Video: ಗೋಲ್​ ಬಾರಿಸಿ ತಾನು ತಂದೆಯಾಗುತ್ತಿರುವ ಸಂತಸವನ್ನು ವ್ಯಕ್ತಪಡಿಸಿದ ಸುನಿಲ್​ ಚೆಟ್ರಿ!

ಭಾರತ ಪುಟ್​ ಬಾಲ್​ ತಂಡ ಇಂಟರ್​​ಕಾಂಟಿನೆಂಟಲ್​​​ ಕಪ್​ ಫುಟ್​ಬಾಲ್​ ಟೂರ್ನಿಯಲ್ಲಿ ವನುವಾಟು ದೇಶವನ್ನು 1-0 ಅಂತರದಲ್ಲಿ ಸೋಲಿಸಿದೆ. ಸೋಮವಾರದಂದು ಕಳಿಂಗಾ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಭಾರತದ ತಂಡದ ನಾಯಕ ಸುನಿಲ್​ ಚೆಟ್ರಿ ಹೊಡೆದ ಗೋಲ್​ ಈ ಜಯವನ್ನು ತಂದುಕಕೊಟ್ಟಿದೆ.

ಭಾರತ ತಂಡ ಇಂಟರ್​ಕಾಂಟಿನೆಂಟಲ್​​​ ಕಪ್​ ಫುಟ್​ಬಾಲ್ ಟೂರ್ನಿಯಲ್ಲಿ 2ನೇ ಬಾರಿಗೆ ಗೆಲವು ಸಾಧಿಸಿದ್ದು, ಸುನಿಲ್​ ಚೆಟ್ರಿ ಹೊಡೆದ ಗೋಲ್​ ನೆರವಿನಿಂದ ಭಾರತಕ್ಕೆ ಜಯ ಲಭಿಸಿದೆ. ಈ ಪಂದ್ಯದಲ್ಲಿ ಗೋಲ್​ ಹೊಡೆದ ಸಂತಸವನ್ನು ಸುನಿಲ್​ ಚೆಟ್ರಿ ವಿಭಿನ್ನವಾಗಿ ತೋರಿಸಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಈ ದೃಶ್ಯ ವೈರಲ್​ ಆಗಿದೆ.

Sunil Chhetri 🐐❤️pic.twitter.com/dsmfzH59Zl

— Atanu (@atanu_74) June 12, 2023

ಗೋಲ್​ ಬಾರಿಸಿದ ಸಂತಸದಲ್ಲಿ ಸುನಿಲ್​ ಚೆಟ್ರಿ ತಮ್ಮ ಮಡದಿ ಗರ್ಭಿಣಿ ಎಂದು ಹೇಳಿಕೊಂಡಿದ್ದಾರೆ.  ಪತ್ನಿ ಸೋನಮ್​ ಬಸುರಿ ಆಗಿರುವುದನ್ನು ಸುನಿಲ್​ ಚೆಟ್ರಿ ಜರ್ಸಿ ಒಳಗಡೆ ಹೊಟ್ಟೆಯ ಮುಂದೆ ಫುಟ್​ಬಾಲ್​ ಇಟ್ಟುಕೊಂಡು ತೋರಿಸಿದ್ದಾರೆ. ತಾನು ತಂದೆಯಾಗುತ್ತಿದ್ದೇನೆ ಎಂಬುದನ್ನು ಭಿನ್ನವಾಗಿ ಹೇಳಿಕೊಂಡಿದ್ದಾರೆ. ಸದ್ಯ ಈ ದೃಶ್ಯ ಕ್ಯಾಮೆರಾ ಕಣ್ಣಿಗೆ ಸೆರೆಯಾಗಿದೆ.

ಇನ್ನು ಗಂಡನ ಜಯವನ್ನು ಗ್ಯಾಲರಿಯಲ್ಲಿ ಕುಳಿತು ವೀಕ್ಷಿಸುತ್ತಿದ್ದ ಪತ್ನಿ ಸೋನಮ್​ ಎದ್ದು ನಿತ್ತು ಚಪ್ಪಾಳೆ ತಟ್ಟುತ್ತಾ ನಗು ಬೀರಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ