ಟೀಮ್ ಇಂಡಿಯಾ ಗೆಲ್ಲುತ್ತಿದ್ದಂತೆ ಮೊದಲ ಬಾರಿಗೆ ಕಣ್ಣೀರು ಹಾಕಿದ ಹೆಡ್​ ಕೋಚ್​ ಗಂಭೀರ್​.!

ಟೀಮ್ ಇಂಡಿಯಾದ ಹೆಡ್​ ಕೋಚ್​ ಗೌತಮ್ ಗಂಭೀರ್ ಯಾವಾಗಲೂ ನಗು ಮುಖದಿಂದ ಇರುವವರೇ ಅಲ್ಲ. ಯಾವಾಗಲೂ ಗಂಭೀರವಾದ ಮುಖ ಇಟ್ಟುಕೊಂಡು ತಂಡದಲ್ಲಿ ಕೋಚ್​ ಬೆರೆಯುತ್ತಿದ್ದರು. ಆದರೆ ನಿನ್ನೆ ಟೆಸ್ಟ್​ ಪಂದ್ಯವನ್ನು ಟೀಮ್ ಇಂಡಿಯಾ ಗೆಲ್ಲುತ್ತಿದ್ದಂತೆ ಗೌತಮ್ ಗಂಭೀರ್ ಅವರು ಸೆಲೆಬ್ರೆಷನ್ ಮಾಡಿರೋದು ಎಲ್ಲರಿಗೂ ಅಚ್ಚರಿ ಮೂಡಿಸಿದೆ. ಅವರಲ್ಲಿ ಅಷ್ಟೊಂದು ಖುಷಿಯನ್ನು ಇದೇ ಮೊದಲ ಬಾರಿಗೆ ಸಾಕಷ್ಟು ಕ್ರಿಕೆಟ್​ ಅಭಿಮಾನಿಗಳು ನೋಡಿದ್ದಾರೆ ಎನ್ನಬಹುದು.

ಲಂಡನ್‌ನಲ್ಲಿರುವ ಕೆನ್ನಿಂಗ್ಟನ್‌ನ ಓವಲ್ ಸ್ಟೇಡಿಯಂನಲ್ಲಿ ನಡೆದ 5ನೇ ಟೆಸ್ಟ್​ ಪಂದ್ಯದ ಕೊನೆ ದಿನದಲ್ಲಿ ಟೀಮ್ ಇಂಡಿಯಾ ಕೇವಲ 6 ರನ್​ಗಳಿಂದ ಜಯಭೇರಿ ಬಾರಿಸಿತು. ಮೊಹಮ್ಮದ್ ಸಿರಾಜ್ ಕೊನೆ ವಿಕೆಟ್​ ಕಬಳಿಸುತ್ತಿದ್ದಂತೆ ಡ್ರೆಸಿಂಗ್ ರೂಮ್​ನಲ್ಲಿದ್ದ ಹೆಡ್​ ಕೋಚ್​ ಗೌತಮ್ ಗಂಭೀರ್ ಅಗ್ರೆಸ್ಸಿವ್​ ಆಗಿ ಸಂಭ್ರಮಾಚರಣೆ ಮಾಡಿದರು. ಈ ವಿಡಿಯೋವನ್ನು ಬಿಸಿಸಿಐ ತನ್ನ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದೆ. 

ಇದನ್ನೂ ಓದಿ: ಸಿರಾಜ್​, ಪ್ರಸಿದ್ಧ್ ಕೃಷ್ಣ ಬೌಲಿಂಗ್​ ದರ್ಬಾರ್​, ಟೀಮ್ ಇಂಡಿಯಾಕ್ಕೆ ಭರ್ಜರಿ ಗೆಲವು.. ಸರಣಿ ಸಮಬಲ

ಮೈದಾನದಲ್ಲಿ ಗಿಲ್ ಪಡೆ ಜಯ ಸಾಧಿಸುತ್ತಿದ್ದಂತೆ ಡ್ರೆಸ್ಸಿಂಗ್ ರೂಮ್​ನಲ್ಲಿ ಗೌತಮ್ ಗಂಭೀರ್ ಸೆಲೆಬ್ರೆಷನ್ ಮಾಡುತ್ತ ಮಾರ್ನ್​ ಮಾರ್ಕೆಲ್​ ಅವರ ಮೇಲೆ ಜಂಪ್ ಮಾಡಿ ಖುಷಿ ಪಟ್ಟರು. ಅಲ್ಲಿದ್ದ ಎಲ್ಲರನ್ನು ತಬ್ಬಿಕೊಂಡು, ಕೈಕುಲುಕಿ ಸಂತಸಪಟ್ಟರು. ಇದೇ ವೇಳೆ ಗೌತಮ್ ಗಂಭೀರ್ ಕಣ್ಣಿನಿಂದ ನೀರು ಕೂಡ ಬಂತು. ತುಂಬಾ ಭಾವನಾತ್ಮಕರಾಗಿದ್ದ ಗಂಭೀರ್ ಅತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಕೋಚ್​ ಈ ರೀತಿ ಕಣ್ಣೀರು ಹಾಕಿದ್ದು ಇದೇ ಮೊದಲ ಬಾರಿ ಆಗಿದೆ.          

ಅಂತಿಮ ಟೆಸ್ಟ್​ನಲ್ಲಿ ಜಯಗಳಿಸಿದ ಬಳಿಕ ​​ಗೌತಮ್​ ಗಂಭೀರ್​, ಇಂಗ್ಲೆಂಡ್​ ಹೆಡ್​ಕೋಚ್​ ಬ್ರೆಂಡನ್​ ಮೆಕಲಮ್​ ಪರಸ್ಪರ ಅಭಿನಂದನೆ ಸಲ್ಲಿಸಿದ್ದಾರೆ. ಗೆಲುವಿನ ಬಳಿಕ ಡ್ರೆಸ್ಸಿಂಗ್​ರೂಮ್​ನಿಂದ ನೇರವಾಗಿ ಮೆಕಲಮ್​ ಬಳಿ ತೆರಳಿರೋ ಗಂಭೀರ್​ ಹಸ್ತಲಾಘವ ನೀಡಿದ್ದಾರೆ. ಆ ಬಳಿಕ ಇಬ್ಬರೂ ತಬ್ಬಿಕೊಂಡಿದ್ದಾರೆ. ಹೆಡ್​​ಕೋಚ್​ಗಳ ಸಮಾಗಮದ ವಿಡಿಯೋ ಇಂಟರ್​ನೆಟ್​ನಲ್ಲಿ ವೈರಲ್​ ಆಗಿದೆ. 

RAW EMOTIONS AT OVAL BY INDIAN TEAM. 🥹❤️

THIS IS INDIAN TEST CRICKET...!!! pic.twitter.com/oVnPfvbJxs

— Johns. (@CricCrazyJohns) August 4, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ