ಗುಡ್​ನ್ಯೂಸ್​.. ಸುನಿತಾ ವಿಲಿಯಮ್ಸ್ ಭೂಮಿಗೆ ಬರುವ ಬಗ್ಗೆ ಅಪ್​ಡೇಟ್ಸ್​..!

ಬಾಹ್ಯಾಕಾಶದಲ್ಲಿ ಸಿಲುಕಿಕೊಂಡಿರುವ ಭಾರತೀಯ ಮೂಲದ ಗಗನಯಾತ್ರಿ ಸುನಿತಾ ವಿಲಿಯಮ್ಸ್​ಗೆ (Sunita Williams) ಸಂಬಂಧಿಸಿದಂತೆ ಗುಡ್​ನ್ಯೂಸ್​ ಸಿಕ್ಕಿದೆ. ಈ ತಿಂಗಳ ಅಂತ್ಯದ ವೇಳೆಗೆ ಬಾಹ್ಯಾಕಾಶದಿಂದ ಸುನಿತಾ ವಿಲಿಯಮ್ಸ್, ಬುಚ್ ವಿಲ್ಮೋರ್ ( Butch Wilmore) ಭೂಮಿಗೆ ವಾಪಸ್ ಆಗಲಿದ್ದಾರೆ.

ಬಾಹ್ಯಾಕಾಶದಲ್ಲೇ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿರುವ ವಿಲ್ಮೋರ್​, ಸ್ಪೇಸ್​ ಎಕ್ಸ್​​ನ ಕ್ರ್ಯೂ10 ನೌಕೆಯು ಮಾರ್ಚ್​ 12 ರಂದು ಭೂಮಿಯಿಂದ ಹೊರಡಲಿದೆ. ಅದಾದ ಒಂದು ಅಥವಾ ಎರಡು ವಾರದಲ್ಲಿ ಆ ನೌಕೆಯು ನಮ್ಮನ್ನು ಸುರಕ್ಷಿತವಾಗಿ ಭೂಮಿಗೆ ವಾಪಸ್ ಕರೆದುಕೊಂಡು ಬರಲಿದೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಅಬು ಅಜ್ಮಿ ಮತ್ತೊಂದು ವಿವಾದ.. ಆತನನ್ನು ನಮ್ಮಲ್ಲಿಗೆ ಕಳಿಸಿ ಉಪಚಾರ ಮಾಡ್ತೇವೆಂದ ಯೋಗಿ..!

ಬಾಹ್ಯಾಕಾಶದಲ್ಲಿ ಸಿಲುಕಿದವರ ವಾಪಸ್​ ಕರೆದುಕೊಂಡು ಬರೋ ವಿಚಾರದಲ್ಲಿ ಹಿಂದಿನ ಬೈಡನ್ ಸರ್ಕಾರ ರಾಜಕೀಯ ಮಾಡಿದೆ. ಹಿಂದಿನ ಬೈಡನ್ ಸರ್ಕಾರ ಅವರು ಬಾಹ್ಯಾಕಾಶದಲ್ಲೇ ಇರುವಂತೆ ನೋಡಿಕೊಂಡಿದೆ ಎಂದು ಟ್ರಂಪ್ ಆರೋಪಿಸಿದ್ದರು. ಈ ವಿಚಾರಕ್ಕೆ ಪ್ರತಿಕ್ರಿಯಿಸಿರುವ ವಿಲ್ಮೋರ್, ನಮ್ಮ ಮರಳುವಿಕೆಯ ಮೇಲೆ ಅಮೆರಿಕ ರಾಜಕೀಯ ಯಾವುದೇ ಪ್ರಭಾರ ಬೀರಿಲ್ಲ. ಸ್ಪೇಸ್​ ಎಕ್ಸ್​ ಕ್ಯಾಪ್ಸೂಲ್ ಬದಲಾವಣೆಯಿಂದಾಗಿ ನಮ್ಮ ಮರಳುವಿಕೆ ಕೊಂಚ ದೂರ ಹೋಗಿದೆ ಎಂದಿದ್ದಾರೆ.

8 ದಿನಕ್ಕೆಂದು ಹೋಗಿ 9 ತಿಂಗಳ ವಾಸ

ಕೇವಲ 8 ದಿನಗಳ ಮಿಷನ್ ಭಾಗವಾಗಿ ಜೂನ್ 5 ರಂದು ಸುನಿತಾ ವಿಲಿಯಮ್ಸ್ ಹಾಗೂ ಬುಚ್ ವಿಲ್ಮೋರ್ ಬಾಹ್ಯಾಕಾಶ ಕೇಂದ್ರಕ್ಕೆ ಹೋಗಿದ್ದರು. ಆದರೆ ತಾಂತ್ರಿಕ ದೋಷದಿಂದ ಅವರು ಬರೋಬ್ಬರಿ 9 ತಿಂಗಳ ಕಾಲ ಅಲ್ಲಿಯೇ ಸಿಲುಕಿಕೊಂಡಿದ್ದಾರೆ. ಇದೀಗ ಅವರನ್ನು ಭೂಮಿಗೆ ಕರೆ ತರುವ ಕಾಲ ಹತ್ತಿರವಾಗಿದೆ.

ಇದನ್ನೂ ಓದಿ: ಗಿನ್ನಿಸ್​​ ದಾಖಲೆ ಬರೆದ ವಜ್ರದ ಉಂಗುರ; ಇದರ ಬೆಲೆ ಕೇಳಿದ್ರೆ ಶಾಕ್​ ಆಗೋದು ಗ್ಯಾರಂಟಿ!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್