ಟೀಮ್​ ಇಂಡಿಯಾ, ಇಂಗ್ಲೆಂಡ್​ ಮಧ್ಯೆ 2ನೇ ಟಿ20; ಸ್ಟಾರ್​ ಆಟಗಾರನಿಗೆ ಕೊಕ್​

ನಾಳೆ ಟೀಮ್​ ಇಂಡಿಯಾ, ಇಂಗ್ಲೆಂಡ್​ ನಡುವೆ 2ನೇ ಟಿ20 ಪಂದ್ಯ ನಡೆಯಲಿದೆ. 2ನೇ ಮಹತ್ವದ ಟಿ20 ಪಂದ್ಯಕ್ಕೆ ಇಂದೇ ಇಂಗ್ಲೆಂಡ್​ ಬಲಿಷ್ಠ ತಂಡ ಪ್ರಕಟಿಸಿದೆ. ಇಂಗ್ಲೆಂಡ್​ ತಂಡದಲ್ಲಿ ಒಂದು ಮಹತ್ವದ ಬದಲಾವಣೆ ಆಗಿದ್ದು, ಭಾರತದ ವಿರುದ್ಧ ಬಲಿಷ್ಠ ಟೀಮ್​ ಕಣಕ್ಕಿಳಿಯಲಿದೆ.

ಕೋಲ್ಕತ್ತಾದಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ವೇಗಿ ಗಸ್ ಅಟ್ಕಿನ್ಸನ್ ಭಾರೀ ರನ್​ ಬಿಟ್ಟುಕೊಟ್ಟರು. 19ರ ಎಕಾನಮಿಯಲ್ಲಿ ರನ್ ಬಿಟ್ಟುಕೊಟ್ಟ ಕೊಟ್ಟ ಕಾರಣ ಇವರನ್ನು ತಂಡದಿಂದ ಹೊರಗಿಡಲಾಗಿದೆ. ಪ್ಲೇಯಿಂಗ್​ ಎಲೆವೆನ್​ನಲ್ಲಿ ವೇಗಿ ಗಸ್ ಅಟ್ಕಿನ್ಸನ್ ಬದಲಿಗೆ ಕೇವಲ 4 ಅಂತಾರಾಷ್ಟ್ರೀಯ ಟಿ20 ಪಂದ್ಯ ಆಡಿರೋ ಬ್ರಿಡನ್​ ಕೇರ್ಸ್ ಅವರನ್ನು ಆಯ್ಕೆ ಮಾಡಲಾಗಿದೆ.

ಮೊದಲ ಟಿ20 ಪಂದ್ಯದಲ್ಲಿ ಹೀನಾಯ ಸೋಲು

ಭಾರತದ ವಿರುದ್ಧ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್​ ತಂಡ ಹೀನಾಯ ಸೋಲು ಕಂಡಿತ್ತು. ಟಾಸ್​ ಸೋತ್ರೂ ಫಸ್ಟ್​ ಬ್ಯಾಟಿಂಗ್​ ಮಾಡಿದ ಇಂಗ್ಲೆಂಡ್ ಕೇವಲ 132 ರನ್​ಗಳಿಸಿತ್ತು. ಫಿಲ್ ಸಾಲ್ಟ್ 0 ಶೂನ್ಯಕ್ಕೆ ಔಟಾದರೆ, ಬೆನ್ ಡಕೆಟ್ 4 ಕೂಡ ವಿಫಲರಾದರು. ಜೋಸ್​ ಬಟ್ಲರ್​ ಮಾತ್ರ 44 ಎಸೆತಗಳಲ್ಲಿ 8 ಬೌಂಡರಿ ಮತ್ತು 2 ಸಿಕ್ಸರ್‌ ಸಹಾಯದಿಂದ 68 ರನ್ ಗಳಿಸಿ ಗಮನ ಸೆಳೆದರು.

ಬಟ್ಲರ್ ಹೊರೆತುಪಡಿಸಿ ಹ್ಯಾರಿ ಬ್ರೂಕ್ 17, ಜೋಫ್ರಾ ಆರ್ಚರ್ 12, ಲಿಯಾಮ್ ಲಿವಿಂಗ್‌ಸ್ಟೋನ್ 0, ಜಾಕೋಬ್ ಬೆಥೆಲ್ 7 ಮತ್ತು ಜೇಮೀ ಓವರ್ಟನ್ 2 ರನ್​ಗಳಿಸಲು ವಿಫಲರಾದರು.

ಟೀಮ್​ ಇಂಡಿಯಾಗೆ ಭರ್ಜರಿ ಜಯ

133 ರನ್​ಗಳ ಗುರಿ ಬೆನ್ನತ್ತಿದ ಟೀಮ್ ಇಂಡಿಯಾ ಕೇವಲ 12.5 ಓವರ್‌ಗಳಲ್ಲಿ ಪಂದ್ಯ ಮುಗಿಸಿ ಬರೋಬ್ಬರಿ 7 ವಿಕೆಟ್​ಗಳಿಂದ ಗೆದ್ದು ಬೀಗಿದೆ. ಆರಂಭಿಕ ಬ್ಯಾಟರ್​ ಸಂಜು ಸ್ಯಾಮ್ಸನ್ 26, ಅಭಿಷೇಕ್ ಶರ್ಮಾ 79, ತಿಲಕ್ ವರ್ಮಾ 19 ಮತ್ತು ಹಾರ್ದಿಕ್ ಪಾಂಡ್ಯ 3 ರನ್​ ಗಳಿಸಿ ಭಾರತ ತಂಡವನ್ನು ಗೆಲ್ಲಿಸಿದ್ರು.

ಇದನ್ನೂ ಓದಿ:ಗುರುವನ್ನೇ ಮೀರಿಸೋ ಫಿಯರ್​​ಲೆಸ್ ಬ್ಯಾಟಿಂಗ್.. ಯುವಿ ಗರಡಿಯ ಅಭಿಷೇಕ್​ಗೆ ಭಯವೇ ಇಲ್ವಾ?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ