಮುಕ್ತಾಯ ಮಾಡುತ್ತೇವೆ ಅಂತ ಹೇಳಿದ್ದರು.

ಇದಕ್ಕೆ ಪುಷ್ಟಿ ಕೊಡುವಂತೆ, ಪುಟ್ಟಕ್ಕನ ಮನೆ ಇರೋ ಸೆಟ್​ ಭೂಮಿಕಾ ಹೌಸ್​ ಓನರ್​ ಖಾಸಗಿ ಚಾನಲ್​ ಒಂದಕ್ಕೆ ಸಂದರ್ಶನ ನೀಡಿದ್ರು. ಪುಟ್ಟಕ್ಕನ ಮಕ್ಕಳು ಇನ್ನು ಕೆಲವೇ ದಿನಗಳ ಮಾತ್ರ ಪ್ರಸಾರ ಆಗಲಿದೆ ಎಂದಿದ್ರು. ಇವರ ಊರ ಮುಖಂಡರ ಪಾತ್ರದಲ್ಲಿ ಪುಟ್ಟಕ್ಕನ ಮಕ್ಕಳಲ್ಲಿ ಆ್ಯಕ್ಟ್​ ಕೂಡ ಮಾಡಿದ್ದಾರೆ. ಈ ಬಗ್ಗೆ ಮುಂದಿನ ದಿನಗಳಲ್ಲಿ ನಾವು ಅಪ್​ಡೇಟ್​ ಕೊಡ್ತೀವಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ