ಗುಡ್​​ನ್ಯೂಸ್​.. ಬಾಹ್ಯಾಕಾಶಕ್ಕೆ ಗುಡ್​ಬೈ ಹೇಳಿ, ಭೂಮಿಯತ್ತ ಹೊರಟ ಸುನಿತಾ ವಿಲಿಯಮ್ಸ್

8 ದಿನಗಳ ಕಾಲ ನಡೆಯಬೇಕಿದ್ದ ಗಗನಯಾನದಲ್ಲಿ ತಾಂತ್ರಿಕ ಸಮಸ್ಯೆಯಿಂದಾಗಿ ಸುನಿತಾ ವಿಲಿಯಮ್ಸ್ ಬರೋಬ್ಬರಿ 9 ತಿಂಗಳ ಕಾಲ ಬಾಹ್ಯಾಕಾಶದಲ್ಲಿ ಸಿಲುಕಿದ್ದರು. NASA ಮತ್ತು SpaceX ಅವಿರತ ಶ್ರಮದಿಂದ ಕೊನೆಗೂ ಬಾಹ್ಯಾಕಾಶ ನಿಲ್ದಾಣದಿಂದ ಇಬ್ಬರು ಗಗನಯಾನಿಗಳು ಹೊರ ಬಂದಿದ್ದಾರೆ.

ಎಲಾನ್ ಮಸ್ಕ್ ಅವರ ಸ್ಪೇಸ್​ ಎಕ್ಸ್​ನ ಕ್ರೂ ಡ್ರ್ಯಾಗನ್ ನೌಕೆ ಮೂಲಕ ಸುನಿತಾ ವಿಲಿಯಮ್ಸ್, ಬುಚ್ ವಿಲ್ಮೋರ್​ ಭೂಮಿಯತ್ತ ವಾಪಸ್​ ಆಗ್ತಿದ್ದಾರೆ. ಅಮೆರಿಕ ಗಗನಯಾತ್ರಿ ನಿಕ್ ಹೇಗ್ ಮತ್ತು ರಷ್ಯಾದ ಗಗನಯಾತ್ರಿ ಅಲೆಕ್ಸಾಂಡರ್ ಗೋರ್ಬುನೋವ್ ವಾಪಸ್ ಆಗುತ್ತಿದ್ದಾರೆ.

ಇದನ್ನೂ ಓದಿ: ಸುನಿತಾ ವಿಲಿಯಮ್ಸ್ ಭೂಮಿಗೆ ಬರುವ ದಿನ ಅಧಿಕೃತ.. ಅಮೆರಿಕದ ಸಮುದ್ರದಲ್ಲಿ ಲ್ಯಾಂಡ್..!

4 ಪ್ಯಾರಾಚೂಟ್​ ಸಮುದ್ರಕ್ಕೆ ಇಳಿಸಲಾಗ್ತಿದೆ..

ಬೆಳಗ್ಗೆ ಗಗನಯಾತ್ರಿಗಳು ಬಾಹ್ಯಾಕಾಶ ನೌಕೆ ಪ್ರವೇಶಿಸುತ್ತಿದ್ದಂತೆ ಪ್ರಯಾಣ ಪ್ರಾರಂಭಿಸಲು ಸೂಟ್ ಧರಿಸಿದರು. ಕ್ರೂ-10 ಗಗನಯಾತ್ರಿಗಳು ಹ್ಯಾಚ್ ಕ್ಲೋಸ್ (closing the hatch) ಮಾಡುವ ಮೂಲಕ ವಿದಾಯ ಹೇಳಿದರು. ಅನ್​ಡಾಕ್ ಬೆನ್ನಲ್ಲೇ ಬಾಹ್ಯಾಕಾಶ ನೌಕೆಯು ಅದರ ಡಿಸೆಂಟ್ ಪೇಸ್​ (Descent phase) ಪ್ರವೇಶಿಸಲು ISSನಿಂದ ನ್ಯಾವಿಗೇಟ್ ಪಡೆಯಿತು. ಒಮ್ಮೆ ಅದು ಭೂಮಿಯ ವಾತಾವರಣ ಪ್ರವೇಶಿಸಿದ ನಂತರ ಬಾಹ್ಯಾಕಾಶ ನೌಕೆಯು ತನ್ನ ಇಳಿಯುವಿಕೆಯನ್ನು ಮತ್ತಷ್ಟು ನಿಧಾನಗೊಳಿಸಲು 4 ಪ್ಯಾರಾಚೂಟ್‌ ಆನ್​ ಮಾಡಲಾಗುತ್ತದೆ.
ಫ್ಲೋರಿಡಾ ಕರಾವಳಿಯಲ್ಲಿ ಸುರಕ್ಷಿತ ಇಳಿಯಲು ಎಲ್ಲಾ ವ್ಯವಸ್ಥೆ ಮಾಡಿಕೊಳ್ಳಲಾಗಿದೆ. ಭಾರತೀಯ ಕಾಲಮಾನ 3:27 AM ಕ್ಕೆ ಸ್ಪ್ಲಾಶ್‌ಡೌನ್ ಆಫ್ ನಿರೀಕ್ಷಿಸಲಾಗಿದೆ. ವಿಲಿಯಮ್ಸ್, ವಿಲ್ಮೋರ್ ಇಳಿದ ನಂತರ ಸ್ಪೇಸ್‌ಎಕ್ಸ್​ನ ಚೇತರಿಕೆ ಹಡಗು ಸಿದ್ಧವಾಗಿರುತ್ತದೆ.

ಇದನ್ನೂ ಓದಿ: ಭಗವದ್ಗೀತೆ, ಗಣೇಶನ ಮೂರ್ತಿ.. ಬಾಹ್ಯಾಕಾಶಕ್ಕೆ ಹೋಗುವಾಗ ಸುನೀತಾ ಏನೆಲ್ಲಾ ತೆಗೆದುಕೊಂಡು ಹೋಗಿದ್ರು?

150ಕ್ಕೂ ಹೆಚ್ಚು ವೈಜ್ಞಾನಿಕ ಪ್ರಯೋಗ

ಬೋಯಿಂಗ್‌ನ ಸ್ಟಾರ್‌ಲೈನರ್ ಬಾಹ್ಯಾಕಾಶ ನೌಕೆಯ ಮೊದಲ ಸಿಬ್ಬಂದಿ ಪರೀಕ್ಷಾ ಹಾರಾಟದ ಭಾಗವಾಗಿ ಸುನಿತಾ ವಿಲಿಯಮ್ಸ್ ಮತ್ತು ವಿಲ್ಮೋರ್ ಜೂನ್ 5, 2024 ರಂದು ಬಾಹ್ಯಾಕಾಶಕ್ಕೆ ಉಡಾವಣೆ ಆಗಿದ್ದರು. ಪ್ರೊಪಲ್ಷನ್ ಸಿಸ್ಟಮ್​ನಲ್ಲಿ ದೋಷಗಳು ಕಂಡು ಬಂದ ಹಿನ್ನೆಲೆಯಲ್ಲಿ ಅವರು ಭೂಮಿಗೆ ಮರಳುವಿಗೆ ವಿಳಂಬ ಆಗಿತ್ತು. 2024 ಸೆಪ್ಟೆಂಬರ್​ನಲ್ಲಿ ಸುನಿತಾ ವಿಲಿಯಮ್ಸ್​ ಕೊಂಡೊಯ್ದಿದ್ದ ನೌಕೆ, ಯಾವುದೇ ಸಿಬ್ಬಂದಿ ಇಲ್ಲದೇ ಭೂಮಿಗೆ ವಾಪಸ್ ಆಗಿತ್ತು. ಸುನಿತಾ ವಿಲಿಯಮ್ಸ್ ಅನಿರೀಕ್ಷಿತ ಬಾಹ್ಯಾಕಾಶ ವಿಸ್ತರಣೆಯು ಸೂಕ್ಷ್ಮ ಗುರುತ್ವಾಕರ್ಷಣೆಯಲ್ಲಿದ್ದಾಗ 150 ಕ್ಕೂ ಹೆಚ್ಚು ವೈಜ್ಞಾನಿಕ ಪ್ರಯೋಗಗಳ ಕೊಡುಗೆಗೆ ಅವಕಾಶ ಮಾಡಿಕೊಟ್ಟಿದೆ.

ಇದನ್ನೂ ಓದಿ: ಭಾರತದಲ್ಲಿ ಮಗಳು ಮನೆಗೆ ಬರುತ್ತಿರೋ ಸಂಭ್ರಮ.. ಸುನಿತಾ ಪೂರ್ವಜರ ಗ್ರಾಮದಲ್ಲಿ ಹೇಗಿದೆ ಖುಷಿ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ