6, 6, 6, 6, 6, 6; ಪಂಜಾಬ್​ ‘ಕಿಂಗ್’​ ಶ್ರೇಯಸ್​ ಅಯ್ಯರ್ ಘರ್ಜನೆ.. SRHಗೆ ಬಿಗ್​ ಟಾರ್ಗೆಟ್​

ಸನ್​ರೈಸರ್ಸ್​​ ಹೈದ್ರಾಬಾದ್​ ತಂಡ ಮೊದಲ ಬೌಲಿಂಗ್​ ಮಾಡಿ ಭಾರೀ ಅವಮಾನಕ್ಕೆ ಒಳಗಾಗಿದ್ದು ಬ್ಯಾಟಿಂಗ್ ಮಾಡಿದ ಪಂಜಾಬ್ ಕಿಂಗ್ಸ್ ಬೃಹತ್​ ಮೊತ್ತದ ರನ್​ಗಳನ್ನು ಕಲೆ ಹಾಕಿದೆ. 20 ಓವರ್​ಗಳಲ್ಲಿ 6 ವಿಕೆಟ್​ಗೆ 246 ರನ್​ಗಳ ಬೃಹತ್​ ಟಾರ್ಗೆಟ್​ ನೀಡಿದೆ.

ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್​ ತಂಡದ ಕ್ಯಾಪ್ಟನ್​ ಶ್ರೇಯಸ್ ಅಯ್ಯರ್ ಟಾಸ್ ಗೆದ್ದು ಮೊದಲ ಬ್ಯಾಟಿಂಗ್ ತೆಗೆದುಕೊಂಡರು. ಮೊದಲೇ ಯೋಜನೆಯಂತೆ ಆರಂಭಿಕ ಬ್ಯಾಟರ್ಸ್​ ಹೊಡಿಬಡಿ ಬ್ಯಾಟಿಂಗ್ ಮಾಡಿದರು. ಓಪನರ್ಸ್​ ಆದ ಪ್ರಿಯಾಂಶ್​ ಆರ್ಯ ಕೇವಲ 13 ಎಸೆತದಲ್ಲಿ 4 ಸಿಕ್ಸರ್​ ಇಂದ 36 ರನ್​ ಹೊಡೆದು ಔಟ್​ ಆದ್ರೆ, ಪ್ರಭಸಿಮ್ರನ್ ಸಿಂಗ್ ಕೇವಲ 23 ಬಾಲ್​ಗಳಲ್ಲಿ 7 ಬೌಂಡರಿಗಳಿಂದ 42 ರನ್​ಗೆ ಕ್ಯಾಚ್ ನೀಡಿ ಔಟ್ ಆದರು.

ಇದನ್ನೂ ಓದಿ: RCBಗೆ ಬೆಂಗಳೂರೇ ಅನ್​​ಲಕ್ಕಿ ಸ್ಟೇಡಿಯಂ.. ಸೋಲೋದ್ರಲ್ಲಿ ಕೆಟ್ಟ ದಾಖಲೆ, ಅದೆಷ್ಟು ಬಾರಿ ಸೋತಿದೆ?

ಪ್ರಭಸಿಮ್ರನ್ ಬಳಿಕ ಬ್ಯಾಟಿಂಗ್​ಗೆ ಬಂದ ಕ್ಯಾಪ್ಟನ್​ ಶ್ರೇಯಸ್ ಅಯ್ಯರ್, ಹೈದ್ರಾಬಾದ್​ ಬೌಲರ್ಸ್​ಗೆ ಆಕಾಶದಲ್ಲಿನ ಚುಕ್ಕಿಗಳನ್ನು ತೋರಿಸಿದರು. ಬ್ಯಾಟಿಂಗ್​ನಲ್ಲಿ ಘರ್ಜನೆ ಮಾಡಿದ ಶ್ರೇಯಸ್ ಕೇವಲ 23 ಎಸೆತಗಳಲ್ಲಿ 2 ಫೋರ್, 5 ಅಮೋಘ ಸಿಕ್ಸರ್​ಗಳಿಂದ ಅರ್ಧಶತಕ ಪೂರೈಸಿದರು. ಅಯ್ಯರ್​ಗೆ ಒಳ್ಳೆಯ ಸಾಥ್ ಕೊಟ್ಟ ನೆಹಾಲ್ ವಧೇರಾ 27 ರನ್​ ಗಳಿಸಿ ತಂಡಕ್ಕೆ ಮೆಲ್ಲಗೆ ರನ್​ಗಳನ್ನ ತಂದು ಕೊಡುತ್ತಿದ್ದರು.

ಕೊನೆಗೆ ಶ್ರೇಯಸ್ ಅಯ್ಯರ್ 36 ಎಸೆತಗಳಲ್ಲಿ 6 ಬೌಂಡರಿ, 6 ಸಿಕ್ಸರ್​ಗಳಿಂದ ಅಮೋಘವಾದ 82 ರನ್​ಗಳ ಕಾಣಿಕೆ ನೀಡಿ, ಟ್ರಾವಿಸ್​ ಹೆಡ್​ಗೆ ಕ್ಯಾಚ್​ ಕೊಟ್ಟರು. ಮ್ಯಾಕ್ಸ್​ವೆಲ್​ 3 ರನ್​ಗೆ ಔಟ್​ ಆಗಿ ಮತ್ತೆ ಬ್ಯಾಟಿಂಗ್​​ನಲ್ಲಿ ವಿಫಲರಾದರು. ಕೊನೆಯಲ್ಲಿ ಘರ್ಜಿಸಿದ ಮಾರ್ಕಸ್ ಸ್ಟೊನಿಸ್ ಕೇವಲ 11 ಬಾಲ್​ಗಳಲ್ಲಿ 34 ರನ್​ ಚಚ್ಚಿದರು. ಕೊನೆ ಓವರ್​ನಲ್ಲಿ ಮೊಹಮ್ಮದ್ ಶಮಿಗೆ ಮಾರ್ಕಸ್ ಸ್ಟೊನಿಸ್ ಸತತ 4 ಸಿಕ್ಸರ್​ಗಳನ್ನು ಬಾರಿಸಿದರು. ಇದರಿಂದ ಪಂಜಾಬ್​ ಕಿಂಗ್ಸ್​ 246 ರನ್​ಗಳ ದೊಡ್ಡ ಮೊತ್ತದ ಟಾರ್ಗೆಟ್​ ಅನ್ನು ಸೆಟ್​ ಮಾಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ