ಬ್ರಿಟಿಷರನ್ನು ಅಟ್ಟಾಡಿಸಿ ಹೊಡೆದ ಗಿಲ್​​.. ಯಂಗ್ ಟೈಗರ್ಸ್​ ಘರ್ಜನೆಗೆ ಸೈಲೆಂಟ್..!

ಎದುರಾಳಿ ತಂಡದಲ್ಲಿ ಸ್ಟಾರ್​​ಗಳ್ಯಾರು ಇಲ್ಲ. ಹೋಮ್​ ಕಂಡಿಷನ್ಸ್ ಅಡ್ವಾಂಟೇಜ್​ ಇದೆ. ಯಂಗ್​ ಇಂಡಿಯಾವನ್ನ ಸುಲಭಕ್ಕೆ ಮಣಿಸಬಹುದು ಅನ್ನೋ ಲೆಕ್ಕಾಚಾರದಲ್ಲಿದ್ದ ಇಂಗ್ಲೆಂಡ್​​ ತಂಡ ಮೊದಲ ಟೆಸ್ಟ್​ನ ಮೊದಲ ದಿನವೇ ಬೆಚ್ಚಿ ಬಿತ್ತು. ಟೀಮ್​ ಇಂಡಿಯಾದ ಯಂಗ್​​​ ಟೈಗರ್​​​ಗಳ ಘರ್ಜನೆಗೆ ಇಂಗ್ಲೆಂಡ್ ತಂಡ ಸೈಲೆಂಟಾಗಿ ಬಿಡ್ತು. ಲೀಡ್ಸ್​ ಮೈದಾನದಲ್ಲಿ ಯಶಸ್ವಿ ಜೈಸ್ವಾಲ್​, ಶುಭ್​​ಮನ್​ ಗಿಲ್​ ಆಂಗ್ಲರನ್ನ ಅಟ್ಟಾಡಿಸಿಬಿಟ್ರು.

ಆಂಗ್ಲರ ನಾಡಲ್ಲಿ ಟೀಮ್​ ಇಂಡಿಯಾದ ಯಂಗ್​​ ಘರ್ಜನೆ ಮುಂದುವರೆದಿದೆ. ಮೊದಲ ಟೆಸ್ಟ್​​ನಂತೆ 2ನೇ ಟೆಸ್ಟ್​​ನಲ್ಲೂ ಇಂಗ್ಲೆಂಡ್​​ ಬೌಲರ್​ಗಳು ಬಳಲಿ ಬೆಂಡಾಗಿದ್ದಾರೆ. ಯಶಸ್ವಿ ಜೈಸ್ವಾಲ್​, ಕ್ಯಾಪ್ಟನ್​ ಶುಭ್​ಮನ್​ ಗಿಲ್​​ ಆಂಗ್ಲರನ್ನ ಎಡ್ಜ್​ಬಾಸ್ಟನ್​​ನಲ್ಲೂ ಆ ರೇಂಜ್​ಗೆ ಬೆಂಡೆತ್ತಿದ್ದಾರೆ.

ಆಂಗ್ಲರ ನಾಡಲ್ಲಿ ಮುಂದುವರೆದ ಯಶಸ್ವಿ ಓಟ

2ನೇ ಟೆಸ್ಟ್​​ ಮೊದಲ ದಿನದಾಟದಲ್ಲಿ ಯಶಸ್ವಿ ಜೈಸ್ವಾಲ್​ ಇಂಗ್ಲೆಂಡ್​ ಬೌಲರ್​​ಗಳನ್ನ ಅಟ್ಟಾಡಿಸಿದ್ರು. ಓಪನರ್​ ಆಗಿ ಕಣಕ್ಕಿಳಿದ ಜೈಸ್ವಾಲ್​ ಆರಂಭದಲ್ಲಿ ತಾಳ್ಮೆಯ ಆಟವನ್ನೇ ಆಡಿದ್ರು. ಆದ್ರೆ, ಕ್ರೀಸ್​ನಲ್ಲಿ ಸೆಟಲ್​ ಆದ ಮೇಲೆ ಉಗ್ರಾವತಾರ ತಾಳಿದ್ರು. ಜೈಸ್ವಾಲ್​ ಅಬ್ಬರದ ಆಟಕ್ಕೆ ಆಂಗ್ಲರ ಪಡೆ ಕಂಗಾಲ್​ ಆಗೋಯ್ತು. ಇಂಡಿಯನ್​ ಯಂಗ್​​ ಟೈಗರ್ ಘರ್ಜನೆ ಹಂಗಿತ್ತು. 59 ಎಸೆತಕ್ಕೆ ಅರ್ಧಶತಕ ಕಂಪ್ಲೀಟ್​ ಮಾಡಿದ್ರು ಅಂದ್ರೆ ಅಬ್ಬರ ಹೇಗಿತ್ತು ಅನ್ನೋದನ್ನ ಅರ್ಥ ಮಾಡಿಕೊಳ್ಳಿ.

ಇದನ್ನೂ ಓದಿ: ಸೌದಿ ಗ್ಲೋಬಲ್​ ಟಿ20 ಲೀಗ್​​ ವಿರುದ್ಧ BCCI ಕೆಂಗಣ್ಣು.. ವಿಶ್ವ ಕ್ರಿಕೆಟ್ ಬೋರ್ಡ್​ಗಳ ನಡುವೆ ಮನಸ್ತಾಪ..!

ಬೌಂಡರಿಗಳಲ್ಲೇ ರನ್​ ಡೀಲ್​ ಮಾಡಿದ ಜೈಸ್ವಾಲ್​

ಎಡ್ಜ್​ಬಾಸ್ಟನ್​ ಅಂಗಳಲ್ಲಿ ಯಶಸ್ವಿ ಜೈಸ್ವಾಲ್​ ಬೌಂಡರಿಗಳಲ್ಲೇ ರನ್​ ಡೀಲ್​ ಮಾಡಿದ್ರು. 107 ಎಸೆತ ಎದುರಿಸಿದ ಜೈಸ್ವಾಲ್​ 13 ಬೌಂಡರಿ ಸಹಿತ 87 ರನ್​ ಸಿಡಿಸಿದ್ರು. ಅಂದ್ರೆ ಈ 87 ರನ್​ಗಳ ಪೈಕಿ 52 ರನ್​ಗಳು ಬೌಂಡರಿಯಿಂದಲೇ ಬಂದಿದ್ದು. ಬೊಂಬಾಟ್​ ಆಟವಾಡಿದ ಜೈಸ್ವಾಲ್​, ಟೀಮ್​ ಇಂಡಿಯಾಗೆ ಒಳ್ಳೆ ಫೌಂಡೇಶನ್​ ಹಾಕಿದ್ರು. ಬೇಸರದ ವಿಚಾರ ಏನಪ್ಪಾ ಅಂದ್ರೆ ಶತಕದ ಅಂಚಿನಲ್ಲಿ ಎಡವಿದ್ರು.

ಜೈಸ್ವಾಲ್​ ಅಗ್ರೆಸ್ಸಿವ್​ ಆಟ, ಗಿಲ್​ ತಾಳ್ಮೆಯ ಪಾಠ

ಒಂದೆಡೆ ಅಬ್ಬರಿಸಿ ಬೊಬ್ಬರಿದು ಆಂಗ್ಲರಿಗೆ ಕಾಟ ಕೊಟ್ರು. ಇನ್ನೊಂದೆಡೆ ಇಂಡಿಯನ್​​ ಕ್ಯಾಪ್ಟನ್​ ಶುಭ್​​ಮನ್​ ಗಿಲ್​ ತಾಳ್ಮೆಯ ಪಾಠ ಮಾಡಿದ್ರು. ಎಚ್ಚರಿಕೆಯ ಆಟವನ್ನಾಡಿದ ಶುಭ್​ಮನ್​ ಗಿಲ್​ ಬೌಲರ್​​ಗಳ ಬೆವರಿಳಿಸಿದ್ರು. ಇಷ್ಟೆ ಅಲ್ಲ, ಕಿಂಗ್​ಕೊಹ್ಲಿಯ ಸ್ಲಾಟ್​​ಗೆ ನಾನು ನ್ಯಾಯ ಒದಗಿಸಬಲ್ಲೇ ಅನ್ನೋದನ್ನ ಮತ್ತೊಮ್ಮೆ ನಿರೂಪಿಸಿದ್ರು. ನಾಯಕತ್ವ ಪ್ರೆಶರ್​ ಗಿಲ್​ ಬ್ಯಾಟಿಂಗ್​ ಮೇಲೆ ಬೀಳುತ್ತೆ ಅಂದವರಿಗೆ ಲೀಲಾಜಾಲವಾದ ಇನ್ನಿಂಗ್ಸ್​ನಿಂದಲೇ ಆನ್ಸರ್​ ಕೊಟ್ರು.

ಎಡ್ಜ್​ಬಾಸ್ಟನ್​ನಲ್ಲಿ ಗಿಲ್​ ಶತಕ ವೈಭವ

ಲೀಡ್ಸ್​​ ಟೆಸ್ಟ್​ನ ಫಸ್ಟ್​ ಇನ್ನಿಂಗ್ಸ್​ ಸೆಂಚುರಿ ಸಿಡಿಸಿದ್ದ ಗಿಲ್​ ಎಡ್ಜ್​ಬಾಸ್ಟನ್​ನಲ್ಲೂ ಸುಂದರ ಇನ್ನಿಂಗ್ಸ್​ ಕಟ್ಟಿದ್ರು. ಸ್ಲೋ ಅಂಡ್ ಸ್ಟಡಿ ಇನ್ನಿಂಗ್ಸ್​ ಕಟ್ಟಿದ ಗಿಲ್​​ ಅರ್ಧಶತಕದ ಗಡಿ ದಾಟೋಕೆ ಬರೋಬ್ಬರಿ 125 ಎಸೆತಗಳನ್ನ ತೆಗೆದುಕೊಂಡ್ರು. ಹಾಫ್​​​ ಸೆಂಚುರಿ ಸಿಡಿಸೋವರೆಗೆ ಕೇವಲ 5 ಬೌಂಡರಿ ಮಾತ್ರ ಬಾರಿಸಿದ್ರು.

ಇದನ್ನೂ ಓದಿ: ಮೊದಲ ದಿನವೇ ಟೀಮ್​ ಇಂಡಿಯಾ ಅಬ್ಬರ.. ಶತಕ ಸಿಡಿಸಿ ಮಿಂಚಿದ ಶುಭ್​ಮನ್​ ಗಿಲ್​

ಅರ್ಧಶತಕದ ಬಳಿಕವೂ ಗಿಲ್​ ತಾಳ್ಮೆಯ ಆಟ ಬಿಡಲಿಲ್ಲ. ವಿಕೆಟ್​ ಮಧ್ಯೆ ಓಡಿಯೇ ರನ್​​ಗಳಿಸಿದ್ರು. ಮಾಸ್ಟರ್​ಕ್ಲಾಸ್​ ಇನ್ನಿಂಗ್ಸ್​ ಕಟ್ಟಿದ ಗಿಲ್,​ 199 ಎಸೆತದಲ್ಲಿ ಬೌಂಡರಿ ಬಾರಿಸಿ ಶತಕ ಸಿಡಿಸಿದ್ರು. ಈ ಮೂಲಕ ಆಂಗ್ಲರ ನಾಡಲ್ಲಿ 2ನೇ ಶತಕ ಸಿಡಿಸಿದ ಸಾಧನೆ ಮಾಡಿದರು. ಟೆಸ್ಟ್​​ ಕ್ರಿಕೆಟ್​ 7ನೇ ಸೆಂಚುರಿ ಪೂರೈಸಿದ್ರು.

ಸೆಂಚುರಿ ಮುಗಿಸಿದ ಮಾತ್ರಕ್ಕೆ ಎಲ್ಲಾ ಮುಗಿದಿಲ್ಲ. ಪಿಚ್ಚರ್​ ಅಭಿ ಬಾಕಿ ಹೈ. 114 ರನ್​ಗಳಿಸಿರೋ ಗಿಲ್​ ಇಂದಿಗೆ ಕ್ರಿಸ್​​ ಕಾಯ್ದುಕೊಂಡಿದ್ದಾರೆ. ಸೆಂಚುರಿಯನ್ನ ಡಬಲ್​ ಸೆಂಚುರಿಯನ್ನಾಗಿ ಕನ್ವರ್ಟ್​​ ಮಾಡೋ ಎಲ್ಲಾ ಸುವರ್ಣಾವಕಾಶ ಗಿಲ್​ಗಿದೆ. ಮೊದಲ ದಿನದಾಟದ ಆಟ ನೋಡಿದ್ರೆ ಗಿಲ್​​ ಫುಲ್​ ಕಾನ್ಪಿಡೆಂಟ್​ ಆಗಿರೋದಂತೂ ಸತ್ಯ. ಹೀಗಾಗಿ ಇಂದಿನ ದಿನದಾಟದಲ್ಲೂ ಪಾಸಿಟಿವ್​ ಇಂಟೆಂಟ್​ನೊಂದಿಗೆ ಬ್ಯಾಟಿಂಗ್​ ನಡೆಸಲಿ. ಡಬಲ್​​ ಸೆಂಚುರಿ ಬಾರಿಸಲಿ ಅನ್ನೋದು ಎಲ್ಲರ ಆಶಯ.

ಇದನ್ನೂ ಓದಿ: ಗಿಲ್, ಜೈಸ್ವಾಲ್ ಆಟಕ್ಕೆ ಬೌಲರ್ಸ್​ ಸುಸ್ತು.. ತಂಡಕ್ಕೆ ಆತ್ಮವಿಶ್ವಾಸ ತುಂಬಿದ ಜಡೇಜಾ.. ಹೇಗಿತ್ತು ನಿನ್ನೆಯ ಆಟ..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ