RCB ಜೊತೆ ಹೋರಾಟ ನಡೆಸೋ ಪಂಜಾಬ್ ಕಿಂಗ್ಸ್​​ನ ಸ್ಟ್ರೆಂಥ್, ​ವೀಕ್ನೆಸ್ ಏನೇನು..?

ಈ ಬಾರಿಯ ಐಪಿಎಲ್​ನಲ್ಲಿ ಶ್ರೇಯಸ್ ಅಯ್ಯರ್ ನೇತೃತ್ವದಲ್ಲಿ ಪಂಜಾಬ್ ಕಿಂಗ್ಸ್​ ಸದ್ಯ ಪಾಯಿಂಟ್​ ಟೇಬಲ್​ನಲ್ಲಿ ಟಾಪ್​ನಲ್ಲಿದೆ. 11 ವರ್ಷಗಳ ಬಳಿಕ ಫೈನಲ್​​ಗೇರುವ ತವಕದಲ್ಲಿದೆ. ಈ ಬಾರಿ ಹೊಸ ಕ್ಯಾಪ್ಟನ್​ ಅನ್ನು ತಂಡಕ್ಕೆ ಕರೆತಂದು ಟ್ರೋಫಿಗೆ ಇನ್ನೊಂದೇ ಹೆಜ್ಜೆ ಎನ್ನುವಂತೆ ಕಾಯುತ್ತಿದೆ. ಈ ಬಾರಿ ಬಲಿಷ್ಠ ತಂಡವಾಗಿ ಹೊರ ಹೊಮ್ಮಿರುವ ಪಂಜಾಬ್​ ಇಂದು ಆರ್​ಸಿಬಿ ಜೊತೆ ಅಖಾಡಕ್ಕೆ ಇಳಿಯುತ್ತಿದೆ. ಇದರ ನಡುವೆ ಪಂಜಾಬ್​ ಕಿಂಗ್ಸ್​ನ ಸ್ಟ್ರೆಂಥ್​ & ವೀಕ್ನೆಸ್ ಏನು?.

ಪಂಜಾಬ್ ಕಿಂಗ್ಸ್​ ತಂಡದ ಸಕ್ಸಸ್​ ಸಿಕ್ರೇಟ್​​ ಅಂದ್ರೆ, ಪ್ರಿಯಾಂಶ್ ಆರ್ಯ ಹಾಗೂ ಪ್ರಭಾಸಿಮ್ರಾನ್ ಸಿಂಗ್ ಓಪನಿಂಗ್ ಬ್ಯಾಟಿಂಗ್. ಇವ್ರೇ ಅಲ್ಲ. ಪವರ್​ ಪ್ಲೇ ಹಾಗೂ ಮಿಡಲ್ ಓವರ್​ಗಳಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸುವ ಜೋಶ್ ಇಂಗ್ಲಿಷ್​, ಪಂಜಾಬ್ ಶಕ್ತಿ ಆಗಿದ್ದಾರೆ. ಶ್ರೇಯಸ್ ಅಯ್ಯರ್ ನಾಯಕತ್ವ ಹಾಗೂ ಸಮಯೋಚಿತ ಬ್ಯಾಟಿಂಗ್ ತಂಡಕ್ಕೆ ದೊಡ್ಡ ಬಲವಾಗಿರುತ್ತದೆ. ಲೋವರ್ ಆರ್ಡರ್​​ನಲ್ಲಿ ನೇಹಲ್ ವಡೇರಾ, ಶಶಾಂಕ್ ಸಿಂಗ್, ಮಾರ್ಕಸ್ ಸ್ಟೋಯ್ನಿಸ್ ಮ್ಯಾಚ್​ ಫಿನಿಷರ್ ರೋಲ್​ ತಂಡಕ್ಕೆ ಆಧಾರವಾಗಿದ್ದಾರೆ.

ಇದನ್ನೂ ಓದಿ: IPL​ನಲ್ಲಿ ಶ್ರೇಯಸ್​ ಅಯ್ಯರ್ ಟ್ರ್ಯಾಕ್​ ರೆಕಾರ್ಡ್​ RCBಗೆ ಭಯ ಹುಟ್ಟಿಸುತ್ತಾ?

ಮಾರ್ಕೊ ಯಾನ್ಸನ್ ಆಲ್​ರೌಂಡರ್ ಆಟದ ಜೊತೆಗೆ ವೇಗಿ ಆರ್ಶ್​ದೀಪ್ ಸಿಂಗ್, ಸ್ಪಿನ್ನರ್​ ಹರ್ಪ್ರೀತ್ ಬ್ರಾರ್ ತಂಡದ ಬೌಲಿಂಗ್ ಶಕ್ತಿಯಾಗಿದ್ದಾರೆ. ಆದ್ರೆ, ಯಜುವೇಂದ್ರ ಚಹಲ್ ಅಲಭ್ಯತೆ ತಂಡಕ್ಕೆ ಹಿನ್ನಡೆಯಾಗಿದ್ರೆ, ಕೈಲ್​ ಜೇಮೀಸನ್, ವೈಶಾಕ್ ವಿಜಯ್​ ದುಬಾರಿ ಸ್ಪೆಲ್​ಗಳ ಪಂಜಾಬ್ ಕಿಂಗ್ಸ್​ಗೆ ಮಾರಕವಾಗಿವೆ.

9 ವರ್ಷಗಳ ಬಳಿಕ ಫೈನಲ್​ ಕನಸಿನಲ್ಲಿ ಬೆಂಗಳೂರು ಬಾಯ್ಸ್​.​!

ಲೀಗ್​ ಹಂತದಲ್ಲಿ ಅದ್ಭುತ ಆಟವಾಡಿರುವ ಉಭಯ ತಂಡಗಳು, ಈಗ ಐಪಿಎಲ್​ ಫೈನಲ್​ ಕನವರಿಕೆಯಲ್ಲಿವೆ. 2014ರ ಬಳಿಕ ಫೈನಲ್​​ಗೇರುವ ಸುವರ್ಣವಕಾಶ ಹೊಂದಿರುವ ಪಂಜಾಬ್ ಕಿಂಗ್ಸ್​, ಶತಯಗತಾಯ ಈ ಅವಕಾಶ ಸದ್ಬಳಕೆ ಮಾಡಿಕೊಳ್ಳುವ ಉತ್ಸಾಹದಲ್ಲಿದೆ. ಇತ್ತ 2016ರ ಬಳಿಕ ಕ್ವಾಲಿಫೈಯರ್ ಆಡ್ತಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸಹ, 9 ವರ್ಷಗಳ ಬಳಿಕ ಐಪಿಎಲ್​​ನಲ್ಲಿ ಪ್ರಶಸ್ತಿ ಸುತ್ತಿಗೇರುವ ಚಾನ್ಸ್​ ಇದೆ. ಈ ಇಬ್ಬರಲಲ್ಲಿ ಯಾರು ಪ್ರಶಸ್ತಿ ಸುತ್ತಿಗೇರ್ತಾರೆ ಅನ್ನೋದನ್ನ ಜಸ್ಟ್ ವೇಯ್ಟ್​ ಆ್ಯಂಡ್ ಸೀ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ