ಕ್ರಿಕೆಟ್ ಕರಿಯರ್​ಗೆ ಗುಡ್ ಬೈ ಹೇಳಿರುವ ಚೇತೇಶ್ವರ ಪೂಜಾರ ಟಾಪ್​- 5 ಇನ್ನಿಂಗ್ಸ್​..!

15 ವರ್ಷಗಳ ಸುದೀರ್ಘ ಜರ್ನಿ, ಈ ಸುದೀರ್ಘ ಜರ್ನಿಯಲ್ಲಿ ಪೂಜಾರ ಅದೆಷ್ಟೋ  ಮ್ಯಾಚ್​ಗಳನ್ನು ಗೆಲ್ಲಿಸಿದ್ದಾರೆ. ಮರೆಯಲಾಗದ ಇನ್ನಿಂಗ್ಸ್​ಗಳನ್ನು ಕಟ್ಟಿಕೊಟ್ಟಿದ್ದಾರೆ. 103 ಟೆಸ್ಟ್​ಗಳನ್ನಾಡಿ 7195 ರನ್​ಗಳಿಸಿದ್ದಾರೆ. ಆದ್ರೆ, ಚೇತೇಶ್ವರ ಪೂಜಾರ ಮಿಸ್ಟರ್ ಡಿಪೆಂಡೆಬಲ್, ಸೇವಿಯರ್ ಎಂದೆನಿಸಿಕೊಳ್ಳಲು ಕಾರಣ ಈ ಇನ್ನಿಂಗ್ಸ್​ಗಳು.

ಚೇತೇಶ್ವರ್​​ ಪೂಜಾರ.! ಮಿಸ್ಟರ್​ ಡಿಪೆಂಡೇಬಲ್, ಟೆಸ್ಟ್​ ಸ್ಪೆಷಲಿಸ್ಟ್. ದಿ ವಾಲ್ 2.0.. ಟೀಮ್ ಇಂಡಿಯಾದ ಆಪ್ತ ರಕ್ಷಕ. ಪೂಜಾರ ಅಂದ್ರೆ, ಟೆಸ್ಟ್​ ಕ್ರಿಕೆಟ್​​ಗೇ​ ಸೊಬಗು. ಅದ್ಭುತ, ಅಮೋಘ, ರೋಚಕ, ಮನಮೋಹಕ. ಅಬ್ಬಾ, ಈ ಟೆಸ್ಟ್​​ ಸ್ಪೆಷಲಿಸ್ಟ್​ನ ಬ್ಯಾಟಿಂಗ್​ ವೈಭವ ನೋಡೋದೆ ಚೆಂದ. 15 ವರ್ಷಗಳ ಸುದೀರ್ಘ ಟೆಸ್ಟ್​​​ ಕರಿಯರ್​​​ನಲ್ಲಿ ಮೆಸ್ಮರೈಸ್​​ ಇನ್ನಿಂಗ್ಸ್​​​​ಗಳನ್ನ ಕಟ್ಟಿದ್ದಾರೆ. ಟೀಮ್ ಇಂಡಿಯಾಗೆ ಆಸರೆಯಾಗಿದ್ದಾರೆ. ಮರೆಯಲಾಗದ ನೆನಪುಗಳನ್ನ ಕೊಟ್ಟಿದ್ದಾರೆ. ಅಂತಹ ಇನ್ನಿಂಗ್ಸ್​​ಗಳ ಪೈಕಿ, ಈ ಇನ್ನಿಂಗ್ಸ್​​ಗಳು ಕ್ರಿಕೆಟ್​​​​​​ ಪ್ರೇಮಿಗಳ ಮನದಾಳದಲ್ಲಿ ಎಂದೆಂದಿಗೂ ಅಜರಾಮರ.!

ಇಂಗ್ಲೆಂಡ್​ ವಿರುದ್ಧ ಅಜೇಯ 206 ರನ್​

ಇದು ಪೂಜಾರ ಟೆಸ್ಟ್​​​​​​​​ ಕರಿಯರ್​​​​​ನ ಮೊದಲ ದ್ವಿಶತಕ.! 513 ನಿಮಿಷಗಳ ಕಾಲ ಬ್ಯಾಟ್​ ಬೀಸಿದ್ದ ಪೂಜಾರ​​, 2012ರಲ್ಲಿ ಇಂಗ್ಲೆಂಡ್​​ ವಿರುದ್ಧದ ಮೊದಲ ಟೆಸ್ಟ್​​​​ನಲ್ಲಿ 389 ಎಸೆತಗಳನ್ನ ಎದುರಿಸಿದ್ದರು. ಅಹ್ಮದಬಾದ್​​ನಲ್ಲಿ ಮ್ಯಾರಥಾನ್​ ಇನ್ನಿಂಗ್ಸ್​ ಕಟ್ಟಿದ್ದ ಸೌರಾಷ್ಟ್ರ ಬ್ಯಾಟ್ಸ್​ಮನ್​ ಪೂಜಾರ 206 ರನ್​​ ಗಳಿಸಿದ್ರು. ಆ ಮೂಲಕ ಭಾರತದ ಗೆಲುವಿನಲ್ಲಿ ಪಾತ್ರವಹಿಸಿದ್ರು.

ರಾಂಚಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ 202 ರನ್​

ಚೇತೇಶ್ವರ್​ ಪೂಜಾರರ 3ನೇ ಡಬಲ್​ ಸೆಂಚುರಿ ಇದಾಗಿದೆ. 2017ರಲ್ಲಿ ನಡೆದ ಆಸಿಸ್​ ವಿರುದ್ಧದ 3ನೇ ಟೆಸ್ಟ್​ ಪಂದ್ಯದಲ್ಲಿ ಅಕ್ಷರಶಃ ಗೋಡೆಯಾಗಿ ನಿಂತಿದ್ರು. ರಾಂಚಿಯ ಟಫ್​ ಪಿಚ್​​​​​ನಲ್ಲಿ ಬರೋಬ್ಬರಿ 672 ನಿಮಿಷಗಳ ಕಾಲ ಕ್ರೀಸ್​​​ನಲ್ಲಿದ್ದ ಪೂಜಾರ, 525 ಬಾಲ್​​​​ಗಳಲ್ಲಿ 202 ರನ್​ ಗಳಿಸಿದ್ರು. ಅಂದು ಮ್ಯಾಚ್​ ಡ್ರಾ ಆಗಿತ್ತು.

ಅಡಿಲೇಡ್​​​ನಲ್ಲಿ​​ ಮ್ಯಾಚ್ ಸೇವಿಂಗ್ ಇನ್ನಿಂಗ್ಸ್.!

2018ರ ಆಸ್ಟ್ರೇಲಿಯಾ ಪ್ರವಾಸ.. ಈ ಪ್ರವಾಸದ ಮೊದಲ ಪಂದ್ಯದಲ್ಲೇ ಟೀಮ್ ಇಂಡಿಯಾ ಮುಗ್ಗರಿಸಬೇಕಿತ್ತು. 41 ರನ್​ಗೆ 4 ವಿಕೆಟ್ ಕಳೆದುಕೊಂಡಿದ್ದ ಟೀಮ್ ಇಂಡಿಯಾ ಕಥೆ ಮುಗೀತು ಅಂತಾನೇ ಎಲ್ಲರ ಭಾವಿಸಿದ್ದರು. ಆದ್ರೆ, ಬರೋಬ್ಬರಿ 376 ನಿಮಿಷಗಳ ಕಾಲ ಬ್ಯಾಟಿಂಗ್ ಮಾಡಿದ್ದ ಪೂಜಾರ, ತಾನೆದುರಿಸಿದ 246 ಎಸೆತಗಳಿಂದ 123 ರನ್ ಗಳಿಸಿದರು. ಈ ಇನ್ನಿಂಗ್ಸ್​ ಅಡಿಲೇಡ್​ ಟೆಸ್ಟ್ ಗೆಲುವಿಗೆ ಪಾತ್ರವಾಯ್ತು. 

ಎಂದೆಂದಿಗೂ ಸ್ಪೆಷಲ್ & ಮೆಮೊರೆಬಲ್ 2021ರ ಸಿಡ್ನಿ ಟೆಸ್ಟ್​!

ಪೂಜಾರ ಎಂದೆಂದಿಗೂ ರಿಯಲ್ ಫೈಟರ್ ಅನ್ನೋದನ್ನು ಫ್ರೂವ್ ಮಾಡುವ ಪಂದ್ಯವೇ​​​ 2021ರ ಸಿಡ್ನಿ ಟೆಸ್ಟ್​. ಈ ಟೆಸ್ಟ್​ನಲ್ಲಿ ಟೀಮ್ ಇಂಡಿಯಾಗೆ ತಡೆಗೋಡೆಯಂತೆ ನಿಂತಿದ್ದ ಪೂಜಾರ, ಎರಡೂ ಇನ್ನಿಂಗ್ಸ್​ಗಳಲ್ಲಿ ಕಟ್ಟಿದ್ದು ಮ್ಯಾರಥಾನ್ ಇನ್ನಿಂಗ್ಸ್​.. ಮೊದಲ ಇನ್ನಿಂಗ್ಸ್ 176 ಎಸೆತಗಳಲ್ಲಿ 50 ರನ್ ದಾಖಲಿಸಿದ್ದ ಪೂಜಾರ, 2ನೇ ಇನ್ನಿಂಗ್ಸ್​ನಲ್ಲಿ ಬುಲೆಟ್ ವೇಗದಲ್ಲಿ ಬಂದ ಚೆಂಡು ಎದೆಗೆ ಅಪ್ಪಳಿಸುತ್ತಿದ್ದರೂ ಎದೆಯೊಡ್ಡಿ ಕ್ರೀಸ್​ನಲ್ಲಿ ನೆಲೆ ನಿಂತಿದ್ದರು.  205 ಎಸೆತಗಳನ್ನ ಎದುರಿಸಿ ಪಂದ್ಯವನ್ನ ಸೋಲಿನ ದವಡೆಯಿಂದ ಪಾರು ಮಾಡಿದ್ದರು. ಇವತ್ತಿಗೂ ಈ ಇನ್ನಿಂಗ್ಸ್​ ನೋಡುಗರ ಎದೆಯನ್ನು ಝಲ್ ಎನಿಸುತ್ತೆ.

ಇದನ್ನೂ ಓದಿ:KGF, ರಣವಿಕ್ರಮ ಖ್ಯಾತಿಯ ಶೆಟ್ಟಿ ಭಾಯ್ ದಿನೇಶ್ ಮಂಗಳೂರು ಇನ್ನಿಲ್ಲ

ಸೌತ್​​​ ಆಫ್ರಿಕಾ ವಿರುದ್ಧ 153 ರನ್​​ಗಳ ಅಮೋಘ ಇನ್ನಿಂಗ್ಸ್​

ಜೋಹಾನ್ಸ್​ ಬರ್ಗ್​​​​ನ ಟಫ್​ ಟ್ರ್ಯಾಕ್​​ನಲ್ಲಿ ಟೀಮ್ ಇಂಡಿಯಾ ಆಟಗಾರರು ಪರದಾಡ್ತಿದ್ರೆ, ಆಪತ್ಭಾಂದವ, ಅಬ್ಬರಿಸಿ ಮಿಂಚಿದ್ರು. 270 ಎಸೆತಗಳನ್ನ ಎದುರಿಸಿ 153 ರನ್​ ಚಚ್ಚಿದ್ರು 2013ರಲ್ಲಿ ನಡೆದ ಮೊದಲ ಟೆಸ್ಟ್​ನ 2ನೇ ಇನ್ನಿಂಗ್ಸ್​​ನಲ್ಲಿ ಫೆಂಟಾಸ್ಟಿಕ್ ಆಟವಾಡಿದ್ರು. ಇದು ಔಟ್​ ಸೈಡ್​ ಏಷ್ಯಾದಲ್ಲಿ ದಾಖಲಾದ ಮೊದಲ ಟೆಸ್ಟ್​ ಶತಕ ಆಗಿತ್ತು.

ಇದಿಷ್ಟೇ ಅಲ್ಲ, 2015ರಲ್ಲಿ ಶ್ರೀಲಂಕಾ ವಿರುದ್ಧದ ಕೊಲೊಂಬೀ ಟೆಸ್ಟ್​ನಲ್ಲಿ ಅಜೇಯ 145 ರನ್​. 2017ರಲ್ಲಿ ಶ್ರೀಲಂಕಾ ಎದುರಿನ ಗಾಲೆ ಟೆಸ್ಟ್​ನಲ್ಲಿ 133 ರನ್​​ಗಳ ಇನ್ನಿಂಗ್ಸ್​. 2018ರ ಆಸ್ಟ್ರೇಲಿಯಾ ಪ್ರವಾಸದ ಸಿಡ್ನಿ ಟೆಸ್ಟ್​ನಲ್ಲಿ 193 ರನ್​ಗಳ ಇನ್ನಿಂಗ್ಸ್​ ಪೂಜಾರ ಪಾಲಿಗೇ ಅಲ್ಲ. ಅಭಿಮಾನಿಗಳ ಪಾಲಿಗೂ ಅವಿಸ್ಮರಣೀಯ ಇನ್ನಿಂಗ್ಸ್​​​ಗಳಾಗಿರುವುದು ಸುಳ್ಳಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ