ಸೆಕೆಂಡ್, ಸೆಕೆಂಡ್​​ಗೂ ಲಕ್ಷ ಲಕ್ಷ ಹಣ.. 10 ಸೆಕೆಂಡ್ ಜಾಹೀರಾತು ಸ್ಲಾಟ್​​​ನ ರೇಟ್ ಎಷ್ಟು ಗೊತ್ತಾ..?

ಟಿ20 ವಿಶ್ವಕಪ್‌ನಲ್ಲಿ (T20 World Cup 2026) ಸಾಂಪ್ರದಾಯಿಕ ಎದುರಾಳಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯವೆಂದರೆ ಅದು ಕೇವಲ ಆಟವಲ್ಲ, ಅದೊಂದು ಎಮೋಷನ್. ಈ ಹೈವೋಲ್ಟೇಜ್ ಪಂದ್ಯವನ್ನು ಕಣ್ತುಂಬಿಕೊಳ್ಳಲು ಕೋಟ್ಯಂತರ ಅಭಿಮಾನಿಗಳು ಕಾಯುತ್ತಿದ್ದರೆ, ಇತ್ತ ಟಿವಿ ಚಾನೆಲ್‌ಗಳು ಮತ್ತು ಜಾಹೀರಾತು ಕಂಪನಿಗಳು ಭರ್ಜರಿ ಕಾಸು ಮಾಡಿಕೊಳ್ಳಲು ಸಜ್ಜಾಗಿವೆ. ಭಾರತ-ಪಾಕ್ ಕಾದಾಟದ ಕಾವು ಹೆಚ್ಚಾಗುತ್ತಿದ್ದಂತೆ, ಟಿವಿ ಜಾಹೀರಾತು ದರಗಳು (TV Ad Rates) ಗಗನಕ್ಕೇರಿವೆ. 

10 ಸೆಕೆಂಡ್‌ಗೆ ಬರೋಬ್ಬರಿ ಡಿಮ್ಯಾಂಡ್!

ವರದಿಗಳ ಪ್ರಕಾರ, ಭಾರತ ಮತ್ತು ಪಾಕಿಸ್ತಾನ ಪಂದ್ಯದ ವೇಳೆ ಟಿವಿಯಲ್ಲಿ ಪ್ರಸಾರವಾಗುವ ಜಾಹೀರಾತುಗಳ ದರದಲ್ಲಿ ಭಾರಿ ಏರಿಕೆಯಾಗಿದೆ. ಕೇವಲ 10 ಸೆಕೆಂಡ್‌ಗಳ ಜಾಹೀರಾತು ಸ್ಲಾಟ್‌ಗೆ (10-second ad slot) ಬೇಡಿಕೆ ಹೆಚ್ಚಾಗಿದ್ದು, ದರದಲ್ಲಿ ಶೇಕಡಾ 20 ರಿಂದ 25 ರಷ್ಟು ಏರಿಕೆಯಾಗಿದೆ. ಅಂದರೆ ಸುಮಾರು 10 ಸೆಕೆಂಡ್​ನ ಸ್ಲಾಟ್​ಗೆ 30 ರಿಂದ 40 ಲಕ್ಷ ರೂಪಾಯಿ ಆಗಿದೆ. ಕಂಪನಿಗಳು ಲಭ್ಯವಿರುವ ಪ್ರತಿಯೊಂದು ಸೆಕೆಂಡ್ ಕೂಡ ಖರೀದಿಸಲು ಮುಂದಾಗಿವೆ. 

ಇದನ್ನೂ ಓದಿ: IND vs PAK ಮ್ಯಾಚ್: ಹೈ-ವೋಲ್ಟೇಜ್ ಪಂದ್ಯಕ್ಕೆ ಮತ್ತೊಂದು ಅಡ್ಡಿ ಆತಂಕ..!

ಮಾಧ್ಯಮ ವರದಿಗಳ ಪ್ರಕಾರ, ಪ್ರಸಾರಕ ಜಿಯೋಸ್ಟಾರ್ ಈ ಪಂದ್ಯಾವಳಿಯಿಂದ ಅಂದಾಜು 2,000 ರೂಪಾಯಿ ಕೋಟಿ ಗಳಿಸಬಹುದು. ಡಿಜಿಟಲ್ ಬ್ರಾಡ್‌ಕಾಸ್ಟರ್ ಜಿಯೋಸ್ಟಾರ್‌ನಲ್ಲಿ 10 ಸೆಕೆಂಡುಗಳ ಜಾಹೀರಾತು ಸ್ಲಾಟ್ ಸುಮಾರು 1.5 ಮಿಲಿಯನ್‌ನಿಂದ 2 ಮಿಲಿಯನ್ ರೂಪಾಯಿಗಳಿಗೆ ಏರಿದೆ. ಇದರರ್ಥ ಕಂಪನಿಗಳು ಟಿವಿಯಲ್ಲಿ ಮಾತ್ರವಲ್ಲದೆ ಡಿಜಿಟಲ್ ವೀಕ್ಷಕರ ಮೇಲೆ ಬಂಡವಾಳ ಹೂಡಲು ಭಾರಿ ಪ್ರಮಾಣದಲ್ಲಿ ಹೂಡಿಕೆ ಮಾಡುತ್ತಿವೆ.

ಏಕೆ ಇಷ್ಟು ದುಬಾರಿ?

ಸಾಮಾನ್ಯವಾಗಿ ಇತರೆ ಲೀಗ್ ಪಂದ್ಯಗಳಿಗೆ ಹೋಲಿಸಿದರೆ, ಭಾರತ ಮತ್ತು ಪಾಕಿಸ್ತಾನ ಪಂದ್ಯದ ವೀಕ್ಷಕರ ಸಂಖ್ಯೆ (Viewership) ದಾಖಲೆ ಮಟ್ಟದಲ್ಲಿರುತ್ತದೆ. ಜಗತ್ತಿನಾದ್ಯಂತ ಕೋಟ್ಯಂತರ ಜನರು ಟಿವಿ ಮುಂದೆ ಅಂಟಿಕೊಂಡಿರುತ್ತಾರೆ. ಈ ಸಮಯದಲ್ಲಿ ತಮ್ಮ ಬ್ರ್ಯಾಂಡ್ ಅಥವಾ ಉತ್ಪನ್ನವನ್ನು ಜನರಿಗೆ ತಲುಪಿಸಲು ಕಂಪನಿಗಳು ಮುಗಿಬೀಳುತ್ತವೆ. ಹೀಗಾಗಿ, ಬ್ರಾಡ್‌ಕಾಸ್ಟರ್‌ಗಳು (Broadcasters) ಈ ಅವಕಾಶವನ್ನು ಬಳಸಿಕೊಂಡು ಜಾಹೀರಾತು ದರವನ್ನು ಏರಿಕೆ ಮಾಡಿವೆ.

ಸೂಪರ್ ಬೌಲ್ ರೇಂಜ್‌ಗೆ ಕ್ರಿಕೆಟ್!

ಜಾಗತಿಕ ಮಟ್ಟದಲ್ಲಿ ‘ಸೂಪರ್ ಬೌಲ್’ (Super Bowl) ಫೈನಲ್ ಪಂದ್ಯಕ್ಕೆ ಸಿಗುವಷ್ಟೇ ಜಾಹೀರಾತು ಬೇಡಿಕೆ ಈಗ ಭಾರತ-ಪಾಕ್ ಕ್ರಿಕೆಟ್ ಪಂದ್ಯಕ್ಕೂ ಸಿಗುತ್ತಿದೆ. ಎಷ್ಟೇ ದುಬಾರಿಯಾದರೂ ಸರಿ 10 ಸೆಕೆಂಡ್ ಸ್ಲಾಟ್ ಸಿಕ್ಕರೆ ಸಾಕು ಎಂದು ದೊಡ್ಡ ದೊಡ್ಡ ಕಾರ್ಪೊರೇಟ್ ಕಂಪನಿಗಳು ಹಣ ಸುರಿಯಲು ತಯಾರಾಗಿವೆ. ಒಟ್ಟಿನಲ್ಲಿ ಮೈದಾನದಲ್ಲಿ ರೋಹಿತ್ ಶರ್ಮಾ ಪಡೆ ಪಾಕಿಸ್ತಾನ ಎದುರಿಸಲು ಸಜ್ಜಾಗಿದ್ದರೆ, ಮೈದಾನದ ಹೊರಗೆ ಜಾಹೀರಾತು ಮಾರುಕಟ್ಟೆಯಲ್ಲಿ ಕೋಟಿ ಕೋಟಿ ರೂಪಾಯಿಗಳ ಆಟ ನಡೆಯುತ್ತಿದೆ.

ಇದನ್ನೂ ಓದಿ: ಅಮೆರಿಕಾದಲ್ಲಿ ಕರ್ನಾಟಕದ ವಿದ್ಯಾರ್ಥಿ ನಾಪತ್ತೆ.. ಪೋಷಕರಲ್ಲಿ ಕಾಡಿದ ಆತಂಕ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.