ಫಸ್ಟ್​ ಬಾಲ್ ಟು ಲಾಸ್ಟ್​ ಬಾಲ್.. ಮೊದಲ 10 ಬಾಲ್​ನಲ್ಲಿ ಸೂರ್ಯನ ಆಟ ಹೆಂಗಿರುತ್ತೆ..?

ಸೂರ್ಯಕುಮಾರ್ ಯಾದವ್. ಇದು ಹೆಸರಲ್ಲ. ಟಿ20 ಕ್ರಿಕೆಟ್​ನ ಬ್ರ್ಯಾಂಡ್. ಯಾಕಂದ್ರೆ ಟಿ20 ಕ್ರಿಕೆಟ್​​​ ಆಡೋದು ಹೀಗೆ ಅನ್ನೋದು ಜಗತ್ತಿಗೆ ಅದ್ಭುತವಾಗಿ ತೋರಿಸಿದ್ದೇ ಈ ಸೂರ್ಯ.

ಸೂರ್ಯಕುಮಾರ್ ಯಾದವ್. ಟಿ20 ಕ್ರಿಕೆಟ್​​ನ ಬ್ರ್ಯಾಂಡ್ ಅಂಬಾಸಿಡರ್. ಈ ಟಿ20 ಕ್ರಿಕೆಟ್​ನ ಬ್ರಾಂಡ್ ಒಮ್ಮೆ ಸಿಡಿದೆದ್ದು ನಿಂತ್ರೆ ಸ್ಫೋಟ ಫಿಕ್ಸ್​. ವಿಶ್ವ ಕ್ರಿಕೆಟ್​ನ ನಂ.1 ಬ್ಯಾಟರ್ ಆಗಿ ಕರೆಸಿಕೊಳ್ಳುವ ಈ SKY. ನಂಬರ್ ಒನ್​​ ಬ್ಯಾಟರ್ ಮಾತ್ರವಲ್ಲ. ವಿಶ್ವ ಕ್ರಿಕೆಟ್​ನ ಡೆಡ್ಲಿಯೆಸ್ಟ್ ಬ್ಯಾಟರ್. ಬಾಲ್​ ಡಾಟ್ ಅನ್ನೋ ಪದವನ್ನ ಇಷ್ಟ ಪಡದ ಈ ಸೂರ್ಯ, ಫಸ್ಟ್​ ಬಾಲ್ ಟು ಲಾಸ್ಟ್​ ಬಾಲ್​​​​​​​​​​​​​​​​​​​​​​​​ ತನಕ ಆಕ್ಷರಶಃ ಸೃಷ್ಟಿಸುವುದು ರನ್​​​​ ಸುನಾಮಿ.

ಇದನ್ನೂ ಓದಿ:ಭಾರತ ತಂಡದ ಗೆಲುವಿಗೆ ಇವರೇ ಕಾರಣ ಎಂದ ಕ್ಯಾಪ್ಟನ್​ ಸೂರ್ಯ; ಬಿಚ್ಚಿಟ್ಟ ಅಸಲಿ ಸತ್ಯವೇನು?

ಫಸ್ಟ್​ 10 ಬಾಲ್.. 150 ಸ್ಟ್ರೈಕ್​ರೇಟ್
ಫಸ್ಟ್​ 10 ಬಾಲ್ಸ್​.. 150 ಸ್ಟ್ರೈಕ್​ರೇಟ್. ಇದು ನಿಜಕ್ಕೂ ಊಹಿಸಿಕೊಳ್ಳುವುದು ಕಷ್ಟ. ಎಂಥಹ ಬ್ಯಾಟರ್​ ಆಗಲಿ ಮೊದಲ ಐದಾರು ಬಾಲ್ ಸಿಕ್ಸರ್ ಇರಲಿ, ಬಾಲ್ ಟು ಬಾಲ್ ರೋಟೆಟ್ ಮಾಡೋಕೆ ಕಷ್ಟ ಪಡ್ತಾರೆ. ಸೂರ್ಯ ಇದಕ್ಕೆ ತದ್ವಿರುದ್ಧ. ಫಸ್ಟ್ ಬಾಲ್​​ನಿಂದಲೇ ರನ್ ಅಟ್ಟಹಾಸ ನಡೆಸ್ತಾರೆ. ಇದಕ್ಕೆ ಸಾಕ್ಷಿ ಟಿ20 ಕರಿಯರ್​ನ ಮೊದಲ 10 ಎಸೆತಗಳಲ್ಲಿ ಸಿಡಿಸಿರುವ 873 ರನ್​​​​​ ಹಾಗೂ 43 ಸಿಕ್ಸರ್.

11-20 ಬಾಲ್ಸ್​, ರಣ ಭಯಂಕರ ಆಟ
ಮೊದಲ ಹತ್ತು ಎಸೆತಗಳಲ್ಲೇ 150ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸೋ ಸೂರ್ಯ, ಆ ನಂತರದ 10 ಎಸೆತಗಳಲ್ಲಿ ಆಕ್ಷರಶಃ ವಿಶ್ವರೂಪವನ್ನೇ ತೋರಿಸ್ತಾರೆ. ಇಂಟ್ರೆಸ್ಟಿಂಗ್ ಅಂದ್ರೆ ಈ ಅಂತರದ ಎಸೆತಗಳಲ್ಲಿ 163 ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್​ ಬೀಸಿರುವ ಸೂರ್ಯ, ತಾನು ಗಳಿಸಿದ 626 ರನ್ ಪೈಕಿ 28 ಸಿಕ್ಸರ್ ಸಿಡಿಸಿದ್ದಾರೆ.

21-30 ಸುನಾಮಿ ಸುಂಟರಗಾಳಿ ಬ್ಯಾಟಿಂಗ್
ಸೂರ್ಯಕುಮಾರ್​​ರ ಸುನಾಮಿ ಸುಂಟರಗಾಳಿಯ ಬ್ಯಾಟಿಂಗ್ ಶುರುವಾಗುವುದೆ 21-30ರ ಎಸೆತಗಳ ನಡುವೆ. ಈ ಅವಧಿಯ ತನಕ ಸೂರ್ಯ, ಕ್ರೀಸ್​​​ ಕಾಯ್ದುಕೊಂಡಿದ್ರೆ. ಎದುರಾಳಿ ಮಟಾಶ್ ಫಿಕ್ಸ್​ ಅಂತಾನೇ ಲೆಕ್ಕ. ಬಾಲ್ ಬೈ ಬಾಲ್​, ಬೌಂಡರಿಯ ದರ್ಶನವಾಗುತ್ತೆ. ಇದಕ್ಕೆ ಸಾಕ್ಷಿ 193.61ರ ಸ್ಟ್ರೈಕ್​ರೇಟ್​ನ ಬ್ಯಾಟಿಂಗ್ ಮಾತ್ರವಲ್ಲ. ಈ ಅವಧಿಯಲ್ಲಿ ಸಿಡಿಸಿರುವ 39 ಸಿಕ್ಸರ್​ಗಳೂ ಸಹ ಸಾಕ್ಷಿ!

ಇದನ್ನೂ ಓದಿ:ಸೂರ್ಯ, ಹಾರ್ದಿಕ್​ ಪಾಂಡ್ಯ ಸಿಡಿಲಬ್ಬರದ ಬ್ಯಾಟಿಂಗ್​​; ಭಾರತಕ್ಕೆ ರೋಚಕ ಗೆಲುವು

30+ ಬಾಲ್.. ನರಸಿಂಹನ ಉಗ್ರ ಅವತಾರ
30 ಎಸೆತಗಳ ತನಕ ಕ್ರೀಸ್​ನಲ್ಲಿದ್ದರೆ ನಿಜಕ್ಕೂ ನಡೆಯೋದು ನರಸಿಂಹನ ಉಗ್ರವತಾರವಾಗಿರತ್ತೆ. 30 ಪ್ಲಸ್ ಬಾಲ್​​​​​​ ಬಳಿಕ ವಿದ್ವಂಸಕಾರಿ ಬ್ಯಾಟಿಂಗ್ ನಡೆಸೋ ಸೂರ್ಯ, 198.67 ಸ್ಟ್ರೈಕ್​​ರೇಟ್​ನಲ್ಲಿ 447 ರನ್ ಸಿಡಿಸಿದ್ದಾರೆ. 29 ಸಿಕ್ಸರ್​ ಒಳಗೊಂಡಿವೆ.

ಈ ಬ್ಯಾಟಿಂಗ್ ಅಟ್ಯಾಕಿಂಗ್ ಮೆಂಟಾಲಿಟಿಯನ್ನ ಮಾತ್ರ ತೋರಿಸ್ತಿಲ್ಲ. ಬಾಲ್​ ಬೈ ಬಾಲ್​ ಟಿ20 ಬ್ಯಾಟಿಂಗ್​ನ ಇಂಟೆಂಟ್​ ಹೇಗಿರಬೇಕು ಅನ್ನೋದನ್ನು ತೋರಿಸ್ತಿದೆ. ತಾನು ಕ್ರೀಸ್​ನಲ್ಲಿ ಇರುವಷ್ಟು ತನಕ ಎದುರಾಳಿಗಳ ಗೆಲುವು ಸುಲಭದಲ್ಲ ಎಂಬುವುದನ್ನ ಪ್ರತಿಬಿಂಬಿಸುತ್ತಿದೆ. ಡೆಬ್ಯು ಮ್ಯಾಚ್​ನಿಂದ ಇಲ್ಲಿಯ ತನಕ ಬ್ಯಾಟಿಂಗ್​ನಲ್ಲೂ ಎಲ್ಲೂ ರಾಜಿಯಾಗದ ಸೂರ್ಯ, ಇದೇ ರೀತಿ ಪ್ರಜ್ವಲಿಸುತ್ತಾ ಸಾಗಲಿ ಅನ್ನೋದೇ ಕ್ರಿಕೆಟ್ ಅಭಿಮಾನಿಗಳ ಆಶಯ.

ಇದನ್ನೂ ಓದಿ:T20 ವಿಶ್ವಕಪ್ ಗೆಲುವಿಗೆ ಸೂರ್ಯ ಅಲ್ಲ, ಪಂತ್​ನ ಆ ಟ್ರಿಕ್ಸ್ ಕಾರಣ; ರೋಹಿತ್ ರಿವೀಲ್ ಮಾಡಿದ್ದೇನು?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್