ಈ ರೀತಿಯ ಆಹಾರ ತಿಂದ್ರೆ ಹೊಟ್ಟೆ, ಅನ್ನನಾಳದ ಕ್ಯಾನ್ಸರ್ ಬರೋದು ಪಕ್ಕಾ..!

ಬಾಯಿ ರುಚಿ ಕೇಳಿತು ಅಂತ ಸಿಕ್ಕ ಸಿಕ್ಕಲ್ಲಿ ಅಶುಚಿ ಊಟ, ತಿಂಡಿ ಮಾಡ್ತಿದ್ದೀರಾ?. ಕಮ್ಮಿ ರೇಟ್​ಗೆ ಸಿಗುತ್ತದೆಂದು ಆಹಾರ ಪದಾರ್ಥಗಳ ಗುಣಮಟ್ಟ ನೋಡದೇ ಮನೆಗೆ ತರ್ತಿದ್ದೀರಾ?. ಹಾಗಾದ್ರೆ ನೀಮಗೆ ಇಲ್ಲಿರುವ ಮಾಹಿತಿ ತುಂಬಾ ಮುಖ್ಯವಾದದ್ದು ಆಗಿದೆ. ನಿಮಗೆ ಆ ಕಂಟಕ ಬರುವ ಮೊದಲು ಎಚ್ಚೆತ್ತುಕೊಳ್ಳಿ.

ಒಂದು ಕಡೆ ಕಳಪೆ ಗುಣಮಟ್ಟದ ಆಹಾರ ಪದಾರ್ಥಗಳ ಮೇಲೆ ಆಹಾರ ಮತ್ತು ಸುರಕ್ಷತೆ ಇಲಾಖೆ ಸಮರ ಸಾರಿದೆ. ಈ ಬೆನ್ನಲ್ಲೇ ಕಿದ್ವಾಯಿ ಆಸ್ಪತ್ರೆ ರಿಲೀಸ್​ ಮಾಡಿರುವ ಅದೊಂದು ರಿಪೋರ್ಟ್​ನಲ್ಲಿ ಶಾಂಕಿಂಗ್​ ಸತ್ಯ ಬಯಲಾಗಿದೆ.

ಕಳಪೆ ಆಹಾರ ಸೇವನೆಯಿಂದ ಕ್ಯಾನ್ಸರ್​ ಕಂಟಕ ಹೆಚ್ಚಳ!

ಕಳಪೆ ಆಹಾರ ಸೇವನೆಯಿಂದ ಕ್ಯಾನ್ಸರ್​ ಕಟಂಕ ಹೆಚ್ಚಳವಾಗಿದೆ. ಅದರಲ್ಲೂ ಪುರುಷರಲ್ಲೇ ಹೊಟ್ಟೆ ಮತ್ತು ಅನ್ನನಾಳದ ಕ್ಯಾನ್ಸರ್ ಹೆಚ್ಚು ಪತ್ತೆಯಾಗಿರೋದು ರಿಪೋರ್ಟ್​ನಲ್ಲಿ ಬಯಲಾಗಿದೆ. 35- 64 ವರ್ಷದೊಳಗಿನ ಪುರುಷರಲ್ಲಿ ಈ ಕ್ಯಾನ್ಸರ್ ಹೆಚ್ಚಳವಾಗಿದೆ. ಆಹಾರದಲ್ಲಿ ಕಾರ್ಸಿನೋಜೆನಿಕ್ ಅಂಶ ಇರೋದರಿಂದ ಕ್ಯಾನ್ಸರ್​ ಹೆಚ್ಚಳವಾಗುತ್ತಿದೆ.

ಹೊಟ್ಟೆ ಕ್ಯಾನ್ಸರ್ ಕಂಟಕ!

ರಾಜ್ಯದಲ್ಲಿ 2024-25ನೇ ಸಾಲಿನಲ್ಲಿ ಹೊಟ್ಟೆ ಕ್ಯಾನ್ಸರ್​​ 2,564 ಪುರುಷರಲ್ಲಿ, 1,543 ಮಹಿಳೆಯರಲ್ಲಿ ಕಾಣಿಸಿಕೊಂಡಿದೆ. ಇನ್ನೂ ಬೆಂಗಳೂರಿನಲ್ಲಿ 450 ಪುರುಷರಲ್ಲಿ, 262 ಮಹಿಳೆಯರಲ್ಲಿ ಈ ಕ್ಯಾನ್ಸರ್​ ಪತ್ತೆಯಾಗಿದೆ.

ಅನ್ನನಾಳದ ಕ್ಯಾನ್ಸರ್ ಕಂಟಕ!

ಇನ್ನೂ ಅನ್ನನಾಳದ ಕ್ಯಾನ್ಸರ್​ ರಾಜ್ಯದಲ್ಲಿ ಒಟ್ಟು 1,696 ಪುರುಷರು, 1,396 ಮಹಿಳೆಯರಲ್ಲಿ ಪತ್ತೆಯಾಗಿದೆ. ಬೆಂಗಳೂರಲ್ಲಿ 298 ಪುರುಷರು, 230 ಮಹಿಳೆಯರಲ್ಲಿ ಕಾಣಿಸಿಕೊಂಡಿದೆ.

ಅನ್ನನಾಳದ ಕ್ಯಾನ್ಸರ್​ನಲ್ಲಿ 4 ವಿಭಾಗದಲ್ಲಿ ಬರುತ್ತದೆ. ಮೊದಲನೆಯದು ವಯಸ್ಸು ಆಗುತ್ತಿದ್ದಂತೆ ಬರುತ್ತದೆ. ಕುಟುಂಬದಲ್ಲಿ ಈ ಮೊದಲು ಯಾರಲ್ಲಾದರೂ ಅನ್ನನಾಳದ ಕ್ಯಾನ್ಸರ್​ ಇದ್ರೆ ಈಗ ಬರುತ್ತದೆ. ಲೈಫ್​ಸ್ಟೈಲ್ ಅಭ್ಯಾಸದಿಂದಲೂ ಇದು ಬರುವ ಸಂಭವವಿದೆ. ವ್ಯಾಯಾಮ, ಆಟಗಳು ಕಡಿಮೆ ಇದ್ದಾಗ ಕ್ಯಾನ್ಸರ್ ಹೆಚ್ಚು ಬರುತ್ತದೆ. ಆಹಾರದಲ್ಲಿ ಹೆಚ್ಚು ಉಪ್ಪು ತಿಂದ್ರೆ, ನಾನ್​ವೆಜ್​ನಿಂದ ಕ್ಯಾನ್ಸರ್ ಬರುತ್ತದೆ.

ಡಾ.ನವೀನ್, ನಿರ್ದೇಶಕ, ಕಿದ್ವಾಯಿ ಕ್ಯಾನ್ಸರ್ ಆಸ್ಪತ್ರೆ

ಡಾಕ್ಟರ್​ ಈ ಮೇಲೆ ಹೇಳಿದ್ದನ್ನ ಪಾಲನೆ ಮಾಡಿ. ನಿಮ್ಮ ಫುಡ್​ ಸ್ಟೈಲ್​ ಈ ರೀತಿ ಇದ್ರೆ, ಇವತ್ತೆ ಅದನ್ನ ಬದಲಿಸಿಕೊಂಡು ಕ್ಯಾನ್ಸರ್​ನಿಂದ ದೂರಾಗಿ, ಆರೋಗ್ಯವಂತರಾಗಿರಿ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ