ಟೀಮ್ ಇಂಡಿಯಾದ ಕ್ಯಾಪ್ಟನ್​ ರೇಸ್​ನಲ್ಲಿ ಯುವ ಆಟಗಾರನ ಹೆಸರು.. ಕನ್ನಡಿಗನಿಗೆ ಚಾನ್ಸ್​ ಇಲ್ವಾ?

ಭಾರತ-ಪಾಕ್ ಘರ್ಷಣೆಯಿಂದ ಐಪಿಎಲ್ ಮುಂದೂಡಿಕೆಯಾಗಿದೆ.​​​​​​​​​​​ ಐಪಿಎಲ್​ ಮರು ಆಯೋಜನೆಯ ತಲೆನೋವಿನ ಜೊತೆಗೆ ಬಿಸಿಸಿಐ ವಲಯದಲ್ಲಿ ಮತ್ತೊಂದು ಟೆನ್ಶನ್​ ಮನೆ ಮಾಡಿದೆ. ಇಂಗ್ಲೆಂಡ್ ಪ್ರವಾಸಕ್ಕೆ ತಯಾರಿ ನಡೆಸ್ತಿರುವ ಬಿಸಿಸಿಐ ವಲಯದಲ್ಲಿ, ಹೊಸ ನಾಯಕನ ಹುಡುಕಾಟ ಜೋರಾಗಿದೆ.

ಇಂಡೋ-ಪಾಕ್ ಯುದ್ಧ ಭೀತಿಯೊಂದಾಗಿ ಐಪಿಎಲ್ 1 ವಾರ ಮುಂದೂಡಿದೆ. ಇತ್ತ ಐಪಿಎಲ್ ಮುಂದೂಡಿರುವ ಬಿಸಿಸಿಐ, ಮತ್ತೊಂದ್ಕಡೆ ಇಂಗ್ಲೆಂಡ್​ ಪ್ರವಾಸದ ಟೆಸ್ಟ್​ ಸರಣಿಗೆ ಸದ್ದಿಲ್ಲದೇ ಪ್ರಿಪರೇಶನ್​ ನಡೆಸ್ತಿದೆ. ಇನ್ನೇ ಕೆಲವೇ ದಿನಗಳಲ್ಲಿ ಇಂಗ್ಲೆಂಡ್ ಪ್ರವಾಸಕ್ಕೆ ಟೀಮ್ ಇಂಡಿಯಾವನ್ನು ಪ್ರಕಟಿಸುವ ಲೆಕ್ಕಾಚಾರದಲ್ಲಿರುವ ಸೆಲೆಕ್ಷನ್ ಕಮಿಟಿಗೆ, ಟೆಸ್ಟ್​ ತಂಡಕ್ಕೆ ನೂತನ ನಾಯಕನನ್ನ ಸೆಲೆಕ್ಟ್​ ಮಾಡುವುದೇ ಬಿಗ್ ಟಾಸ್ಕ್ ಆಗಿದೆ.

ಟೆಸ್ಟ್​ ಕ್ರಿಕೆಟ್​ಗೆ ಹಿಟ್​ಮ್ಯಾನ್ ರೋಹಿತ್​, ದಿಢೀರ್​ ಗುಡ್ ಬೈ ಹೇಳಿದ್ದಾರೆ. ಈ ಬೆನ್ನಲ್ಲೇ ಟೀಮ್ ಇಂಡಿಯಾದ ಟೆಸ್ಟ್​ ತಂಡದ ಮುಂದಿನ ಕ್ಯಾಪ್ಟನ್ ಯಾರ್ ಆಗ್ತಾರೆ ಎಂಬ ಪ್ರಶ್ನೆಗೆ ಉತ್ತರದ ಹುಡುಕಾಟ ನಡೀತಿದೆ. ಕೆಲ ಆಟಗಾರರ ಹೆಸರುಗಳು ನಾಯಕತ್ವದ ರೇಸ್​ನಲ್ಲಿ ಕೇಳಿ ಬರುತ್ತಿವೆ. ಈ ಪೈಕಿ ನಾಯಕತ್ವದ ಪಟ್ಟವನ್ನೇರಲು ಒಬ್ಬ ಯುವ ಆಟಗಾರನ ಹೆಸರು ಮುಂಚೂಣಿಯಲ್ಲಿದೆ.

ಬೂಮ್ರಾ, ಕೆ.ಎಲ್.ರಾಹುಲ್​ಗೆ ಇಲ್ಲ ಟೆಸ್ಟ್ ಕ್ಯಾಪ್ಟನ್ಸಿ!

ಟೆಸ್ಟ್​ ಕ್ಯಾಪ್ಟನ್ ಎಂದಾಕ್ಷಣ ಎಲ್ಲರ ಕಣ್ಣು ವೇಗಿ ಜಸ್ಪ್ರೀತ್ ಬೂಮ್ರಾ, ಕೆ.ಎಲ್.ರಾಹುಲ್ ಮೇಲೆ ಬಿದ್ದೇ ಬೀಳುತ್ತೆ. ಇದಕ್ಕೆ ಕಾರಣ ಇವರಿಬ್ಬರ ಟೆಸ್ಟ್ ಸಕ್ಸಸ್​. ಹೀಗಾಗಿ ಇವರಿಬ್ಬರು ಟೆಸ್ಟ್​ ಕ್ಯಾಪ್ಟನ್ಸಿಗೆ ಸ್ಟ್ರಾಂಗ್ ಕಂಟೇಡರ್​ಗಳು ಎನ್ನಲಾಗಿತ್ತು.

ರೋಹಿತ್ ಅಲಭ್ಯತೆಯಲ್ಲಿ ಕೆ.ಎಲ್.ರಾಹುಲ್, ಜಸ್​ಪ್ರೀತ್ ಬೂಮ್ರಾ ತಂಡವನ್ನು ಯಶಸ್ವಿಯಾಗಿ ಮುನ್ನಡೆಸಿದ್ರು. ಇವರಿಬ್ಬರು ಟೆಸ್ಟ್ ಫಾರ್ಮೆಟ್​ನಲ್ಲಿ ಮ್ಯಾಚ್ ವಿನ್ನರ್​ಗಳು ಕೂಡ ಹೌದು. ಸೇನಾ ಕಂಟ್ರಿಗಳಲ್ಲಿ ಉತ್ತಮ ಟ್ರ್ಯಾಕ್ ರೆಕಾರ್ಡ್ ಹೊಂದಿದ್ದಾರೆ. ಹೀಗಾಗಿ ಇವರಿಬ್ಬರು ಟೆಸ್ಟ್​ ನಾಯಕತ್ವಕ್ಕೆ ಬೆಸ್ಟ್ ಎಂಬ ಮಾತುಗಳಿದ್ವು. ಆದ್ರೆ, ಪದೇ ಪದೇ ಬ್ಯಾಕ್ ಇಂಜುರಿಗೆ ತುತ್ತಾಗ್ತಿರುದೋ ಜಸ್​ಪ್ರೀತ್ ಬೂಮ್ರಾ ನಾಯಕತ್ವದ ಕನಸಿಗೆ ಕೊಳ್ಳಿ ಇಟ್ಟಿದೆ. ಅತ್ತ ಕೆ.ಎಲ್.ರಾಹುಲ್ಗೆ ವಯಸ್ಸೇ ಮುಳುವಾಗಿದೆ.

ಶುಭ್​ಮನ್ ಗಿಲ್ V/S ಪಂತ್ ನಡುವೆ ಫೈಟ್​..!

ಕೆ.ಎಲ್.ರಾಹುಲ್, ಜಸ್​ಪ್ರೀತ್ ಬೂಮ್ರಾ ಅಲ್ದೇ, ಮತ್ಯಾರು ಟೆಸ್ಟ್ ತಂಡದ ನಾಯಕತ್ವಕ್ಕೆ ಸೂಕ್ತ ಎಂಬ ಪ್ರಶ್ನೆಗೆ ಉತ್ತರ ಶುಭ್​ಮನ್ ಗಿಲ್,​ ರಿಷಭ್ ಪಂತ್. ಈಗಾಗಲೇ ಏಕದಿನ ಹಾಗೂ ಟಿ20 ತಂಡದ ಉಪ ನಾಯಕನೂ ಆಗಿರುವ ಶುಭ್​ಮನ್ ಗಿಲ್​, ಫಸ್ಟ್ ಚಾಯ್ಸ್ ಎನಿಸಿದ್ದಾರೆ. ಆದ್ರೆ, ಶುಭ್​ಮನ್​ಗೆ ಹೋಲಿಸಿದ್ರೆ, ವಿಕೆಟ್ ಕೀಪರ್ ರಿಷಭ್ ಪಂತ್​ ಸೇನಾ ದೇಶಗಳಲ್ಲಿ ಅದ್ಭುತ ಟ್ರ್ಯಾಕ್ ರೆಕಾರ್ಡ್ ಹೊಂದಿದ್ದಾರೆ. ಹೀಗಾಗಿ ಇವರಿಬ್ಬರ ನಡುವೆ ಟಫ್ ಫೈಟ್​ ನಡೀತಿದೆ. ಆದ್ರೂ ಸೆಲೆಕ್ಷನ್​ ಕಮಿಟಿಯ ಒಲವು ಶುಭ್​ಮನ್​ ಗಿಲ್​ ಮೇಲಿದೆ.

ಟೆಸ್ಟ್ ಸಾರಥಿಯಾಗಿ ಪ್ರಿನ್ಸ್​​ ಗಿಲ್​​​ಗೆ​ ಪಟ್ಟಾಭಿಷೇಕ..?

ಇಂಗ್ಲೆಂಡ್ ಸರಣಿಯೊಂದಿಗೆ ನ್ಯೂ ವರ್ಲ್ಡ್​ ಟೆಸ್ಟ್ ಚಾಂಪಿಯನ್ ಶಿಪ್​ ಸೈಕಲ್ ಆರಂಭವಾಗಲಿದೆ. ಈ ಟೆಸ್ಟ್ ಸಿರೀಸ್​ನಿಂದಲೇ ಶುಭ್​ಮನ್ ಗಿಲ್, ಟೆಸ್ಟ್ ತಂಡದ ನಾಯಕತ್ವ ವಹಿಸಿಕೊಳ್ಳಲಿದ್ದಾರೆ ಅನ್ನೋದು ಬಿಸಿಸಿಐ ಮೂಲಗಳ ಬಲವಾದ ಮಾಹಿತಿಯಾಗಿದೆ. ಶುಭ್​ಮನ್​ ಗಿಲ್​ರನ್ನೇ ಟೆಸ್ಟ್​ ತಂಡದ ನಾಯಕನಾಗಿ ಮಾಡಲು ಹಲವು ಕಾರಣಗಳೂ ಇವೆ.

ಇದನ್ನೂ ಓದಿ: ಸೆಂಚುರಿ ಸಿಡಿಸಿದ ಸ್ಮೃತಿ ಮಂದಾನ.. ತ್ರಿಕೋನ ಏಕದಿನ ಸರಣಿಯ ಫೈನಲ್​ನಲ್ಲಿ ಟೀಮ್ ಇಂಡಿಯಾ ಜಯಭೇರಿ

ಯಾಕೆ ಶುಭ್​ಮನ್ ಗಿಲ್..?

• ಕೂಲ್ & ಕಾಮ್ ವ್ಯಕ್ತಿತ್ವ, ಪ್ರಬುದ್ಧತೆ
• ಕನ್ಸಿಸ್ಟೆನ್ಸಿ ಹಾಗೂ ಟೆಕ್ನಿಕಲಿ ಸ್ಟ್ರಾಂಗ್
• ಲಾಂಗ್ ಟರ್ಮ್​ ಕ್ಯಾಪ್ಟನ್ಸಿಗೆ ಬೆಸ್ಟ್​ ಚಾಯ್ಸ್​
• ನ್ಯೂ ಜನರೇಷನ್​​ ಲೀಡರ್​ಶಿಪ್​ಗೆ ಸಕಾಲ
• ಸಹ ಆಟಗಾರರ ಜೊತೆ ಉತ್ತಮ ಬಾಂಧವ್ಯ

ಕೆ.ಎಲ್.ರಾಹುಲ್, ಜಸ್​ಪ್ರೀತ್ ಬೂಮ್ರಾ, ರಿಷಭ್ ಪಂತ್​ಗೆ ಹೋಲಿಕೆ ಮಾಡಿದ್ರೆ, ಶುಭ್​​ಮನ್​ ಗಿಲ್​ ಫಿಟ್​ & ಫೈನ್​ ಆಗಿದ್ದಾರೆ. ಇಂಜುರಿ ಪ್ರೀ ಆಗಿರೋ ಗಿಲ್​​ ಪ್ರತಿ ಟೂರ್​ಗೂ ಲಭ್ಯ ಇರುವ ಆಟಗಾರ. ಸದ್ಯ ಐಪಿಎಲ್​​​​​​​​​​​​​​​​​​​​​​ನಲ್ಲೂ ನಾಯಕನಾಗಿ ಮೆಚ್ಯುರಿಟಿ ತೋರಿಸಿರುವ ಶುಭ್​ಮನ್, ಟಿ20, ಏಕದಿನ ತಂಡದ ಉಪ ನಾಯಕನೂ ಆಗಿದ್ದಾರೆ. ಹೀಗಾಗಿ ಶುಭ್​ಮನ್​ ಗಿಲ್​ಗೆ ಟೆಸ್ಟ್​ ನಾಯಕತ್ವ ನೀಡೋದು ಬಹುತೇಕ ಪಕ್ಕಾ. ಕೆಲವೇ ದಿನಗಳಲ್ಲಿ ಈ ಬಗ್ಗೆ ಅಧಿಕೃತ ನಿರ್ಧಾರ ಹೊರ ಬೀಳಲಿದೆ. ​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ