ಕ್ರಿಕೆಟ್‌ಗೆ ಗುಡ್ ಬೈ ಹೇಳಿದ ಕೆ.ಗೌತಮ್ : 14 ವರ್ಷದ ಕ್ರಿಕೆಟ್ ಕೆರಿಯರ್‌ ಗೆ ವಿದಾಯ

ಟೀಮ್ ಇಂಡಿಯಾ ಹಾಗೂ ಕರ್ನಾಟಕ ತಂಡದ ಸ್ಟಾರ್ ಆಲ್​ರೌಂಡರ್ ಕೃಷ್ಣಪ್ಪ ಗೌತಮ್, ಕ್ರಿಕೆಟ್​​ಗೆ ಗುಡ್​​ಬೈ ಹೇಳಿದ್ದಾರೆ. 14 ವರ್ಷಗಳ ಕ್ರಿಕೆಟ್​​​ ಕರಿಯರ್​ನಲ್ಲಿ ಗೌತಮ್, ಭಾರತ ಏಕದಿನ ತಂಡ, ಇಂಡಿಯಾ ಎ, ಕರ್ನಾಟಕ, ಐಪಿಎಲ್​​​​​​​​​​​​ ತಂಡಗಳನ್ನ ಪ್ರತಿನಿಧಿಸಿದ್ರು. ಫಿಯರ್​ಲೆಸ್ ಌಂಡ್ ಅಗ್ರೆಸಿವ್ ಕ್ರಿಕೆಟರ್ ಆಗಿದ್ದ ಗೌತಮ್, ನವೆಂಬರ್ 17, 2012ರಲ್ಲಿ ಉತ್ತರ ಪ್ರದೇಶ ವಿರುದ್ಧ ರಣಜಿ ಕ್ರಿಕೆಟ್​ಗೆ ಡೆಬ್ಯೂ ಮಾಡಿದ್ರು. ಚೊಚ್ಚಲ ಪಂದ್ಯದಲ್ಲೇ ಆಫ್​ಸ್ಪಿನ್ನರ್, ಸುರೇಶ್ ರೈನಾ ಮತ್ತು ಭುವೇಶ್ವರ್ ಕುಮಾರ್​ರಂತಹ ಸೂಪರ್​ಸ್ಟಾರ್ ಕ್ರಿಕೆಟಿಗರ ವಿಕೆಟ್ ಪಡೆದು ಮಿಂಚಿದ್ರು.
2016-17ರ ರಣಜಿ ಸೀಸನ್​ನಲ್ಲಿ ಗೌತಮ್, 8 ಪಂದ್ಯಗಳಲ್ಲಿ 27 ವಿಕೆಟ್ ಪಡೆದು ಗಮನ ಸೆಳೆದಿದ್ರು. 2017-18ರಲ್ಲಿ ಮೈಸೂರಿನಲ್ಲಿ ಅಸ್ಸಾಂ ವಿರುದ್ಧ ನಡೆದ ರಣಜಿ ಪಂದ್ಯದಲ್ಲಿ ಗೌತಮ್, ಚೊಚ್ಚಲ ಶತಕ ಸಿಡಿಸಿ ಮಿಂಚಿದ್ರು. ಹೀಗೆ 2023ರವರೆಗೂ ದೇಸಿ ಕ್ರಿಕೆಟ್​ನಲ್ಲಿ ಬ್ಯಾಟ್ ಮತ್ತು ಬಾಲ್ ಮೂಲಕ ಕಾಣಿಕೆ ನೀಡಿದ್ದ ಗೌತಮ್, ನಂತರ ಕರ್ನಾಟಕ ತಂಡದಲ್ಲಿ ಸ್ಥಾನ ಪಡೆಯಲಿಲ್ಲ. 59 ಫಸ್ಟ್​ ಕ್ಲಾಸ್ ಮತ್ತು 68 ಲಿಸ್ಟ್ ಎ ಪಂದ್ಯಗಳಲ್ಲಿ ಗೌತಮ್, 320ಕ್ಕಿಂತ ಹೆಚ್ಚು ವಿಕೆಟ್ ಪಡೆದಿದ್ರು.

ಡೊಮೆಸ್ಟಿಕ್ ಕ್ರಿಕೆಟ್​ನಲ್ಲಿ ಆಲ್​ರೌಂಡ್ ಪ್ರದರ್ಶನ ನೀಡಿದ್ದ ಕೆ.ಗೌತಮ್, ಇಂಡಿಯಾ ಎ ತಂಡಕ್ಕೂ ಆಯ್ಕೆಯಾದ್ರು. ನ್ಯೂಜಿಲೆಂಡ್ ಎ, ವೆಸ್ಟ್ ಇಂಡೀಸ್ ಎ, ಆಸ್ಟ್ರೇಲಿಯಾ ಎ ಮತ್ತು ಇಂಗ್ಲೆಂಡ್ ಲಯನ್ಸ್ ವಿರುದ್ಧ ಬಾಲ್ ಮತ್ತು ಬ್ಯಾಟ್​​ನಿಂದ ಗೌತಮ್, ಎಕ್ಸ್ಟ್ರಾರ್ಡಿನರಿ ಪರ್ಫಾಮೆನ್ಸ್ ನೀಡಿದ್ರು. 
2021ರಲ್ಲಿ ಟೀಮ್ ಇಂಡಿಯಾ ನೆಟ್​​​​​​​​ ಬೌಲರ್​ ಆಗಿ ಕಾಣಿಸಿಕೊಂಡಿದ್ದ ಆಲ್​ರೌಂಡರ್ ಗೌತಮ್, ನಂತರ ಅದೇ ವರ್ಷ ಶ್ರೀಲಂಕಾ ವಿರುದ್ಧದ ಏಕದಿನ ಮತ್ತು ಟಿ-ಟ್ವೆಂಟಿ ಸರಣಿಗೂ ಆಯ್ಕೆಯಾದ್ರು. ಕೊಲಂಬೋದಲ್ಲಿ ಲಂಕಾ ವಿರುದ್ಧ ಏಕೈಕ ಟಿ-ಟ್ವೆಂಟಿ ಪಂದ್ಯ ಆಡಿದ್ದ ಗೌತಮ್, ಒಂದು ವಿಕೆಟ್ ಪಡೆದಿದ್ರು. ಆ ಸರಣಿಯ ನಂತರ ನಂತರ ಗೌತಮ್, ಮತ್ತೆ ಟೀಮ್ ಇಂಡಿಯಾದಲ್ಲಿ ಅವಕಾಶ ಪಡೆಯಲೇ ಇಲ್ಲ.
ಕೆ. ಗೌತಮ್ ಐಪಿಎಲ್ ಫ್ರಾಂಚೈಸಿಗಳ ಫೇವರಿಟ್ ಕ್ರಿಕೆಟರ್ ಆಗಿದ್ದರು. ಮುಂಬೈ ಇಂಡಿಯನ್ಸ್, ರಾಜಸ್ಥಾನ್ ರಾಯಲ್ಸ್, ಪಂಜಾಬ್ ಕಿಂಗ್ಸ್, ಚೆನ್ನೈ ಸೂಪರ್​ಕಿಂಗ್ಸ್​ ಮತ್ತು ಲಕ್ನೋ ಸೂಪರ್​ಜೈಂಟ್ಸ್​ ಸೇರಿದಂತೆ ಒಟ್ಟು 5 ತಂಡಗಳನ್ನ ಗೌತಮ್​​ ಪ್ರತಿನಿಧಿಸಿದ್ರು. 2017ರಲ್ಲಿ ಮುಂಬೈ ಇಂಡಿಯನ್ಸ್​ ತಂಡಕ್ಕೆ 2 ಕೋಟಿ ರೂಪಾಯಿಗೆ ಸೇಲಾಗಿದ್ದ ಗೌತಮ್, 2018ರಲ್ಲಿ 6 ಕೋಟಿ 20 ಲಕ್ಷಕ್ಕೆ ರಾಜಸ್ಥಾನ್ ರಾಯಲ್ಸ್​ ತಂಡದ ಪಾಲಾಗಿದ್ರು. 2019ರಲ್ಲಿ ಆರ್​ಆರ್ ಅದೇ ಮೊತ್ತಕ್ಕೆ ಗೌತಮ್​ರನ್ನ ತಂಡದಲ್ಲಿ ಉಳಿಸಿಕೊಂಡಿತ್ತು. ಆದ್ರೆ  2020ರಲ್ಲಿ ಗೌತಮ್ ರಾಜಸ್ಥಾನ್ ತಂಡದಿಂದ ಪಂಜಾಬ್ ಕಿಂಗ್ಸ್​ಗೆ ಮತ್ತೆ 6 ಕೋಟಿ 20 ಲಕ್ಷ ರೂಪಾಯಿಗೆ ಟ್ರೇಡ್ ಆದ್ರು. 2021ರ ಐಪಿಎಲ್​ನಲ್ಲಿ ಗೌತಮ್ ಚೆನ್ನೈ ಸೂಪರ್​ಕಿಂಗ್ಸ್​ ತಂಡಕ್ಕೆ ದಾಖಲೆಯ ಮೊತ್ತಕ್ಕೆ ಸೇಲಾಗಿದ್ರು. 9 ಕೋಟಿ 25 ಲಕ್ಷ ರೂಪಾಯಿಗೆ ಸೇಲ್​ ಆಗಿದ್ದ ಗೌತಮ್, ಆಲ್​ಟೈಮ್ ರೆಕಾರ್ಡ್ ಬ್ರೇಕ್ ಮಾಡಿದ್ರು. ಇದುವರೆಗೂ 9 ಐಪಿಎಲ್ ಸೀಸನ್​ ಅಡಿರುವ ಗೌತಮ್, 35 ಕೋಟಿಗೂ ಅಧಿಕ ಹಣ ಪಡೆದಿದ್ದಾರೆ.

ಕರ್ನಾಟಕ ಪ್ರೀಮಿಯರ್ ಲೀಗ್​ T20 ಟೂರ್ನಿಯಲ್ಲೂ ಕೆ.ಗೌತಮ್, ಮಿಂಚು ಹರಿಸಿದ್ದಾರೆ. ಗೌತಮ್ ಮಾಡಿರುವ ದಾಖಲೆಗಳನ್ನ ಯಾರೂ ಅಳಿಸೋಕೆ ಸಾಧ್ಯವಿಲ್ಲ. 2019ರ ಕೆಪಿಎಲ್​​​​ನಲ್ಲಿ ಬಳ್ಳಾರಿ ಟಸ್ಕರ್ಸ್ ಪರ ಬ್ಯಾಟ್ ಬಿಸಿದ್ದ ಗೌತಮ್, ಕೇವಲ 39 ಎಸೆತಗಳಲ್ಲಿ ವೇಗಿವಾಗಿ ಶತಕ ಸಿಡಿಸಿದ್ರು. ಒಟ್ಟು 56 ಎಸೆತಗಳಲ್ಲಿ 134 ರನ್​ ಬಾರಿಸಿದ್ದ ಗೌತಮ್, 13 ಸಿಕ್ಸರ್​ಗಳನ್ನ ಸಿಡಿಸಿದ್ರು. ವಿಶೇಷ ಅಂದ್ರೆ ಬೌಂಡರಿಗಳಿಂದಲೇ  ಗೌತಮ್, 106 ರನ್​ ಕಲೆಹಾಕಿದ್ರು. ಅದೇ ಪಂದ್ಯದಲ್ಲಿ ಗೌತಮ್ 4 ಓವರ್ ಬೌಲ್ ಮಾಡಿ ಕೇವಲ 15 ರನ್​ ನೀಡಿ 8 ವಿಕೆಟ್ ಸಹ ಪಡೆದಿದ್ರು.  

ಒಟ್ನಲ್ಲಿ..! ಗೌತಮ್ ಒಬ್ಬ HIGHLY SKILLED ಕ್ರಿಕೆಟರ್. ಬ್ಯಾಟಿಂಗ್​ನಲ್ಲಿ ಫಿಯರ್​ಲೆಸ್, ಅಗ್ರೆಸಿವ್, ಪವರ್ ಹಿಟ್ಟರ್ ಆಗಿದ್ದ ಗೌತಮ್, ಬೌಲಿಂಗ್​ನಲ್ಲೂ ಅದ್ಭುತ ವೇರಿಯೇಷನ್ಸ್​ ಮತ್ತು ಟ್ಯಾಲೆಂಟ್ ಹೊಂದಿದ್ದರು. ಇದಷ್ಟೇ ಅಲ್ಲ..! ಗೌತಮ್ ಮೆಂಟಲಿ ಟಫ್ ಕ್ರಿಕೆಟರ್ ಕೂಡ. ಹಾಗಾಗಿ ಟೀಕೆಗಳು ಎದುರಾದ್ರು ಕುಗ್ಗದ ಗೌತಮ್, ತನ್ನ ಪರ್ಫಾಮೆನ್ಸ್ ಮೂಲಕವೇ ಎಲ್ಲದಕ್ಕೂ ಉತ್ತರ ನೀಡ್ತಿದ್ರು. ಸದ್ಯ ಗೌತಮ್ ಕ್ರಿಕೆಟ್​ನಿಂದ ದೂರ ಉಳಿಯಲು ನಿರ್ಧರಿಸಿದ್ದಾರೆ. ಗೌತಮ್​​ ಸೆಕೆಂಡ್ ಇನ್ನಿಂಗ್ಸ್​ಗೆ, ಆಲ್​ ದ ಬೆಸ್ಟ್ ಹೇಳೋಣ..! ಥ್ಯಾಂಕ್ ಯೂ ಗೌತಮ್. ವಿ ಮಿಸ್ ಯು ಆನ್ ದ ಫೀಲ್ಡ್​...!

G.S.ಗಂಗಾಧರ್, ಸ್ಪೋರ್ಟ್ಸ್ ಬ್ಯೂರೋ ಮುಖ್ಯಸ್ಥರು
ನ್ಯೂಸ್ ಫಸ್ಟ್, ಬೆಂಗಳೂರು. 



ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ