ಎಲ್ಲಾ ವಿಷಯದಲ್ಲೂ ಟಾಪರ್, ಕನ್ನಡದಲ್ಲಿ ಮಾತ್ರ 25 ಅಂಕ! ಶಾಕ್ ಆಗಿದ್ದ ವಿದ್ಯಾರ್ಥಿನಿಗೆ ಸಿಹಿ ಸುದ್ದಿ

ಮೊನ್ನೆಯಷ್ಟೇ ಎಸ್​ಎಸ್​ಎಲ್​ಸಿ ಪರೀಕ್ಷೆ ಫಲಿತಾಂಶ ಪ್ರಕಟವಾಗಿತ್ತು. ವಿದ್ಯಾರ್ಥಿಗಳು ತಮ್ಮ ಫಲಿತಾಂಶ ನೋಡಲು ಕಾತರದಿಂದ ಕಾಯುತ್ತಿದ್ದರು. ಆದ್ರೆ, ಇದೇ ವೇಳೆ ಪರೀಕ್ಷಾ ಮಂಡಳಿ ಮಾಡಿದ ಯಡವಟ್ಟಿಗೆ ಎಸ್​ಎಸ್​ಎಲ್​ಸಿ ವಿದ್ಯಾರ್ಥಿನಿ ಫುಲ್​ ಶಾಕ್​ ಆಗಿದ್ದಾರೆ.

ಇದನ್ನೂ ಓದಿ: ವೀಕ್ಷಕರಿಗೆ ಬಿಗ್​ ಶಾಕ್​.. ಮುಕ್ತಾಯದ ಹಂತದಲ್ಲಿದೆ ಶ್ರೀರಸ್ತು ಶುಭಮಸ್ತು ಸೀರಿಯಲ್!

ವಿದ್ಯಾರ್ಥಿನಿ ಅಷ್ಟೇ ಅಲ್ಲದೇ ಪೋಷಕರು ಕೂಡ ಅಚ್ಚರಿಪಟ್ಟಿದ್ದಾರೆ. ವಿದ್ಯಾರ್ಥಿನಿ ತನ್ಮಯಿ ತನ್ನ ಫಲಿತಾಂಶವನ್ನು ನೋಡಲು karresults.nic.in ಅಧಿಕೃತ ವೆಬ್‌ಸೈಟ್​ಗೆ ಹೋಗಿ ಫಲಿತಾಂಶ ಚೆಕ್​ ಮಾಡಿದ್ದಾರೆ. ಆಗ ಇಂಗ್ಲಿಷ್ - 108, ಸಂಸ್ಕೃತ- 97, ಗಣಿತ - 81, ವಿಜ್ಞಾನ- 94, ಸಾಮಾಜಿಕ ವಿಜ್ಞಾನ - 99 ಅಂಕ ಪಡೆದಿದ್ದಾಳೆ.

ಎಲ್ಲಾ ಸಬ್ಜೆಕ್ಟ್ ಟಾಪ್ ಆಗಿದ್ದ ವಿದ್ಯಾರ್ಥಿನಿಗೆ ಕನ್ನಡದಲ್ಲಿ ಬರೀ 25 ಅಂಕ ಬಂದಿದೆ. ಇದನ್ನೇ ನೋಡಿದ ವಿದ್ಯಾರ್ಥಿನಿ ಹಾಗೂ ಆಕೆಯ ಪೋಷಕರು ಗಾಬರಿಗೊಂಡಿದ್ದಾರೆ. ಇದ್ರಿಂದ ಅನುಮಾನ ಬಂದ ಪೋಷಕರು ಪೇಪರ್ ಕಾಪಿ ಮೊರೆ ಹೋಗಿದ್ದು, ಈ ವೇಳೆ ವಿದ್ಯಾರ್ಥಿ ಪಡೆದಿದ್ದು 75 ಅಂಕ ಎಂದು ತಿಳಿದಿದೆ. ಆದ್ರೆ ವೆಬ್ ಸೈಟ್​ನಲ್ಲಿ ತೋರಿಸಿದ್ದು 25 ಅಂಕ ಮಾತ್ರ. ಸದ್ಯ ಎಸ್​ಎಸ್​ಎಲ್​ಸಿ ಬೋರ್ಡ್​ಗೆ ಪೋಷಕರು ಮನವಿ ಮಾಡಿದ್ದು, ಸರಿ ಪಡಿಸುವುದಾಗಿ ಭರವಸೆ ನೀಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ