ಸೂರ್ಯನ ಬಗ್ಗೆ ಹೀಗೊಂದು ಗುಸುಗುಸು.. ಮುಂಬೈ ತಂಡದಿಂದ ಬೇರ್ಪಡುವ ಸಾಧ್ಯತೆ?

IPL2025ರ ಮೇಲೆ ಎಲ್ಲರ ಕಣ್ಣಿದೆ. ಮುಂಬರುವ ಪಂದ್ಯವನ್ನು ಕಣ್ತುಂಬಿಕೊಳ್ಳಲು ಕ್ರಿಕೆಟ್​ ಫ್ಯಾನ್ಸ್​ ಕಾಯುತ್ತಿದ್ದಾರೆ. ಇದರ ಜೊತೆ ಜೊತೆಗೆ 2025ರ ಹರಾಜಿನ ಮೇಲೂ ಎಲ್ಲರ ಕಣ್ಣು ನೆಟ್ಟಿದೆ. ಹೀಗಿರುವಾಗ ಸ್ಟಾರ್​ ಬ್ಯಾಟ್ಸ್​​ಮನ್​ ಸೂರ್ಯ ಕುಮಾರ್​ ಯಾದವ್​ ಮುಂಬೈ ಇಂಡಿಯನ್ಸ್​ ತಂಡದಿಂದ ಬೇರ್ಪಡುವ ಸಾಧ್ಯತೆ ಬಗ್ಗೆ ಮಾತೊಂದು ಕೇಳಿಬರುತ್ತಿದೆ.

ಮುಂಬರುವ ಸೀಸನ್​ನಲ್ಲಿ ಸೂರ್ಯ ಮುಂಬೈ ತಂಡದಲ್ಲಿ ಆಡದಿರುವ ಸಾಧ್ಯತೆಯಿದೆ ಎಂಬ ಚರ್ಚೆಗಳು ಸಾಮಾಜಿಕ ಜಾಲತಾಣದಲ್ಲಿ ನಡೆಯುತ್ತಿವೆ. ಮತ್ತೊಂದೆಡೆ 2024ರಲ್ಲಿ ಸೂರ್ಯ ಕುಮಾರ್​ ಯಾದವ್​ ಪ್ರದರ್ಶನ ಅಷ್ಟೇನು ಚೆನ್ನಾಗಿರಲಿಲ್ಲ. ಹೀಗಾಗಿ ಈ ಆಟಗಾರ ಕುರಿತು ಚರ್ಚೆಗಳು ನಡೆಯುತ್ತಿವೆ.

ಇದನ್ನೂ ಓದಿ: ಅಂದು RCB ಆಟಗಾರನಿಗೆ ಬೆದರಿಕೆ ಹಾಕಿದ್ದ ಮುಂಬೈ ಇಂಡಿಯನ್ಸ್​​; ಸ್ಟೋರಿ ಓದಿದ್ರೆ ಶಾಕ್​ ಆಗ್ತೀರಾ!

ಕಳೆದ ವರ್ಷ ಅಲ್​ರೌಂಡರ್​ ಹಾರ್ದಿಕ್​ ಪಾಂಡ್ಯ ಮುಂಬೈ ತಂಡವನ್ನು ಮುನ್ನಡೆಸಿದರು. ಆಡಿರುವ 14 ಪಂದ್ಯದಲ್ಲಿ ನಾಲ್ಕರಲ್ಲಿ ಮಾತ್ರ ಗೆಲವು ಸಾಧಿಸಿದರು. ರೋಹಿತ್​ ಶರ್ಮಾ ಬದಲಿಗೆ ಪಾಂಡ್ಯಗೆ ಅವಕಾಶ ಕೊಟ್ಟರು. ಆದರೆ ತಂಡವನ್ನು ಮುನ್ನೆಸಲು ಪಾಂಡ್ಯ ಕಷ್ಟಪಟ್ಟರು.

ಸೂರ್ಯ ಕುಮಾರ್​ ಅನೇಕ ವರ್ಷಗಳಿಂದ ಮುಂಬೈ ತಂಡದಲ್ಲಿದ್ದಾರೆ. 2018ರಿಂದ ಮುಂಬೈ ತಂಡದ ಪರ ಆಡುತ್ತಿದ್ದಾರೆ. 2012ರಲ್ಲಿ ಮುಂಬೈ ಇಂಡಿಯನ್ಸ್​ ತಂಡಕ್ಕಾಗಿ ಐಪಿಎಲ್​ಗೆ ಕಾಲಿಟ್ಟ ಅವರು ಅನೇಕ ಪಂದ್ಯಗಳನ್ನು ಆಡಿದ್ದಾರೆ.

ಇದನ್ನೂ ಓದಿ: 7 ಪಂದ್ಯದಲ್ಲಿ ಕೇವಲ 84 ರನ್; ದ್ರಾವಿಡ್​ ಪುತ್ರ ಸಮಿತ್​ ಕಳಪೆ ಪ್ರದರ್ಶನಕ್ಕೆ ಕಾರಣವೇನು?

2014ರಿಂದ 2017ರವರೆಗೆ ಕೆಕೆಆರ್ ತಂಡದಲ್ಲಿ ಆಡಿದ್ದರು. ನಾಲ್ಕು ವರ್ಷ ಆಡಿದ ಬಳಿಕ ಮರಳಿ ಮುಂಬೈ ಇಂಡಿಯನ್ಸ್​ ಗೂಡು ಸೇರಿದರು. ಸೂರ್ಯ ಈವರೆಗೆ 150 ಐಪಿಎಲ್​ ಪಂದ್ಯಗಳಲ್ಲಿ 32.09 ಸರಾಸರಿಯಲ್ಲಿ 3594 ರನ್​ ಗಳಿಸಿದ್ದಾರೆ. 2 ಶತಕ ಮತ್ತು 24 ಅರ್ಧ ಶತಕ ಸೇರಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ