ಮಾಡೆಲ್‌ಗಾಗಿ ಬಾಯ್‌ಫ್ರೆಂಡ್‌ಗಳ ಕಿತ್ತಾಟ, ಚಾಕು ಇರಿದ ಬಳಿಕ ಚಂದನ್‌ನನ್ನು ಕಾರಿನಿಂದ ತಳ್ಳಿದ್ದ ಆರೋಪಿ!

ಬೆಂಗಳೂರಿನಲ್ಲಿ ಮಾಡೆಲ್ ಗಾಗಿ ಇಬ್ಬರು ಬಾಯ್ ಫ್ರೆಡ್ ಗಳ ಮಧ್ಯೆ ಕಿತ್ತಾಟ ನಡೆದಿದೆ.  ಮಾಡೆಲ್‌ನ  ಹಳೆಯ ಬಾಯ್ ಫ್ರೆಂಡ್,  ಹೊಸ ಬಾಯ್ ಫ್ರೆಂಡ್ ಗೆ ಚಾಕು  ಇರಿದ ಅಘಾತಕಾರಿ ಘಟನೆ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ನಡೆದಿದೆ.  
ಮಾಜಿ ಬಾಯ್‌ಫ್ರೆಂಡ್‌ ಒಬ್ಬ, ತನ್ನ  ಪ್ರೇಯಸಿಯ ಹೊಸ ಬಾಯ್‌ಫ್ರೆಂಡ್‌ಗೆ ಚಾಕು ಇರಿದ ಘಟನೆ  ಬೆಂಗಳೂರಿನ ವೈಯಾಲಿಕಾವಲ್‌ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ. ಈ ಘಟನೆಯ ಹೊಸ ಸಿಸಿಟಿವಿ ಫೂಟೇಜ್‌ಗಳು  ನ್ಯೂಸ್ ಫಸ್ಟ್ ಗೆ ಲಭ್ಯವಾಗಿವೆ. 
 ಮಾಡೆಲ್‌ವೊಬ್ಬಳ ಹಳೇ ಬಾಯ್‌ಫ್ರೆಂಡ್‌ ಯತೀಶ್‌ನಿಂದ ಚಂದನ್‌ ಎನ್ನುವ ಹೊಸ ಬಾಯ್‌ಫ್ರೆಂಡ್‌ ಚಾಕು ಇರಿತಕ್ಕೆ ಒಳಗಾಗಿದ್ದ. ಯತೀಶ್  ಹಾಗೂ ಆತನ ಗ್ಯಾಂಗ್‌ ಚಂದನ್‌ಗೆ ಚಾಕು ಇರಿದಿದ್ದಲ್ಲದೆ, ಚಲಿಸುತ್ತಿರುವ ಕಾರ್‌ನಿಂದ ಆತನನ್ನು ಹೊರಗೆ ಎಸೆದಿದ್ದಾರೆ . ವೈಯಾಲಿ ಕಾವಲ್ ಪೊಲೀಸ್ ಠಾಣಾ ವ್ಯಾಪ್ತಿಯ ಜಟಕಾ ಸ್ಟ್ಯಾಂಡ್ ಬಳಿ ಕಳೆದ ಶುಕ್ರವಾರ ಈ ಘಟನೆ ನಡೆದಿತ್ತು. ಚಂದನ್‌ ಅದೇ ಏರಿಯಾದ ಯುವತಿಯೊಬ್ಬಳನ್ನ ಪ್ರೀತಿ ಮಾಡ್ತಿದ್ದ. ಇನ್ನು ಮಾಡೆಲ್‌ ಆಗಿರುವ ಯುವತಿ ಕೂಡ ಚಂದನ್‌ನನ್ನ ಪ್ರೀತಿ ಮಾಡುತ್ತಿದ್ದಳು. ಆದರೆ, ಚಂದನ್‌ನ ಪ್ರೀತಿಯ ಬಲೆಗೆ ಬೀಳುವ ಮುನ್ನ ಆಕೆ ಯತೀಶ್‌ ಎಂಬಾತನನ್ನು ಪ್ರೀತಿ ಮಾಡುತ್ತಿದ್ದಳು. ಈ ವಿಚಾರ ಯತೀಶ್‌ಗೆ ತಿಳಿದ ಬಳಿಕ ಚಂದನ್‌ನನ್ನು ಮಾತುಕತೆಗೆಂದು ಕರೆದು ಚಾಕು ಇರಿದಿದ್ದರು. ಚಾಕು ಇರಿದ ಬಳಿಕ ಚಂದನ್ ನನ್ನ ಕಾರಿನಲ್ಲಿ ಕೂರಿಸಿಕೊಂಡು ಹೋಗುತ್ತಿದ್ದರು. ಬಳಿಕ ಕಾರ್ ನಿಂದ ಆರೋಪಿಗಳು ಚಂದನ್ ನನ್ನು  ಹೊರಗೆ ತಳ್ಳಿದ್ದಾರೆ. ನಡುರಸ್ತೆಯಲ್ಲಿ ಚಂದನ್ ನನ್ನು  ಯತೀಶ್‌ & ಗ್ಯಾಂಗ್‌ ಕಾರ್‌ನಿಂದ ತಳ್ಳಿದೆ. ವೈಯಾಲಿಕಾವಲ್ ರಸ್ತೆಯಲ್ಲಿ ಈ ವಿಕೃತಿ ಎಸಗಲಾಗಿದೆ. ಕಾರಿನಿಂದ ತಳ್ಳಿದ ಬಳಿಕ ಚಂದನ್ ರಕ್ತದ ಮಡುವಿನಲ್ಲಿದ್ದ. ಸ್ವಲ್ಪ ದೂರ ನಡೆದುಕೊಂಡು ಹೋಗಿ ಸ್ನೇಹಿತರಿಗೆ ಕರೆ ಮಾಡಿದ್ದ. ಕಾರಿನಲ್ಲೇ ಚಾಕು ಇರಿದು ಚಂದನ್‌ನನ್ನು ಯತೀಶ್‌ & ಗ್ಯಾಂಗ್‌ ರಸ್ತೆಗೆ ಎಸೆದು ಹೋಗಿದ್ದರು. 
ಒಂದೇ ಮಾಡೆಲ್ ನನ್ನ ಚಂದನ್ ಹಾಗೂ ಯತೀಶ್ ಲವ್ ಮಾಡುತ್ತಿದ್ದರು. ಯತೀಶ್ ಜೊತೆ ಬ್ರೇಕ್ ಅಪ್ ಆದ ನಂತರ ಮಾಡೆಲ್‌ ಚಂದನ್‌ನನ್ನು ಪ್ರೀತಿ ಮಾಡುತ್ತಿದ್ದರು. ಇದೇ ವಿಚಾರಕ್ಕೆ ಬಾರಿನಲ್ಲಿ ಕುಡಿಸಿ ಚಂದನ್ ಗೆ ಚಾಕು ಇರಿಯಲಾಗಿತ್ತು. ಚಂದನ್ ಗೆ ಚಾಕು ಇರಿದು ಕಾರ್ ನಿಂದ ರಸ್ತೆಗೆ ಎಸೆದು ಹೋದ ಸಿಸಿಟಿವಿ ವಿಡಿಯೋದ ಲಿಂಕ್ ಇಲ್ಲಿದೆ ನೋಡಿ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.