ಬರೋಬ್ಬರಿ 26.75 ಕೋಟಿಗೆ ಖರೀದಿ ಮಾಡಿದ್ದ ಪಂಜಾಬ್​; ಬಿಗ್​ ಶಾಕ್​ ಕೊಟ್ಟ ಶ್ರೇಯಸ್​ ಅಯ್ಯರ್​​

2024ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ನಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡವನ್ನು ಚಾಂಪಿಯನ್​ ಮಾಡಿದ್ದು ಶ್ರೇಯಸ್​ ಅಯ್ಯರ್​​. ಇವರು ಇತ್ತೀಚೆಗೆ ನಡೆದ ಮೆಗಾ ಹರಾಜಿನಲ್ಲಿ ದಾಖಲೆ ಬೆಲೆಗೆ ಪಂಜಾಬ್​ ತಂಡದ ಪಾಲಾಗಿದ್ದಾರೆ.

ಶ್ರೇಯಸ್ ಅಯ್ಯರ್ 2 ಕೋಟಿ ಬೇಸ್​ ಪ್ರೈಸ್​ನೊಂದಿಗೆ ಮೆಗಾ ಹರಾಜಿನಲ್ಲಿ ಕಾಣಿಸಿಕೊಂಡರು. ಇವರ ಖರೀದಿಗಾಗಿ ಪಂಜಾಬ್ ಕಿಂಗ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಮಧ್ಯೆ ಭಾರೀ ಪೈಪೋಟಿ ಏರ್ಪಟ್ಟಿತ್ತು. ಕೊನೆಗೆ ಶ್ರೇಯಸ್ ಅಯ್ಯರ್ ಬರೋಬ್ಬರಿ 26.75 ಕೋಟಿಗೆ ಪಂಜಾಬ್ ಕಿಂಗ್ಸ್ ತಂಡದ ಪಾಲಾದ್ರು. ಐಪಿಎಲ್ ಇತಿಹಾಸದಲ್ಲೇ ಅತ್ಯಂತ ದುಬಾರಿ ಬೆಲೆಗೆ ಮಾರಾಟವಾದ ಆಟಗಾರರ ಪಟ್ಟಿಗೆ ಇವರು ಸೇರಿದ್ರು.

ಪಂಜಾಬ್​ ಕಿಂಗ್ಸ್​ಗೆ ಬಿಗ್​ ಶಾಕ್​​

ಐಪಿಎಲ್​ ವಿನ್ನಿಂಗ್​ ಕ್ಯಾಪ್ಟನ್​​ ಶ್ರೇಯಸ್​ ಅಯ್ಯರ್​​​ ಪಂಜಾಬ್​ ಕಿಂಗ್ಸ್​ಗೆ ಬಿಗ್​ ಶಾಕ್​ ಕೊಟ್ಟಿದ್ದಾರೆ. ಈ ಬಗ್ಗೆ ಮಾತಾಡಿರೋ ಅವರು, ನನ್ನನ್ನು ಖರೀದಿ ಮಾಡಿದ ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ಧನ್ಯವಾದಗಳು. ತಂಡದ ಪರ ಆಡಲು ಕಾಯುತ್ತಿದ್ದೇನೆ. ಮೊದಲಾರ್ಧ ಸೀಸನ್​​ ನಾನು ಲಭ್ಯ ಇರಲ್ಲ. ವೈಯಕ್ತಿಕ ಕಾರಣಗಳಿಂದ ಅರ್ಧ ಸೀಸನ್​​ ಹೊರಗುಳಿಯುತ್ತಿದ್ದೇನೆ ಎಂದಿದ್ದಾರೆ. ಅರ್ಧ ಸೀಸನ್​ ನಂತರ ತಂಡ ಸೇರಿಕೊಳ್ಳುವುದಾಗಿ ಶ್ರೇಯಸ್​ ಅಯ್ಯರ್​​ ತಿಳಿಸಿದ್ದಾರೆ.

2024ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​​ ಚಾಂಪಿಯನ್ ತಂಡ ​​ಕೋಲ್ಕತ್ತಾ ನೈಟ್ ರೈಡರ್ಸ್. ಕೆಕೆಆರ್​​ ತಂಡ ಐಪಿಎಲ್​​​ ಚಾಂಪಿಯನ್​ ಆಗುವಲ್ಲಿ ಶ್ರೇಯಸ್​ ಅಯ್ಯರ್​​ ಪ್ರಮುಖ ಪಾತ್ರವಹಿಸಿದ್ದರು. ಮುಂದಿನ ಸೀಸನ್​ಗೆ ಕೆಕೆಆರ್​ ತಂಡದಿಂದ ಕ್ಯಾಪ್ಟನ್​ ಶ್ರೇಯಸ್​ ಅಯ್ಯರ್​​ಗೆ ಕೊಕ್​ ನೀಡಲಾಗಿತ್ತು.

ಕೆಕೆಆರ್​​​ 2025ರ ರೀಟೈನ್​​ ಪಟ್ಟಿ ರಿಲೀಸ್​​​ ಮಾಡಿದೆ. ರಿಂಕು ಸಿಂಗ್ (13 ಕೋಟಿ), ಸುನಿಲ್ ನರೈನ್ (12 ಕೋಟಿ), ಆಂಡ್ರೆ ರಸೆಲ್ (12 ಕೋಟಿ), ವರುಣ್ ಚಕ್ರವರ್ತಿ (12 ಕೋಟಿ ), ಹರ್ಷಿತ್ ರಾಣಾ (ರೂ. 4 ಕೋಟಿ) ಮತ್ತು ರಮಣದೀಪ್ ಸಿಂಗ್​ಗೆ 4 ಕೋಟಿ ನೀಡಿ ಕೆಕೆಆರ್​ ಉಳಿಸಿಕೊಂಡಿದೆ. ಆದರೆ, ಕೆಕೆಆರ್​​​ ತಂಡದಿಂದ ಶ್ರೇಯಸ್​ ಅಯ್ಯರ್​ ಅವರನ್ನು ಕೈ ಬಿಟ್ಟಿತ್ತು.

ಇದನ್ನೂ ಓದಿ:RCB ಸ್ಟಾರ್​ ಆಟಗಾರನಿಗೆ ಖುಲಾಯಿಸಿದ ಅದೃಷ್ಟ; ಕ್ಯಾಪ್ಟನ್​ ಯಾರು? ಎಂದು ಬಿಚ್ಚಿಟ್ಟ ದಿಗ್ಗಜ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ