ಆತುರದ ನಿರ್ಧಾರ ಬೇಡ, ಇಂದು ಪ್ರೇಮಿಗಳಿಗೆ ಶುಭದಿನ; ಇಲ್ಲಿದೆ ಇಂದಿನ ಭವಿಷ್ಯ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ವಿಶ್ವಾವಸುನಾಮ ಸಂವತ್ಸರ, ದಕ್ಷಿಣಾಯಣ, ವರುಷ ಋತು, ಶ್ರಾವಣ ಮಾಸ, ಶುಕ್ಲಪಕ್ಷ, ಅಷ್ಟಮಿ ತಿಥಿ, ಸ್ವಾತಿ ನಕ್ಷತ್ರ, ರಾಹುಕಾಲ ಸೋಮವಾರ ಬೆಳಗ್ಗೆ 7.30 ರಿಂದ 9.00 ರವರೆಗೆ ಇರಲಿದೆ.

ಮೇಷ ರಾಶಿ

• ಮಕ್ಕಳಿಗೆ ಉತ್ತಮವಾದ ತಿಳುವಳಿಕೆ ನೀಡಿ 
• ಇಂದು ಕೋಪ ಮಾಡಿಕೊಳ್ಳಬೇಡಿ
• ಮನೆಯವರ, ಸಂಬಂಧಿಕರ ಜೊತೆ ವ್ಯವಹಾರ ಬೇಡ
• ಗಂಡ-ಹೆಂಡತಿಯ ನಡುವೆ ವಿರಸ ಮೂಡಬಹುದು
• ಇಂದು ತುಂಬಾ ಧನಾತ್ಮಕವಾದ ದಿನ
• ಈ ದಿನ ಆರೋಗ್ಯದ ಬಗ್ಗೆ ಚಿಂತೆ ಬೇಡ
• ಉದ್ಯಮಿಗಳಿಗೆ ತುಂಬಾ ಅನುಕೂಲವಿದೆ
• ನರಸಿಂಹ ಸ್ವಾಮಿಯನ್ನು ಪ್ರಾರ್ಥಿಸಿ

ವೃಷಭ

• ಯಾವುದೋ ಅಹಂಭಾವ ಎಲ್ಲದರಿಂದ ದೂರವಿರುವಂತೆ ಮಾಡಬಹುದು
• ಜನರಲ್ಲಿ, ಬಂಧುಗಳಲ್ಲಿ ಬೇಸರ ಉಂಟಾಗಬಹುದು
• ನಿಮ್ಮ ಕೈಯಲ್ಲಿ ಹಣ ಇರುವುದರಿಂದ ಒಳಿತಾಗಲಿದೆ
• ಕಾನೂನು ರೀತಿಯ ಕೆಲಸಕ್ಕೆ ಜಯವಿದೆ
• ಅನುಪಯುಕ್ತ ವಿಷಯದಲ್ಲಿ ನಿಮ್ಮ ಸಮಯ ವ್ಯರ್ಥವಾಗಬಹುದು
• ಇಂದು ಆತುರದ ನಿರ್ಧಾರ ಬೇಡ
• ಸಂತೋಷ ಮತ್ತು ನೆಮ್ಮದಿಯನ್ನು ಹುಡುಕುವ ದಿನ
• ತಾಪಸ ಮನ್ಯುವನ್ನು ಪ್ರಾರ್ಥಿಸಿ

ಮಿಥುನ

• ವಿದ್ಯಾವಂತರೊಂದಿಗೆ ವಾದ ಮಾಡಿ ತಪ್ಪಿಗೆ ಸಿಲುಕಬೇಡಿ
• ಸ್ವಂತ ಬುದ್ದಿ ಕೆಲಸಕ್ಕೆ ಬರಲಿದೆ
• ಇಂದು ಶಾಂತಿಯುತವಾಗಿ ದಿನ ಕಳೆಯಿರಿ
• ಬೇರೆಯವರಿಗೆ ಮಾತು ಕೊಟ್ಟಿದ್ದರೆ ಅದನ್ನು ಉಳಿಸಿಕೊಳ್ಳಿ 
• ನಿಮ್ಮ ತಪ್ಪುಗಳ ಅರಿವಾಗಲಿದೆ ಅದನ್ನ ಸರಿಪಡಿಸಿಕೊಳ್ಳಿ
• ನಿಮ್ಮ ಪ್ರೀತಿ ಪಾತ್ರರು, ಸಂಬಂಧಿಕರು ನಿಮ್ಮನ್ನು ಹೊಗಳುವುದಿಲ್ಲ 
• ಈಶ್ವರನನ್ನು ಬಿಲ್ಪಪತ್ರೆಯಿಂದ ಅರ್ಚಿಸಿ

ಕಟಕ

• ವಿದ್ಯಾರ್ಥಿಗಳಿಗೆ ಓದಿನ ವಿಚಾರದಲ್ಲಿ ಗೊಂದಲವಿದೆ
• ಇಂದು ಪ್ರೇಮಿಗಳಿಗೆ ಶುಭದಿನ
• ಹಣದ ಚಿಂತೆಯಿಂದ ಹೊರಬರುತ್ತೀರಿ
• ಪ್ರಯತ್ನ ಪೂರ್ವಕವಾಗಿ ಸಮಾಧಾನ ಇರಲಿದೆ
• ಈ ದಿನ ಬುದ್ದಿವಂತಿಕೆಯು ಕೆಲಸ ಮಾಡುವುದಿಲ್ಲ
• ವೃತ್ತಿ ಮತ್ತು ಉದ್ಯೋಗದಲ್ಲಿ ಆದಾಯ ಹೆಚ್ಚು
• ಕರ್ಕಾಟಕ ರಾಶಿಯ ಪ್ರೇಮಿಗಳಿಗೆ ಭಯ ದೂರವಾಗಲಿದೆ
• ಪಾರಿಜಾತ ಸರಸ್ವತಿಯನ್ನು ಮಲ್ಲಿಗೆ ಹೂಗಳಿಂದ ಅರ್ಚಿಸಿ

ಸಿಂಹ 

• ನಿಮ್ಮ ತ್ಯಾಗ ಬುದ್ದಿ ಮನೆಯವರಿಗೆ ಸಂತೋಷ ತರಬಹುದು
• ವೃತ್ತಿಯ ಬಗ್ಗೆ ಎಚ್ಚರಿಕೆವಹಿಸಿ
• ದಾಂಪತ್ಯದಲ್ಲಿ ಹೊಸ ಚೈತನ್ಯ ಕಾಣಬಹುದು
• ಧರ್ಮಕಾರ್ಯದಲ್ಲಿ ಭಾಗಿಯಾಗಲು ಅವಕಾಶಗಳಿವೆ
• ದೈನಂದಿನ ಕೆಲಸಗಳಲ್ಲಿ  ಸಮಸ್ಯೆ ಕಾಣಬಹುದು
• ನಿಮ್ಮ ಆರೋಗ್ಯವನ್ನು ಹಾಳು ಮಾಡಿಕೊಳ್ಳಬೇಡಿ
• ಆಂಜನೇಯ ಸ್ವಾಮಿಯನ್ನು ಪ್ರಾರ್ಥಿಸಿ

ಕನ್ಯಾ

• ತ್ವರಿತ ತೀರ್ಮಾನದಿಂದ ಆರ್ಥಿಕ ನಷ್ಟ ಉಂಟಾಗಬಹುದು
• ಪರಿಶ್ರಮದ ಫಲ ನಿಮ್ಮನ್ನು ಕಾಪಾಡುವ ತೃಪ್ತಿ ತರಬಹುದು
• ಕಲೆ-ಸಾಹಿತ್ಯ ವಿಚಾರಧಾರಿಗಳಿಗೆ ಸಮಸ್ಯೆ ಉಂಟಾಗಬಹುದು
• ಸಾಲ ಪ್ರಕ್ರಿಯ ಈ ದಿನ ಬೇಡ
• ಇಂದು ಬರಹಗಾರರಿಗೆ ಶುಭವಿದೆ
• ಅನಗತ್ಯ ಕೆಲಸಕ್ಕಾಗಿ ಸಮಯ ವ್ಯರ್ಥ ಆಗಲಿದೆ
• ಕುಲದೇವತಾ ಆರಾಧನೆ ಮಾಡಿ

ತುಲಾ

• ರಾಜಕೀಯಕ್ಕೆ ಸಂಬಂಧಿಸಿದ ವ್ಯಕ್ತಿಗಳು ಪ್ರಭಾವ ತೋರಬಹುದು
• ದಂಪತಿಗಳಲ್ಲಿ ಪರಸ್ಪರ ಶೀತಲ ಸಮರ ಆಗಬಹುದು
• ಸ್ವಂತ ಕಾರ್ಯಕ್ಕಾಗಿ ವಿಪರೀತ ಖರ್ಚು ಮಾಡುತ್ತೀರಿ
• ಕುಟುಂಬದವರ ತಿಳುವಳಿಕೆ ಕಹಿ ಎನಿಸಬಹುದು
• ನಿಮ್ಮ ಸ್ವಾರ್ಥಕ್ಕಾಗಿ ಬೇರೆಯವರಿಗೆ ಹಿಂಸೆ  ಬೇಸರ ಆಗಬಹುದು
• ನಿಮ್ಮ ಭಾವನೆಗಳು ತಪ್ಪಿನೆಡೆಗೆ ಕರೆದೊಯ್ಯಬಹುದು
• ಧ್ಯಾನಮಾಡಿ

ವೃಶ್ಚಿಕ

• ಅತ್ಯುನ್ನತ ಚಿಂತನೆ ಬೇರೆಯವರಿಗೆ ಅರ್ಥವಾಗುವುದಿಲ್ಲ  ಬೇಸರ ಆಗಬಹುದು
• ವೈವಾಹಿಕ ವಿಚಾರದಲ್ಲಿ ಕಲಹ ಉಂಟಾಗಬಹುದು
• ಮಕ್ಕಳು ಪೋಷಕರಿಗೆ ದುಃಖದಾಯಕರು
• ನಕಾರಾತ್ಮಕ ಅಭಿಪ್ರಾಯ ಹೇಳುವವರನ್ನು ಅವಲಂಬಿಸಬೇಡಿ
• ಇಂದು ವ್ಯವಸ್ಥಿತವಾದ ದಿನ
• ಕಠಿಣ ಪರಿಶ್ರಮವಿದ್ದರೂ ಸಾರ್ಥಕತೆ ಇಲ್ಲ
• ಹಿರಿಯರ ಮಾರ್ಗದರ್ಶನ, ಆಶೀರ್ವಾದ ಪಡೆಯಿರಿ

ಧನುಸ್ಸು

• ಹಿರಿಯರಿಂದ ಒಳ್ಳೆಯ ಸುದ್ದಿ  ಸಿಗುವುದರಿಂದ ಸಂತೋಷವಿದೆ
• ಅಪೂರ್ಣವಾದ ಕಾರ್ಯಗಳು ಇಂದು ಪೂರ್ಣವಾಗಲಿದೆ
• ಇಂದು ನಿಮಗೆ ಉತ್ತಮವಾದ ದಿನ
• ಮನೆಯ ಕೆಲಸದಲ್ಲಿ ಹೆಚ್ಚು ಒತ್ತಡ ಇರಬಹುದು
• ಸಮಾಜದಲ್ಲಿ ಹೇಗಿರಬೇಕೆಂಬ ಗೊಂದಲ ಕಾಡಲಿದೆ
• ಪ್ರಾಮಾಣಿಕತೆಗೆ ಬೆಲೆಯಿಲ್ಲದ ದಿನ ಎನಿಸಬಹುದು
• ಇಷ್ಟದೇವತಾ ಆರಾಧನೆ ಮಾಡಿ

ಮಕರ

• ವಿದ್ಯುತ್ ಉಪಕರಣಗಳಿಂದ ತೊಂದರೆಯಾಗಬಹುದು
• ಸಣ್ಣ ಸಣ್ಣ ವಿಚಾರಗಳು ವಿವಾದವಾಗಬಹುದು ಎಚ್ಚರಿಕೆವಹಿಸಿ
• ನಿಮ್ಮ ಸಾಧನೆ ನಿಮಗೆ ಮುಖ್ಯ ಆದರೆ ಬೇರೆಯವರಿಗೆ ಒತ್ತಡ ಹಾಕಬೇಡಿ 
• ನಿಮ್ಮ ವ್ಯವಹಾರದ ಬಗ್ಗೆ ಚಿಂತಿಸಿ
• ಖರ್ಚಿನ ಬಗ್ಗೆ ಮುಂದಾಲೋಚನೆ ಬೇಕು
• ಹಲವು  ತಪ್ಪುಗಳಿಗೆ ನಿಮ್ಮ ವರ್ತನೆ ಕಾರಣವಾಗಬಹುದು
• ವಿಷ್ಣುವನ್ನು ತುಳಸಿಯಿಂದ ಅರ್ಚಿಸಿ

ಕುಂಭ

• ನಿಮ್ಮ ಜೀವನ ಶೈಲಿಯನ್ನು ಪರಾಮರ್ಶಿಸಿಕೊಳ್ಳಿ
• ಹೊಸ ಸಂಶೋಧನೆ, ಪ್ರಯತ್ನಕ್ಕೆ ಅವಕಾಶ ಸಿಗಲಿದೆ
• ನಿಮಗಿರುವ ಅನುಕೂಲವನ್ನು ಸದುಪಯೋಗ ಪಡಿಸಿಕೊಳ್ಳಿ
• ಹಣದ ಆಲೋಚನೆ ಬರುವುದರಿಂದ ಮುಂದೆ ಅನುಕೂಲವಿದೆ 
• ಮಹಿಳೆಯರಿಗೆ ಇಂದು ಒತ್ತಡದ ದಿನ
• ನಿಮ್ಮ ಮತ್ತು ಮನೆಯವರ ಆರೋಗ್ಯ ಗಮನಿಸಿ
• ಮಹಾಲಕ್ಷ್ಮೀಯನ್ನು ಪ್ರಾರ್ಥಿಸಿ

ಮೀನ

• ಹಿರಿಯರೊಂದಿಗೆ ಚರ್ಚೆ ಬೇಡ ಶುಭವಿದೆ
• ಭೂ ವ್ಯವಹಾರದಲ್ಲಿ ಎಚ್ಚರಿಕೆವಹಿಸಿ
• ಮನೆ,ಮಡದಿ,ಮಕ್ಕಳ ಬಗ್ಗೆ ಪ್ರಾಮಾಣಿಕತೆ ತೋರಬೇಕು
• ಮನೆಕಟ್ಟುವ ವಿಚಾರ ಪ್ರಸ್ತಾಪ ಮಾಡುತ್ತೀರಿ
• ಮಹಿಳೆಯರು ವಸ್ತ್ರ ಖರೀದಿ ಮಾಡುವುದರಿಂದ ಸಂತೋಷ ಸಿಗಲಿದೆ
• ಆತ್ಮವಿಶ್ವಾಸದಿಂದ ಮಾಡಿದ ಕೆಲಸಕ್ಕೆ ಜಯವಿದೆ
• ಇಂದು ಮನೆಯವರೆಲ್ಲಾ ಪ್ರವಾಸಕ್ಕೆ ಹೋಗುತ್ತೀರಿ
• ದುರ್ಗಾಮಾತೆಯನ್ನು ಆರಾಧಿಸಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ