ಸ್ಪಿನ್ನರ್ ಆಗಿ ಎಂಟ್ರಿ.. ಆದ್ರೆ ಬ್ಯಾಟಿಂಗ್​ ಲೆಜೆಂಡ್​ ಆದ ಸ್ಟೀವ್ ಸ್ಮಿತ್; ಹೇಗಿತ್ತು ಅವರ ಕ್ರಿಕೆಟ್​ ಜರ್ನಿ?

ಟೀಮ್​ ಇಂಡಿಯಾ ವಿರುದ್ಧ ಸೋತ ಆಸ್ಟ್ರೇಲಿಯಾ ತಂಡ ಚಾಂಪಿಯನ್ಸ್​ ಟ್ರೋಫಿಯಿಂದ ಹೊರಬಿದ್ದಿದೆ. ಇದ್ರ ಬೆನ್ನಲ್ಲೇ ಆಸ್ಟ್ರೇಲಿಯಾ ನಾಯಕ ಸ್ಟೀವ್​ ಸ್ಮಿತ್​ ಫ್ಯಾನ್ಸ್​ಗೆ ಶಾಕ್​ ಕೊಟ್ಟಿದ್ದಾರೆ. ಟೀಮ್​ ಇಂಡಿಯಾ ವಿರುದ್ಧದ ಒಂದು ಸೋಲು ಆಸಿಸ್​​ ಲೆಜೆಂಡ್​ ಒನ್​ ಡೇ ಕ್ರಿಕೆಟ್​ ಕರಿಯರ್​ಗೆ ಫುಲ್​ ಸ್ಟಾಫ್​ ಇಟ್ಟಿದೆ. ಭಾರತದ ವಿರುದ್ಧ ಸೋತ ಬೇಸರದಲ್ಲಿ ಒನ್​​ ಡೇ ಕ್ರಿಕೆಟ್​​ಗೇ ಸ್ಟೀವ್​ ಸ್ಮಿತ್​​ ಗುಡ್​ ಬೈ ಹೇಳಿದ್ದಾರೆ.

ಚಾಂಪಿಯನ್ಸ್​ ಟ್ರೋಫಿ ಟೂರ್ನಿಯ ಮೊದಲ ಸೆಮಿಸ್​ನಲ್ಲಿ ಆಸ್ಟ್ರೇಲಿಯಾ ಎದುರು ಟೀಮ್​ ಇಂಡಿಯಾ ಗೆದ್ದು ಬೀಗಿದೆ. ಗೆದ್ದ ರೋಹಿತ್​ ಪಡೆ ಫೈನಲ್​ಗೆ ಎಂಟ್ರಿ ಕೊಟ್ಟಿದ್ರೆ, ಸೋತ ಆಸ್ಟ್ರೇಲಿಯಾ ಟೂರ್ನಿಯಿಂದ ಹೊರ ಬಿದ್ದಿದೆ. ನಿಜ ಹೇಳಬೇಕಂದ್ರೆ ಏಕದಿನ ವಿಶ್ವಕಪ್​ನ​ ಹಾಲಿ ಚಾಂಪಿಯನ್​ ಪಡೆ ಚಾಂಪಿಯನ್​ ಆಟವನ್ನೇ ಆಡಲಿಲ್ಲ. ಬಿಗ್​ ಟೂರ್ನಮೆಂಟ್​, ಬಿಗ್​​ ಗೇಮ್​ಗಳಲ್ಲಿ ಪಂಟರ್ಸ್​ ಅಂತಾ ಬೆನ್ನುತ್ತಿಟ್ಟಿಕೊಳ್ಳೋ ಕಾಂಗರೂಗಳು ಸೆಮೀಸ್​ನಲ್ಲಿ ಸುಲಭಕ್ಕೆ ಶರಣಾದರು.

ಒಂದು ಸೋಲು.. ಆಸಿಸ್​ ಲೆಜೆಂಡ್​​ ಕರಿಯರ್​ಗೆ ಫುಲ್​ ಸ್ಟಾಫ್​.!

ಟೀಮ್​ ಇಂಡಿಯಾ ವಿರುದ್ಧ ಒಂದು ಮುಖಭಂಗ ಆಸ್ಟ್ರೇಲಿಯಾ ತಂಡದ ಖುಷಿಯನ್ನೇ ಕಿತ್ತುಕೊಂಡಿದೆ. 2023ರ ನವೆಂಬರ್​​ನಲ್ಲಿ ಟೀಮ್​ ಇಂಡಿಯಾವನ್ನ ಸೋಲಿಸಿ ನಾವೇ ಎಲ್ಲಾ ಎಂದು ಮೆರೆದಾಡಿದ್ದ ಕಾಂಗರೂಗಳ ಕ್ಯಾಂಪ್​ನ ಮೌನ ಆವರಿಸಿದೆ. ಸೋಲಿನ ಹತಾಶೆ, ಬೇಸರ, ನೋವು ಎಲ್ಲಾ ಆಟಗಾರರನ್ನ ಕಾಡ್ತಿದೆ. ಇದೇ ಬೇಸರದಲ್ಲಿ ಆಸಿಸ್​ ಲೆಜೆಂಡ್​​ ಸ್ಟೀವ್​ ಸ್ಮಿತ್​ ನಿವೃತ್ತಿಯನ್ನೇ ಘೋಷಿಸಿಬಿಟ್ಟಿದ್ದಾರೆ. ಏಕದಿನ ಕ್ರಿಕೆಟ್​ಗೆ ಸ್ಮಿತ್​ ಗುಡ್​ ಬೈ ಹೇಳಿದ್ದಾರೆ.

ಸ್ಪಿನ್ನರ್​ ಆಗಿ ಎಂಟ್ರಿ, ಬ್ಯಾಟಿಂಗ್​ ಲೆಜೆಂಡ್​​ ಆಗಿ ನಿರ್ಗಮನ.!

ಅಸಲಿಗೆ ಈ ಸ್ಟೀವ್​ ಸ್ಮಿತ್​ ಆಸ್ಟ್ರೇಲಿಯಾ ತಂಡಕ್ಕೆ ಎಂಟ್ರಿ ಕೊಟ್ಟಿದ್ದು ಒಬ್ಬ ಸ್ಪಿನ್ನರ್​ ಆಗಿ. ಲೆಗ್​ ಬ್ರೇಕ್​​ ಬೌಲಿಂಗ್​ನಿಂದ ಕಮಾಲ್​ ಮಾಡಿ ಇಂಟರ್​ನ್ಯಾಷನಲ್​ ಕ್ರಿಕೆಟ್​ಗೆ ಎಂಟ್ರಿ ಕೊಟ್ಟ ಸ್ಮಿತ್​ ಆ ಬಳಿಕ ವಿಶ್ವದ ಟಾಪ್​ ಕ್ಲಾಸ್​ ಬ್ಯಾಟ್ಸ್​​ಮನ್​ ಆಗಿ ಬದಲಾದರು. ಈ ಸ್ಟೀವ್​ ಸ್ಮಿತ್​ ಬ್ಯಾಟಿಂಗ್​ಗೆ ಮಾರು ಹೋಗದ ಕ್ರಿಕೆಟ್​ ಅಭಿಮಾನಿಗಳೇ ಇಲ್ಲ. ಮಾಡ್ರನ್​ ಡೇ ಕ್ರಿಕೆಟ್​ನ ಒನ್​​ ಆಫ್​ ದ ಗ್ರೆಟೆಸ್ಟ್​ ಬ್ಯಾಟರ್​ಗಳಲ್ಲಿ ಸ್ಮಿತ್​ ಕೂಡ ಒಬ್ಬರು. ಒನ್​ ಡೇ ಕ್ರಿಕೆಟ್​ನಲ್ಲಿ ಸ್ಮಿತ್​ ಕಟ್ಟಿದ ಕ್ಲಾಸಿಕ್​ ಇನ್ನಿಂಗ್ಸ್​ಗಳು ಒಂದಾ.? ಎರಡಾ.?

ಏಕದಿನ ಮಾದರಿಯಲ್ಲಿ ಸ್ಟೀವ್​ ಸ್ಮಿತ್​

ಏಕದಿನ ಮಾದರಿಯಲ್ಲಿ 154 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್​ ಬೀಸಿದ್ದ ಸ್ಟೀವ್​ ಸ್ಮಿತ್​ 5,800 ರನ್​ಗಳಿಸಿದ್ರು. 43.25ರ ಸಾಲಿಡ್​​ ಸರಾಸರಿ ಹೊಂದಿದ್ದ ಸ್ಮಿತ್​, 12 ಶತಕ, 35 ಹಾಫ್​ ಸೆಂಚುರಿ ಸಿಡಿಸಿದ್ದಾರೆ.

ಬಿಗ್​ ಮ್ಯಾಚ್​​ ಪ್ಲೇಯರ್.! ಬಿಗ್​ ಟೂರ್ನಿಯಲ್ಲಿ ಪಂಟರ್​.!

ಐಸಿಸಿ ಟೂರ್ನಮೆಂಟ್​ ಅಂದ್ರೆ ಸ್ಮಿತ್​ ಬ್ಯಾಟ್​ ಸಖತ್ ಸೌಂಡ್​ ಮಾಡ್ತಿತ್ತು. 2015ರ ಏಕದಿನ ವಿಶ್ವಕಪ್​ ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​. ಸತತವಾಗಿ 5 ಪಂದ್ಯಗಳಲ್ಲಿ 50+ ಸ್ಕೋರ್​ ಕಲೆಹಾಕಿದ್ದ ಸ್ಮಿತ್​ ಸೆಮಿಫೈನಲ್​ನಲ್ಲಿ ಟೀಮ್​ ಇಂಡಿಯಾ ವಿರುದ್ಧ 105 ರನ್​​ ಚಚ್ಚಿದ್ದರು. ಬಳಿಕ ಫೈನಲ್​ನಲ್ಲಿ ಅಜೇಯ 56 ರನ್​ಗಳಿಸಿ ವಿಶ್ವಕಪ್​ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಇಷ್ಟೇ ಅಲ್ಲ, 2023ರ ವಿಶ್ವಕಪ್​ ಗೆಲುವಿನಲ್ಲೂ ಮೇಜರ್​ ರೋಲ್ ಪ್ಲೇ ಮಾಡಿದ್ದರು. 15 ವರ್ಷಗಳ ಒನ್​ ಡೇ ಕರಿಯರ್​ನಲ್ಲಿ 2 ವಿಶ್ವಕಪ್​ ಗೆದ್ದಿರೋದಕ್ಕಿಂದ ದೊಡ್ಡ ಸಾಧನೆ ಬೇಕಾ?.

ನಾಯಕನಾಗಿಯೂ ಸ್ಟೀವ್​​ ಸ್ಮಿತ್​ ಸೂಪರ್​.!

ನಾಯಕನಾಗಿ ಸ್ಮಿತ್​ ಆಸ್ಟ್ರೇಲಿಯಾ ತಂಡವನ್ನ ಸಮರ್ಥವಾಗಿ ಮುನ್ನಡೆಸಿದ್ದರು. ನಾಯಕನಾಗಿ 64 ಏಕದಿನ ಪಂದ್ಯಗಳಲ್ಲಿ ತಂಡವನ್ನ ಮುನ್ನಡೆಸಿದ್ದ ಸ್ಮಿತ್​ 40 ಪಂದ್ಯಗಳಲ್ಲಿ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. 57.50ರ ಗೆಲುವಿನ ಸರಾಸರಿ ಹೊಂದಿದ್ದರು. ನಾಯಕತ್ವ ಹೊತ್ತ ಬಳಿಕ ಬ್ಯಾಟಿಂಗ್​ನಲ್ಲೂ ಮಿಂಚಿದ್ದ ಸ್ಮಿತ್​ 64 ಪಂದ್ಯಗಳಲ್ಲಿ 2,270 ರನ್​ ಗಳಿಸಿದ್ರು.

ಇದನ್ನೂ ಓದಿ: ಶಾಕಿಂಗ್ ವಿಚಾರ ಹಂಚಿಕೊಂಡ ನಯನತಾರಾ; ಅಭಿಮಾನಿಗಳಿಗೆ ಕೈಮುಗಿದು ವಿನಂತಿಸಿದ ನಟಿ..!

ಸ್ಟೀವ್​​ ಸ್ಮಿತ್​ ವೈಟ್​ ಬಾಲ್​ ಕರಿಯರ್​ ಅಂತ್ಯ.?

ಏಕದಿನ ಫಾರ್ಮೆಟ್​ಗೆ ಗುಡ್​ ಬೈ ಹೇಳೋದ್ರಿಂದಿಗೆ ಸ್ಟೀವ್​ ಸ್ಮಿತ್​ ಏಕದಿನ ಕ್ರಿಕೆಟ್​ ಕರಿಯರ್​ ಬಹುತೇಕ ಅಂತ್ಯವಾಗಿದೆ. ಏಕದಿನಕ್ಕೆ ಗುಡ್​ ಬೈ ಹೇಳಿರೋ ಸ್ಮಿತ್​ ಟಿ20 ತಂಡದಿಂದಲೂ ಹೊರಬಿದ್ದು ವರ್ಷವಾಗಿದೆ. 2024ರ ವಿಶ್ವಕಪ್​ ತಂಡದಿಂದ ಸ್ಮಿತ್​ ಡ್ರಾಪ್​ ಮಾಡಲಾಗಿತ್ತು. ಇದೀಗ ಏಕದಿನಕ್ಕೆ ಗುಡ್​ ಬೈ ಹೇಳಿದ್ದು, ಇನ್ಮುಂದೆ ಟೆಸ್ಟ್​ ಕ್ರಿಕೆಟ್​ಗೆ ಮಾತ್ರ ಸ್ಮಿತ್​ ಸೀಮಿತವಾಗಿರಲಿದ್ದಾರೆ.

ಚಾಂಪಿಯನ್ಸ್​ ಟ್ರೋಫಿ ಟೂರ್ನಿಯಿಂದ ಹೊರ ಬಿದ್ದ ಬೆನ್ನಲ್ಲೇ ಸ್ಮಿತ್​ ನಿವೃತ್ತಿ ಘೋಷಿಸಿರೋದ್ರ ಹಿಂದೆ ತಂಡದ ಹಿತದೃಷ್ಟಿ ಕೂಡ ಇದೆ. 2027ರ ಏಕದಿನ ವಿಶ್ವಕಪ್​​ಗೆ ಆಸ್ಟ್ರೇಲಿಯಾ ಈಗಲೇ ಸಿದ್ಧತೆ ಆರಂಭಿಸಿದೆ. ಹೊಸ ಆಟಗಾರರಿಗೆ ಅವಕಾಶ ಮಾಡಿಕೊಡೋದು ಕೂಡ ಸ್ಮಿತ್​ ನಿರ್ಧಾರ ಹಿಂದಿನ ರೀಸನ್​.!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ