ಕೊನೆಗೂ ಭಾರತದಲ್ಲಿ ಲೈಸೆನ್ಸ್ ದಕ್ಕಿಸಿಕೊಂಡ ಸ್ಟಾರ್​ ಲಿಂಕ್; ಇದರ ಹೈ-ಸ್ಪೀಡ್ ಎಷ್ಟು? ರೇಟ್ ದುಬಾರಿನಾ?

ನವದೆಹಲಿ: ವಿಶ್ವದ ಶ್ರೀಮಂತ ಉದ್ಯಮಿ ಎಲಾನ್ ಮಸ್ಕ್​ ಒಡೆತನದ ಸ್ಟಾರ್ ಲಿಂಕ್​ ಕಂಪನಿಗೆ ಭಾರತದಲ್ಲಿ ಲೈಸೆನ್ಸ್​ ದಕ್ಕಿದೆ. ಶೀಘ್ರವೇ ಭಾರತದಲ್ಲಿ ಸ್ಟಾರ್​ ಲಿಂಕ್ ಕೆಲಸ ಮಾಡೋದು ಖಚಿತವಾಗಿದೆ. ಅದರ ಬೆಲೆ ಎಷ್ಟು? ಸ್ಟಾರ್ ಲಿಂಕ್‌ ಇಂಟರ್ನೆಟ್‌ನ​ ಸ್ಪೀಡ್ ಎಷ್ಟು ಅನ್ನೋದು ಕುತೂಹಲಕ್ಕೆ ಕಾರಣವಾಗಿದೆ.

ಕೊನೆಗೂ ಭಾರತದಲ್ಲಿ ಲೈಸೆನ್ಸ್ ದಕ್ಕಿಸಿಕೊಂಡ ಸ್ಟಾರ್​ಲಿಂಕ್
ಸ್ಯಾಟಲೈಟ್ ಇಂಟರ್ನೆಟ್ ವೇಗ ಎಷ್ಟು? ರೇಟ್ ಏನಿರಲಿದೆ?
ಸ್ಟಾರ್​ ಲಿಂಕ್. ಎಲಾನ್ ಮಸ್ಕ್​ ಒಡೆತನದ ಸ್ಪೆಸ್ ಎಕ್ಸ್​​ ಕಂಪನಿಯ ಸಿಸ್ಟರ್​ ಕಂಪನಿ. ಬರೋಬ್ಬರಿ 110 ದೇಶಗಳಲ್ಲಿ ಆ್ಯಕ್ಟಿವ್ ಆಗಿರುವ ಇದೇ ಸ್ಟಾರ್​ ಲಿಂಕ್ ಶೀಘ್ರದಲ್ಲೇ ಭಾರತಕ್ಕೂ ಕಾಲಿಡ್ತಿದೆ. ಯಾಕಂದ್ರೆ, ಭಾರತ ಸರ್ಕಾರ ಕೊನೆಗೂ ಸ್ಟಾರ್​ ಲಿಂಕ್ ಕಂಪನಿಗೆ ಗ್ಲೋಬಲ್ ಮೊಬೈಲ್ ಪರ್ಸನಲ್ ಕಮ್ಯುನಿಕೇಷನ್ ಬೈ ಸ್ಯಾಟಲೈಟ್ ಲೈಸೆನ್ಸ್​ ನೀಡಿದೆ.

‘ಸ್ಟಾರ್’​ ಲಿಂಕ್​ ‘ಸ್ಪೀಡ್’
ಒನ್ ​ವೆಬ್ ಹಾಗೂ ರಿಲಯೆನ್ಸ್​ ಜಿಯೋ ಬಿಟ್ರೆ ಟೆಲಿಕಾಂ ಲೈಸೆನ್ಸ್​ ಪಡೆದ 3ನೇ ಕಂಪನಿ ಈ ಸ್ಟಾರ್ ಲಿಂಕ್. ಸ್ಟಾರ್ ಲಿಂಕ್ ಡೌನ್​ಲೋಡ್ ಸ್ಪೀಡ್​ ರೇಂಜ್. 25 ರಿಂದ 220 Mbps ವೇಗ ಹೊಂದಿದೆ. ಅಂದ್ರೆ, ಸಿಕ್ಕಾಪಟ್ಟೆ ಹೈ ಸ್ಪೀಡ್. ಇದು ಸ್ಯಾಟಲೈಟ್​ನಿಂದ ಇಂಟರ್ನೆಟ್ ಒದಗಿಸೋದ್ರಿಂದ, ಮಳೆ ಇರ್ಲಿ. ಚಳಿ ಇರ್ಲಿ. ಹಿಮಪಾತವೇ ಆಗಲಿ ಇಂಟರ್ನೆಟ್ ಸ್ಪೀಡ್​ನಲ್ಲಿ ಯಾವುದೇ ಬದಲಾವಣೆ ಆಗಲ್ಲ.

ಸ್ಟಾರ್ ಲಿಂಕ್ ರೇಟ್ ಎಷ್ಟು ಅನ್ನೋದು ತುಂಬಾ ಮುಖ್ಯ. ಮಾಸಿಕ ₹840 ರೂಪಾಯಿ ಅಂದ್ರೆ 10 ಡಾಲರ್​​ಗೆ ಅನ್​ಲಿಮಿಟೆಡ್ ಡೇಟಾ ಕೊಡ್ತಿದೆ. ಈ ದರ ಮುಂದಿನ ದಿನಗಳಲ್ಲಿ ಜಾಸ್ತಿಯಾಗೋ ಎಲ್ಲಾ ಸಾಧ್ಯತೆ ಇದೆ.
ಹೈ ಸ್ಪೀಡ್ ಸ್ಟಾರ್ ಲಿಂಕ್ ಹೇಗ್ ಕೆಲಸ ಮಾಡುತ್ತೆ ಅನ್ನೋದಕ್ಕೂ ಉತ್ತರ ಇಲ್ಲಿದೆ ನೋಡಿ.

ಏನಿದು ಸ್ಟಾರ್ ಲಿಂಕ್?
ಸ್ಟಾರ್ ​ಲಿಂಕ್ ಕಂಪನಿ. ಸ್ಯಾಟಲೈಟ್ ಮೂಲಕ ಹೈಸ್ಪೀಡ್ ಇಂಟರ್ನೆಟ್ ಒದಗಿಸುವ ಕಂಪನಿ. ಈಗಾಗಲೇ ಕಕ್ಷೆಯಲ್ಲಿ ಆ್ಯಕ್ಟಿವ್ ಆಗಿ ಇರೋ ಫೈಬರ್ ಆಪ್ಟಿಕ್ ಅಥವಾ ಸೆಲ್ಯುಲಾರ್ ನೆಟ್‌ವರ್ಕ್‌ ಸೇವೆಗಳು ಭಾರತದ ಅನೇಕ ಪ್ರದೇಶಗಳಿಗೆ ಲಭ್ಯ ಇರಲ್ಲ. ಹೀಗಾಗಿ, ಇಂತಹ ಪ್ರದೇಶಗಳಲ್ಲಿ ಸ್ಟಾರ್‌ಲಿಂಕ್‌ನ ಟೆಕ್ನಾಲಜಿ, ವರ್ಕ್​ ಆಗುತ್ತೆ. ಇಂಟರ್​ನೆಟ್ ಸಿಗದೇ ಜಾಗಗಳಲ್ಲೂ ಈ ಸ್ಟಾರ್​ಲಿಂಕ್, ನಾನ್‌ ಸ್ಟಾಪ್‌, ಹೈ ಸ್ಪೀಡ್ ಇಂಟರ್ನೆಟ್ ಸೇವೆ ಕೊಡುತ್ತೆ ಅನ್ನೋದು ಗಮನಾರ್ಹ.

ಇದನ್ನೂ ಓದಿ: ದುಬೈನ ಶೇಖ್​​ಗಳಿಗೆ ರಾಜಸ್ಥಾನಿ ಮೇಕೆಗಳು ಅಂದ್ರೆ ಪಂಚಪ್ರಾಣ.. ಲಕ್ಷ ಲಕ್ಷ ಕೊಟ್ಟು ಖರೀದಿಸೋದು ಯಾಕೆ..? 

ಅರ್ಜಿ ಸಲ್ಲಿಸಿದ ಮೂರ್ನಾಲ್ಕು ವರ್ಷಗಳ ಬಳಿಕ ಕೇಂದ್ರ ಸರ್ಕಾರ ಸ್ಟಾರ್​​ ಲಿಂಕ್​ಗೆ ಗ್ರೀನ್ ಸಿಗ್ನಲ್ ಕೊಟ್ಟಿದೆ. ಇದು ಭಾರತದ ಜನ ಅದೆಷ್ಟರ ಮಟ್ಟಿಗೆ ಕೈ ಹಿಡಿದು ನಡೆಸ್ತಾರೆ ಅನ್ನೋದನ್ನ ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ