ಗ್ರೀನ್, ಪತಿರಣ ಅಷ್ಟೇ ಅಲ್ಲ.. ಹರಾಜಿನಲ್ಲಿ ಕೋಟಿ ಕೋಟಿ ಜೇಬಿಗಿಳಿಸಿದ 5 ಆಟಗಾರರು..!

ಸರ್​​ಪ್ರೈಸ್ ಪಿಕ್​​

IPL ಮಿನಿ ಆಕ್ಷನ್​ನಲ್ಲಿ ಹಣದ ಹೊಳೆ ಹರಿಯಿತು. ಜಿದ್ದಿಗೆ ಬಿದ್ದಂತೆ ಫೈಟ್​ ನಡೆಸಿದ ಫ್ರಾಂಚೈಸಿಗಳು ಟಾರ್ಗೆಟ್​ ಮಾಡಿದ್ದ ಪ್ಲೇಯರ್​ಗಳ ಮೇಲೆ ಮುಂದೆ ನೋಡದೆ ಕೋಟಿ ಕೋಟಿ ಸುರಿದವು. ನಿರೀಕ್ಷೆಯಂತೆ ಕ್ಯಾಮರೂನ್​ ಗ್ರೀನ್, ಮತಿಶಾ ಪತಿರಣ ಬಿಗ್​ ಅಮೌಂಟ್​​ಗೆ ಸೇಲ್​ ಆದ್ರೆ, ಇಂಡಿಯನ್​ ಯಂಗ್​​ಸ್ಟರ್ಸ್​ ಸರ್​​ಪ್ರೈಸ್ ಪಿಕ್​​ ಎನಿಸಿದ್ರು.

ಕ್ಯಾಮರೂನ್ ಗ್ರೀನ್​, 25.20 ಕೋಟಿ

ನಿರೀಕ್ಷೆಯಂತೆ ಆಸಿಸ್​ ಆಲ್​​ರೌಂಡರ್​ ಕ್ಯಾಮರೂನ್ ಗ್ರೀನ್​ ಹರಾಜಿನ ಕಣದಲ್ಲಿ ಧೂಳೆಬ್ಬಿಸಿದ್ರು. 2 ಕೋಟಿ ಮೂಲ ಬೆಲೆಗೆ ಸೇಲ್​ಗಿದ್ದ ಗ್ರೀನ್​ ಹೆಸರು ಬಂದಾಕ್ಷಣ ಮೊದಲು ಪ್ಯಾಡೆಲ್​ ಎತ್ತಿ ಮುಂಬೈ ಇಂಡಿಯನ್ಸ್​ ಚೋಕ್​ ನೀಡಿತು. ಆ ಬಳಿಕ ಆರಂಭವಾದ ಅಸಲಿ ಹರಾಜಿನಲ್ಲಿ ಆರಂಭದಿಂದಲೂ ಕೆಕೆಆರ್​ ಜಿದ್ದಿಗೆ ಬಿದ್ದು ನಡೆಸಿತು. ರಾಜಸ್ಥಾನ್​ ರಾಯಲ್ಸ್​ 13.40 ಕೋಟಿಗೆ ಸುಸ್ತಾದ್ರೆ, ಆ ಬಳಿಕ ಎಂಟ್ರಿ ಕೊಟ್ಟ ಚೆನ್ನೈ ಸೂಪರ್​ ಕಿಂಗ್ಸ್​ 25 ಕೋಟಿ ವರೆಗೆ ಬಿಡ್​ ಮಾಡ್ತು. ಆದ್ರೆ, ಪಟ್ಟು ಬಿಡದ ಕೆಕೆಆರ್​ 25.20 ಕೋಟಿ ನೀಡಿ ಕ್ಯಾಮರೂನ್ ಗ್ರೀನ್​ ಖರೀದಿಸಿತು. ಈ ಮೂಲಕ ಗ್ರೀನ್​ ಐಪಿಎಲ್​ ಇತಿಹಾಸದ 3ನೇ ಎಕ್ಸ್​ಪೆನ್ಸಿವ್​ ಪ್ಲೇಯರ್​ ಎನಿಸಿದ್ರು.

ಮತೀಶಾ ಪತಿರಣ, 18 ಕೋಟಿ

ಶ್ರೀಲಂಕಾ ವೇಗಿ ಮತಿಶಾ ಪತಿರಣ ಕೂಡ ನಿರೀಕ್ಷೆಯಂತೆ ಕಮಾಲ್​ ಮಾಡಿದ್ರು. 2 ಕೋಟಿ ಬೇಸ್​​ ಪ್ರೈಸ್​ನೊಂದಿಗೆ ಸೇಲ್​ಗಿದ್ದ ಪತಿರಣ ಖರೀದಿಗೆ ಡೆಲ್ಲಿ ಕ್ಯಾಪಿಟಲ್ಸ್​ ಹಾಗೂ ಲಕ್ನೋ ಸೂಪರ್​ ಜೈಂಟ್ಸ್​ ಆರಂಭಿದಂದ ಫೈಟ್​ ನಡೆಸಿದ್ವು. ಅಂತಿಮವಾಗಿ ಡೆಲ್ಲಿ 15.60 ಕೋಟಿಗೆ ಕೊನೆಯ ಬಿಡ್​ ಮಾಡಿ ಹಿಂದೆ ಸರಿಯಿತು. ಆ ಬಳಿಕ ಎಂಟ್ರಿ ಕೊಟ್ಟ ಕೆಕೆಆರ್​ ಪತಿರಣ ಖರೀದಿಸೋವರೆಗೂ ಬಿಡಲಿಲ್ಲ. ಬರೋಬ್ಬರಿ 18 ಕೋಟಿ ನೀಡಿ ಲಂಕನ್​ ವೇಗಿಯನ್ನ ಖರೀದಿಸಿತು.

ಕಾರ್ತಿಕ್​ ಶರ್ಮಾ, 14.20 ಕೋಟಿ

ರಾಜಸ್ಥಾನ್​ನದ ವಿಕೆಟ್​ ಕೀಪರ್​ ಬ್ಯಾಟ್ಸ್​ಮನ್​ ಕಾರ್ತಿಕ್​ ಶರ್ಮಾ ಕ್ರಿಕೆಟ್​ ಅಭಿಮಾನಿಗಳಲ್ಲಿ ಅಚ್ಚರಿಗೆ ಕಾರಣರಾದ್ರು. 19 ವರ್ಷದ ಅನ್​​ಕ್ಯಾಪ್ಡ್​ ಪ್ಲೇಯರ್​ಗಾಗಿ ಬಿಡ್ಡಿಂಗ್​ ವಾರ್​ ಜೋರಾಗಿ ನಡೆಯಿತು. ಮುಂಬೈ ಇಂಡಿಯನ್ಸ್​, ಲಕ್ನೋ ಸೂಪರ್​ ಜೈಂಟ್ಸ್​, ಕೊಲ್ಕತ್ತಾ ನೈಟ್​ ರೈಡರ್ಸ್​, ಚೆನ್ನೈ ಸೂಪರ್​ ಕಿಂಗ್ಸ್​, ಸನ್​ರೈರ್ಸರ್​ ಹೈದ್ರಾಬಾದ್​ ಯುವ ಆಟಗಾರನ ಖರೀದಿಗೆ ಫೈಟ್​ ನಡೆಸಿದ್ವು. 30 ಲಕ್ಷ ಬೇಸ್​ ಪ್ರೈಸ್​ಗೆ ಸೇಲ್​ಗಿದ್ದ ಕಾರ್ತಿಕ್​ ಶರ್ಮಾ ಅಂತಿಮವಾಗಿ 14.20 ಕೋಟಿಗೆ ಚೆನ್ನೈ ಪಾಲಾದ್ರು. ಮಿನಿ ಆಕ್ಷನ್​ನ 3ನೇ ಎಕ್ಸ್​ಪೆನ್ಸಿವ್​ ಬೈ ಎನಿಸಿದ್ರು.

ಪ್ರಶಾಂತ್​ ವೀರ್, 14.20 ಕೋಟಿ

ಉತ್ತರ ಪ್ರದೇಶದ ಯುವ ಆಟಗಾರ ಪ್ರಶಾಂತ್​ ವೀರ್ ಕೂಡ​ ಆಕ್ಷನ್​ ಅಖಾಡದಲ್ಲಿ ಧೂಳೆಬ್ಬಿಸಿದ್ರು. 30 ಲಕ್ಷಕ್ಕೆ ಸೇಲ್​ಗಿದ್ದ ಪ್ರಶಾಂತ್​ ಖರೀದಿಗೆ ತಂಡಗಳು ನಾ ಮುಂದು ತಾ ಮುಂದು ಎಂದು ಫೈಟ್​ಗಿಳಿದ್ವು. ಟಿ20 ಫಾರ್ಮೆಟ್​ನಲ್ಲಿ 167ರ ಸ್ಟ್ರೈಕ್​ರೇಟ್​ ಹೊಂದಿರೋ ಈ ಅನ್​ಕ್ಯಾಪ್ಡ್​ ಆಟಗಾರನ ಖರೀದಿಗೂ ಮುಂಬೈ ಇಂಡಿಯನ್ಸ್​, ಲಕ್ನೋ ಸೂಪರ್​ ಜೈಂಟ್ಸ್​, ಚೆನ್ನೈ ಸೂಪರ್​ ಕಿಂಗ್ಸ್​, ರಾಜಸ್ಥಾನ್​ ರಾಯಲ್ಸ್​ ಬಿಡ್ಡಿಂಗ್​ ವಾರ್​​ ನಡೆಸಿದ್ವು. ಅಂತಿಮವಾಗಿ ಪ್ರಶಾಂತ್​ ವೀರ್​ಗೆ​ 14.20 ಕೋಟಿ ನೀಡಿ ಸಿಎಸ್​ಕೆ ಖರೀದಿಸುವಲ್ಲಿ ಯಶಸ್ವಿಯಾಯ್ತು.

ಲಿಯಮ್​ ಲಿವಿಂಗ್​ಸ್ಟೋನ್, 13 ಕೋಟಿ

ಫಸ್ಟ್​ ರೌಂಡ್​​ನಲ್ಲಿ ಅನ್​ಸೋಲ್ಡ್​ ಆಗಿದ್ದ ಲಯಾಮ್​ ಲಿವಿಂಗ್​​ಸ್ಟೋನ್​ಗೆ ಲಾಸ್ಟ್​ ರೌಂಡ್​ನಲ್ಲಿ ಲಕ್​ ಖುಲಾಯಿಸಿತು. ಆರಂಭದಲ್ಲಿ ಬಿಡ್​ ಮಾಡಿದ ಕೆಕೆಆರ್​, ಗುಜರಾತ್​ ಬೇಗನ ಸೈಡ್​ಗೆ ಸರಿದ್ವು. ಸನ್​​ರೈಸರ್ಸ್​ ಹೈದ್ರಾಬಾದ್​, ಲಕ್ನೋ ಸೂಪರ್ ಜೈಂಟ್ಸ್​​ ಭರ್ಜರಿ ಪೈಪೋಟಿ ನಡೆಸಿದ್ವು. ಅಂತಿಮವಾಗಿ ಇಂಗ್ಲೆಂಡ್ ಸ್ಪಿನ್​ ಆಲ್​​ರೌಂಡರ್​ಗೆ 13 ಕೋಟಿ ನೀಡಿ ಸನ್​ರೈಸರ್ಸ್​ ಹೈದ್ರಾಬಾದ್​ ಖರೀದಿಸಿತು. ಕಳೆದ ಸೀಸನ್​ನಲ್ಲಿ 8.75 ಕೋಟಿಗೆ ಸೇಲಾಗಿದ್ದ ಲಿವಿಂಗ್​ಸ್ಟೋನ್​ಗೆ 49% ಹೈಕ್​ ಸಿಕ್ಕಂತಾಯಿತು.

ಮುಸ್ತಫಿಜುರ್​ ರೆಹಮಾನ್​, 9.20 ಕೋಟಿ

ನಿರೀಕ್ಷೆಯಂತೆ ಬಾಂಗ್ಲಾದೇಶದ ಪ್ರೀಮಿಯಂ ವೇಗಿ ಮುಸ್ತಫಿಜುರ್​ ರೆಹಮಾನ್​ ಬಿಗ್​ ಅಮೌಂಟ್​ ಜೇಬಿಗಿಳಿಸಿಕೊಂಡ್ರು. ಡೆಲ್ಲಿ ಕ್ಯಾಪಿಟಲ್ಸ್​, ಚೆನ್ನೈ ಸೂಪರ್​ ಕಿಂಗ್ಸ್ ಹಾಗೂ ಕೊಲ್ಕತ್ತಾ ನೈಟ್​ ರೈಡರ್ಸ್​​ ತಂಡಗಳ ನಡುವೆ ಮುಸ್ತಫಿಜುರ್​ ರೆಹಮಾನ್​ ಖರೀದಿಗೆ ತ್ರಿಕೋನ ಫೈಟ್​​ ನಡೀತು. ಅಂತಿಮವಾಗಿ 9.20 ಕೋಟಿ ನೀಡಿ ಅನುಭವಿ ವೇಗಿಯನ್ನ ಕೊಲ್ಕತ್ತಾ ನೈಟ್​ ರೈಡರ್ಸ್​ ತಂಡ ಖರೀದಿಸುವಲ್ಲಿ ಯಶಸ್ವಿಯಾಯ್ತು.

ಒಟ್ಟಿನಲ್ಲಿ ಐಪಿಎಲ್​ ಹರಾಜಿನಲ್ಲಿ ವಿದೇಶಿ ಆಟಗಾರರಿಗೆ ಫುಲ್ ಡಿಮ್ಯಾಂಡ್ ಅನ್ನೋ ಸಂಪ್ರದಾಯ ಇತ್ತು. ಆದ್ರೆ, ಈ ಬಾರಿ ವಿದೇಶಿ ಆಟಗಾರರ ಜೊತೆಗೆ ಭಾರತದ ಲೋಕಲ್​ ಪ್ಲೇಯರ್ಸ್​ ಕೂಡ ಕಮಾಲ್​ ಮಾಡಿದ್ದಾರೆ.