ಕಿಶನ್, ಹೆಡ್​ ಮಿಂಚಿನ ಬ್ಯಾಟಿಂಗ್; ಹೈದ್ರಾಬಾದ್ ಬಿಗ್ ಟಾರ್ಗೆಟ್ ಮುಂದೆ ತಲೆ ಬಾಗಿದ ರಾಜಸ್ಥಾನ್​

ಸನ್​ರೈಸರ್ಸ್​ ಹೈದ್ರಾಬಾದ್ ತಂಡ, ರಾಜಸ್ಥಾನ್ ರಾಯಲ್ಸ್​ ವಿರುದ್ಧ ಭರ್ಜರಿ ಗೆಲುವು ಸಾಧಿಸುವುದರ ಮೂಲಕ 2025ರ ಐಪಿಎಲ್​ನಲ್ಲಿ ಶುಭಾರಂಭ ಮಾಡಿದೆ. ಆರಂಭಿಕ ಪಂದ್ಯದಲ್ಲೇ 286 ರನ್​ಗಳ ಬೃಹತ್​ ಮೊತ್ತದ ಟಾರ್ಗೆಟ್ ನೀಡಿತ್ತು. ಆದ್ರೆ ಈ ಗುರಿ ಮುಟ್ಟಲು ಆಗದೇ ರಾಜಸ್ಥಾನ್​ 44 ರನ್​ಗಳಿಂದ ಸೋಲನ್ನು ಒಪ್ಪಿಕೊಂಡಿದೆ.

ಹೈದ್ರಾಬಾದ್​ನ ರಾಜೀವ್ ಗಾಂಧಿ ಇಂಟರ್ ನ್ಯಾಷನಲ್​ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ರಾಜಸ್ಥಾನ್ ರಾಯಲ್ಸ್ ತಂಡದ ನಾಯಕ ರಿಯಾನ್ ಪರಾಗ್ ಫೀಲ್ಡಿಂಗ್​​ ಆಯ್ಕೆ ಮಾಡಿಕೊಂಡರು. ಅದರಂತೆ ಬ್ಯಾಟಿಂಗ್​ಗೆ ಬಂದ ಹೈದ್ರಾಬಾದ್ ಓಪನರ್ಸ್​ ಭರ್ಜರಿ ಓಪನಿಂಗ್ ಪಡೆದರು. ಟ್ರಾವಿಸ್ ಹೆಡ್​ ಕಡಿಮೆ ಎಸೆತದಲ್ಲೇ ಕೇವಲ 21 ಬಾಲ್​ಗಳಲ್ಲಿ ಅರ್ಧ ಶತಕ ಪೂರೈಸಿದರು. ಆದರೆ 5 ಬೌಂಡರಿ ಸಮೇತ 24 ರನ್​ ಗಳಿಸಿ ಆಡುವಾಗ ಅಭಿಷೇಕ್ ಶರ್ಮಾ, ಯಶಸ್ವಿ ಜೈಸ್ವಾಲ್​ಗೆ ಕ್ಯಾಚ್ ನೀಡಿ ವಿಕೆಟ್ ಒಪ್ಪಿಸಿದರು. ಕೇವಲ 31 ಎಸೆತಗಳಲ್ಲಿ 9 ಬೌಂಡರಿ, 3 ಸಿಕ್ಸರ್ ಸಮೇತ 67 ರನ್​ ಗಳಿಸಿ ಆಡುವಾಗ ಹೆಡ್​ ಔಟ್ ಆದರು.

ತಂಡದಲ್ಲಿ 3ನೇ ಸ್ಲಾಟ್​ನಲ್ಲಿ ಕ್ರೀಸ್​ಗೆ ಬಂದ ಇಶನ್ ಕಿಶನ್, ಟ್ರಾವಿಸ್ ಹೆಡ್​ ಜೊತೆ ಇನ್ನಿಂಗ್ಸ್ ಆರಂಭಿಸಿದ್ದರು. ಆರಂಭದಿಂದಲೂ ಹೊಡಿಬಡಿ ಬ್ಯಾಟಿಂಗ್ ಮಾಡಿದ ಕಿಶನ್​ 92 ರನ್​ ಗಳಿಸಿದ್ದಾಗ ಸಿಕ್ಸರ್ ಸಿಡಿಸಿದ್ದರಿಂದ 98 ರನ್​ಗಳಾದವು. ಇದರ ಬೆನ್ನಲ್ಲೇ ಮತ್ತೊಂದು ಎಸೆತವನ್ನು ಸ್ಟ್ರೇಟ್​ ಆಗಿ ಬೌಂಡರಿಗೆ ಬಾರಿಸಿದರು. ಆದರೆ ಬೌಂಡರಿ ಹೋಗಲಿಲ್ಲವಾದರೂ 2 ರನ್​ ಬಂದವು. ಇದರಿಂದ ಕಿಶನ್, 45 ಎಸೆತಗಳಲ್ಲಿ 100 ರನ್ ​ ಪೂರೈಸಿ ಮೈದಾನದಲ್ಲಿ ಸಂಭ್ರಮಿಸಿದರು.

ನಿತೀಶ್ ಕುಮಾರ್ ಕೂಡ ಒಳ್ಳೆಯ ಬ್ಯಾಟಿಂಗ್ ಪ್ರದರ್ಶನದಿಂದ 30 ರನ್​ಗೆ ವಿಕೆಟ್ ಒಪ್ಪಿಸಿದರು. ಹೆನ್ರಿಚ್ ಕ್ಲಾಸಿನ್ 15 ಎಸೆತದಲ್ಲಿ 34 ರನ್​ ಬಾರಿಸಿದ್ರೆ ಇನ್ನೊಂದು ಕಡೆ ಕ್ರೀಸ್​ ಕಾಯ್ದುಕೊಂಡಿದ್ದ ಕಿಶನ್​ ಸೆಂಚುರಿ ಸಿಡಿಸಿದ್ದರೂ ಬ್ಯಾಟಿಂಗ್ ಮುಂದುವರೆಸಿದ್ದರು. ಹೀಗಾಗಿ ಹೈದ್ರಾಬಾದ್ 20 ಓವರ್​ಗಳಲ್ಲಿ 287 ರನ್​ಗಳ ಬೃಹತ್ ಟಾರ್ಗೆಟ್ ರಾಜಸ್ಥಾನ್​ಗೆ ನೀಡಿತ್ತು.

ಇದನ್ನೂ ಓದಿ: ‘ಹೆಡ್- ಅಭಿಷೇಕ್ ಬ್ಯಾಟಿಂಗ್​ನಿಂದ ಧೈರ್ಯ ಬರುತ್ತೆ’.. ಸೆಂಚುರಿ ಬಳಿಕ ಇಶನ್ ಕಿಶನ್ ಹೇಳಿದ್ದು ಏನು?

ಈ ಗುರಿ ಬೆನ್ನು ಹತ್ತಿದ್ದ ರಾಜಸ್ಥಾನ ಕೇವಲ 20 ರನ್ ಗಳಿಸಿರುವಾಗ ಜೈಸ್ವಾಲ್ ಔಟ್ ಆದರು. ಆದರೆ ಕ್ರೀಸ್​ನಲ್ಲಿದ್ದ ಸಂಜು ಮಾತ್ರ ಒಳ್ಳೆಯ ಬ್ಯಾಟಿಂಗ್ ಮಾಡಿ ಹಾಫ್​ಸೆಂಚುರಿ (66) ಬಾರಿಸಿ ತಂಡಕ್ಕೆ ನೆರವಾಗಿದ್ದರು. ಆದರೆ ಕ್ಯಾಪ್ಟನ್ ಪರಾಗ್ ಕೇವಲ 4 ರನ್​ಗೆ ವಿಕೆಟ್ ಒಪ್ಪಿಸಿದರು. ನಿತೀಶ್ ರಾಣ 11 ರನ್​ಗೆ ಕಮಿನ್ಸ್​ಗೆ ಕ್ಯಾಚ್ ಕೊಟ್ಟರು. ಧೃವ್ ಜುರೆಲ್ ಒಳ್ಳೆ ಒಳ್ಳೆಯ ಶಾಟ್​ಗಳಿಂದ ತಂಡಕ್ಕೆ ಭರವಸೆ ಮೂಡಿಸಿದ್ದರು.

ಆದರೆ 35 ಎಸೆತದಲ್ಲಿ 70 ರನ್​ಗಳಿಸಿ ಆಡುವಾಗ ಕ್ಯಾಚ್ ಕೊಟ್ಟು ಹೊರ ನಡೆದರು. ಹೀಗಾಗಿ 287 ರನ್​ಗಳ ಬೃಹತ್ ಟಾರ್ಗೆಟ್ ರೀಚ್ ಮಾಡಲು ರಾಜಸ್ಥಾನಕ್ಕೆ ಆಗಲೇ ಇಲ್ಲ. ಇದರಿಂದ 20 ಓವರ್​ಗಳಲ್ಲಿ 6 ವಿಕೆಟ್​ಗೆ 242 ರನ್​ ಮಾತ್ರ ಗಳಿಸಲು ಸಾಧ್ಯವಾಗಿ ಮೊದಲ ಪಂದ್ಯದಲ್ಲಿ ಎಸ್​ಆರ್​ಹೆಚ್ ವಿರುದ್ಧ ತಲೆ ಬಾಗಿತು. ​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ