ಶುಭ್​ಮನ್​ ಗಿಲ್ ಔಟ್ ಆಗಿದ್ದು ಹೇಗೆ.. ಕಿವೀಸ್​ ಆಲ್​ರೌಂಡರ್ ಹಿಡಿದ ಆ ಕ್ಯಾಚ್ ಹೇಗಿದೆ?

ಚಾಂಪಿಯನ್ ಟ್ರೋಫಿಯ ಫೈನಲ್ ಪಂದ್ಯದಲ್ಲಿ ಟೀಮ್ ಇಂಡಿಯಾದ ಓಪನರ್​ ಶುಭ್​ಮನ್ ಗಿಲ್ ಬಾರಿಸಿದ ಬಾಲ್​ ಅನ್ನು ಕಿವೀಸ್​ ಪ್ಲೇಯರ್ ಅತ್ಯದ್ಭುತವಾಗಿ ಕ್ಯಾಚ್ ಹಿಡಿದಿದ್ದಾರೆ. ಈ ಮೂಲಕ ಶುಭ್​ಮನ್ ಗಿಲ್ 31 ರನ್​ಗೆ ತನ್ನ ಬ್ಯಾಟಿಂಗ್ ಮುಗಿಸಿದ್ದಾರೆ. ​

ಚಾಂಪಿಯನ್ ಟ್ರೋಫಿಯ ಫೈನಲ್ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲ ಬ್ಯಾಟಿಂಗ್ ಮಾಡಿದ್ದ ಕಿವೀಸ್ 7 ವಿಕೆಟ್​ಗೆ 252 ರನ್​ಗಳ ಟಾರ್ಗೆಟ್ ನೀಡಿತ್ತು. ಈ ಟಾರ್ಗೆಟ್ ಬೆನ್ನ ಹತ್ತಿರುವ ಟೀಮ್ ಇಂಡಿಯಾ ಉತ್ತಮ ಆರಂಭ ಪಡೆದುಕೊಂಡಿತ್ತು. ಓಪನರ್​ಗಳಾದ ಕ್ಯಾಪ್ಟನ್ ರೋಹಿತ್ ಶರ್ಮಾ ಹಾಗೂ ಶುಭ್​ಮನ್ ಗಿಲ್​ ಒಳ್ಳೆಯ ಪರ್ಫಾಮೆನ್ಸ್​ನಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದರು. ಆದರೆ ಅದೊಂದು ಕ್ಯಾಚ್ ಈ ಇಬ್ಬರ ಜೋಡಿಯನ್ನು ಮುರಿಯಿತು. 

ಇದನ್ನೂ ಓದಿ: ಡಿವೋರ್ಸ್ ಬೆನ್ನಲ್ಲೇ ಇನ್ನೊಬ್ಬ ಯುವತಿ ಜೊತೆ ಸ್ಟಾರ್ ಕ್ರಿಕೆಟರ್ ಚಹಲ್.. ಆ ಹುಡುಗಿ ಯಾರು?

31 ರನ್​ ಗಳಿಸಿ ಶುಭ್​ಮನ್ ಗಿಲ್, ಕ್ಯಾಪ್ಟನ್​ ರೋಹಿತ್​ಗೆ ಸಾಥ್ ಕೊಡುತ್ತ ಬ್ಯಾಟಿಂಗ್ ಮಾಡುತ್ತಿದ್ದರು. ಈ ವೇಳೆ 19ನೇ ಓವರ್​ ಮಾಡಲು ಬಂದ ಸ್ಯಾಂಟ್ನರ್​ 3ನೇ ಬಾಲ್ ಹಾಕಿದರು. ಈ ಎಸೆತವನ್ನು ಗಿಲ್ ಗ್ಯಾಪ್​ ನೋಡಿ ಜೋರಾಗಿ ಬೌಂಡರಿಗಾಗಿ ಬಾರಿಸಿದ್ದರು. ಆದರೆ ಆಫ್​ಸೈಡ್ ಸ್ಟ್ರೇಟ್​ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದ ಗ್ಲೇನ್ ಪಿಲೀಫ್ಸ್​ ಅತ್ಯದ್ಭುತವಾಗಿ ಜಂಪ್ ಮಾಡಿ ಕ್ಯಾಚ್ ಹಿಡಿದರು.

ಗಿಲ್ ಹೊಡೆದ ಬಾಲ್​ ಅನ್ನು ಕ್ಷಣಾರ್ಧದಲ್ಲೇ ಗ್ಲೇನ್ ಪಿಲೀಫ್ಸ್​ ಚಂಗನೇ ಹಾರಿ ಹಿಡಿದಿರುವುದು ನೋಡಗರನ್ನ ಅಚ್ಚರಿಗೆ ತಳ್ಳಿದೆ. ಈ ರೀತಿಯೂ ಕ್ಯಾಚ್ ಹಿಡಿಯಬಹುದಾ ಎಂದುಕೊಳ್ಳುವಂತೆ ಚೆಂಡನ್ನು ಹಿಡಿದಿದ್ದರು. ಸದ್ಯ ಬ್ಯಾಟಿಂಗ್ ಮಾಡುತ್ತಿರುವ ಟೀಮ್ ಇಂಡಿಯಾ ಪ್ರಮುಖವಾದ ಎರಡು ವಿಕೆಟ್​ಗಳನ್ನು ಕಳೆದುಕೊಂಡು 26 ಓವರ್​ಗೆ 122 ರನ್​ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದೆ. ಕ್ರೀಸ್​ನಲ್ಲಿ ಕ್ಯಾಪ್ಟನ್ ರೋಹಿತ್ ಹಾಗೂ ಶ್ರೇಯಸ್ ಅಯ್ಯರ್ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

Flying man does it again 😱

What a catch by Glenn Phillips 🫡#INDvsNZ#ChampionsTrophy2025pic.twitter.com/CXlmPIJpfo

— 𝐊𝐀𝐑𝐍𝐀 🏹🌞🇮🇳 (@Suryaputhra07)

Flying man does it again 😱

What a catch by Glenn Phillips 🫡#INDvsNZ#ChampionsTrophy2025pic.twitter.com/CXlmPIJpfo

— 🅐🅣🅗🅤🅛 🕊️ (@Suryaputhra07) March 9, 2025

">March 9, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ