ಕೊನೆ ಟಿ20 ಮ್ಯಾಚ್​.. ಫೈನಲ್​ ಫೈಟ್​​ನಲ್ಲಿ ಸೂರ್ಯಕುಮಾರ್ ಪಡೆ ಜಯಭೇರಿ ಬಾರಿಸಿದ್ರೆ ಸರಣಿ ಕೈವಶ!

ಇಂಡೋ-ಆಸಿಸ್​​​ ಫೈನಲ್​ ಟಿ20 ಕದನಕ್ಕೆ ಕೆಲವೇ ಗಂಟೆಗಳು ಬಾಕಿ. ಹ್ಯಾಟ್ರಿಕ್ ಜಯದೊಂದಿಗೆ ಕಾಂಗರೂ ನಾಡಲ್ಲಿ ಕಪ್ ಗೆಲ್ಲಲು ಟೀಮ್​ ಇಂಡಿಯಾ ರೆಡಿಯಾಗಿದೆ. ಸತತ 2 ಪಂದ್ಯ ಸೋತರೂ ಆಸ್ಟ್ರೇಲಿಯಾ ತಂಡ ಗಾಬಾದಲ್ಲಿ ಗೆಲುವು ನಮ್ದೇ ಅಂತಿದೆ. ಅಂತಿಮ ಟಿ20ಗೆ ಟೀಮ್​ ಇಂಡಿಯಾ ಸಿದ್ಧತೆ ಹೇಗಿದೆ?.

ಇಂಡೋ-ಆಸಿಸ್ ಟಿ20 ಸರಣಿಯ​​ ಫೈನಲ್​ ಫೈಟ್​ಗೆ ಕೌಂಟ್​​ಡೌನ್​ ಶುರುವಾಗಿದೆ. ಟಿ20 ಱಂಕಿಂಗ್​ನ ನಂಬರ್​ 1 ತಂಡ​ ಇಂಡಿಯಾ, ನಂಬರ್​ 2 ಟೀಮ್​ ಆಸ್ಟ್ರೇಲಿಯಾ ಬ್ರಿಸ್ಬೆನ್​ನ​ ಗಾಬಾ ಸ್ಟೇಡಿಯಂನಲ್ಲಿ ಮುಖಾಮುಖಿಯಾಗ್ತಿವೆ. ಟಿ20 ಸೂಪರ್​ ಸ್ಟಾರ್​ಗಳ ದಂಡನ್ನೇ ಹೊಂದಿರೋ ಉಭಯ ತಂಡಗಳ ಪಾಲಿಗೆ ಇದು ಕೇವಲ ಒಂದು ಸಾಮಾನ್ಯ ಪಂದ್ಯದಲ್ಲ. ಪ್ರತಿಷ್ಟೆಯ ಕದನ. 

ಭಾರತಕ್ಕೆ ಸರಣಿ ಗೆಲುವಾ.? ಸಮಬಲನಾ.? 

ತವರಲ್ಲಿ ಮಾನ ಉಳಿಸಿಕೊಳ್ಳೋ ಯತ್ನದಲ್ಲಿ ಆಸ್ಟ್ರೇಲಿಯಾ ತಂಡವಿದೆ. ಕಾಂಗರೂ ನಾಡಲ್ಲಿ ಸರಣಿ ಗೆದ್ದು ದಾಖಲೆ ಬರೆಯಲು ಸೂರ್ಯನ ಸೈನ್ಯ ತುದಿಗಾಲಲ್ಲಿ ನಿಂತಿದೆ. ಸರಣಿಯ ಮೊದಲ ಪಂದ್ಯ ಮಳೆಯಲ್ಲಿ ಕೊಚ್ಚಿ ಹೋದ್ರೆ, 2ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಜಯಿಸಿತ್ತು. 3 ಮತ್ತು 4ನೇ ಪಂದ್ಯ ಗೆದ್ದಿರೋ ಟೀಮ್​ ಇಂಡಿಯಾ ಇದೀಗ ಹ್ಯಾಟ್ರಿಕ್​ ಗೆಲುವಿಗೆ ಹಾತೊರೆಯುತ್ತಿದೆ. ಸರಣಿಯಲ್ಲಿ 2-1 ಅಂತರದ ಮುನ್ನಡೆಯಲ್ಲಿರೋ ಟೀಮ್​ ಇಂಡಿಯಾ ಟ್ರೋಫಿ ಗೆಲುವಿನ ಮೇಲೆ ಕಣ್ಣಿಟ್ಟಿದೆ. 

ಸ್ಟಾರ್​ಗಳ ಇನ್​​ಕನ್ಸಿಸ್ಟೆನ್ಸಿಯೇ ದೊಡ್ಡ ಸಮಸ್ಯೆ.!

ಕಾಂಗರೂ ನಾಡಲ್ಲಿ ಸರಣಿ ಗೆಲುವಿನ ಮೇಲೆ ಕಣ್ಣಿಟ್ಟಿರೋ ಮೆನ್ ಇನ್​ ಬ್ಲ್ಯೂ ಪಡೆದ ಸ್ಟಾರ್​ಗಳೇ ಆಟವೇ ದೊಡ್ಡ ಸಮಸ್ಯೆಯಾಗಿದೆ. ಒಂದು ಪಂದ್ಯದಲ್ಲಿ ಅಬ್ಬರಿಸಿದವರು, ಇನ್ನೊಂದು ಮ್ಯಾಚ್​ನಲ್ಲಿ ಆಡ್ತಿಲ್ಲ. ಗುಡ್​ ಸ್ಟಾರ್ಟ್​ ಪಡೆದವರು ಬಿಗ್​ ಸ್ಕೋರ್​ ಆಗಿ ಕನ್ವರ್ಟ್​ ಮಾಡ್ತಿಲ್ಲ. ಅಭಿಷೇಕ್​ ಶರ್ಮಾ, ಶುಭ್​ಮನ್​ ಗಿಲ್​, ಸೂರ್ಯಕುಮಾರ್​, ಶಿವಂ ದುಬೆ.. ಈ ಟಾಪ್​ ಆರ್ಡರ್​ ಬ್ಯಾಟರ್​ಗಳು ಇನ್​​ಕನ್ಸಿಸ್ಟೆಂಟ್​ ಆಗಿದ್ದಾರೆ. ಗಾಬಾ ಮೈದಾನದಲ್ಲಿ ಇವ್ರು ಕಾಂಟ್ರಿಬ್ಯೂಟ್​ ಮಾಡಿದ್ರೆ, ಟ್ರೋಫಿ ಗೆಲ್ಲೋದು ಕಷ್ಟವೇನಲ್ಲ. 

ಜಿತೇಶ್​​ ಶರ್ಮಾ ಔಟ್​.. ಸಂಜು ಸ್ಯಾಮ್ಸನ್ ಇನ್​.?

ಇಂದಿನ ಪಂದ್ಯಕ್ಕೆ ಟೀಮ್​ ಇಂಡಿಯಾ ಬದಲಾವಣೆಯಾಗೋ ಸಾಧ್ಯತೆ ಕಡಿಮೆ. ಒಂದು ವೇಳೆ ಬದಲಾವಣೆಯಾದ್ರೆ ವಿಕೆಟ್​ ಕೀಪರ್​ ಜೀತೇಶ್​ ಶರ್ಮಾ ಪ್ಲೇಯಿಂಗ್​ ಇಲೆವೆನ್​ನಿಂದ ಹೊರ ಬೀಳಲಿದ್ದಾರೆ. ಲೋವರ್​ ಆರ್ಡರ್​ ಬ್ಯಾಟಿಂಗ್​ ಸ್ಟ್ರೆಂಥ್​ ಹೆಚ್ಚಿಸಲು ಜಿತೇಶ್​ಗೆ ಕೊಕ್ ನೀಡಿ ಸಂಜು ಸ್ಯಾಮ್ಸನ್​ಗೆ ಮಣೆ ಹಾಕೋ ಸಾಧ್ಯತೆ ಹೆಚ್ಚಿಸಿದೆ. 

ಆಲ್​​ರೌಂಡರ್​ಗಳೇ ತಂಡದ ಮ್ಯಾಚ್​ ವಿನ್ನರ್ಸ್.!

ಆಸಿಸ್​​​ ವಿರುದ್ಧದ ಚುಟುಕು ಸರಣಿಯಲ್ಲಿ ಆಲ್​​ರೌಂಡರ್​ಗಳೇ ಟೀಮ್​ ಇಂಡಿಯಾ ಪಾಲಿನ ಮ್ಯಾಚ್​ ವಿನ್ನರ್ಸ್​ಗಳಾಗಿದ್ದಾರೆ. ವಾಷಿಂಗ್ಟನ್​ ಸುಂದರ್​, ಅಕ್ಷರ್​ ಪಟೇಲ್​ ಬ್ಯಾಟಿಂಗ್​, ಬೌಲಿಂಗ್​ ಎರಡೂ ವಿಭಾಗದಲ್ಲೂ ಸಾಲಿಡ್​ ಪರ್ಫಾಮೆನ್ಸ್​ ನೀಡಿದ್ದಾರೆ. ಅಂತಿಮ ಹಂತದಲ್ಲಿ ಸ್ಟೋಟಕ ಬ್ಯಾಟಿಂಗ್​ ನಡೆಸ್ತಿರೋ ಇವ್ರು, ಬೌಲಿಂಗ್​ನಲ್ಲೂ ಸ್ಪಿನ್​ ಮ್ಯಾಜಿಕ್​ ಮಾಡ್ತಿದ್ದಾರೆ. ಇವರಿಬ್ಬರ ಆಟವೇ ಇಂದಿನ ಪಂದ್ಯದಲ್ಲೂ ಮಹತ್ವದ ಪಾತ್ರ ನಿರ್ವಹಿಸಲಿದೆ. 

ಕಾಂಗರೂ ನಾಡಲ್ಲಿ ಬೂಮ್ರಾ ಖದರ್​ ಮಾಯ.!

ಸುಂದರ್​, ಅಕ್ಷರ್​ ಜೊತೆಗೆ ಮಿಸ್ಟ್ರಿ ಸ್ಪಿನ್ನರ್​ ವರುಣ್​ ಚಕ್ರವರ್ತಿ ಕೂಡ ಜಾದೂ ಮಾಡ್ತಿದ್ದಾರೆ. ವೇಗಿ ಆರ್ಷ್​​ದೀಪ್​ ಸಿಂಗ್​ ಕಾಂಗರೂಗಳ ಪಡೆಯಲ್ಲಿ ಭಯ ಹುಟ್ಟಿಸಿದ್ದಾರೆ. ಆದ್ರೆ, ಯಾರ್ಕರ್​​ ಸ್ಪೆಷಲಿಸ್ಟ್​ ಜಸ್​ಪ್ರಿತ್​ ಬೂಮ್ರಾ ಖದರ್​ ಕಳೆದುಕೊಂಡಂತೆ ಕಾಣ್ತಿರೋದು ಎಲ್ಲರಲ್ಲೂ ಸರ್​ಪ್ರೈಸ್​ ಮೂಡಿಸಿದೆ. ಆಡಿದ 4 ಪಂದ್ಯದಿಂದ ಬೂಮ್ರಾ ಕೇವಲ 3 ವಿಕೆಟ್​ ಉರುಳಿಸಿದ್ದಾರೆ. ಕಳೆದ ಪಂದ್ಯದಲ್ಲಿ ವಿಕೆಟ್​ ಲೆಸ್​ ಆಗಿ ನಿರ್ಗಮಿಸಿದ್ದಾರೆ. ಇಂದು ಬೂಮ್ರಾ ಲೈನ್​ & ಲೆಂಥ್​​ ಕಂಡುಕೊಳ್ತಾರಾ.? ಅನ್ನೋದು ಕುತೂಹಲ ಮೂಡಿಸಿದೆ. 

ಓಪನರ್​ ಟ್ರಾವಿಸ್​ ಹೆಡ್​, ವೇಗಿ ಜೋಷ್​ ಹೇಜಲ್​ವುಡ್​ ನಿರ್ಗಮನದ ಬಳಿಕ ಆಸಿಸ್​ ಪಡೆಯಲ್ಲಿ ಜೋಷ್​ ಕಡಿಮೆಯಾಗಿದೆ. ಹಾಗಂತ ಆಸಿಸ್​ ಪಡೆಯನ್ನ ಕಡೆಗಣಿಸುವಂತಿಲ್ಲ. ಗಬಾದ ಸ್ಪೀಡ್​ ಟ್ರ್ಯಾಕ್​ ಟೀಮ್​ ಇಂಡಿಯಾಗಿಂತ, ಆಸಿಸ್​ಗೆ ಹೆಚ್ಚು ಸಹಕಾರಿಯಾಗಿದೆ. ಇದು ಡು ಆರ್​ ಡೈ ಪಂದ್ಯವಾಗಿರೋದ್ರಿಂದ ಆಸಿಸ್​ ಪಡೆ ಸಿಡಿದೇಳಲು ಸಜ್ಜಾಗಿದ್ದು, ಕಾಂಗರೂಗಳನ್ನ ಕಟ್ಟಿ ಹಾಕಲು ಸ್ಪೆಷಲ್​ ಪ್ಲಾನ್​ನೊಂದಿಗೆ ಸೂರ್ಯನ ಸೈನ್ಯ ಕಣಕ್ಕಿಳಿಯಬೇಕಿದೆ. 

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ