ಶ್ರೇಯಾಂಕನೂ ಅಲ್ಲ, ಮಂದಾನನೂ ಅಲ್ಲ.. ಆರ್​ಸಿಬಿಯಲ್ಲೀಗ ಹೊಸ ಕ್ರಷ್..!

ಇವರೇ ಹೊಸ ಕ್ರಷ್..!

ಮಹಿಳಾ ಪ್ರೀಮಿಯರ್​ ಲೀಗ್​ ಮೆಗಾ ಆಕ್ಷನ್ ಅಂತ್ಯಕಂಡಿದೆ. ಪಕ್ಕಾ ಲೆಕ್ಕಾಚಾರ ಹಾಕಿ ರಾಯಲ್​​​ ಚಾಲೆಂಜರ್ಸ್​ ಬೆಂಗಳೂರು ಪರ್ಫೆಕ್ಟ್​ ಆಟಗಾರ್ತಿಯರನ್ನ ಪಿಕ್​ ಮಾಡಿದೆ. ಹರಾಜಿನ ಬಳಿಕ ಆರ್​​ಸಿಬಿ ಮ್ಯಾನೇಜ್​ಮೆಂಟ್​ ಖುಷಿ​ ಆಗಿದ್ಯೋ? ಇಲ್ವೋ? ಗೊತ್ತಿಲ್ಲ. ರೆಡ್​ ಆರ್ಮಿಯ ಫ್ಯಾನ್ಸ್​ ಅಂತೂ ಫುಲ್​ ಖುಷ್​ ಆಗಿದ್ದಾರೆ. ಆರ್​​ಸಿಬಿ ಫ್ರಾಂಚೈಸಿಗೆ ಅಭಿಮಾನಿಗಳ ಹೊಸ ಕ್ರಷ್​ ಎಂಟ್ರಿಯಾಗಿದೆ.

ಹೊಸ ಸುಂದರಿಯ ಎಂಟ್ರಿ

ಮಹಿಳಾ ಪ್ರೀಮಿಯರ್​ ಲೀಗ್​​ ಮೆಗಾ ಹರಾಜು ಅಂತ್ಯವಾದ ಬೆನ್ನಲ್ಲೇ ಸೋಷಿಯಲ್ ಮೀಡಿಯಾದಲ್ಲಿ ಹೊಸ ಹೆಸರು ಸಂಚನದ​ ಸೃಷ್ಟಿಸಿದೆ. ಆರ್​ಸಿಬಿ ಅಭಿಮಾನಿಗಳಂತೂ ಈಕೆ ನಮ್ಮ ಹೊಸ ಕ್ರಷ್​ ಎಂದು ಕೊಂಡೆ ತಿರುಗಾಡ್ತಿದ್ದಾರೆ. ಆ ಸೆನ್ಸೇಷನ್​ ಸೃಷ್ಟಿಸಿರೋ ಆ ಸುಂದರಿಯ ಹೆಸರು ಲಾರೆನ್​ ಬೆಲ್​!

90 ಲಕ್ಷಕ್ಕೆ ಇಂಗ್ಲೆಂಡ್​ ಸುಂದರಿ ಖರೀದಿಸಿದ

ತಂಡದ ಮಾಜಿ ವೇಗಿ ರೇಣುಕಾ ಸಿಂಗ್​ ಕೇವಲ 60 ಲಕ್ಷಕ್ಕೆ ಖರೀದಿಗೆ ಲಭ್ಯವಿದ್ರೂ ಆರ್​​ಸಿಬಿ ಖರೀದಿಗೆ ಮುಂದಾಗಲಿಲ್ಲ. ಆಗ ಅದೆಷ್ಟೋ ಅಭಿಮಾನಿಗಳು ಬೈದುಕೊಂಡಿದ್ರು. ಆದ್ರೆ, 24 ವರ್ಷದ ಯುವ ವೇಗಿ ಲಾರೆನ್​ ಬೆಲ್​ ಆಕ್ಷನ್​ಗೆ ಬತ್ತಿದ್ದಂತೆ ಆರ್​ಸಿಬಿ ಅಲರ್ಟ್​ ಆಯ್ತು. ಪಟ್ಟು ಹಿಡಿದು 90 ಲಕ್ಷ ನೀಡಿ ಖರೀದಿಸಿತು.

ಲಾರೆನ್​ ಬೆಲ್​ ಟ್ರೆಂಡ್

ಅದಾದ ಬೆನ್ನಲ್ಲೇ ಈಕೆಯ ಬಗ್ಗೆ ಫ್ಯಾನ್ಸ್​ ಹುಡುಕಾಟ ನಡೆಸಿದ್ದಾರೆ. ಗೊಗಲ್​ನಲ್ಲಿ ಸರ್ಚ್​ ಮಾಡಿದ ಫ್ಯಾನ್ಸ್​ ಲಾರೆನ್​ ಬೆಲ್​ ಕ್ಯೂಟ್​ನೆಸ್​, ಚಾರ್ಮ್​, ಸ್ಟನ್ನಿಂಗ್​ ಫೋಟೋಸ್​ಗಳಿಗೆ ಕ್ಲೀನ್​ ಬೋಲ್ಡ್​ ಆಗಿದ್ದಾರೆ. reason to watch WPL 2026 ಎಂದೇ ಲಾರೆನ್​ ಬೆಲ್​ ಟ್ರೆಂಡ್​ ಆಗ್ತಿದ್ದಾರೆ.

ಆರ್​​ಸಿಬಿ ತಂಡವನ್ನ ಸೇರಿಕೊಳ್ತಿದ್ದಂತೆ ಲಾರೆನ್​ ಬೆಲ್​ ಫ್ಯಾನ್ಸ್​ಗೆ ಸಂದೇಶ ಕಳಿಸಿದ್ದಾರೆ. ವಿಡಿಯೋ ಮೂಲಕ ಎಲ್ಲರಿಗೂ ಹಾಯ್​ ಹೇಳಿರೋ ಬೆಲ್​ Can't wait to Play Bold with you all! ಎಂದಿದ್ದಾರೆ. ಲಾರೆಲ್​ ಬೆಲ್​ ಮಾತು ಫ್ಯಾನ್ಸ್​ ಎದೆಯ ಬೆಲ್​ ಅನ್ನೇ ಒತ್ತಿದಂತಿದೆ. ಯಾಕಂದ್ರೆ, ಪೋಸ್ಟ್​ಗೆ ಲೈಕ್ಸ್​ ಕಮೆಂಟ್ಸ್​ ಸುರಿಮಳೆ ಹರಿದಿದೆ.

ಸೌಂದರ್ಯ ಒಂದೇ ಅಲ್ಲ

ಅಂದ್ಹಾಗೆ ಈ ಲಾರೆನ್​ ಬೆಲ್​ನ ಸೌಂದರ್ಯಕ್ಕೆ ಸೀಮಿತವಾಗಿ ನೋಡೋಕೆ ಹೋಗಬೇಡಿ. ಖತರ್ನಾಕ್​ ಬೌಲಿಂಗ್​ ಮಾಡೊ ಕಲಾಕಾರೆ ಈಕೆ. ಬರೋಬ್ಬರಿ 6.2 ಅಡಿ ಎತ್ತರದ ಲಾರೆನ್​, ಸ್ವಿಂಗ್​ & ಪೇಸ್​ ಅಸ್ತ್ರದಿಂದಲೇ ಎದುರಾಳಿ ಬ್ಯಾಟರ್ಸ್​ಗೆ ಕಾಟ ಕೊಡೋ ಕಲಾವಿದೆ.

ಱಂಕಿಂಗ್​ನಲ್ಲಿ 4ನೇ ಸ್ಥಾನ

ಪವರ್​​ ಪ್ಲೇ ಹಾಗೂ ಡೆತ್​ ಓವರ್​​ನಲ್ಲಿ ಪವರ್​ ಫುಲ್​ ಸ್ಪೆಲ್ ಹಾಕೋ ಸಾಮರ್ಥ್ಯ ಈಕೆಗಿದೆ. ಐಸಿಸಿ ವುಮೆನ್ಸ್​​ ಟಿ20 ಬೌಲರ್​​ ಱಂಕಿಂಗ್​ನಲ್ಲಿ 4ನೇ ಸ್ಥಾನದಲ್ಲಿದ್ದಾರೆ ಅಂದ್ರೆ ನೀವೆ ಅರ್ಥ ಮಾಡಿಕೊಳ್ಳಿ ಸಾಮರ್ಥ್ಯ ಏನು ಅನ್ನೋದನ್ನ.!

ಈ ಯುವ ವೇಗಿ ಆರ್​​​ಸಿಬಿ ಖರೀದಿಸಿದ ಚೀಪ್​ & ಬೆಸ್ಟ್​ ಆಟಗಾರ್ತಿ. ಈವರೆಗೆ ಇಂಗ್ಲೆಂಡ್​ ಪರ 36 ಟಿ20 ಪಂದ್ಯಗಳನ್ನಾಡಿರೋ ಲಾರೆಲ್​ ಬೆಲ್ 50 ವಿಕೆಟ್​ ಬೇಟೆಯಾಡಿದ್ದಾರೆ. 7.40ರ ಎಕಾನಮಿ ಹೊಂದಿದ್ದಾರೆ. ಇನ್ನು, ದಿ 100 ಲೀಗ್​ನಲ್ಲೂ ಧೂಳೆಬ್ಬಿಸಿರೋ ಬೆಲ್ 41 ಮ್ಯಾಚ್​ನಲ್ಲಿ 60 ವಿಕೆಟ್​ ಉರುಳಿಸಿ ಕಮಾಲ್​ ಮಾಡಿದ್ದಾರೆ. 6.81​ರ ಉತ್ತಮ ಎಕಾನಮಿಯನ್ನ ಕಾಯ್ದುಕೊಂಡಿದ್ದಾರೆ.