ಸುನೀತಾ ವಿಲಿಯಮ್ಸ್ ಭೂಮಿಗೆ ಬರಲು ಕ್ಷಣಗಣನೆ.. ಸುರಕ್ಷಿತವಾಗಿ ಬರಲಿ ಎಂದು ಪ್ರಾರ್ಥನೆ

ಸುನೀತಾ ವಿಲಿಯಮ್ಸ್​ ಭೂಮಿಗೆ ಬರುವ ಕಾಲಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಅವರ ಸುರಕ್ಷಿತ ವಾಪಸ್ಸಾತಿಗೆ ಜಗತ್ತಿನ ಎಲ್ಲೆಡೆ ಪ್ರಾರ್ಥನೆಗಳು ನಡೆಯುತ್ತಿವೆ. ಭಾರತದ ಕಾಲಮಾನದ ಪ್ರಕಾರ 3.27ಕ್ಕೆ ಸುನಿತಾ ಭೂಮಿಗೆ ತಲುಪಲಿದ್ದಾರೆ. ಇನ್ನು ಕೊನೆಯ 15 ನಿಮಿಷಗಳು ತುಂಬಾ ಕ್ರಿಟಿಕಲ್ ಎಂದು ಹೇಳಲಾಗುತ್ತಿದೆ. ಸ್ಪೀಡ್​ ಕಂಟ್ರೋಲ್ ಮಾಡುವ ಸವಾಲಿದೆ. ಸ್ಪೀಡ್​ನ್ನು ಕಂಟ್ರೋಲ್ ಮಾಡಿ ಗಂಟೆಗೆ 550 ರಿಂದ 600 ಕಿಲೋಮೀಟರ್ ವೇಗಕ್ಕೆ ಇಳಿಸಲಾಗುತ್ತದೆ. ಕೊನೆಯ ಹದಿನೈದು ನಿಮಿಷದಲ್ಲಿ ಪ್ಯಾರಾಚೂಟ್​ಗಳು ತೆರೆದು ಕ್ಯಾಪ್ಸೂಲ್ಸ್​ ಲ್ಯಾಂಡ್ ಮಾಡಲಾಗುತ್ತದೆ. 4 ನಿಮಿಷ ಬಂದಾಗ 2 ಪ್ಯಾರಾಚೂಟ್​ ಹಾಗೂ 2 ನಿಮಿಷಕ್ಕೆ ಇನ್ನೂ 4 ಪ್ಯಾರಾಚೂಟ್​ ಓಪನ್ ಆಗುತ್ತವೆ.

ಇದನ್ನೂ ಓದಿ:ವಸುದೈವ ಕುಟುಂಬಕಂ ಎಂಬುದೇ ಅವರ ಮಾರ್ಗದರ್ಶಕ ಮಂತ್ರ.. ಸುನೀತಾ ಸೋದರ ಸಂಬಂಧಿ ಹೇಳಿದ್ದೇನು?

ಅಂತಿಮವಾಗಿ ಗಂಟೆಗೆ ಜಸ್ಟ್ 6 ಕಿಲೋ ಮೀಟರ್​ ವೇಗಕ್ಕಿಳಿಸಿ ಟಚ್​ಡೌನ್ ಮಾಡಲಾಗುತ್ತದೆ. ಸಮುದ್ರಕ್ಕೆ ಕ್ಯಾಪ್ಸೂಲ್ ಬಿದ್ದ ತಕ್ಷಣ ಸಜ್ಜಾಗಿರೋ ಹಡಗಿನ ಮೂಲಕ ರಕ್ಷಣೆ ಮಾಡಲಾಗುತ್ತದೆ. ಹ್ಯಾಚೆಟ್​ ಡೋರ್ಸ್​ ಪರಿಶೀಲಿಸಿ ಡ್ಯಾಮೇಜ್ ಇಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಲಾಗುತ್ತದೆ
ಡ್ಯಾಮೇಜ್ ಇಲ್ಲ ಎಂದು ಖಚಿತಗೊಂಡಾಗ ಒಬ್ಬೊಬ್ಬರನ್ನೆ ಹೊರಗೆ ತರಲಗುತ್ತದೆ. ಸಾಕಷ್ಟು ಸುಸ್ತಾಗಿರುವ ಗಗನಯಾತ್ರಿಗಳನ್ನ ಏರ್ ಆ್ಯಂಬುಲೆನ್ಸ್ ಮೂಲಕ ಚಿಕಿತ್ಸೆಗೆ ಶಿಫ್ಟ್ ಮಾಡಲಾಗುತ್ತದೆ

ಸದ್ಯ ಲ್ಯಾಂಡಿಂಗ್​ ಸೈಟ್​ನಲ್ಲಿ ಹವಾಮಾನ ಶುದ್ಧವಿದೆ ಕೆಲವೇ ಕ್ಷಣಗಳಲ್ಲಿ ಫ್ಲೋರಿಡಾದ ಕರಾವಳಿಯಲ್ಲಿ ಕ್ರ್ಯೂ -9 ಲ್ಯಾಂಡಿಂಗ್ ಆಗಲಿದೆ ಎಂದು ನಾಸಾ ತಿಳಿಸಿದೆ. 285 ದಿನಗಳ ಬಳಿಕ ಸುನೀತಾ ವಿಲಿಯಮ್ಸ್ ಮತ್ತು ಬಚ್​ ವಿಲ್ಮೋರ್ ಭೂಮಿಗೆ ವಾಪಸ್ ಬರುತ್ತಿದ್ದಾರೆ. ಕೆಲವೇ ಕ್ಷಣಗಳಲ್ಲಿ ಕ್ಯೂಪ್ಸುಲ್ ಟಚ್​ಡೌನ್ ಆಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ