ಸಿರಿಯಾದಿಂದ ಅಸ್ಸಾದ್ ಎಸ್ಕೇಪ್​! ಕುಸಿದು ಬೀಳುತ್ತಾ ಬಡವರ ಕೊಕೆನ್ ಉತ್ಪಾದನೆ? ಏನಿದು ಕ್ಯಾಪ್ಟಾಗೊನ್?

ಸಿರಿಯಾ, ಈ ದೇಶದಲ್ಲಿ ಹುಲುಸಾಗಿ ಬೆಳೆದಿದ್ದು ಅಂದ್ರೆ ಅದು ಒಂದು ಭಯೋತ್ಪಾನೆ ಹಾಗೂ ಮತ್ತೊಂದು ಮಾದಕದ್ರವ್ಯಗಳು. ಅದರಲ್ಲೂ ಬಡವರ ಕೊಕೆನ್ ಎಂದು ಕರೆಸಿಕೊಳ್ಳುತ್ತಿದ್ದ ಕ್ಯಾಪ್ಟಾಗೊನ್​ ಎಂಬ ಮಾದಕ ವಸ್ತು ಉತ್ಪಾದನೆಯಲ್ಲಿ ಸಿರಿಯಾದ ದೊಡ್ಡ ಹೆಸರು ಮಾಡಿತ್ತು. ಬಶರ್ ಅಲ್ ಅಸ್ಸಾದ್ ಆಡಳಿತ ಕಾಲಘಟ್ಟದಲ್ಲಿ ಸಿರಿಯಾಗೆ ಅತಿ ಹೆಚ್ಚು ಹಣ ಹರಿದು ಬರುತ್ತಿದ್ದದ್ದು ಇದೇ ಬಡವರ ಕೊಕೇನ್​ ಕ್ಯಾಪ್ಟಾಗೊನ್​ದಿಂದ ಎಂದು ಇಸ್ರೇಲ್​ನ ವಲ್ಲಾ ಎಂಬ ವೆಬ್​ಸೈಟ್ ವರದಿ ಮಾಡಿದೆ.

ಈ ಒಂದು ಮಾದಕ ವಸ್ತುವಿನ ರಫ್ತಿನಿಂದಲೇ ಸಿರಿಯಾ ವರ್ಷಕ್ಕೆ 42 ಸಾವಿರ ಕೋಟಿ ರೂಪಾಯಿಗಳನ್ನು ಗಳಿಸುತ್ತಿತ್ತು ಎಂದು ಹೇಳಲಾಗಿದೆ. ಸಿರಿಯಾದಿಂದ ಅರಬ್ ದೇಶಗಳು ಸೇರಿ ಗಡಿ ಹಂಚಿಕೊಂಡಿದ್ದ ದೇಶಗಳಿಗೂ ಕೂಡ ಈ ಒಂದು ಕ್ಯಾಪ್ಟಾಗೊನ್​ ಎಂಬ ಮಾದಕ ಮಾತ್ರೆ ರಫ್ತಾಗುತ್ತಿತ್ತು. ಇದರಿಂದ ವರ್ಷಕ್ಕೆ ಸುಮಾರು 42 ಸಾವಿರ ಕೋಟಿ ರೂಪಾಯಿಯಷ್ಟು ಹರಿದು ಬರುತ್ತಿತ್ತು. ಇದನ್ನು ಬಶರ್ ಅಲ್ ಅಸ್ಸಾದ್ ಕುಟುಂಬ, ಹಿಜ್ಬುಲ್ಲಾ ಸಂಘಟನೆ ಹಾಗೂ ಸೇನೆಗಳ ನಡುವೆ ಹಂಚಿಕೆ ಮಾಡಲಾಗುತ್ತಿತ್ತು ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಪ್ರಮುಖವಾಗಿ ಈ ಒಂದು ಸುದ್ದಿ ಆಚೆ ಬಂದಿದ್ದು ಹಮಾಸ್ ಉಗ್ರರು ಕಳೆದ ಅಕ್ಟೋಬರ್​ನಲ್ಲಿ ಇಸ್ರೇಲ್​ ಮೇಲೆ ದಾಳಿ ಮಾಡಿದಾಗ ಭಯೋತ್ಪಾದಕರ ಬಳಿ ಈ ಒಂದು ಮಾತ್ರೆಗಳು ಸಿಕ್ಕಿದ್ದವು.

ಇದನ್ನೂ ಓದಿ:38 ಪ್ಲೇನ್..300 ಕಾರ್​.. ಅದಾನಿ, ಅಂಬಾನಿಯಷ್ಟು ಶ್ರೀಮಂತನಲ್ಲದಿದ್ದರೂ ಐಷಾರಾಮಿ ಬದುಕಿನ ‘ರಾಜ’ ಈತ

ಸಿರಿಯಾದಿಂದ ಅಸ್ಸಾದ್​ನ ಸಹೋದರ ಮಹೆರ್ ಅಲ್ ಅಸ್ಸಾದ್​​ನಿಂದ ಹಿಜ್ಬುಲ್ಲಾ ಹಾಗೂ ಹಮಾಸ್ ಉಗ್ರರಿಗೆ ಈ ಮಾದಕ ವಸ್ತುವನ್ನು ಪೂರೈಸಲಾಗುತ್ತಿತ್ತು ಎಂದು ಹೇಳಲಾಗಿದೆ. ಈ ಒಂದು ಮಾದಕದ್ರವ್ಯ ಕ್ಯಾಪ್ಟಾಗೊನ್​ನನ್ನು ಸಿದ್ಧಪಡಿಸುತ್ತಿದ್ದದ್ದು ಕೂಡ ಬಶರ್ ಅಲ್ ಅಸ್ಸಾದ್​ನ ಇದೇ ಸಹೋದರ ಮಹೇರ್ ಅಲ್ ಅಸ್ಸಾದ್. ಸದ್ಯ ಈಗ ಬಶಾರ್ ಅಲ್ ಅಸ್ಸಾದ್ ಹಾಗೂ ಆತನ ಕುಟುಂಬ ರಷ್ಯಾದ ಶರಣು ಬೇಡಿಕೊಂಡು ಓಡಿ ಹೋಗಿದೆ. ಈ ಹಿನ್ನೆಲೆಯಲ್ಲಿ ಸಿರಿಯಾದಲ್ಲಿ ನಡೆಯುತ್ತಿದ್ದ ಈ ಮಾದಕ ದ್ರವ್ಯದ ಉತ್ಪಾದನೆ ಹಾಗೂ ಪೂರೈಕೆ ಸಂಪೂರ್ಣವಾಗಿ ನಿರ್ನಾಮವಾಗಲಿದೆ ಎಂಬ ಭವಿಷ್ಯಗಳು ಅಂತಾರಾಷ್ಟ್ರೀಯ ರಾಜಕಾರಣದ ಪಡಸಾಲೆಯಲ್ಲಿ ಕೇಳಿಬರುತ್ತಿವೆ.

ಅಸ್ಸಾದ್ ಆಡಳಿತ ಕಾಲಘಟ್ಟದಲ್ಲಿ ಅತಿದೊಡ್ಡ ಆದಾಯದ ಮೂಲವೇ ಡ್ರಂಗ್ಸ್​ ದಂಧೆಯಾಗಿತ್ತು ಎಂದು ಹೇಳಲಾಗುತ್ತಿದೆ. ಸಿರಿಯಾದಲ್ಲಿ ಸಣ್ಣದಾಗಿ ಆರಂಭಗೊಂಡ ಈ ಡ್ರಂಗ್ಸ್​ ದಂಧೆ ಮೆಕ್ಸಿಕೊ ಹಾಗೂ ದಕ್ಷಿಣ ಅಮೆರಿಕಾದವರೆಗೆ ವ್ಯಾಪಿಸುವಷ್ಟು ದೊಡ್ಡದಾಗಿ ಬೆಳೆಯಿತು. ಬಂದ ಲಾಭದಲ್ಲಿ ಬಹುಪಾಲು ಭಾಗ ಅಸ್ಸಾದ್​ ಕುಟುಂಬಕ್ಕೆ ಸೇರಿದರೆ. ಉಳಿದ ಭಾಗದಲ್ಲಿ ಸೇನೆ ಹಾಗೂ ಹಿಜ್ಬುಲ್ಲಾ ಸಂಘಟನೆಗೆ ಮೀಸಲಿಡಲಾಗುತ್ತಿತ್ತು.

ಇದನ್ನೂ ಓದಿ: 2 ವರ್ಷದ ಎರಾಸ್ ಟೂರ್ ಸಕ್ಸಸ್.. ಟೇಲರ್ ಸ್ವಿಫ್ಟ್‌ ಕಾರ್ಯಕ್ಕೆ ಭಾರೀ ಮೆಚ್ಚುಗೆ; ಮಾಡಿದ್ದೇನು?

ನಿಮಗೆ ಇನ್ನೊಂದು ವಿಷಯ ತಿಳಿದು ಆಶ್ಚರ್ಯವಾಗಬಹುದು ಜಗತ್ತಿನ ಶೇಕಡಾ 80ರಷ್ಟು ಕ್ಯಾಪ್ಟಗೊನ್​ ಮಾದಕ ಮಾತ್ರೆಗಳು ಸಿರಿಯಾದಲ್ಲಿಯೇ ಉತ್ಪಾದನೆಗೊಳ್ಳುತ್ತಿದ್ದವು ಅದು ಅಸ್ಸಾದ್​ನ ಸಹೋದರ ಮಹೆರ್​​ ನಿಂದಲೇ ಉತ್ಪಾದಿತಗೊಳ್ಳುತ್ತಿದ್ದವು. ಸಿರಿಯನ್ ಸೇನೆಯ ನಾಲ್ಕನೇ ವಿಭಾಗವನ್ನು ಕ್ಯಾಪ್ಟಗೊನ್ ವಿಭಾಗ ಎಂದಲೇ ಕರೆಯಲಾಗುತ್ತಿತ್ತು. ಈ ಪಡೆ ಮಾದಕ ದ್ರವ್ಯಗಳ ಉತ್ಪಾದನೆಯಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡಿತ್ತು.

ಜೋರ್ಡಾನ್​ಗಿದ್ದ ತಲೆನೋವು ತೀರಿತಾ?

ಸಿರಿಯಾದಲ್ಲಿ ಉತ್ಪಾದನೆಯಾಗುತ್ತಿದ್ದ ಮಾದಕ ಮಾತ್ರೆ ಕ್ಯಾಪ್ಟಾಗೋನ್​ ತಲೆನೋವಾಗಿದ್ದು ಸಿರಿಯಾದಿಂದ ಕೂಗಳತೆ ದೂರದಲ್ಲಿರುವ ನೆರೆಯ ದೇಶ ಜೋರ್ಡಾನ್​ಗೆ. ಈ ಒಂದು ಮಾದಕ ದ್ರವ್ಯ ದೇಶವನ್ನು ಪ್ರವೇಶಿಸದಂತೆ ತಡೆಯಲು ಜೋರ್ಡಾನ್ ಹಲವು ಹರಸಾಹಸಗಳನ್ನು ಮಾಡಿತ್ತು. ಆದ್ರೆ ಅದಕ್ಕೆ ಸಾಧ್ಯವಾಗಿರಲಿಲ್ಲ. ಕಳ್ಳ ಮಾರ್ಗದಲ್ಲಿ ಕ್ಯಾಪ್ಟಾಗೊನ್ ಸರಳವಾಗಿ ಜೋರ್ಡಾನ್ ಅಂಗಳದಲ್ಲಿ ಬಂದು ಬೀಳುತ್ತಿತ್ತು. ಈ ಒಂದು ಮಾದಕ ದ್ರವ್ಯವಿರುವ ದಾಸ್ತಾನು ಕೇಂದ್ರಗಳನ್ನು ಜೋರ್ಡಾನ್ ಅನೇಕ ಬಾರಿ ಏರ್​ಸ್ಟ್ರೈಕ್ ಮೂಲಕ ಧ್ವಂಸಗೊಳಿಸಿತ್ತು. ಇದರಿಂದಾಗಿ ಹಲವು ಬಾರಿ ನಾಗರಿಕರು ಕೂಡ ಗಾಯಗೊಂಡಿದ್ದರು. ಆದರೂ ಕೂಡ ಜೋರ್ಡಾನ್​ನಲ್ಲಿ ನಡೆಯುತ್ತಿದ್ದ ಡ್ರಂಗ್ಸ್ ದಂಧೆಯನ್ನು ಸಂಪೂರ್ಣವಾಗಿ ತಡೆಯುವಲ್ಲಿ ಜೋರ್ಡಾನ್​ ಸೋತಿತ್ತು. ಈಗ ಸಿರಿಯಾದಲ್ಲಿ ಬಶರ್ ಅಲ್ ಅಸ್ಸಾದ್​ನ ಆಡಳಿತ ಕೊನೆಯಾಗಿದೆ. ಹೊಸ ಪ್ರವರ್ಧಮಾನಕ್ಕೆ ಸಿರಿಯಾ ತನ್ನನ್ನು ತಾನು ತೆರೆದುಕೊಂಡಿದೆ ಎಂದು ಸ್ವಯಂ ಘೋಷಗಳು ಆಚೆ ಬರುತ್ತಿವೆ. ಈಗಲಾದರೂ ಸಿರಿಯಾದಲ್ಲಿ ಸರಳವಾಗಿ ಸಿಗುತ್ತಿದ್ದ ಈ ಕ್ಯಾಪ್ಟಾಗೊನ್ ಮಾದಕದ್ರವ್ಯದ ಜಾಲ ಸಂಪೂರ್ಣವಾಗಿ ಕುಸಿದು ಬೀಳುತ್ತದಾ ಇಲ್ಲವಾ ಅನ್ನೋದನ್ನ ಕಾಲವೇ ಉತ್ತರಿಸಬೇಕಷ್ಟೆ. ‘

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ