6, 6, 6, 6, 6; ಬೆಚ್ಚಿ ಬಿದ್ದ ಬೌಲರ್​.. ಸತತ 5 ಸಿಕ್ಸರ್​ ಸಿಡಿಸಿದ ಅಫ್ಘಾನ್ ಆಲ್​ರೌಂಡರ್​

ಏಷ್ಯಾಕಪ್​ನ ಟಿ20 ಪಂದ್ಯದಲ್ಲಿ ಕೊನೆಯ ಓವರ್​ನಲ್ಲಿ ಶ್ರೀಲಂಕಾ ವಿರುದ್ಧ ಅಫ್ಘಾನಿಸ್ತಾನದ ಆಲ್​ರೌಂಡರ್​ ಮೊಹಮ್ಮದ್​ ನಬಿ ಸಿಕ್ಸರ್ ಸುರಿಮಳೆಗೈದಿದ್ದಾರೆ. ಲಂಕಾದ ಸ್ಪಿನ್ನರ್​ಗೆ ಬ್ಯಾಕ್​ ಟು ಬ್ಯಾಕ್​ 5 ಸಿಕ್ಸರ್​ಗಳನ್ನು ಸಿಡಿಸಿದ್ದಾರೆ. 

ಅಬುಧಾಬಿ​ಯ  ಶೇಖ್ ಜಾಯೆದ್ ಕ್ರೀಡಾಂಗಣದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಅಫ್ಘಾನಿಸ್ತಾನ ಆರಂಭ ಏನು ಉತ್ತಮವಾಗಿರಲಿಲ್ಲ. ಶ್ರೀಲಂಕಾದ ಬೌಲರ್​ಗಳು ಮೇಲುಗೈ ಸಾಧಿಸಿದ್ದರು. ಈ ಪಂದ್ಯದಲ್ಲಿ ನುವಾನ್ ತುಷಾರ 4 ವಿಕೆಟ್​ ಕಬಳಿಸಿ ಮಿಂಚಿದ್ದರು. ಹೀಗಾಗಿ ಅಫ್ಘಾನ್​ 136 ರನ್​ ಗಳಿಸಿತ್ತು. ಈ ವೇಳೆ ಕ್ರೀಸ್​​ನಲ್ಲಿದ್ದ ಆಲ್​ರೌಂಡರ್​ ಮೊಹಮ್ಮದ್​ ನಬಿ ಬಿರುಸಿನ ಬ್ಯಾಟಿಂಗ್ ಪ್ರದರ್ಶನ ಮಾಡಿ ತಂಡದ ಮೊತ್ತ ಹಿಗ್ಗಿಸಿದರು. 

ಪಂದ್ಯದ ವೇಳೆ ಮೊಹಮ್ಮದ್​ ನಬಿ ಸ್ಟ್ರೈಕ್​ನಲ್ಲಿ ಇರುವಾಗ, 20ನೇ ಓವರ್​ ಮಾಡಲು ಬಂದ ಶ್ರೀಲಂಕಾದ ಪರ ಸ್ಪಿನ್ನರ್ ​ದುನಿತ್ ವೆಲ್ಲಾಲ ಭಾರೀ ಮುಖಭಂಗ ಅನುಭವಿಸಿದರು. ಏಕೆಂದರೆ ಮೊದಲ ಮೂರು ಬಾಲ್​ಗಳು ಸಿಕ್ಸರ್​ಗಳು ಆಗಿದ್ದವು. 4ನೇ ಬಾಲ್​ ನೋಬಾಲ್ ಆಗಿತ್ತು. ಹೀಗಾಗಿ ಫ್ರೀಹಿಟ್​​ನಲ್ಲಿ ಮೊಹಮ್ಮದ್ ನಬಿ ಬಾಲ್​ ಅನ್ನು ಸಿಕ್ಸ್​ ಸಿಡಿಸಿದರು. 

ಇದಾದ ಮೇಲೆ 5ನೇ ಬಾಲ್​ ಕೂಡ ಬಿಗ್​ ಸಿಕ್ಸರ್​​ ಆಯಿತು. ಆ ಮೇಲೆ 6ನೇ ಎಸೆತವನ್ನು ಸಿಕ್ಸರ್​ ಟ್ರೈ ಮಾಡಿದ ಮೊಹಮ್ಮದ್​ ನಬಿ ವಿಫಲವಾದರು. ಕೊನೆಯ ಬಾಲ್​ನಲ್ಲಿ ಕುಸಲ್ ಪೆರೆರಾ ಹಾಗೂ ಕುಸಲ್ ಮೆಂಡಿಸ್ ಸೇರಿ ರನ್​ಔಟ್ ಮಾಡಿದರು. ಪಂದ್ಯದಲ್ಲಿ ಕೇವಲ 22 ಬಾಲ್ ಎದುರಿಸಿ 3 ಬೌಂಡರಿ, 6 ಸಿಕ್ಸರ್​ಗಳಿಂದ 60 ರನ್​ ಚಚ್ಚಿದರು. 136 ರನ್​ಗಳ ಆಸುಪಾಸಿನಲ್ಲಿ ಆಟ ಮುಗಿಸಬೇಕಿದ್ದ ಅಫ್ಘಾನಿಸ್ತಾನ 169 ರನ್​ಗಳ ಟಾರ್ಗೆಟ್​ ಅನ್ನು ಶ್ರೀಲಂಕಾಗೆ ನೀಡಿತ್ತು.    

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ