ಭಾರತದ ಮಾಜಿ ಕ್ರಿಕೆಟಿಗ ಸುರೇಶ್​ ರೈನಾ ಕುಟುಂಬಕ್ಕೆ ಸೂತಕ

19 ವರ್ಷದ ಸಂಬಂಧಿಕನನ್ನು ಕಳೆದುಕೊಂಡ ಸುರೇಶ್​ ರೈನಾ

ಅನ್ಯಾಯವಾಗಿ ಹಿಟ್​ ಆ್ಯಂಡ್​ ರನ್​ಗೆ ಬಲಿಯಾದ ಸಂಬಂಧಿಕ

ಭಾರತದ ಮಾಜಿ ಕ್ರಿಕೆಟಿಗ ಸುರೇಶ್​ ರೈನಾ ಅವರ ಸೋದರ ಸಂಬಂಧಿ ಹಿಟ್​ ಆ್ಯಂಡ್​ ರನ್​ಗೆ ಬಲಿಯಾಗಿದ್ದಾರೆ. ಹಿಮಾಚಲ ಪ್ರದೇಶದ ಕಾಂಗ್ರಾ ಜಿಲ್ಲೆಯಲ್ಲಿ 19 ವರ್ಷದ ಸೌರಭ್​ ಕುಮಾರ್​ ಮೃತಪಟ್ಟಿದ್ದಾರೆ.

ಮೃತ ಸೌರಭ್​ ಕುಮಾರ್​ ಅವರು ಸುರೇಶ್​ ರೈನಾ ತಾಯಿಯ ಚಿಕ್ಕಪ್ಪನ ಮಗನಾಗಿದ್ದು, ಹಿಟ್​ ಆ್ಯಂಡ್​ ರನ್​ಗೆ ಬಲಿಯಾಗಿದ್ದಾರೆ. ಇವರ ಜೊತೆಗಿದ್ದ ಮತ್ತೊಬ್ಬ ಸವಾರ ಶುಭಂ ಎಂಬವರು ಮೃತರಾಗಿದ್ದಾರೆ.

ಸೌರಭ್​ ಮತ್ತು ಶುಭಂ ಸ್ಕೂಟರ್​ನಲ್ಲಿ ತೆರಳುತ್ತಿದ್ದ ವೇಲೆ ಕಾರೊಂದು ಬಂದು ಗುದ್ದಿದೆ. ಪರಿಣಾಮ ಇಬ್ಬರು ಸಾವನ್ನಪ್ಪಿದ್ದಾರೆ. ಕಂಗ್ರಾದ ಗಗ್ಗಲ್​ ವಿಮಾನ ನಿಲ್ದಾಣ ಬಳಿ ಇರುವ ಪೊಲೀಸ್​ ಠಾಣೆಯಲ್ಲಿ ಹಿಟ್​ ಆ್ಯಂಡ್​​ ರನ್​ ಪ್ರಕರಣ ದಾಖಲಾಗಿದೆ.

My heartfelt condolences to Suresh Raina ji (@ImRaina) and his family on the tragic loss of his cousin in a hit-and-run accident in Himachal Pradesh.

It’s devastating to hear about such incidents. May they find strength during this difficult time.

— Divya Gandotra Tandon (@divya_gandotra) May 2, 2024

ಇದನ್ನೂ ಓದಿ: VIDEO: ನಮಾಜ್​ ಮಾಡುತ್ತಿದ್ದಾಗ ಹೃದಯಾಘಾತ.. ದೇವರಿಗೆ ಪ್ರಾಥರ್ನೆ ಸಲ್ಲಿಸುವಾಗ ಹಾರಿಹೋಯ್ತು ಪ್ರಾಣಪಕ್ಷಿ

ಹಿಟ್​ ಆ್ಯಂಡ್​​ ರನ್​ನಲ್ಲಿ ತಲೆಮರೆಸಿಕೊಂಡಿದ್ದ ಕಾರು ಚಾಲಕನನ್ನು ಪೊಲೀಸರು ಬಂಧಿಸಿದ್ದಾರೆ. ಬಂಧಿತನನ್ನು ವಿಚಾರಿದಾಗ ಸೌರಭ್​ ಸ್ಕೂಟರ್​ ಚಲಾಯಿಸುತ್ತಿದ್ದನು ಎಂದು ತಿಳಿದುಬಂದಿದೆ. ಗುದ್ದಿದ ರಭಸಕ್ಕೆ ಇಬ್ಬರು ಅಲ್ಲೇ ಮೃತಪಟ್ಟಿದ್ದಾರೆ ಎಂದು ಕಾರು ಚಾಲಕ ಹೇಳಿದ್ದಾನೆ.

ಸೌರಭ್​ ಸಾವು ಸುರೇಶ್​ ರೈನಾ ಕುಟುಂಬಕ್ಕೆ ತುಂಬಲಾರದ ನಷ್ಟವಾಗಿದೆ. ಎಳೆಯ ಪ್ರಾಯದಲ್ಲಿ ಹಿಟ್​ ಆ್ಯಂಡ್​ ರನ್​ಗೆ ಬಲಿಯಾದ ಸೌರಭ್​ನನ್ನು ಕಳೆದುಕೊಂಡು ಕಣ್ಣೀರು ಹಾಕುತ್ತಿದ್ದಾರೆ.