ಧೋನಿ, ರೋಹಿತ್, ಕೊಹ್ಲಿ ಅಲ್ಲವೇ ಅಲ್ಲ.. IPL​ನಲ್ಲಿ ಬೆಸ್ಟ್​ ಕ್ಯಾಪ್ಟನ್​ ಯಾರು..?

ಈ ಬಾರಿಯ ಐಪಿಎಲ್​ನಲ್ಲಿ ಪಂಜಾಬ್​ ಪಡೆಯ ಸಾರಥಿ ಶ್ರೇಯಸ್​ ಅಯ್ಯರ್​ ಎಲ್ಲರ ಗಮನ ಸೆಳೆದಿದ್ದಾರೆ. ಶ್ರೇಯಸ್​​ ಸೈಲೆಂಟ್​​ ಸ್ಟ್ರಾಟಜಿಗಳಿಗೆ ಎದುರಾಳಿಗಳು ಮಕಾಡೆ ಮಲಗಿದ್ರೆ, ದಿಗ್ಗಜರು ಶಹಬ್ಬಾಸ್​​ ಅಂತಿದ್ದಾರೆ. ಡಿಫರೆಂಟ್​ ನಾಯಕತ್ವದಿಂದ ಕ್ಯಾಪ್ಟನ್​​ ಶ್ರೇಯಸ್​​ ಎಲ್ಲರ ಮನ ಗೆದ್ದಿದ್ದಾರೆ.

ಇಂಡಿಯನ್ ಪ್ರೀಮಿಯರ್​ ಲೀಗ್​ನ ಸಕ್ಸಸ್​​​​ ಫುಲ್ ಕ್ಯಾಪ್ಟನ್ಸ್​ ಎಂದಾಕ್ಷಣ ಕಣ್ಮುಂದೆ ಬರೋದು ಮಹೇಂದ್ರ ಸಿಂಗ್ ಧೋನಿ, ಹಿಟ್​ಮ್ಯಾನ್ ರೋಹಿತ್ ಶರ್ಮಾ. ಬರೋಬ್ಬರಿ 5 ಬಾರಿ ಟ್ರೋಫಿ ಗೆದ್ದಿರುವ ಸಾಧನೆ ಮಾಡಿರುವ ಇವರು, ಐಪಿಎಲ್​ನ ಲೆಜೆಂಡರಿ ಕ್ಯಾಪ್ಟನ್​ಗಳು ಅಂತಾನೇ ಫೇಮಸ್. ಆದ್ರೀಗ ಇವರನ್ನೇ ಮೀರಿಸುವ ನಾಯಕನಾಗುವತ್ತ ಹೆಜ್ಜೆ ಹಾಕಿದ್ದಾರೆ ಶ್ರೇಯಸ್ ಅಯ್ಯರ್​​​.

ಐಪಿಎಲ್​ ನಾಯಕನಾಗಿ ಶ್ರೇಯಸ್ ಅಯ್ಯರ್ ಕಮಾಲ್..!

ಕಳೆದ ಸೀಸನ್​ನಲ್ಲಿ ಕೊಲ್ಕತ್ತಾ ತಂಡವನ್ನು ಚಾಂಪಿಯನ್ ಪಟ್ಟಕ್ಕೇರಿಸಿದ್ದ ಶ್ರೇಯಸ್​​ ಅಯ್ಯರ್, ಪ್ರಸಕ್ತ ಸೀಸನ್​ನಲ್ಲಿ ಪಂಜಾಬ್ ಚುಕ್ಕಾಣಿ ಹಿಡಿದಿದ್ದಾರೆ. ಶ್ರೇಯಸ್ ಅಯ್ಯರ್, ಪಂಜಾಬ್ ನಾಯಕನಾದ ಬೆನ್ನಲ್ಲೇ ಈ ಸೀಸನ್​ನಲ್ಲಿ ಪಂಜಾಬ್​ ಚರಿಷ್ಮಾ ಬದಲಾಗುತ್ತೆ ಅನ್ನೋ ನಿರೀಕ್ಷೆ ಅಭಿಮಾನಿಗಳಲ್ಲಿ ಮನೆ ಮಾಡಿತ್ತು. ಆದ್ರೆ, ತನ್ನ ಆಟದ ಮೂಲಕ ಆ ನಂಬಿಕೆ ಉಳಿಸಿಕೊಂಡಿದ್ದಾರೆ ಶ್ರೇಯಸ್​ ಅಯ್ಯರ್.

ಕ್ರೀಸ್​ನಲ್ಲಿ ಬ್ಯಾಟ್ ಹಿಡಿದು ಹೆಚ್ಚು ಸದ್ದು ಮಾಡಿದ ಶ್ರೇಯಸ್ ಅಯ್ಯರ್, ನಾಯಕನಾಗಿ ತಾನೇನು ಅನ್ನೋದನ್ನು ಫ್ರೂವ್ ಮಾಡಿದ್ದಾರೆ. ಹಿಂದೆಂದೂ ಕಾಣದ ಸಕ್ಸಸ್​ನ ಪಂಜಾಬ್ ತಂಡಕ್ಕೆ ನೀಡಿದ್ದಾರೆ. ಈ ಮೂಲಕ ಪಂಜಾಬ್ ಫ್ರಾಂಚೈಸಿಯ ನಂಬಿಕೆ ಮಾತ್ರವೇ ಉಳಿಸಿಕೊಳ್ಳಲಿಲ್ಲ. ತಾನೋರ್ವ ಬೆಸ್ಟ್​ ಕ್ಯಾಪ್ಟನ್ ಎಂಬ ಸಂದೇಶವನ್ನು ಜಗತ್ತಿಗೆ ಸಾರಿದ್ದಾರೆ. ಜೊತೆಗೆ ದಿಗ್ಗಜ ನಾಯಕರನ್ನೇ ಹಿಂದಿಕ್ಕಿದ್ದಾರೆ.

ಐಪಿಎಲ್​ನ ದಿಗ್ಗಜ ನಾಯಕರಿಗೆ ಶ್ರೇಯಸ್ ಸೆಡ್ಡು..!

ಐಪಿಎಲ್​​ನ ದಿಗ್ಗಜ ನಾಯಕರು ಎಂದಾಕ್ಷಣ ರೋಹಿತ್ ಶರ್ಮಾ, ಮಹೇಂದ್ರ ಸಿಂಗ್ ಧೋನಿ, ಗೌತಮ್ ಗಂಭೀರ್ ಇವ್ರೆ ನೆನಪಾಗೋದು. ಯಾಕಂದ್ರೆ ಹೆಚ್ಚು ಟ್ರೋಫಿ ಗೆದ್ದಿದ್ದಾರೆ. ಈ ಲೆಜೆಂಡರಿ ನಾಯಕರನ್ನೇ ಶ್ರೇಯಸ್ ಅಯ್ಯರ್ ನಾಯಕತ್ವದ ವಿಚಾರದಲ್ಲಿ ಹಿಂದಿಕ್ಕಿದ್ದಾರೆ. ಒಂದು ಐಪಿಎಲ್​ ಟ್ರೋಫಿಯನ್ನೂ ಗೆದ್ದಿರೋ ಶ್ರೇಯಸ್, ವಿನ್ನಿಂಗ್ ಪರ್ಸಂಟೇಜ್​ನಲ್ಲಿ ನಂ.1 ಸ್ಥಾನ ಪಡೆದಿದ್ದಾರೆ.

ದಿಗ್ಗಜ ನಾಯಕರಿಗೆ ಶ್ರೇಯಸ್ ಸೆಡ್ಡು..!

ಐಪಿಎಲ್​ ನಾಯಕನಾಗಿ 82 ಪಂದ್ಯಗಳಲ್ಲಿ ತಂಡ ಮುನ್ನಡೆಸಿರುವ ಶ್ರೇಯಸ್ ಅಯ್ಯರ್, 45 ಪಂದ್ಯಗಳಲ್ಲಿ ಗೆದ್ದು ಬೀಗಿದ್ದಾರೆ. 32 ಪಂದ್ಯಗಳಲ್ಲಿ ಸೋಲು ಕಂಡಿದ್ದಾರೆ. 59.4ರ ವಿನ್ನಿಂಗ್ ಪರ್ಸಂಟೇಜ್​ ಹೊಂದಿದ್ದಾರೆ. ಧೋನಿ 233 ಪಂದ್ಯಗಳಿಂದ 135 ಮ್ಯಾಚ್ ಗೆದ್ದು, 79 ಪಂದ್ಯಗಳಲ್ಲಿ ಮುಖಭಂಗ ಅನುಭವಿಸಿದ್ದಾರೆ. 58.44ರಷ್ಟು ವಿನ್ನಿಂಗ್ ಪರ್ಸಂಟೇಜ್​​ ಹೊಂದಿದ್ದಾರೆ. 158 ಪಂದ್ಯಗಳ ಪೈಕಿ 87ರಲ್ಲಿ ಗೆಲುವು, 67ರಲ್ಲಿ ಸೋಲು ಕಂಡಿರುವ ರೋಹಿತ್, 56.32ರ ವಿನ್ನಿಂಗ್ ಪರ್ಸಂಟೇಜ್​​ ಹೊಂದಿದ್ರೆ. ಹಾರ್ದಿಕ್ 56 ಪಂದ್ಯಗಳ ಪೈಕಿ 33ರಲ್ಲಿ ಗೆಲುವು, 23 ಪಂದ್ಯದಲ್ಲಿ ಸೋಲುಂಡಿದ್ದಾರೆ. 58.9ರಷ್ಟು ವಿನ್ನಿಂಗ್ ಪರ್ಸಂಟೇಜ್​​ ಹೊಂದಿದ್ದಾರೆ.

ಇದನ್ನೂ ಓದಿ: ಕನ್ನಡಿಗನೂ ಸೇರಿ IPLನಲ್ಲಿ ಒನ್ ಮ್ಯಾಚ್ ಕಾ ಹೀರೋಗಳು.. ₹23 ಕೋಟಿ ಪ್ಲೇಯರ್​ ಫ್ಲಾಪ್!

ಸಿಕ್ಕ ಪ್ರತಿ ಅವಕಾಶದಲ್ಲೂ ಶ್ರೇಯಸ್ ಮಿಂಚು..!

2018ರ ಐಪಿಎಲ್​​ನ ಮಿಡ್ ವೇನಲ್ಲಿ ಡೆಲ್ಲಿ ತಂಡದ ನಾಯಕತ್ವದ ಚುಕ್ಕಾಣಿ ಹಿಡಿದ ಶ್ರೇಯಸ್ ಅಯ್ಯರ್, 2020ರ ಐಪಿಎಲ್​ನಲ್ಲಿ ಯುವ ಆಟಗಾರರನ್ನೇ ಒಳಗೊಂಡ ತಂಡವನ್ನ ಫೈನಲ್​ಗೆ ಕೊಂಡೊಯ್ದಿದ್ರು. ಡೆಲ್ಲಿ ನಾಯಕನಾಗಿ ದಿಗ್ಗಜ ಆಟಗಾರರೇ ಮಾಡದ ಸಾಧನೆ ಮಾಡಿದ್ರು. ಆದ್ರೆ, 2021ರಲ್ಲಿ ಇಂಜುರಿಯಿಂದ ಸೀಸನ್ ಅರ್ಧದಲ್ಲೇ ಹೊರಬಿದ್ದ ಶ್ರೇಯಸ್​​ಗೆ ಮತ್ತೆ ನಾಯಕತ್ವದ ಪಟ್ಟ ಸಿಗಲಿಲ್ಲ.

ಬಳಿಕ 2022ರಲ್ಲಿ ಕೆಕೆಆರ್ ಸೇರಿದ ಅಯ್ಯರ್​, 2024ರಲ್ಲಿ ಕೊಲ್ಕತ್ತಾ ತಂಡವನ್ನು ಚಾಂಪಿಯನ್ ಪಟ್ಟಕ್ಕೇರಿಸಿದರು. ಆದ್ರೆ, ಈ ಕ್ರೆಡಿಟ್ ಕಂಪ್ಲೀಟ್ ಗಂಭೀರ್ ಪಾಲಾಗಿತ್ತು. ಇದೀಗ, ಅದೇ ಶ್ರೇಯಸ್ ಅಯ್ಯರ್, ಪಂಜಾಬ್​ ನಾಯಕನಾಗಿ ಪ್ರಸಕ್ತ ಸೀಸನ್​​ನಲ್ಲಿ ಟ್ರೋಫಿ ಗೆಲುವಿನತ್ತ ದಿಟ್ಟ ಹೆಜ್ಜೆ ಇಟ್ಟಿದ್ದಾರೆ. ಪಂಜಾಬ್ ಪಡೆಯಲ್ಲಿ ಚೊಚ್ಚಲ ಟ್ರೋಫಿ ಗೆಲುವಿನ ಕನಸು ಹುಟ್ಟು ಹಾಕಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ