ಅಡಿಲೇಡ್​​ನಲ್ಲಿ ಭಾರತ-ಆಸ್ಟ್ರೇಲಿಯಾ ಟೆಸ್ಟ್; ಸ್ಟಾರ್​ ಬ್ಯಾಟ್ಸಮನ್ ಪಂದ್ಯದಿಂದ ಔಟ್..!

ಭಾರತ ವಿರುದ್ಧದ ಅಡಿಲೇಡ್​ ಟೆಸ್ಟ್​ ಪಂದ್ಯಕ್ಕೂ ಮುನ್ನ ಆಸ್ಟ್ರೇಲಿಯಾ ತಂಡಕ್ಕೆ ಆಘಾತ ಎದುರಾಗಿದೆ. ಆಸ್ಟ್ರೇಲಿಯಾದ ಪ್ರಮುಖ ಬ್ಯಾಟ್ಸ್​ಮನ್​ ಸ್ಟೀವ್ ಸ್ಮಿತ್ ಅಭ್ಯಾಸದ ವೇಳೆ ಗಾಯಗೊಂಡಿದ್ದಾರೆ.

ನೆಟ್ಸ್​ನಲ್ಲಿ ಬ್ಯಾಟಿಂಗ್ ಪ್ರಾಕ್ಟಿಸ್​​ ನಡೆಸ್ತಿದ್ದ ವೇಳೆ ಸ್ಟೀವ್​​ ಸ್ಮಿತ್​ಗೆ ಮಾರ್ನಸ್ ಲಬುಷೇನ್ ಥ್ರೋ ಡೌನ್​​ ಮಾಡ್ತಿದ್ರು. ಈ ವೇಳೆ ಬಾಲ್​ ಹೆಬ್ಬೆರಳಿಗೆ ಬಡಿದಿದೆ. ಬಳಿಕ ಅಭ್ಯಾಸ ಮೊಟಕುಗಳಿಸಿದ ಸ್ಮಿತ್​, ನೆಟ್ಸ್​ನಿಂದ ನಿರ್ಗಮಿಸಿದ್ದಾರೆ. ಈಗಾಗಲೇ ಮಿಚೆಲ್ ಮಾರ್ಷ್ ಹಾಗೂ ಜೋಷ್ ಹೇಜಲ್​ವುಡ್ ಗಾಯಗೊಂಡಿದ್ದು, ಪಿಂಕ್ ಬಾಲ್ ಟೆಸ್ಟ್​ ಪಂದ್ಯಕ್ಕೆ ಅನುಮಾನವಾಗಿದ್ದಾರೆ. ಇದೀಗ ಸ್ಮಿತ್ ಇಂಜುರಿ ಆಸ್ಟ್ರೇಲಿಯಾಗೆ ಆತಂಕ ಸೃಷ್ಟಿಸಿದೆ.

ಬಾರ್ಡರ್​ ಗವಾಸ್ಕರ್ ಟ್ರೋಫಿಯಲ್ಲಿ ಒಟ್ಟು ಐದು ಟೆಸ್ಟ್​ ಪಂದ್ಯಗಳು ನಡೆಯಲಿವೆ. ಈಗಾಗಲೇ ಪರ್ತ್​​ನಲ್ಲಿ ಮೊದಲ ಟೆಸ್ಟ್​ ನಡೆದಿತ್ತು. ಮೊದಲ ಪಂದ್ಯದಲ್ಲಿ ಬೂಮ್ರಾ ನೇತೃತ್ವದ ಟೀಂ ಇಂಡಿಯಾ ಭರ್ಜರಿ ಗೆಲುವು ದಾಖಲಿಸಿ ಹೊಸ ಹುಮ್ಮಸ್ಸಿನಲ್ಲಿದೆ. ಅದರ ಜೊತೆಗೆ ಮೊದಲ ಟೆಸ್ಟ್​ಗೆ ಅಲಭ್ಯರಾಗಿದ್ದ ಕ್ಯಾಪ್ಟನ್ ರೋಹಿತ್ ಹಾಗೂ ಶುಬ್ಮನ್ ಗಿಲ್ ತಂಡಕ್ಕೆ ಕಂಬ್ಯಾಕ್ ಮಾಡಿದ್ದಾರೆ. ಇದು ಟೀಂ ಇಂಡಿಯಾಗೆ ಆನೆಬಲ ಬಂದಂತಾಗಿದೆ.

ಇದನ್ನೂ ಓದಿ:ಆರ್​​ಸಿಬಿಗೆ ಬಂತು ನೂರು ಆನೆ ಬಲ.. ಇಬ್ಬರು ಬ್ಯಾಟ್ಸಮನ್​​ಗಳು ವಿಧ್ವಂಸಕಾರಿ ಬ್ಯಾಟಿಂಗ್..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ