ಪ್ರೀತಿ ಪಾತ್ರರ ಅನಗತ್ಯ ಬೇಡಿಕೆ ಒಪ್ಪಬೇಡಿ.. ಹಣ ಹೂಡಿಕೆಯಿಂದ ನಷ್ಟವಾಗುವ ಸಾಧ್ಯತೆ..!

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಶ್ರೀ ವಿಶ್ವಾವಸುನಾಮ ಸಂವತ್ಸರ, ದಕ್ಷಿಣಾಯಣ, ವರುಷ ಋತು, ಶ್ರಾವಣ ಮಾಸ, ಕೃಷ್ಣಪಕ್ಷ, ಏಕಾದಶಿ ತಿಥಿ, ಆರಿದ್ರಾ ನಕ್ಷತ್ರ, ರಾಹುಕಾಲ ಮಂಗಳವಾರ ಮಧ್ಯಾಹ್ನ  3.00 ರಿಂದ 4.30 ರವರೆಗೆ ಇರಲಿದೆ.

ಮೇಷ ರಾಶಿ

• ಹಣದ ವಿಚಾರಕ್ಕೆ ಸ್ವಲ್ಪ ಗೊಂದಲಗಳಾಗಬಹುದು
• ಸ್ವಲ್ಪ ಚಟುವಟಿಕೆಯಂದಿರಿ ಆಲಸ್ಯ ಬೇಡ
• ಜೀವನದಲ್ಲಿ, ವ್ಯಾವಹಾರಿಕ ಕ್ಷೇತ್ರಗಳಲ್ಲಿ ಯಶಸ್ಸು ಕಾಣುತ್ತೀರಿ
• ನಿಮಗೆ ಸಾಮರ್ಥ್ಯ ಇದ್ದರೂ ಕೂಡ ನೀವು ಮಾನಸಿಕವಾಗಿ ಹಿನ್ನಡೆಯನ್ನು ತೋರಿಸುತ್ತೀರಿ 
• ನಿಮ್ಮನ್ನು ನೀವು ಪರೀಕ್ಷಿಸಿಕೊಳ್ಳಲು ಉತ್ತಮ ದಿನ
• ಶಾರೀರಿಕವಾಗಿ ಮಾನಸಿಕವಾಗಿ ಅಶಕ್ತರಾಗಿರುವಂತೆ ವರ್ತನೆ ಮಾಡುತ್ತೀರಿ
•  ಆಂಜನೇಯಸ್ವಾಮಿಗೆ ವೀಳ್ಯದೆಲೆ ಮತ್ತು ತುಳಸಿಯನ್ನು ಕೊಡಿ

ವೃಷಭ

• ಹಳೆ ಸ್ನೇಹಿತರ, ಬಂಧುಗಳ ಭೇಟಿಗೆ ಕಾತುರರಾಗಿರುತ್ತೀರಿ ಆದರೆ ಅವಕಾಶವಾಗುವುದಿಲ್ಲ
• ಜೀವನಕ್ಕೆ ತೊಂದರೆಯಿರುವುದಿಲ್ಲ ಆದರೆ ಜೀವಕ್ಕೆ ಅಭದ್ರತೆ ಕಾಡಲಿದೆ
• ಇಂದು ಒಂಟಿತನ ಹೆಚ್ಚಾಗಿ ಕಾಡುವ ದಿನ
• ಕೆಲವು ಸಂದರ್ಭಗಳಲ್ಲಿ  ಹಣದ ಕೊರತೆ ಉಂಟಾಗಬಹುದು
• ಲಾಭದಾಯಕ ದಿನವಾದ್ರೂ ನಿರಾಸೆ ಉಂಟಾಗಲಿದೆ
• ನಿವೃತ್ತಿ ಜೀವನ ನಡೆಸುತ್ತಿರುವವರಿಗೆ ಆರ್ಥಿಕ ಸಹಾಯವಾಗಲಿದೆ
• ಪ್ರತ್ಯಂಗಿರಾ ದೇವಿಯನ್ನು ಆರಾಧಿಸಿ
  

ಮಿಥುನ

• ಕುಟುಂಬ ಸಾಮರಸ್ಯ ಚೆನ್ನಾಗಿರುತ್ತದೆ  
• ನಿಮ್ಮ ಖ್ಯಾತಿಗೆ, ಸ್ವಾಭಿಮಾನಕ್ಕೆ ಧಕ್ಕೆ ಬರಬಹುದು
• ವೈಯಕ್ತಿಕವಾಗಿ  ವೃತ್ತಿಯಲ್ಲಿ ಬೆಳವಣಿಗೆಗೆ ಅವಕಾಶವಿದೆ
•  ತಾತ್ಕಾಲಿಕವಾಗಿ ಸಾಲ ಕೇಳಲು ಬರುವವರ ಜೊತೆ ಅಂತರವನ್ನು ಕಾಯ್ದುಕೊಳ್ಳಬೇಕು
•  ತುಂಬಾ ಆತಂಕ ಮತ್ತು ಮನಸ್ಸಿನಲ್ಲಿ ಚಿಂತೆಯ ದಿನ
• ಶೂಲಿನೀ ದುರ್ಗೆಯನ್ನು ಪ್ರಾರ್ಥಿಸಿ 

ಕಟಕ

• ನಿಮ್ಮ ಒತ್ತಡವನ್ನು ಮನೆಯವರ ಮೇಲೆ ಹೇರಬೇಡಿ
• ಸಾಧನೆ ಮಾಡಿದವರ ಭೇಟಿ ಮಾಡಿ ಆಶೀರ್ವಾದ ಪಡೆದುಕೊಳ್ಳಿ
• ಪೋಷಕರ ಸಹಾಯ ಮುಖ್ಯ ಇಲ್ಲದಿದ್ದರೆ ಸಮಸ್ಯೆ ಉಂಟಾಗಲಿದೆ
• ಯಾವುದೇ ಕೆಲಸವನ್ನು ಯೋಚಿಸಿ, ಚರ್ಚಿಸಿ ಮಾಡಿದರೆ ಒಳ್ಳೆಯದು
• ಮನೋರಂಜನೆಗಾಗಿ ಹಣ ಖರ್ಚು ಮಾಡುವ ಸಿದ್ಧತೆಯಲ್ಲಿರುತ್ತೀರಿ
• ಪ್ರೇಮಿಗಳು ಮನೆಯವರ ವಿರುದ್ಧ ತೀರ್ಮಾನಿಸುವ ಸಾಧ್ಯತೆಗಳಿವೆ
• ಬೆಳಗ್ಗೆ ಎದ್ದಾಗಿನಿಂದ ಕಿರಿಕಿರಿ ಇರುತ್ತದೆ ತಾಳ್ಮೆಯಿರಲಿ
• ಹಸುವಿಗೆ ಅನ್ನ, ಬೆಲ್ಲವನ್ನು ಕೊಡಿ

ಸಿಂಹ 

• ಮನೆಯವರೊಂದಿಗೆ ಸ್ಪಂದಿಸಲು ಇಷ್ಟವಿಲ್ಲದ ಸ್ವಭಾವ 
• ಸಂಬಂಧಿಕರ ಮತ್ತು ಸ್ನೇಹಿತರ ಆಗಮನದಿಂದ ಮನೆಯ ವಾತಾವರಣ ಹಾಳಾಗುತ್ತದೆ
• ಹಣ ಹೂಡಿಕೆ  ಮಾಡುವುದರಿಂದ ನಷ್ಟ ಆಗುವ ಸಾಧ್ಯತೆ 
• ಕಾಲು ನೋವು, ಸ್ನಾಯುಗಳ ನೋವಿಗೆ ವಿಶ್ರಾಂತಿ ಪಡೆಯಿರಿ
• ನಿಮ್ಮ ಅಭಿಪ್ರಾಯ ಸಲಹೆ ಸ್ಪಷ್ಟವಾಗಿರಬೇಕು
• ಅನಾವಶ್ಯಕವಾದ ಒತ್ತಡಗಳಿಗೆ ನೀವು ಸಿಲುಕಬಹುದು
• ಆಂಜನೇಯನ ದೇವಸ್ಥಾನಕ್ಕೆ ಎಳ್ಳೆಣ್ಣೆ ದಾನ ಮಾಡಿ

ಕನ್ಯಾ

• ಶಾರೀರಿಕ ತೊಂದರೆ ನೋವು, ಆಲಸ್ಯ ಕಾಣಬಹುದು
• ಚೆನ್ನಾಗಿರುವವರ ಮನಸ್ಸಿನ ಮೇಲೆ ನೀವು ಪರಿಣಾಮ ಬೀರುತ್ತೀರಿ
• ಸಹೋದ್ಯೋಗಿಗಳ ಮತ್ತು  ಸ್ನೇಹಿತರು ನಿಮಗೆ  ಸಹಾಯ ಮಾಡುವುದಿಲ್ಲ
• ಸಮಾಜಕ್ಕೆ, ಕುಟುಂಬಕ್ಕೆ, ಮಕ್ಕಳಿಗೆ ತಪ್ಪು ಸಂದೇಶ ಕೊಟ್ಟು ನೀವು ಹಿನ್ನಡೆ ಅನುಭವಿಸುತ್ತೀರಿ
• ನಿಮ್ಮ ಕಾರ್ಯಕ್ಷೇತ್ರದಲ್ಲಿ, ಕುಟುಂಬದಲ್ಲಿ ಬೇರೆಯವರನ್ನು ಹೊಗಳುತ್ತಾ ಮೋಡಿ ಮಾಡುತ್ತೀರಿ
• ಪತಿ-ಪತ್ನಿಯರಲ್ಲಿ ಜಗಳ ಉಂಟಾಗುವ ದಿನ
• ಐಕ್ಯಮತ್ಯ ಮಂತ್ರ ಪಠಿಸಿ

ತುಲಾ

• ಬಟ್ಟೆ ವ್ಯಾಪಾರಿಗಳಿಗೆ ನಷ್ಟ ಆಗುವ ಸಾಧ್ಯತೆ ಹೆಚ್ಚು
• ನಿಮ್ಮ ಸ್ವಂತ ವಿಚಾರಕ್ಕೆ ಸ್ವಲ್ಪ ಸಮಯವನ್ನು ಮೀಸಲಾಗಿಡಿ
• ವ್ಯಾಪಾರದಲ್ಲಿ ತಲ್ಲೀನತೆ ಹೊಂದಿರುವುದರಿಂದ ಬೇರೆ ಯಾವುದರ ಬೆಲೆ ಗೊತ್ತಾಗುವುದಿಲ್ಲ
• ಮಧ್ಯಾಹ್ನದ ನಂತರ ಉಸಿರಾಟಕ್ಕೆ ತೊಂದರೆ ಆಗಬಹುದು ಎಚ್ಚರಿಕೆ
•  ಬಂಡವಾಳದ ಬಗ್ಗೆ ಚಿಂತೆ ಉಂಟಾಗಬಹುದು
• ಇಂದು ದಾಂಪತ್ಯದಲ್ಲಿ ಕಲಹ ಏರ್ಪಡುತ್ತದೆ
• ಲಾಭದಾಯಕವಾದ ದಿನ, ಬಂದ ಆದಾಯವನ್ನು ಒಳ್ಳೆ ಕೆಲಸಕ್ಕೆ ವಿನಿಯೋಗಿಸಿ
• ಶನಿ ಗ್ರಹವನ್ನು ಪ್ರಾರ್ಥಿಸಿ

ವೃಶ್ಚಿಕ

• ಹೊಸ ಆಲೋಚನೆಗಳು ನಿಮಗೆ ಅಧೈರ್ಯ ಉಂಟು ಮಾಡಬಹುದು
• ನಿಮ್ಮ ಬುದ್ಧಿವಂತಿಕೆ ಕೆಲಸಕ್ಕೆ ಬರುವ ದಿನ
• ವಿದ್ಯಾರ್ಥಿಗಳಿಗೆ ಓದುವುದಕ್ಕೆ ನಿರಾಸಕ್ತಿ ಆದರೆ ಹೆದರಿಕೆ ಇರುತ್ತದೆ
• ಬೇರೆಯವರನ್ನು ಅಗೌರವದಿಂದ ಕಂಡರೆ ನಿಮಗೆ ಮಾನಹಾನಿಯಾಗಬಹುದು
• ಹೊರಗಡೆ ತಿರುಗಾಡಲು ಅವಕಾಶಗಳು ಆಗುವುದಿಲ್ಲ ಮನಸ್ಸಿಗೆ ಬೇಸರವಾಗುತ್ತದೆ
• ಮನೆಯಲ್ಲಿ ಶಾಂತವಾಗಿ ವರ್ತಿಸಬೇಕಾಗಬಹುದು
• ಶಾಂತಿ ದುರ್ಗೆಯನ್ನು ಪ್ರಾರ್ಥಿಸಿ

ಧನುಸ್ಸು

• ತಂದೆಗೆ ಅನಾರೋಗ್ಯದಿಂದ ಶಸ್ತ್ರಚಿಕಿತ್ಸೆ ಆಗಬಹುದು ಎಚ್ಚರಿಕೆವಹಿಸಿ
• ಅಕ್ಕ ಪಕ್ಕದವರ ಜೊತೆ ಜಗಳವಾಗಬಹುದು
• ಹೆಚ್ಚು ಬೆಲೆ ಬಾಳುವ ವಸ್ತು ಖರೀದಿಸುವಿರಿ
• ಆತ್ಮವಿಶ್ವಾಸ, ಭರವಸೆ ನಿಮ್ಮ ಮುಂದಿನ ಕೆಲಸಕ್ಕೆ ಸ್ಫೂರ್ತಿದಾಯಕವಾಗಿರುತ್ತದೆ
• ನಿಮ್ಮ ಒಳ್ಳೆಯತನ ಬೇರೆಯವರಿಗೆ ದೌರ್ಬಲ್ಯವೆನಿಸಬಹುದು ಎಚ್ಚರ
• ಜೀವನದ ಉಜ್ವಲವಾದ ಭವಿಷ್ಯ ನಿಮಗೆ ಕಾಣಬಹುದು
•  ಸೂರ್ಯನಾರಾಯಣನನ್ನು ಆರಾಧಿಸಿ 

ಮಕರ

• ಪ್ರೀತಿ ಪಾತ್ರರ ಅನಗತ್ಯ ಬೇಡಿಕೆಗಳನ್ನು ಒಪ್ಪಬಾರದು
• ಸಂತೋಷದ ವಾತಾವರಣ ಅನಾರೋಗ್ಯದಿಂದ ಹಾಳಾಗಬಹುದು
• ಆಸ್ಪತ್ರೆಗೆ ಹೆಚ್ಚು ಹಣ ಖರ್ಚು ಮಾಡಬೇಕಾಗುತ್ತದೆ ಇದರಿಂದ ಬೇಸರವಾಗುವ ದಿನ
• ಕುಟುಂಬದವರ ಸಹಕಾರವಿರುವುದರಿಂದ ಧೈರ್ಯ ಬರುತ್ತದೆ
• ಹಳೆಯ ನೋವು ಅಥವಾ ಅನಾರೋಗ್ಯ ಮರುಕಳಿಸಬಹುದು
• ಸಂತಾನಾಪೇಕ್ಷಿಗಳಿಗೆ ಶುಭ ಸಮಯ ದೈವಾನುಗ್ರಹವಿದೆ
•  ಗೋಪಾಲ ಕೃಷ್ಣನನ್ನು ಪ್ರಾರ್ಥಿಸಿ

ಕುಂಭ

• ಆಲಸ್ಯ ಮತ್ತು ಸೋಮಾರಿತನದಿಂದ ನೀವು ಹೆಚ್ಚು ಅವಕಾಶ ವಂಚಿತರಾಗುತ್ತೀರಿ
• ಏಕಾಂಗಿ ಅಥವಾ ಒಂಟಿತನ ನಿಮ್ಮನ್ನು ಕಾಡಬಹುದು
• ನಿಮ್ಮ ಪ್ರತಿಭೆ ಮತ್ತು ಚಟುವಟಿಕೆಗೆ ಬೆಲೆ ಸಿಗಬೇಕೆಂದರೆ ಜಾಗರೂಕರಾಗಿರಬೇಕು
• ಹಣದ ವೃದ್ಧಿ ಇದ್ರೂ ಕೂಡ ದೇಹಾಲಸ್ಯ ಕಡಿಮೆ ಇರುತ್ತದೆ
• ನಿಮ್ಮ ಶರೀರದ ಶಕ್ತಿಯನ್ನು ವೃದ್ಧಿಸಿಕೊಳ್ಳಿ ಆರೋಗ್ಯವಂತರಾಗಿರಲು ಯೋಗ ಮಾಡಿ
• ದಕ್ಷಿಣಾಮೂರ್ತಿಯನ್ನು ಪ್ರಾರ್ಥಿಸಿ
  

ಮೀನ

• ಮಕ್ಕಳಿಂದ ಬೇಸರವಾಗುವ ದಿನ
• ಈ ದಿನ ಉತ್ತಮವಾಗಿದ್ದರೂ ನಿಮಗೆ ತೃಪ್ತಿಯಿರುವುದಿಲ್ಲ
• ಮನೆಯಲ್ಲಿ ಆಶ್ಚರ್ಯವೆಂಬಂತೆ  ಒಂದು ಘಟನೆ ನಡೆಯಬಹುದು
• ಹೆಚ್ಚು ಹಣ ಖರ್ಚಾದರೂ ಮತ್ತೆ ಸಂಗ್ರಹವಾಗುವ ಯೋಗ ಇದೆ
• ಮನೋರಂಜನೆಗಾಗಿ ಹೊರಗಡೆ ಸಮಯವನ್ನ ಕಳೆಯುತ್ತೀರಿ
• ಮಕ್ಕಳನ್ನು ಬಹಳ ಪ್ರೀತಿಯಿಂದ ಗೆಲ್ಲಬೇಕೆಂಬ ಅಸ್ತ್ರ ನಿಮಗೆ ಗೊತ್ತಿರಬೇಕು
• ಆಧ್ಯಾತ್ಮಿಕವಾಗಿ ಆಸಕ್ತಿಯಿದ್ದರೂ ರೂಢಿಸಿಕೊಳ್ಳಬೇಕು
•  ಕುಲದೇವತಾ  ಆರಾಧನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ