ಸ್ಟಾರ್​ ಪ್ಲೇಯರ್ಸ್​ಗೆ ಬಿಗ್​ ಶಾಕ್​​; ಮೆಗಾ ಹರಾಜಿನಲ್ಲಿ ಅನ್​ಸೋಲ್ಡ್​​ ಆದ ಆಟಗಾರರು ಇವ್ರೇ!

ಇಂಟರ್​ ನ್ಯಾಷನಲ್​ ಕ್ರಿಕೆಟ್​ನಲ್ಲೇ ತಮ್ಮದೇ ಆದ ಛಾಪು ಮೂಡಿಸಿರೋ ಸ್ಟಾರ್ ಆಟಗಾರರೇ ಮೆಗಾ ಹರಾಜಿನಿಂದಲೇ ಹೊರಬಿದ್ದಿದ್ದಾರೆ. ಇವರು ತಮ್ಮ ಮೂಲ ಬೆಲೆಯಷ್ಟು ಹಣವನ್ನು ಪಡೆಯುವಲ್ಲೂ ಫೇಲ್ಯೂರ್​ ಆಗಿದ್ದು, ಅನ್​ಸೋಲ್ಡ್​ ಆಗಿದ್ದಾರೆ.

ಇಂದು ಸೌದಿಯಲ್ಲಿ ಮೆಗಾ ಹರಾಜು ನಡೆಯುತ್ತಿದೆ. ಸ್ಟಾರ್​ ಆಟಗಾರರು ಹೆಸರು ಕೂಗಿದ್ರೂ ಯಾವುದೇ ತಂಡದ ಮಾಲೀಕರು ಖರೀದಿ ಮಾಡಲಿಲ್ಲ. ಹಾಗಾಗಿ ಇವ್ರು ಅನ್​ಸೋಲ್ಡ್​ ಆಗಿದ್ದು, ಅಭಿಮಾನಿಗಳಿಗೆ ಶಾಕಿಂಗ್​ ಆಗಿದೆ.

ಮೆಗಾ ಹರಾಜಿಗೆ ಮುನ್ನ ಆಸ್ಟ್ರೇಲಿಯಾದ ಸ್ಟಾರ್ ಆಟಗಾರ ಡೇವಿಡ್ ವಾರ್ನರ್‌ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ ತಂಡ ರಿಲೀಸ್​ ಆಗಿತ್ತು. ಇವರನ್ನು ಯಾವುದೇ ತಂಡ ಬಿಡ್​ ಮಾಡಲು ಮನಸ್ಸು ಮಾಡಲಿಲ್ಲ. ಇಷ್ಟೇ ಅಲ್ಲ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಬಿರುಸಿನ ಬ್ಯಾಟಿಂಗ್‌ನಿಂದಲೇ ಹೆಸರುವಾಸಿರೋ ಇಂಗ್ಲೆಂಡ್​ ತಂಡದ ಜಾನಿ ಬೇರ್‌ ಸ್ಟೋ ಕೂಡ ಅನ್​ಸೋಲ್ಡ್​ ಆಗಿದ್ದಾರೆ.

ದೇವದತ್​ ಪಡಿಕ್ಕಲ್​ ಅನ್​ಸೋಲ್ಡ್

ಸದ್ಯ ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರೋ ಬಾರ್ಡರ್‌ ಗವಾಸ್ಕರ್‌ ಸರಣಿಯಲ್ಲಿ ಸ್ಥಿರ ಪ್ರದರ್ಶನ ನೀಡುವಲ್ಲಿ ವಿಫಲರಾಗಿರೋ ಕರ್ನಾಟಕದ ಸ್ಟಾರ್ ಆಟಗಾರ ದೇವದತ್ ಪಡಿಕ್ಕಲ್‌ ಸಹ ಅನ್​ಸೋಲ್ಡ್​ ಆಗಿದ್ದಾರೆ. ಕಳೆದ ಸೀಸನ್​ನಲ್ಲಿ ಲಕ್ನೋ ತಂಡದ ಪರ ಕಳಪೆ ಪ್ರದರ್ಶನ ನೀಡಿದ ಕಾರಣ ಕೈ ಬಿಡಲಾಗಿತ್ತು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್