ಸೈಲೆಂಟ್ ಆಗಿಯೇ ಸೂರ್ಯನಿಗೆ ಗುನ್ನಾ.. ಬಿಗ್ ಶಾಕ್ ಕೊಡಲು ಬಿಸಿಸಿಐ ಪ್ಲಾನ್..!

ಟೀಮ್​ ಇಂಡಿಯಾದ ಟಿ20 ಕ್ಯಾಪ್ಟನ್​ ಸೂರ್ಯಕುಮಾರ್​​ ಯಾದವ್​ ದೊಡ್ಡ ಶಾಕ್​ ಎದುರಾಗಿದೆ. ಸೈಲೆಂಟಾಗೇ ಸೂರ್ಯನ ಏಕದಿನ ಕರಿಯರ್​​ ಖತಂ ಆಗೋ ಎಲ್ಲಾ ಲಕ್ಷಣಗಳು ಕಾಣಿಸ್ತಿವೆ.

ಮೆಲ್ಬೋರ್ನ್ ಟೆಸ್ಟ್​ ಪಂದ್ಯದ ಅಬ್ಬರದ ನಡುವೆ ಭಾರತೀಯ ಕ್ರಿಕೆಟ್​ ಲೋಕದಲ್ಲಿ ಚಾಂಪಿಯನ್ಸ್​ ಟ್ರೋಫಿಗೆ ಸೈಲೆಂಟಾಗೇ ಸಿದ್ಧತೆ ಆರಂಭವಾಗಿದೆ. ಮಹತ್ವದ ಒನ್​ ಡೇ ಟೂರ್ನಿ ಫೆಬ್ರವರಿ 19ರಿಂದ ಆರಂಭವಾಗಲಿದ್ದು, ಐಸಿಸಿ ಟ್ರೋಫಿ ಗೆಲ್ಲಲು ಬ್ಲ್ಯೂ ಪ್ರಿಂಟ್​ ಸಿದ್ಧವಾಗ್ತಿದೆ. ಸಿದ್ಧತೆಯ ಹಂತದಲ್ಲೇ ದೊಡ್ಡ ನ್ಯೂಸ್​ ಹೊರಬಿದ್ದಿದೆ. ಮಹತ್ವದ ಟೂರ್ನಿಯಿಂದ ಟೀಮ್​ ಇಂಡಿಯಾದ ಟಿ20 ಕ್ಯಾಪ್ಟನ್​​ ಸೂರ್ಯಕುಮಾರ್​​ನ ಡ್ರಾಪ್​ ಮಾಡೋ ಸಾಧ್ಯತೆ ದಟ್ಟವಾಗಿದೆ.

ಚಾಂಪಿಯನ್ಸ್​ ಟ್ರೋಫಿಯಿಂದ ಸೂರ್ಯ ಔಟ್​

ಸೂರ್ಯಕುಮಾರ್​​ ಯಾದವ್​.. ಈ ಹೆಸರು ಕೇಳಿದ್ರೆ ಎದುರಾಳಿಗಳಿಗೆ ನಡುಕ ಶುರುವಾಗುತ್ತೆ. ಇವರು ಕೊಡುವ ಒಂದೊಂದು ಏಟು ಚಿತ್ರ.. ವಿಚಿತ್ರ! ಮೈದಾನದ ಅಷ್ಟದಿಕ್ಕಿಗೂ ಚೆಂಡಿನ ದರ್ಶನ ಮಾಡಿಸೊ ಕಿಲಾಡಿ. ಸೂರ್ಯ ಕುಮಾರ್​ ಯಾದವ್​ ಬ್ಯಾಟಿಂಗ್​ ನೋಡೋ ಮಜಾನೇ ಬೇರೆ ಬಿಡಿ. ಇಂತಹ ಸೂರ್ಯ ಕುಮಾರ್​​ನ ಮಹತ್ವದ ಒನ್​ ಡೇ ಟೂರ್ನಿಯಿಂದ ಡ್ರಾಪ್​ ಮಾಡಲು ಟೀಮ್​ ಮ್ಯಾನೇಜ್​ಮೆಂಟ್​ ಮುಂದಾಗಿದೆ.

ಇದನ್ನೂ ಓದಿ:IND vs AUS ರೋಚಕ ಘಟ್ಟ ತಲುಪಿದ ಟೆಸ್ಟ್; ಗೆಲುವಿನ ಭರವಸೆ ಮೂಡಿಸಿದ ಯಶಸ್ವಿ ಜೈಸ್ವಾಲ್..!

ODI ಕ್ರಿಕೆಟ್​ ಕರಿಯರ್​ ಖತಂ

ಸೂರ್ಯಕುಮಾರ್​ ಯಾದವ್​ ಡ್ರಾಪಾ? ಅನ್ನೋ ಅಚ್ಚರಿ ನಿಮ್ಮನ್ನ ಕಾಡ್ತಿರಬಹುದು. ಅಸಲಿಗೆ ಚಾಂಪಿಯನ್ಸ್​ ಟ್ರೋಫಿಯಿಂದ ಡ್ರಾಪ್​ ಮಾತ್ರವಲ್ಲ. ಸೂರ್ಯ ಒನ್​ ಡೇ ಕರಿಯರ್​​ ಖತಂ ಆದ್ರೂ ಆಶ್ಚರ್ಯಪಡಬೇಕಿಲ್ಲ. ಅನ್ನೋ ಪ್ರಶ್ನೆಗೆ ಉತ್ತರ ಇದೆ. ಟಿ20 ಕ್ರಿಕೆಟ್​​ನ ಈ ಸೂಪರ್​ ಸ್ಟಾರ್​​ ಒನ್​ ಡೇ ಕ್ರಿಕೆಟ್​​ಗೆ ಸೂಟೇ ಆಗಲ್ಲ.

35 ಇನ್ನಿಂಗ್ಸ್​, 25 ಸರಾಸರಿ..!

35 ಇನ್ನಿಂಗ್ಸ್​ಗಳು, 773 ರನ್​.. 25ರ ಕಳಪೆ ಸರಾಸರಿ.. ಇದು ಸೂರ್ಯಕುಮಾರ್​​ ಯಾದವ್​ರ ಏಕದಿನ ಫಾರ್ಮೆಟ್​ನ​ ಸಾಧನೆ. ಟಿ20 ಕ್ರಿಕೆಟ್​ನಲ್ಲಿ ಧಮಾಕಾ ಸೃಷ್ಟಿಸಿ ಎದುರಾಳಿಗಳನ್ನ ಸುಡುವ ಸೂರ್ಯ ಏಕದಿನ ಫಾರ್ಮೆಟ್​ ಟೀಮ್​ ಇಂಡಿಯಾಗೆ ವಿಲನ್​ ಆಗಿದ್ದಾರೆ. ಸೂರ್ಯನ ಕಳಪೆ ಆಟ ಏಕದಿನ ವಿಶ್ವಕಪ್​​ ಫೈನಲ್​ ಸೇರಿದಂತೆ ಹಲವು ಪಂದ್ಯಗಳ ಸೋಲಿಗೆ ಕಾರಣವಾಗಿರೋದು ಸುಳ್ಳಲ್ಲ. ಈ ಕಾರಣಕ್ಕೆ ಏಕದಿನ ಕ್ರಿಕೆಟ್​ನಿಂದ ದೂರಾಗಿರೋದು.

ವಿಜಯ್​ ಹಜಾರೆ ಟೂರ್ನಿಯಲ್ಲೂ ಸೂರ್ಯ ಸೈಲೆಂಟ್

ಓನ್​ ಡೇ ಕ್ರಿಕೆಟ್​ಗೆ ಕಮ್​ಬ್ಯಾಕ್​ ಮಾಡೋಕೆ ಸೂರ್ಯ ಈಗಲೂ ಪ್ರಯತ್ನ ನಡೆಸ್ತಿದ್ದಾರೆ. ಫಲ ಸಿಗ್ತಿಲ್ಲ. ಸದ್ಯ ಮುಂಬೈ ಪರ ವಿಜಯ್​ ಹಜಾರೆ ಟೂರ್ನಿಯಲ್ಲಿ ಸೂರ್ಯ ಕುಮಾರ್​ ಆಡ್ತಿದ್ದಾರೆ. ಇಲ್ಲೂ ಫಾರ್ಮ್​​ ಕಂಡು ಕೊಳ್ಳಲು ಪರದಾಡ್ತಿದ್ದಾರೆ. ಹಿಂದಿನ ಪಂಜಾಬ್​ ವಿರುದ್ಧದ ಪಂದ್ಯದಲ್ಲಿ ಡಕೌಟ್​ ಆಗಿದ್ದಾರೆ. ಟೂರ್ನಿಯಲ್ಲಿ 3 ಪಂದ್ಯ ಆಡಿ 38 ರನ್​ಗಳಿಸಿರೋ ಸೂರ್ಯ, 12.67ರ ಹೀನಾಯ ಸರಾಸರಿ ಹೊಂದಿದ್ದಾರೆ.
ವಿಜಯ್​ ಹಜಾರೆ ಮಾತ್ರವಲ್ಲ. ಅದಕ್ಕೂ ಹಿಂದೆ ಮುಷ್ತಾಕ್​ ಅಲಿ ಟೂರ್ನಿಯಲ್ಲೂ ಸೂರ್ಯ ಕಳಪೆ ಪರ್ಫಾಮೆನ್ಸ್​ ನೀಡಿದ್ರು. 5 ಇನ್ನಿಂಗ್ಸ್​ನಿಂದ ಕೇವಲ 26.40ರ ಸರಾಸರಿಯಲ್ಲಿ 132 ರನ್​​​​ಗಳಿಸಿದ್ರು.

ಇದನ್ನೂ ಓದಿ:BIGG BOSS; ಉಗ್ರಂ ಮಂಜು- ತ್ರಿವಿಕ್ರಮ್​ ನಡುವೆ ಬಿರುಸಿನ ಮಾತುಕತೆ.. ಟಾಸ್ಕ್ ಕೈ ಚೆಲ್ಲಿದ್ರಾ ಸ್ಪರ್ಧಿಗಳು?

ಸೂರ್ಯಕುಮಾರ್​ ಯಾದವ್​ ಕೊನೆಯದಾಗಿ ಏಕದಿನ ಪಂದ್ಯವನ್ನಾಡಿದ್ದು 2023 ನವೆಂಬರ್​​ನಲ್ಲಿ. ಆಸ್ಟ್ರೇಲಿಯಾ ಎದುರು ಏಕದಿನ ವಿಶ್ವಕಪ್​ ಫೈನಲ್​ನಲ್ಲಿ ಆಡಿದ್ದೇ ಕೊನೆ. ಅದಾಗಿ ಒಂದು ವರ್ಷದ ಮೇಲಾಯ್ತು. ಈವರೆಗೆ ಸೂರ್ಯ​​ ಏಕದಿನ ತಂಡಕ್ಕೆ ಸೆಲೆಕ್ಟೇ ಆಗಿಲ್ಲ. ಸೈಲೆಂಟಾಗೇ ಸೂರ್ಯಕುಮಾರ್​ ಒನ್​ ಡೇ ಕರಿಯರ್​ ಅಂತ್ಯವಾಗ್ತಿದೆ ಅನ್ನೋದನ್ನ ಸೆಲೆಕ್ಟರ್ಸ್​ ನಡೆಯೇ ಸೂಚಿಸ್ತಿದೆ.

ಸೂರ್ಯಕುಮಾರ್ ಕಮ್​ಬ್ಯಾಕ್​ಗಿರೋ ಒಂದೇ ಅವಕಾಶ ಅಂದ್ರೆ ಚಾಂಪಿಯನ್ಸ್​ ಟ್ರೋಫಿ. ಅದಾದ ಬಳಿಕ ಮುಂಬರೋ ಏಕದಿನ ವಿಶ್ವಕಪ್​ಗೆ ಸಿದ್ಧತೆ ಆರಂಭವಾಗಲಿದ್ದು, ಸೀನಿಯರ್ಸ್​ ಬಿಟ್ಟು ಯುವ ಆಟಗಾರರ ಮೇಲೆ ಮ್ಯಾನೇಜ್​​ಮೆಂಟ್​ ಕಣ್ಣಿಡಲಿದೆ. ಸದ್ಯ ಸೂರ್ಯ ಫಾರ್ಮ್​​ನಲ್ಲಿಲ್ಲ. ಹೀಗಾಗಿ ಚಾಂಪಿಯನ್ಸ್​ ಟ್ರೋಫಿ ತಂಡಕ್ಕೆ ಎಂಟ್ರಿ ಕೊಡೋದು ಅನುಮಾನವಾಗಿದೆ. ಒಂದು ವೇಳೆ ಸೂರ್ಯ ಚಾಂಪಿಯನ್ಸ್​ ಟ್ರೋಫಿಯಿಂದ ಡ್ರಾಪ್​ ಆಗಿದ್ದೇ ಆದ್ರೆ ಏಕದಿನ ಕರಿಯರ್​ಗೆ ಕೊನೆ ಮೊಳೆ ಬಿದ್ದಂತೆ.

ಇದನ್ನೂ ಓದಿ:ಸುದೀಪ್ ಬಳಿ ವಿಶೇಷ ಮನವಿ ಮಾಡಿದ ಐಶ್ವರ್ಯ.. ‘ಡನ್’ ಎಂದ ಕಿಚ್ಚ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್