ಧಾರವಾಡ ಪ್ರತಿಭಟನೆ ಎಫೆಕ್ಟ್: 56 ಸಾವಿರ ರಾಜ್ಯ ಸರ್ಕಾರಿ ಹುದ್ದೆ ಭರ್ತಿಗೆ ಕ್ಯಾಬಿನೆಟ್ ನಲ್ಲಿ ತೀರ್ಮಾನ!

ಗವರ್ನಮೆಂಟ್ ಜಾಬ್‌ಗಾಗಿ ವೇಟ್ ಮಾಡ್ತಿರೋ ಸ್ಟೂಡೆಂಟ್ಸ್‌ಗೆ ಒಂದು ಮೆಗಾ ಬ್ರೇಕಿಂಗ್ ನ್ಯೂಸ್! ರಾಜ್ಯ ಸರ್ಕಾರ ಈಗ ಬರೋಬ್ಬರಿ 56,432 ಹುದ್ದೆಗಳ ಭರ್ತಿಗೆ ಮಹತ್ವದ ತೀರ್ಮಾನ ತಗೊಂಡಿದೆ. ಮುಂದಿನ 30 ದಿನಗಳೊಳಗಾಗಿ ಈ ನೇಮಕಾತಿ ಪ್ರಕ್ರಿಯೆ ಅಂದ್ರೆ ರಿಕ್ರೂಟ್‌ಮೆಂಟ್ ಪ್ರೊಸೆಸ್‌ಗೆ ಚಾಲನೆ ನೀಡಬೇಕು ಅಂತ ಸಚಿವ ಸಂಪುಟ ಸಭೆಯಲ್ಲಿ ಡಿಸೈಡ್ ಮಾಡಲಾಗಿದೆ. ಮೀಸಲಾತಿ ಮತ್ತು ರೋಸ್ಟರ್ ಗೊಂದಲದಿಂದಾಗಿ ಇಷ್ಟು ದಿನ ಈ ಪ್ರೊಸೆಸ್ ತಡವಾಗಿತ್ತು, ಆದ್ರೆ ಈಗ ಉದ್ಯೋಗಾಕಾಂಕ್ಷಿಗಳ ಸತತ ಹೋರಾಟಕ್ಕೆ ಕೊನೆಗೂ ಜಯ ಸಿಕ್ಕಿದೆ.
ಈ ರಿಕ್ರೂಟ್‌ಮೆಂಟ್ ಯಾಕೆ ಡಿಲೇ ಆಗ್ತಿತ್ತು ಅಂದ್ರೆ, ಮೀಸಲಾತಿ ಪ್ರಮಾಣವನ್ನ ಶೇ.56ಕ್ಕೆ ಏರಿಸಿದ್ದನ್ನ ಹೈಕೋರ್ಟ್ ತಡೆಹಿಡಿದಿದೆ. ಹಾಗಾಗಿ ಈಗ ಶೇ.50 ರಷ್ಟು ಮೀಸಲಾತಿ ಮಿತಿ ಅಡಿಯಲ್ಲೇ ನೇಮಕಾತಿ ನಡೆಸಲು ಸರ್ಕಾರ ಅನಿವಾರ್ಯವಾಗಿ ನಿರ್ಧರಿಸಿದೆ. ಆದ್ರೆ ಸ್ಟೂಡೆಂಟ್ಸ್ ಚಿಂತೆ ಮಾಡೋ ಅವಶ್ಯಕತೆ ಇಲ್ಲ, ಯಾಕಂದ್ರೆ ಹೈಕೋರ್ಟ್ ಅಂತಿಮ ತೀರ್ಮಾನಕ್ಕೆ ಒಳಪಟ್ಟು ಶೇ.6 ರಷ್ಟು ಹುದ್ದೆಗಳನ್ನ ಕಾಯ್ದಿರಿಸಲು ಸಂಪುಟ ತೀರ್ಮಾನಿಸಿದೆ. ಅಂದ್ರೆ ಒಂದು ವೇಳೆ ಕೋರ್ಟ್ ಫ್ಯೂಚರ್‌ನಲ್ಲಿ ಶೇ.56ರ ಮೀಸಲಾತಿಗೆ ಪರ್ಮಿಷನ್ ಕೊಟ್ಟರೆ, ಎಸ್‌ಸಿ ಮತ್ತು ಎಸ್‌ಟಿ ಅಭ್ಯರ್ಥಿಗಳಿಗೆ ಹೆಚ್ಚುವರಿ ಲಾಭ ಸಿಗುವಂತೆ ಪ್ಲಾನ್ ಮಾಡಲಾಗಿದೆ.
ಈಗ ನೇಮಕಾತಿ ಮಾಡಿಕೊಳ್ತಿರೋ 56,432 ಹುದ್ದೆಗಳು ಯಾವ್ಯಾವ ಡಿಪಾರ್ಟ್‌ಮೆಂಟ್‌ನಲ್ಲಿ ಇವೆ ಅಂತ ನೋಡೋದಾದ್ರೆ - ಕೆಪಿಎಸ್‌ಸಿ ಮತ್ತು ಕೆಇಎ ಅಡಿಯಲ್ಲಿ 4,409 ಹುದ್ದೆಗಳ ನೇಮಕಾತಿ ಆಲ್ಮೋಸ್ಟ್ ಫೈನಲ್ ಹಂತದಲ್ಲಿದೆ. ಇನ್ನು ಕಲ್ಯಾಣ ಕರ್ನಾಟಕ ರೀಜನ್‌ನ ಸ್ಟೂಡೆಂಟ್ಸ್‌ಗೆ ಗುಡ್ ನ್ಯೂಸ್ ಏನಂದ್ರೆ, 371ಜೆ ಅಡಿಯಲ್ಲಿ 32,132 ಹುದ್ದೆಗಳನ್ನ ಭರ್ತಿ ಮಾಡಲಾಗ್ತಿದೆ. ಇದರ ಜೊತೆಗೆ ಆರ್ಥಿಕ ಇಲಾಖೆ ಹೊಸದಾಗಿ 24,300 ಹುದ್ದೆಗಳಿಗೆ ಅನುಮೋದನೆ ನೀಡಿದ್ದು, ಎಲ್ಲಾ ಸೇರಿ ಒಂದು ದೊಡ್ಡ ಮೆಗಾ ರಿಕ್ರೂಟ್‌ಮೆಂಟ್ ಡ್ರೈವ್ ಶುರುವಾಗಲಿದೆ.
ಹಳೆಯ ರೂಲ್ಸ್ ಪ್ರಕಾರ ಅಂದ್ರೆ 1995ರ ನಿಯಮದಂತೆ ಶೇ.50ರ ಮೀಸಲಾತಿ ಅಡಿಯಲ್ಲೇ ಈ ಪ್ರಕ್ರಿಯೆ ನಡೆಯಲಿದೆ. ಇಲ್ಲಿ ಹಿಂದುಳಿದ ವರ್ಗಗಳಿಗೆ ಶೇ.32, ಎಸ್‌ಸಿಗೆ ಶೇ.15 ಮತ್ತು ಎಸ್‌ಟಿಗೆ ಶೇ.3 ರಷ್ಟು ಮೀಸಲಾತಿ ಇರುತ್ತೆ. ಒಳ ಮೀಸಲಾತಿ ಮತ್ತು ಹೆಚ್ಚುವರಿ ಮೀಸಲಾತಿ ಬಗ್ಗೆ ಕೋರ್ಟ್‌ನಲ್ಲಿ ಸ್ಟೇ ಇರೋದ್ರಿಂದ, ಈಗ ಕೆಲಸ ಬೇಕು ಅನ್ನೋ ಸ್ಟೂಡೆಂಟ್ಸ್ ಹಿತದೃಷ್ಟಿಯಿಂದ ಹಳೆಯ ರೋಸ್ಟರ್ ಬಿಂದು ಅನ್ವಯವೇ ಪ್ರಕ್ರಿಯೆ ಶುರು ಮಾಡ್ತಿದ್ದಾರೆ. ಅಡ್ವೊಕೇಟ್ ಜನರಲ್ ಅವರ ಸಲಹೆಯಂತೆ ಪ್ರಕ್ರಿಯೆ ಬೇಗ ಮುಗಿಲಿ ಅನ್ನೋದೇ ಸರ್ಕಾರದ ಇಂದಿನ ಮುಖ್ಯ ಉದ್ದೇಶವಾಗಿದೆ.
ಸೋ ಸ್ಟೂಡೆಂಟ್ಸ್, ನಿಮ್ಮ ಪ್ರಿಪರೇಷನ್ ಅನ್ನ ಈಗಲೇ ಟಾಪ್ ಗೇರ್‌ಗೆ ಹಾಕಿ. ಯಾಕಂದ್ರೆ ಒಂದು ತಿಂಗಳ ಒಳಗಾಗಿ ನೋಟಿಫಿಕೇಶನ್ ಪ್ರಕ್ರಿಯೆ ಶುರುವಾಗೋ ಸಾಧ್ಯತೆ ಇರೋದ್ರಿಂದ ಇದು ನಿಮಗೆ ಸಿಕ್ಕಿರೋ ಸುವರ್ಣ ಅವಕಾಶ. ಕೆಪಿಎಸ್‌ಸಿ ಮತ್ತು ಕೆಇಎ ವೆಬ್‌ಸೈಟ್‌ಗಳ ಮೇಲೆ ಯಾವಾಗಲೂ ಕಣ್ಣಿಡಿ. ಗವರ್ನಮೆಂಟ್ ಜಾಬ್ ಪಡೆಯೋ ನಿಮ್ಮ ಕನಸು ಈಗ ನನಸಾಗೋ ಸಮಯ ಹತ್ತಿರ ಬಂದಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ