ಚೆಸ್ ಆಡಿದ್ರೆ ಹುಷಾರ್.. ಚದುರಂಗ ಬ್ಯಾನ್ ಮಾಡಿ ತಾಲಿಬಾನ್ ತುರ್ತು ಆದೇಶ; ಕಾರಣವೇನು?

ಭಾರತದಲ್ಲಿ ರಮ್ಮಿ ರೀತಿಯ ಆಟಗಳನ್ನ ಜೂಜಾಟ ಅಂತ ಬ್ಯಾನ್​ ಮಾಡಲಾಗುತ್ತೆ. ಆದರೆ ಅಫ್ಘಾನಿಸ್ತಾನ ಇಂಟರ್​ನ್ಯಾಷನಲ್​ ಗೇಮ್​ ಚೆಸ್​​ ಅನ್ನೇ ಬ್ಯಾನ್​ ಮಾಡಿ ಅಚ್ಚರಿಗೊಳಿಸಿದೆ. ಚದುರಂಗ ನಿಷೇಧಿಸಿದ ಬೆನ್ನಲ್ಲೆ ಇದು ಯುವ ಜನತೆಯ ಮೇಲೆ ತುಂಬಾ ಪರಿಣಾಮ ಬೀರುತ್ತದೆ. ಅಷ್ಟೇ ಅಲ್ಲದೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಇಸ್ಲಾಮಿಕ್​ ಆಟಗಾರರಿಗೂ ಪೆಟ್ಟು ಬಿದ್ದಂತಾಗುತ್ತೆ ಅನ್ನೋ ಆಕ್ರೋಶಗಳು ಕೇಳಿ ಬಂದಿವೆ.

ಅಷ್ಟಕ್ಕೂ ಚೆಸ್​ ಬ್ಯಾನ್​ ಮಾಡುವ ಅವಶ್ಯಕತೆ ಅಫ್ಘಾನಿಸ್ತಾನಕ್ಕೆ ಏಕೆ. ಈ ಪ್ರಶ್ನೆಗೆ ಉತ್ತರ ಚದುರಂಗ ಅನ್ನೋದು ಇಸ್ಲಾಮಿಕ್​ನ ಷರಿಯಾಗೆ ವಿರುದ್ಧವಾಗಿದೆ ಅನ್ನೋ ಸಮಜಾಯಿಷಿ ಕೇಳಿ ಬರ್ತಿದೆ. ಹಾಗಾಗಿ ಷರಿಯಾ ಕಾನೂನಿನಡಿಯಲ್ಲಿ ಚೆಸ್​ ಅನ್ನ ನಿಷೇಧಿಸಲಾಗಿದೆ.

ಅಷ್ಟೇ ಅಲ್ಲದೇ ಚೆಸ್‌ ಅನ್ನ ಜೂಜಾಟದ ಒಂದು ರೂಪ ಎಂದು ಬಣ್ಣಿಸಲಾಗಿದೆ. ಇದೇ ಕಳವಳವನ್ನ ಉಲ್ಲೇಖಿಸಿ, ಅಫ್ಘಾನಿಸ್ತಾನದ ಇಸ್ಲಾಮಿಕ್ ಕಾನೂನಿನ ಕಟ್ಟುನಿಟ್ಟಿನ ವ್ಯಾಖ್ಯಾನದ ಅಡಿಯಲ್ಲಿ ಚೆಸ್​​ ಕಾನೂನುಬಾಹಿರ ಎಂದು ಪರಿಗಣಿಸಿ, ಕ್ರೀಡಾ ಅಧಿಕಾರಿಯೊಬ್ಬರು ಚೆಸ್​​ ನಿಷೇಧವನ್ನ ದೃಢಪಡಿಸಿದ್ದಾರೆ.

ಚೆಸ್​ ಬ್ಯಾನ್​ನಿಂದ ಹೇಗೆ ಪರಿಣಾಮ ಬೀರುತ್ತದೆ?
ಮೊದಲನೆಯದಾಗಿ.. ಅಫ್ಘಾನಿಸ್ತಾನ ಸೇರಿ ಅನೇಕ ಇಸ್ಲಾಮಿಕ್ ರಾಷ್ಟ್ರಗಳು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚೆಸ್​​ ಆಟಗಾರರನ್ನ ಹೊಂದಿವೆ. ಚೆಸ್​ ನಿಷೇಧದಿಂದ ಅಫ್ಘಾನಿಸ್ತಾನದ ಆಟಗಾರರ ಮೇಲೆ ದೊಡ್ಡ ಪರಿಣಾಮ ಬೀರಲಿದೆ. ಅಷ್ಟೇಯಲ್ಲದೇ ಇತ್ತೀಚಿನ ದಿನಗಳಲ್ಲಿ ಆ ದೇಶದ ಯುವಕರಿಗೆ ಹೆಚ್ಚಿನ ಚಟುವಟಿಕೆಗಳಿಲ್ಲದ ಕಾರಣ, ಅಲ್ಲಿನ ಕೆಫೆಗಳಲ್ಲಿ ಅವರಿಗೆ ಚೆಸ್​ ಅಚ್ಚುಮೆಚ್ಚಿನ ಆಟವಾಗಿದೆ. ಈಗ ಈ ನಿರ್ಧಾರದಿಂದ ಅತ್ತ ವ್ಯವಹಾರಕ್ಕೆ, ಇತ್ತ ಆಟವನ್ನ ಆನಂದಿಸುವವರಿಗೆ ಹಾನಿ ಉಂಟು ಮಾಡಬಹುದು ಎಂದು ಅಭಿಪ್ರಾಯಗಳಿವೆ.

ಇದನ್ನೂ ಓದಿ: ವಿರಾಟ್​ ಕೊಹ್ಲಿ ಭಾವುಕ.. 14 ವರ್ಷದ ಟೆಸ್ಟ್ ಕ್ರಿಕೆಟ್​ ವೃತ್ತಿ ಜೀವನದ​ ಬಗ್ಗೆ ಏನಂದ್ರು? 

ಆಟಗಳ ಬ್ಯಾನ್​ ಇದೇ ಮೊದಲಲ್ಲ! 
ಅಫ್ಘಾನಿಸ್ತಾನದ ಎಲ್ಲಾ ಕ್ರೀಡಾಕೂಟಗಳನ್ನ ನಿಯಂತ್ರಿಸುವ ತಾಲಿಬಾನ್. ಕ್ರೀಡಾ ನಿರ್ದೇಶನಾಲಯದ ಮೇಲೆ ಆಟಗಳ ವಿಷ್ಯದಲ್ಲಿ ಈ ರೀತಿ ಕ್ರಮವನ್ನ ತೆಗೆದುಕೊಂಡೇ ಬಂದಿದೆ. ಅಫ್ಘಾನಿಸ್ತಾನದ ಅಧಿಕಾರಿಗಳು ಇಲ್ಲಿವರೆಗೂ ಅನೇಕ ಕ್ರೀಡೆಗಳಿಗೆ ನಿಷೇಧ ಏರಿದ್ದಾರೆ. ಅಲ್ಲಿ ಮಹಿಳೆಯರನ್ನ ಕ್ರೀಡೆಗಳಲ್ಲಿ ಭಾಗವಹಿಸದಂತೆ ನಿಷೇಧ ಏರಲಾಗಿದೆ. ವೃತ್ತಿಪರ ಸ್ಪರ್ಧೆಗಳಲ್ಲಿ ಅನೇಕ ಸಮರ ಕಲೆಗಳನ್ನ ಕಲಿಯೋದನ್ನ ನಿಲ್ಲಿಸಿದೆ.

ಈ ಚದುರಂಗ ಆಟವನ್ನ ನಿಷೇಧಿಸಿ ಇದೊಂದು ಷರಿಯಾಗೆ ವಿರುದ್ಧವಾಗಿರೋ ಆಟ ಎಂದು ಚೆಸ್ ಕ್ರೀಡೆಗೆ ಸಂಬಂಧಿಸಿದಂತೆ ಧಾರ್ಮಿಕ ಪರಿಗಣನೆಗಳಿವೆ ಎಂದಿದೆ. ತಾಲಿಬಾನ್ ಸರ್ಕಾರ ಅಫ್ಘಾನಿಸ್ತಾನದಲ್ಲಿ ಮುಂದಿನ ಸೂಚನೆ ಬರುವವರೆಗೂ, ಧಾರ್ಮಿಕ ಕಾಳಜಿಗಳು ಬಗೆಹರಿಯುವವರೆಗೂ ಚೆಸ್​​ ಅಫ್ಘಾನಿಸ್ತಾನದಲ್ಲಿ ಕಾಣುವಂತಿಲ್ಲ ಎಂದು ಹೇಳಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ