ಬೆಂಗಳೂರಿಗೆ ಫೆರಿಫೆರಲ್ ರಿಂಗ್ ರೋಡ್ ಅಗತ್ಯ : ರಾಜಕೀಯ ಮೀರಿ ಒಟ್ಟಾಗಿ ಕೆಲಸ ಮಾಡಲು ರಾಜ್ಯಸಭೆ ಮಾಜಿ ಸದಸ್ಯ ಡಿ.ಕುಪೇಂದ್ರ ರೆಡ್ಡಿ ಕರೆ

ಬೆಂಗಳೂರು ಮಹಾನಗರಕ್ಕೆ ತುರ್ತಾಗಿ 360 ಡಿಗ್ರಿ ಸಂಪರ್ಕ ನೀಡುವ ಪಿಆರ್‌ಆರ್‌  ಹಾಗೂ ಅಂತರಿಕ ಆರ್ಟಿರಿಯಲ್ ಕಾರಿಡಾರ್ ಗಳ ಅಗತ್ಯವಿದೆ ಎಂದು ಜೆಡಿಎಸ್ ನಾಯಕ ಹಾಗೂ ರಾಜ್ಯಸಭೆ ಮಾಜಿ ಸದಸ್ಯ ಕುಪೇಂದ್ರ ರೆಡ್ಡಿ ಹೇಳಿದ್ದಾರೆ. ಬೆಂಗಳೂರಿನ ಭವಿಷ್ಯಕ್ಕಾಗಿ ಮತ್ತು ಭಾರತದ ಟೆಕ್ನಾಲಜಿ ಕ್ಷೇತ್ರದಲ್ಲಿ ಬೆಂಗಳೂರಿನ ನಾಯಕತ್ವವನ್ನು ಕಾಪಾಡಿಕೊಂಡು ಹೋಗಲು ಸರ್ಕಾರ ಮತ್ತು ವಿರೋಧ ಪಕ್ಷಗಳು ರಾಜಕೀಯವನ್ನು ಬಿಟ್ಟು  ಒಟ್ಟಾಗಿ ಕೆಲಸ ಮಾಡಬೇಕು ಎಂದು ರಾಜ್ಯಸಭೆ ಮಾಜಿ ಸದಸ್ಯ ಡಿ.ಕುಪೇಂದ್ರ ರೆಡ್ಡಿ ಕರೆ ನೀಡಿದ್ದಾರೆ.
ಕಳೆದ ಕೆಲವು ದಶಕಗಳಿಂದ ಬೆಂಗಳೂರು ಭಾರತದ ಆರ್ಥಿಕ ಶಕ್ತಿ ಕೇಂದ್ರವಾಗಿದೆ. 2004 ರಿಂದ ಬೆಂಗಳೂರು  ನಗರವು 300 ಚದರ ಕಿ.ಮೀ.ನಿಂದ 880 ಚದರ ಕಿ.ಮೀ.ಗೆ ವಿಸ್ತರಿಸಿದೆ  . ಬೆಂಗಳೂರಿನ  ಜನಸಂಖ್ಯೆಯು  ಭಾರಿ ಪ್ರಮಾಣದಲ್ಲಿ ಏರಿಕೆಯಾಗಿದೆ. 
AI ಮತ್ತು ಸುಧಾರಿತ ತಂತ್ರಜ್ಞಾನಗಳ ಆಗಮನದೊಂದಿಗೆ, ನಾವು ಹೊಸ ಯುಗದ ಆರಂಭದಲ್ಲಿದ್ದೇವೆ .  ಇದು ಸಾಂಪ್ರದಾಯಿಕ IT/ITES ಮಾದರಿಯನ್ನು ಮರುರೂಪಿಸಬಹುದು ಅಥವಾ ಬದಲಾಯಿಸಬಹುದು. ಈ ಮುಂದಿನ ಉದ್ಯಮವು ಬೆಳೆಯುವ ಕೇಂದ್ರಬಿಂದುವಾಗಲು ಬೆಂಗಳೂರು ಅನನ್ಯವಾದ  ಸ್ಥಾನದಲ್ಲಿದೆ.  ಭಾರತವು ಹಿಂದೆ ಬೀಳುವುದಿಲ್ಲ ಅಥವಾ ಇನ್ನೊಂದು ದೇಶದ ಆರ್ಥಿಕ ವಸಾಹತು ಆಗುವುದಿಲ್ಲ ಎಂದು ಖಚಿತಪಡಿಸುತ್ತದೆ ಎಂದು ರಾಜ್ಯಸಭೆಯ ಮಾಜಿ ಸದಸ್ಯ ಡಿ.ಕುಪೇಂದ್ರ ರೆಡ್ಡಿ ಹೇಳಿದ್ದಾರೆ. 
ಈ ಭವಿಷ್ಯವನ್ನು ಸುರಕ್ಷಿತಗೊಳಿಸಲು, ನಮಗೆ ತುರ್ತಾಗಿ ಪೂರ್ಣ 360° ಸಂಪರ್ಕ (PRR), ಬಲವಾದ ಆಂತರಿಕ ಆರ್ಟಿರಿಯಲ್‌ ಕಾರಿಡಾರ್‌ಗಳು ಮತ್ತು ಮೆಟ್ರೋ + ಉಪನಗರ ರೈಲು ಅಗತ್ಯವಿದೆ  ಎಂದು ರಾಜ್ಯಸಭೆಯ ಮಾಜಿ ಸದಸ್ಯ ಡಿ.ಕುಪೇಂದ್ರ ರೆಡ್ಡಿ ಹೇಳಿದ್ದಾರೆ.  ಈ ಬಗ್ಗೆ ಟ್ವೀಟರ್ ನಲ್ಲಿ ಟ್ವೀಟ್ ಮಾಡಿದ್ದಾರೆ. 

Bengaluru has been India’s economic powerhouse for the last few decades. Since 2004, the city has expanded from 300 sq. km to 880 sq. km, and its population has risen exponentially.
With the arrival of AI and advanced technologies, we stand on the cusp of a new era, one that…

— Kupendra Reddy (@DKupendraReddy) November 20, 2025

ಬೆಂಗಳೂರಿನ ಸಂಚಾರ ಬಿಕ್ಕಟ್ಟು ಮತ್ತು ಜಾಗತಿಕ ಗ್ರಹಿಕೆ ನಮ್ಮ ಸ್ಪರ್ಧಾತ್ಮಕತೆಯನ್ನು ದುರ್ಬಲಗೊಳಿಸಬಹುದು. ನಮ್ಮ ಸ್ವಂತ ಸ್ಟಾರ್ಟ್‌ಅಪ್‌ಗಳು ಒಮ್ಮೆ ಜಾಗತಿಕ ದೈತ್ಯರನ್ನು ಅಡ್ಡಿಪಡಿಸಿದಷ್ಟೇ ವೇಗವಾಗಿ ಬದಲಾಗಬಹುದು.
ಇದು ಏಕತೆಗೆ ಒಂದು ಕ್ಷಣ. ಬೆಂಗಳೂರಿನ ಭವಿಷ್ಯ ಮತ್ತು ಭಾರತದ ತಾಂತ್ರಿಕ ನಾಯಕತ್ವವನ್ನು ಕಾಪಾಡಲು ಸರ್ಕಾರ ಮತ್ತು ವಿರೋಧ ಪಕ್ಷಗಳು ರಾಜಕೀಯವನ್ನು ಮೀರಿ ಒಟ್ಟಾಗಿ ಕೆಲಸ ಮಾಡಬೇಕು ಎಂದು ರಾಜ್ಯಸಭೆಯ ಮಾಜಿ ಸದಸ್ಯ ಡಿ.ಕುಪೇಂದ್ರ ರೆಡ್ಡಿ ಟ್ವೀಟ್ ಮಾಡಿದ್ದಾರೆ. 

ಬೆಂಗಳೂರಿಗೆ AI ಅಳವಡಿಕೆ ಅತ್ಯವಶ್ಯಕ ಎಂದು ಮೈಸೂರಿನಲ್ಲಿ ರಾಜ್ಯಸಭೆ ಮಾಜಿ ಸದಸ್ಯ ಕುಪೇಂದ್ರ ರೆಡ್ಡಿ ಹೇಳಿದ್ದಾರೆ. ನ್ಯೂಸ್ ಫಸ್ಟ್ ಜೊತೆ ಮಾತನಾಡಿದ ಕುಪೇಂದ್ರ ರೆಡ್ಡಿ ಬೆಂಗಳೂರಿನ ಅಭಿವೃದ್ದಿಗೆ  ಎಲ್ಲರೂ ಒಗ್ಗೂಡಿ ಕೆಲಸ ಮಾಡಬೇಕೆಂದು ಕರೆ ನೀಡಿದ್ದಾರೆ.  ರಾಜಕಾರಣಿಗಳ ದಡ್ಡತನವೋ ಏನೋ ಅಭಿವೃದ್ಧಿ ಕುಂಠಿತವಾಗುತ್ತಿದೆ. ಪ್ರತಿ ವರ್ಷ ಮೂರು ಕೋಟಿ ಉದ್ಯೋಗ ಹರಸಿ ಬರುತ್ತಾರೆ. ಅವರಿಗೆಲ್ಲ ಉದ್ಯೋಗ ಎಲ್ಲಿ ಕೊಡ್ತಾರೆ? ಬೆಂಗಳೂರಿನಲ್ಲಿ ರಸ್ತೆ , ವಿದ್ಯುತ್, ನೀರಿನ ಸಮಸ್ಯೆ ಇದೆ .  ಇದಕ್ಕೆಲ್ಲ ಪರಿಹಾರ ಬೇಕೆಂದರೆ ರಾಜಕಾರಣಿಗಳು ಒಗ್ಗೂಡಬೇಕು .  ಎಲ್ಲಾ ಪಕ್ಷದ ರಾಜಕಾರಣಿಗಳು ಒಂದುಗೂಡಿದ್ರೆ ಎಲ್ಲವೂ ಸಾಧ್ಯ ಎಂದು ರಾಜ್ಯಸಭೆ ಮಾಜಿ ಸದಸ್ಯ ಕುಪೇಂದ್ರ ರೆಡ್ಡಿ ಹೇಳಿದ್ದಾರೆ.