ಬೆಂಗಳೂರು ಮೆಟ್ರೋವನ್ನು 470 ಕಿ.ಮೀ. ವರೆಗೆ ವಿಸ್ತರಿಸುವ ಸಮಗ್ರ ಮಾಸ್ಟರ್ ಪ್ಲ್ಯಾನ್ ಗೆ ಸಿದ್ದತೆ: ದೆಹಲಿ ಮೆಟ್ರೋಗೆ ಸರಿಸಮನಾಗಿ ಬೆಂಗಳೂರು ಮೆಟ್ರೋ ವಿಸ್ತರಣೆ

ಕರ್ನಾಟಕದೊಳಗೆ ಬಿಎಂಆರ್‌ಸಿಎಲ್ ಮಹತ್ವಾಕಾಂಕ್ಷೆಯ ವಿಸ್ತರಣಾ ಅಭಿಯಾನವನ್ನು ಆರಂಭಿಸಿದೆ. ನಿಗಮವು ಪ್ರಸ್ತುತ ನಾಲ್ಕು ಹೊಸ ವಿಸ್ತರಣೆಗಳಿಗೆ ಕಾರ್ಯಸಾಧ್ಯತಾ ವರದಿಗಳನ್ನು ಸಿದ್ಧಪಡಿಸುತ್ತಿದೆ.  ಹೊಸ ಮೆಟ್ರೋ ಮಾರ್ಗದೊಂದಿಗೆ ಇನ್ನೂ ಮೂರು ಮಾರ್ಗಗಳಿಗೆ ಅಧ್ಯಯನಗಳನ್ನು ನಡೆಸುತ್ತಿದೆ.
4 ನೇ ಹಂತದ ಅಡಿಯಲ್ಲಿ ನಡೆಯುತ್ತಿರುವ ಯೋಜನೆಗಳಲ್ಲಿ 7-8 ನಿಲ್ದಾಣಗಳನ್ನು ಹೊಂದಿರುವ ಬೊಮ್ಮಸಂದ್ರ-ಅತ್ತಿಬೆಲೆ (11 ಕಿ.ಮೀ), ಮಾದಾವರದಿಂದ ತುಮಕೂರುವರೆಗಿನ ಹಸಿರು ಮಾರ್ಗ ವಿಸ್ತರಣೆ (59.6 ಕಿ.ಮೀ) 25 ನಿಲ್ದಾಣಗಳನ್ನು ಹೊಂದಿರುವ ಅಂದಾಜು ರೂ. 20,896 ಕೋಟಿ ವೆಚ್ಚ, ಸಿಲ್ಕ್ ಇನ್‌ಸ್ಟಿಟ್ಯೂಟ್‌ನಿಂದ ಹಾರೋಹಳ್ಳಿವರೆಗಿನ ದಕ್ಷಿಣ ಹಸಿರು ಮಾರ್ಗ ವಿಸ್ತರಣೆ (24 ಕಿ.ಮೀ) 18 ನಿಲ್ದಾಣಗಳು ಮತ್ತು ಚಲ್ಲಘಟ್ಟದಿಂದ ಬಿಡದಿಯವರೆಗಿನ ನೇರಳೆ ಮಾರ್ಗ ವಿಸ್ತರಣೆ (15 ಕಿ.ಮೀ) 13 ನಿಲ್ದಾಣಗಳನ್ನು ಹೊಂದಿರುವವು. ಈ ಮಾರ್ಗಗಳಲ್ಲಿ ಬೆಂಗಳೂರು ಮೆಟ್ರೋ ರೈಲು ನೆಟ್ ವರ್ಕ್ ವಿಸ್ತರಣೆಗೆ ಅಧ್ಯಯನ ನಡೆಸುತ್ತಿದೆ. 

ಹೈದರಾಬಾದ್ ಮೂಲದ ಆರ್ವೀ ಅಸೋಸಿಯೇಟ್ಸ್ ಆರ್ಕಿಟೆಕ್ಟ್ಸ್ ಎಂಜಿನಿಯರ್ಸ್ ಮತ್ತು ಕನ್ಸಲ್ಟೆಂಟ್ಸ್ ಪ್ರೈ. ಲಿಮಿಟೆಡ್ ಎಲ್ಲಾ ನಾಲ್ಕು ವಿಸ್ತರಣೆಗಳಿಗೆ ಕಾರ್ಯಸಾಧ್ಯತಾ ವರದಿಗಳನ್ನು ಸಿದ್ಧಪಡಿಸಿದೆ. ಅಕ್ಟೋಬರ್ ಅಂತ್ಯದ ವೇಳೆಗೆ ಕರಡು ವರದಿಗಳನ್ನು ಅಂತಿಮಗೊಳಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

470 ಕಿ.ಮೀ. ಮೆಟ್ರೋ ಮಾಸ್ಟರ್ ಪ್ಲಾನ್

ಈ ವಿಸ್ತರಣೆಗಳ ಜೊತೆಗೆ, BMRCL ಇನ್ನೂ ಮೂರು ಕಾರಿಡಾರ್ ವಿಸ್ತರಣೆಗಳು ಮತ್ತು ಒಂದು ಹೊಸ ಮಾರ್ಗವನ್ನು ಮೌಲ್ಯಮಾಪನ ಮಾಡುತ್ತಿದೆ.  ಇದು ಬೆಂಗಳೂರಿನ ಬೆಳೆಯುತ್ತಿರುವ ಉಪನಗರಗಳಲ್ಲಿ ಸಂಪರ್ಕವನ್ನು ಮತ್ತಷ್ಟು ಹೆಚ್ಚಿಸುತ್ತದೆ.

ಅವುಗಳೆಂದರೆ: ಬ್ಲೂ ಲೈನ್ ವಿಸ್ತರಣೆ (ದೊಡ್ಡಜಾಲ-ದೇವನಹಳ್ಳಿ, 10 ಕಿಮೀ), ಪರ್ಪಲ್ ಲೈನ್ ವಿಸ್ತರಣೆ (ಕೆ.ಆರ್ ಪುರಂ-ಹೊಸಕೋಟೆ, 16.3 ಕಿಮೀ), ಸಿಲ್ವರ್ ಲೈನ್ ವಿಸ್ತರಣೆ (ಕಡಬಗೆರೆ-ತಾವರೆಕೆರೆ ಗ್ರಾಮ, 6 ಕಿಮೀ), ಮತ್ತು ಕಾಳೇನ ಅಗ್ರಹಾರದಿಂದ ಬನ್ನೇರುಘಟ್ಟ, ಜಿಗಣಿ, ಅತ್ತಿಬೆಲೆ, ಸರ್ಜಾಪುರ, ದೊಮ್ಮಸಂದ್ರ ಮತ್ತು ವರ್ತೂರು ಕೋಡಿ ಮೂಲಕ ಕಾಡುಗೋಡಿ ಟ್ರೀ ಪಾರ್ಕ್‌ಗೆ 68 ಕಿಮೀ ಹೊಸ ಮಾರ್ಗದ ನಿರ್ಮಾಣಕ್ಕಾಗಿ ಬಿಎಂಆರ್‌ಸಿಎಲ್ ಪ್ಲ್ಯಾನ್ ಮಾಡುತ್ತಿದೆ. 

ಕೇಂದ್ರ ಸರ್ಕಾರದ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯ (MoHUA) ಬೆಂಗಳೂರಿನ ಮೆಟ್ರೋ ನೆಟ್‌ವರ್ಕ್ ಅನ್ನು 470 ಕಿ.ಮೀಗೆ ವಿಸ್ತರಿಸುವ ಸಮಗ್ರ ಮಾಸ್ಟರ್ ಪ್ಲಾನ್ ಅನ್ನು ಸಿದ್ಧಪಡಿಸುವಂತೆ BMRCL ಗೆ ನಿರ್ದೇಶಿಸಿದೆ. ಆದಾದ  ನಂತರ ಈ ಪ್ರಸ್ತಾಪಗಳು ಬಂದಿವೆ.  ಸದ್ಯ ಇದು  ದೆಹಲಿಯ 467 ಕಿ.ಮೀ ಮೆಟ್ರೋ ವ್ಯವಸ್ಥೆಗೆ ಸಮನಾಗಿರುತ್ತದೆ.

"ಒಂದೇ ಮಾಸ್ಟರ್ ಪ್ಲಾನ್ ಸಿದ್ಧಪಡಿಸುವುದರಿಂದ ತುಂಡು ತುಂಡಾಗಿ ಅನುಮೋದನೆಗಳು ಮತ್ತು ತ್ವರಿತ ಅಭಿವೃದ್ಧಿಯನ್ನು ತಪ್ಪಿಸಲು ನಮಗೆ ಸಹಾಯವಾಗುತ್ತದೆ" ಎಂದು ಬಿಎಂಆರ್‌ಸಿಎಲ್‌ನ ಹಿರಿಯ ಅಧಿಕಾರಿಯೊಬ್ಬರು ಹೇಳಿದರು. 30-40 ಕಿ.ಮೀ. ಸಣ್ಣ ಪ್ರದೇಶಗಳನ್ನು ಪ್ರಸ್ತಾಪಿಸುವ ಬದಲು, ಬೆಂಗಳೂರಿನ ತೀವ್ರ ಸಂಚಾರ ದಟ್ಟಣೆಯನ್ನು ಪರಿಹರಿಸಲು 200 ಕಿ.ಮೀ.ಗಿಂತ ಹೆಚ್ಚಿನ ದೊಡ್ಡ ಪ್ರಮಾಣದ ವಿಸ್ತರಣಾ ಯೋಜನೆಗಳತ್ತ ಈಗ ಗಮನ ಹರಿಸಲಾಗಿದೆ.
ಈ ಏಳು ಪ್ರಸ್ತಾವಿತ ವಿಸ್ತರಣೆಗಳು ಮತ್ತು ಒಂದು ಹೊಸ ಮಾರ್ಗವು ಮೆಟ್ರೋ ಜಾಲಕ್ಕೆ ಸುಮಾರು 211 ಕಿ.ಮೀ.ಗಳನ್ನು ಸೇರಿಸುತ್ತದೆ, ಇದು ನಮ್ಮ ಮೆಟ್ರೋದ ಒಟ್ಟು ಯೋಜಿತ ವ್ಯಾಪ್ತಿಯನ್ನು 467.69 ಕಿ.ಮೀ.ಗೆ ತೆಗೆದುಕೊಳ್ಳುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.