ಅಂಗಡಿ ಮಾಲೀಕರೇ ಹುಷಾರ್! ಪೋನ್ ಪೇ ಮೂಲಕ ಹಣ ವರ್ಗಾವಣೆ ಅಂತ ಯಾಮಾರಿಸ್ತಾರೆ!

ಅಂಗಡಿ ಮಾಲಿಕರೇ ಬಿ ಅಲರ್ಟ್​. ಐಟಂ ಖರೀದಿ ಮಾಡಿ ಆನ್​ಲೈನ್​ ಪೇಮೆಂಟ್​ ಆಗಿದೆ ಅಣ್ಣಾ ಅಂತ ಹೋಗೋರನ್ನ ನಂಬಬೇಡಿ. ಯಾಕಂದ್ರೆ ಮಾಸ್ಕ್ ಹಾಕ್ಕೊಂಡು ಬರೋ ಗ್ಯಾಂಗ್​ ಫೇಕ್ ಆ್ಯಪ್ ಮೂಲಕ ಪೇ ಮಾಡಿ ಮಕ್ಮಲ್​ ಟೋಪಿ ಹಾಕುತ್ತೆ. ಶಾಕಿಂಗ್​ ಅಂದ್ರೆ ದುಡ್ಡು ಹೋಗಿರೋದು ತೋರಿಸುತ್ತೆ. ಸ್ಕ್ಯಾನರ್ ಸೌಂಡ್ ಬಾಕ್ಸ್​ನಲ್ಲೂ ಕ್ರೆಡಿಟ್ಡ್​ ಅನ್ನುತ್ತೆ. ಆದ್ರೆ ಹಣ ಮಾತ್ರ ನಿಮ್ಮ ಅಕೌಂಟ್​ಗೆ ಜಮೇ ಆಗೊಲ್ಲ. ಯಾವ ಆ್ಯಪ್​ ಅದು, ಯಾರಾ ಕಿಲಾಡಿಗಳು ಅಂತೀರಾ? 
. ಅಂಗಡಿಯಲ್ಲಿ ಕಾಸ್ಟ್ಲಿ ಕಾಸ್ಟ್ಲಿ ಐಟ್ಸ್​ಂ ತಗೊಳೋದೇನೂ.. ಚಾಕ ಚಾಕ್​ ಅಂತ ಮೊಬೈಲ್​ನಲ್ಲಿ ಸ್ಕ್ಯಾನ್​ ಮಾಡಿ ಅಮೌಂಟ್​ ಪೇ ಮಾಡೋದೇನು. ಅಂಗಡಿಯಲ್ಲಿ ಖರೀದಿ ಮುಗಿಸಿ ಪೋನ್ ಪೇನಲ್ಲೇ ಪೇಮೆಂಟ್ ಮಾಡಿ, ಅಂಗಡಿಯಿಂದ ಜನರು ಹೊರ ಹೋಗುತ್ತಾರೆ.  ಆದರೇ, ಅಂಗಡಿಯವರ ಬ್ಯಾಂಕ್ ಖಾತೆಗೆ ಮಾತ್ರ ಹಣ ಬಂದೇ ಇರಲ್ಲ. ಇದು ಹೊಸ ಸ್ಕ್ಯಾಮ್ . 

ಆ್ಯಪ್​ ತಂದ ಆಪತ್ತು!
ಕೇಸ್ ನಂ.01
ವಿನಾಯಕ ಮೊಬೈಲ್ ಅಂಗಡಿ 7,000 ಐಟಂ ಖರೀದಿಸಿ ಮೋಸ 
ಸ್ಕ್ಯಾನ್ ಮಾಡಿ ಹಣ ಬಂದಿದೆ ಅಂತ ಹೇಳಿ ಜೂಟ್ ಆಗಿದ್ದ ಗ್ಯಾಂಗ್​

ಕೇಸ್ ನಂ.02
ದಿನೇಶ್ ಮೊಬೈಲ್ ಅಂಗಡಿ 15 ಸಾವಿರ ಐಟಂ ಖರೀದಿಸಿ ಮೋಸ
ಒನ್​ ಪ್ಲಸ್ ಏರ್ ಬಡ್ಸ್​ ಖರೀದಿಸಿ ಯಾಮಾರಿಸಿದ್ದ ಖದೀಮರ ಗುಂಪು

ಕೇಸ್ ನಂ.03
ಹಿಂದೆ ಒಂದು ಬಾರಿ ಬಿರಿಯಾನಿ ಅಂಗಡಿಯಲ್ಲೂ ಹೀಗೆ ಮಾಡಿದ್ರು
ಮತ್ತೊಮ್ಮೆ ಬಂದು ಬಿರಿಯಾನಿ ತಿಂದು ಪೇ ಮಾಡಿದಾಗ ಬೆಳಕಿಗೆ 
ಕಳೆದ ಬಾರಿಯ ಅಮೌಂಟ್ ಬಂದಿಲ್ಲ ಅಂದಾಗ ಕೃತ್ಯ ಬೆಳಕಿಗೆ 

ಈಗ ಈ ಕಿಲಾಡಿಗಳ ಮೋಸದ ಜಾಲದ ಬಗ್ಗೆ ಒಂದು ಕ್ಲಾರಿಟಿ ಸಿಗ್ತು ಅಲ್ವಾ.  ಯಲಹಂಕ ನ್ಯೂಟೌನ್​ನಲ್ಲಿ 10ಕ್ಕೂ ಹೆಚ್ಚು ಅಂಗಡಿಗಳಿಗೆ ಹೀಗೇನೇ ಮಾಸ್ಕ್ ಹಾಕ್ಕೊಂಡು ಬಂದು ಮಕ್ಮಲ್​ ಟೋಪಿ ಹಾಕಿ ಹೋಗಿದ್ದಾರೆ ಈ ಖದೀಮರು. ಸದ್ಯ ಈ ಕೃತ್ಯದ ಬಗ್ಗೆ ಯಲಹಂಕ ನ್ಯೂ ಟೌನ್ ಠಾಣೆಗೆ ಮೊಬೈಲ್ ಅಸೋಸಿಯೇಷನ್ ದೂರು ನೀಡಿದೆ. ಜೊತೆಗೆ ಹೀಗೆ ಕಳ್ಳಾಟ ಆಡಿದವರನ್ನ ಪೊಲೀಸರಿಗೆ ಒಪ್ಪಿಸಿದ್ದಾರೆ.
ಫೇಕ್  ಆ್ಯಪ್ ಬಳಸಿ​  ಸ್ಕ್ಯಾನ್ ಮಾಡಿ ದುಡ್ಡು ಹಾಕದೆ ಜೂಟ್ ಆಗ್ತಾರೆ. 

ಶಾಕಿಂಗ್​ ಅನಿಸಿದ್ರು ಇದು ಸತ್ಯ. ಫೋನ್ ಪೇ ರೀತಿಯೇ ಕೆಲಸ ಮಾಡೋ ಈ ಆ್ಯಪ್​ ಬಳಸಿ1 ಕೋಟಿವರೆಗೂ ಹಣ ವರ್ಗಾವಣೆ ಮಾಡ್ಬೋದು. ಈ ಆ್ಯಪ್​ ಕೇವಲ ದುಡ್ಡು ಹಾಕಿದ್ದಾಗಿ ತೋರಿಸುತ್ತೆ ಅಷ್ಟೇ . ಸ್ಕ್ಯಾನರ್ ಬಾಕ್ಸ್​ನಲ್ಲೂ ಕೆಲವೊಮ್ಮೆ ಕ್ರೆಡಿಟ್ ಅಂತ ಬರುತ್ತೆ . ಆದರೆ ಹಣ ಮಾತ್ರ ಅಕೌಂಟ್​ಗೆ ಕ್ರೆಡಿಟ್​ ಆಗೋದೇ ಇಲ್ಲ. ಸೋ ವ್ಯಾಪಾರಸ್ಥರೇ, ಜನಸಾಮಾನ್ಯರೇ ಹ್ಯೂಜ್​ ಅಮೌಂಟ್​ ಅನ್ನ ಆನ್​ಲೈನ್​ ಟ್ರಾನ್ಸ್ಯಾಕ್ಷನ್​ ಮಾಡಿಸಿಕೊಳ್ಳೋ ಮುನ್ನ ಬಿ ಅಲರ್ಟ್​.

 
ಚಂದನಾ ಶೆಟ್ಟಿ, ನ್ಯೂಸ್​ಫಸ್ಟ್​ ಬೆಂಗಳೂರು .


ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.