ಪಿತೃ ಪಕ್ಷ 2025 ಚತುರ್ಥಿ ಶ್ರಾದ್ಧ: ಸರಿಯಾದ ದಿನಾಂಕ ಮತ್ತು ಮುಹೂರ್ತ ಮಾಹಿತಿ ಇಲ್ಲಿದೆ!

ನವದೆಹಲಿ: ಪಿತೃ ಪಕ್ಷದ ಮೊದಲ ದಿನವಾದ ಸೆಪ್ಟೆಂಬರ್ 7, ಸನಾತನ ಧರ್ಮದ ಪ್ರಕಾರ ಸೆಪ್ಟೆಂಬರ್ 7 ಪಿತೃ ಪಕ್ಷದ ಮೊದಲ ದಿನವಾಗಿದೆ. ಪಿತೃ ಪಕ್ಷದ ಸಮಯದಲ್ಲಿ ಜನರು ತಮ್ಮ ಪೂರ್ವಜರನ್ನು ಪೂಜಿಸಿ ಶ್ರಾದ್ಧ ಮತ್ತು ಎಡೆ ಮಾಡಿದ ನಂತರ ಪೂರ್ವಜರ ಆತ್ಮಗಳು ಶಾಂತಿಯಿಂದ ಇರಬೇಕೆಂದು ಬೇಡಿಕೊಂಡು,  ಅವರ ಆಶೀರ್ವಾದಕ್ಕೆ ಪಾತ್ರರಾಗುತ್ತಾರೆ.

ಆದರೆ ಈ ಬಾರಿ ಪಿತೃಪಕ್ಷದ ಚತುರ್ಥಿ ಶ್ರಾದ್ಧದ ದಿನಾಂಕದ ಬಗ್ಗೆ ಸಾಕಷ್ಟು ಗೊಂದಲಗಳು ಮೂಡಿವೆ. ಕೆಲವರು ಈ ಶ್ರಾದ್ಧದ ಸರಿಯಾದ ದಿನಾಂಕ ಸೆಪ್ಟೆಂಬರ್ 10 ಎಂದು ಹೇಳುತ್ತಿದ್ದರೆ, ಇನ್ನು ಕೆಲವರು ಸರಿಯಾದ ದಿನಾಂಕ ಸೆಪ್ಟೆಂಬರ್ 11 ಎಂದು ಹೇಳುತ್ತಿದ್ದಾರೆ. ಪಂಚಾಂಗದ ಪ್ರಕಾರ ನಾಲ್ಕನೇ ಶ್ರಾದ್ಧದ ದಿನಾಂಕ ಯಾವುದು ಎನ್ನುವ ಮಾಹಿತಿ ಇಲ್ಲಿದೆ. 

2025 ರ ಚತುರ್ಥಿ ಶ್ರಾದ್ಧ ಯಾವಾಗ ?

ಈ ವರ್ಷ, ಚತುರ್ಥಿ ಶ್ರಾದ್ಧವನ್ನು ಸೆಪ್ಟೆಂಬರ್ 10, ಬುಧವಾರದಂದು  ಆಚರಿಸಲಾಗುತ್ತದೆ. ವಾಸ್ತವವಾಗಿ, ಇದು ಮೂರನೇ ಶ್ರಾದ್ಧದೊಂದಿಗೆ ಬರುತ್ತಿರುವುದರಿಂದ ಈ  ಗೊಂದಲಗಳು ಉದ್ಭವಿಸಿವೆ. ಪಿತೃ ಪಕ್ಷದ ಚತುರ್ಥಿ ದಿನಾಂಕವು ಸೆಪ್ಟೆಂಬರ್ 10, 2025 ರಂದು ಮಧ್ಯಾಹ್ನ 03:37 ಕ್ಕೆ ಪ್ರಾರಂಭವಾಗಿ ಸೆಪ್ಟೆಂಬರ್ 11 ರಂದು ಮಧ್ಯಾಹ್ನ 12:45 ಕ್ಕೆ ಮುಕ್ತಾಯವಾಗುತ್ತದೆ.

ಚತುರ್ಥಿ ಶ್ರಾದ್ಧ ಮುಹೂರ್ತ 2025 

• ಕುಟುಪ್ ಮುಹೂರ್ತ- 11:53 AM ನಿಂದ 12:43 PM
• ಅವಧಿ 00 ಗಂಟೆ 50 ನಿಮಿಷ
• ರೋಹಿಣಿ ಮುಹೂರ್ತ- 12:43 PM ರಿಂದ 01:33 PM
• ಅವಧಿ 00 ಗಂಟೆ 50 ನಿಮಿಷ
• ಮಧ್ಯಾಹ್ನದ ಸಮಯ- ಮಧ್ಯಾಹ್ನ 01:33 ರಿಂದ 04:02 ರವರೆಗೆ
• ಅವಧಿ 02 ಗಂಟೆ 30 ನಿಮಿಷ

ಚತುರ್ಥಿ ಶ್ರಾದ್ಧದ ದಿನದಂದು ಯಾರ ಶ್ರಾದ್ಧವನ್ನು ಮಾಡಲಾಗುತ್ತದೆ?

ಯಾವುದೇ ತಿಂಗಳಿನ ಚತುರ್ಥಿ ತಿಥಿಯಂದು ನಿಧನರಾದ ಕುಟುಂಬದ ಸದಸ್ಯರಿಗೆ ಪಿತೃ ಪಕ್ಷದ ಚತುರ್ಥಿ ಶ್ರಾದ್ಧವನ್ನು ಮಾಡಲಾಗುತ್ತದೆ. ಚತುರ್ಥಿ ಶ್ರಾದ್ಧವನ್ನು ಚೌತ್ ಶ್ರಾದ್ಧ ಎಂದೂ ಕರೆಯಲಾಗುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ