ಸ್ಪೋರ್ಟ್ಸ್​ ಕೋಟಾದಡಿ ಉದ್ಯೋಗಗಳಿಗೆ ಅರ್ಜಿ ಆಹ್ವಾನ.. ಹುಬ್ಬಳ್ಳಿ, ಮೈಸೂರು, ಬೆಂಗಳೂರಲ್ಲಿ ಕೆಲಸ

ನೈಋತ್ಯ ರೈಲ್ವೆ (ಎಸ್​​ಡಬ್ಲುಆರ್​) ಇಲಾಖೆಯು ಹೊಸ ನೇಮಕಾತಿ ಮಾಡುತ್ತಿದ್ದು ಈ ಬಾರಿ ಸ್ಪೋರ್ಟ್ಸ್ ಕೋಟಾದಡಿ ಖಾಲಿ ಇರುವಂತ ಉದ್ಯೋಗಗಳನ್ನು ತುಂಬಲಾಗುತ್ತಿದೆ. ಅರ್ಹ ಹಾಗೂ ಆಸಕ್ತ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಹುಬ್ಬಳ್ಳಿ, ಮೈಸೂರು, ಬೆಂಗಳೂರಿನಲ್ಲಿ ಕೆಲಸ ಹುಡುಕುತ್ತಿರುವ ಉದ್ಯೋಗಾಕಾಂಕ್ಷಿಗಳು ಈ ಅವಕಾಶವನ್ನು ಬಳಸಿಕೊಳ್ಳಬಹುದು. ಆಸಕ್ತ ಅಭ್ಯರ್ಥಿಗಳು ಆಫ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಕೆ ಮಾಡಬಹುದು.

ಹಾಕಿ, ಸ್ವಿಮ್ಮಿಂಗ್, ಬಾಸ್ಕೆಟ್ ಬಾಲ್, ಚೆಸ್, ಸ್ವಿಮ್ಮಿಂಗ್, ಕ್ರಿಕೆಟ್, ಅಥ್ಲೇಟಿಕ್ಸ್, ವಾಲಿಬಾಲ್, ಕಬ್ಬಡ್ಡಿ, ಬ್ಯಾಡ್ಮಿಂಟನ್, ವಾಟರ್ ಪೋಲ್, ಟೇಬಲ್ ಟೆನ್ನಿಸ್, ಗಾಲ್ಫ್. ಈ ಆಟ ಆಡಿದವರು ಹುದ್ದೆಗಳಿಗೆ ಅರ್ಜಿ ಸಲ್ಲಿಕೆ ಮಾಡಬಹುದು. ಇವುಗಳನ್ನು ಮಹಿಳಾ, ಪುರುಷ ಎಂದು ಬೇರೆ, ಬೇರೆ ರೀತಿ ಕೇಳಿದ್ದಾರೆ. ಅದರಂತೆ ಗಮನಿಸಿ ಅಭ್ಯರ್ಥಿಗಳು ಅಪ್ಲೇ ಮಾಡಿ. ಇಲಾಖೆಯ ವೆಬ್​ಸೈಟ್​ಗೆ ಭೇಟಿ ನೀಡಿ ಅರ್ಜಿ ಪ್ರತಿಯನ್ನ ಡೌನ್​ಲೋಡ್ ಮಾಡಿಕೊಳ್ಳಬೇಕು. (https://swr.indianrailways.gov.in/index.jsp)

ಸೌತ್ ವೆಸ್ಟರ್ನ್ ರೈಲ್ವೆ (ಎಸ್​​ಡಬ್ಲುಆರ್)

ಒಟ್ಟು ಹುದ್ದೆಗಳು- 46

ಸ್ಪೋರ್ಟ್ಸ್ ಕೋಟಾದಡಿಯ ಹುದ್ದೆಗಳು

ತಿಂಗಳ ಸ್ಯಾಲರಿ- 5,200 ರಿಂದ 20,200 ರೂ.ಗಳು

ಇದನ್ನೂ ಓದಿ: ಯಂತ್ರ ಇಂಡಿಯಾದಲ್ಲಿ 3 ಸಾವಿರಕ್ಕೂ ಹೆಚ್ಚು ಉದ್ಯೋಗ.. SSLC, ITI ಆದವರಿಗೆ ಅವಕಾಶ

ವಯೋಮಿತಿ

18 ರಿಂದ 25 ವರ್ಷದವರಿಗೆ ಅವಕಾಶ

ಶೈಕ್ಷಣಿಕ ಅರ್ಹತೆ

10, 12, B.Sc, ಅಥವಾ ಪದವಿ ಪೂರ್ಣಗೊಳಿಸಿರಬೇಕು

ಆಯ್ಕೆ ಪ್ರಕ್ರಿಯೆ

• ಸ್ಪೋರ್ಟ್ಸ್​ ಟೆಸ್ಟ್ (Trials)
• ಶಿಕ್ಷಣ ಅರ್ಹತೆ
• ದೈಹಿಕ ಸಾಮರ್ಥ್ಯ ಪರೀಕ್ಷೆ
• ಡಾಕ್ಯುಮೆಂಟ್ ಪರಿಶೀಲನೆ
• ವೈದ್ಯಕೀಯ ಪರೀಕ್ಷೆ

ಅರ್ಹ ಅಭ್ಯರ್ಥಿಗಳು ಆಫ್​ಲೈನ್ ಮೂಲಕ ಅರ್ಜಿಯನ್ನು ಸಲ್ಲಿಕೆ ಮಾಡಬೇಕು. ಅರ್ಜಿಯೊಂದಿಗೆ ದಾಖಲಿಸುವ ಎಲ್ಲ ದಾಖಲೆಗಳ ಮೇಲೆ ಸೆಲ್ಫ್ ಅಟೆಸ್ಟೆಡ್​ ಮಾಡಿರಬೇಕು. ಸಂಪರ್ಕಿಸಲು ಇ-ಮೇಲ್ ಐಡಿಯನ್ನು ನಮೂದಿಸಿರಬೇಕು.

ಅರ್ಜಿ ಸಲ್ಲಿಸಬೇಕಾದ ವಿಳಾಸ:

• ಹುಬ್ಬಳ್ಳಿ- ಅಸಿಸ್ಟೆಂಟ್​ ಪರ್ಸನಲ್ ಆಫೀಸರ್; ಹೆಡ್​ ಕ್ವಾಟರ್ಸ್​, ಸೌತ್ ವೆಸ್ಟರ್ನ್​ ರೈಲ್ವೆ ಆಫೀಸ್, ಸಿಬ್ಬಂದಿ ಇಲಾಖೆ, ರೈಲು ಸೌಧ, ಗದಗ ರಸ್ತೆ, ಹುಬ್ಬಳ್ಳಿ -580 020
• ಬೆಂಗಳೂರು- ಹಿರಿಯ ವಿಭಾಗೀಯ ಸಿಬ್ಬಂದಿ ಅಧಿಕಾರಿ, DRM ಕಚೇರಿ ಸಂಕೀರ್ಣ, ನೈಋತ್ಯ ರೈಲ್ವೆ, ಬೆಂಗಳೂರು -560 023
• ಮೈಸೂರು ವಿಳಾಸ- ಹಿರಿಯ ವಿಭಾಗೀಯ ಸಿಬ್ಬಂದಿ ಅಧಿಕಾರಿ, ನೈಋತ್ಯ ರೈಲ್ವೆ, ಇರ್ವಿನ್ ರಸ್ತೆ, ಮೈಸೂರು-570001

ಅರ್ಜಿ ಸಲ್ಲಿಕೆಗೆ ಕೊನೆ ದಿನಾಂಕ 19 ನವೆಂಬರ್ 2024

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ