ಬೈಕ್​​ ರೇಟ್​ಗೆ ಸಿಗಲಿದೆ ಟಾಟಾ ನ್ಯಾನೋ ಕಾರ್; ಇದರ ಬೆಲೆ ಕೇವಲ ₹3 ಲಕ್ಷ ಅಷ್ಟೇ!

ಕೈಗೆಟುಕುವ ದರದಲ್ಲಿ ವಾಹನಗಳನ್ನು ತರುವ ಭಾರತದ ಏಕೈಕ ಆಟೋಮೊಬೈಲ್​ ಇಂಡಸ್ಟ್ರಿ​ ಕಂಪನಿ ಎಂದರೆ ಅದು ಟಾಟಾ. ಈ ಟಾಟಾ ಬ್ರ್ಯಾಂಡ್‌ಗೆ ಯಾರು ಸರಿಸಾಟಿ ಇಲ್ಲ. ಈ ಹಿಂದೆ ಕೇವಲ 1 ಲಕ್ಷ ರೂಪಾಯಿಗೆ ಟಾಟಾ ನ್ಯಾನೋ ಎಂಬ ಕಾರು ನೀಡುತ್ತಿದ್ದ ಟಾಟಾ ಕಂಪನಿ ಆಟೋಮೊಬೈಲ್​ ಇಂಡಸ್ಟ್ರಿಯಲ್ಲೇ ದೊಡ್ಡ ಮೈಲಿಗಲ್ಲು ಸೃಷ್ಟಿಸಿತ್ತು.

ದ್ವಿಚಕ್ರ ವಾಹನಗಳನ್ನೇ ಬಳಸುತ್ತಿದ್ದ ಭಾರತದ ಮಧ್ಯಮ ವರ್ಗದ ಕುಟುಂಬಸ್ಥರಿಗೆ ಕಡಿಮೆ ದರದಲ್ಲಿ ಕಾರು ನೀಡುವುದು ಟಾಟಾ ಕಂಪನಿ ಉದ್ದೇಶವಾಗಿತ್ತು. ಇದರ ಭಾಗವಾಗಿ ಟಾಟಾ ನ್ಯಾನೋವನ್ನು ಮಾರುಕಟ್ಟೆಗೆ ಪರಿಚಯಿಸಲಾಗಿತ್ತು. ಆದ್ರೆ ಕಾರಣಾಂತರಗಳಿಂದ ಸ್ಥಗಿತಗೊಂಡ ಈ ಕಾರು ಈಗ ಮತ್ತೆ ಕಮ್​ಬ್ಯಾಕ್​ ಮಾಡುತ್ತಿದೆ.

ಟಾಟಾ ನ್ಯಾನೋ ಸದ್ಯದಲ್ಲೇ ಮಾರುಕಟ್ಟೆಗೆ!

ಬಡವ ಹಾಗೂ ಮಧ್ಯಮವರ್ಗ ಜನರನ್ನು ಗುರಿಯಿಟ್ಟುಕೊಂಡೇ ಈ ಕಾರು ಮಾರುಕಟ್ಟೆಗೆ ಬರಲಿದೆ ಎಂದು ಟಾಟಾ ಗ್ರೂಪ್​ ಮೂಲಗಳು ತಿಳಿಸಿವೆ. ಈ ಕಾರು ಆಧುನಿಕ ಸೌಂದರ್ಯತೆಯನ್ನು ಹೊತ್ತು ಜನರ ಮುಂದೆ ಬರಲಿದೆ. ರೆಫ್ರೆಶ್ಡ್ ಬಾಡಿ ಕಾಂಟೌರ್ಸ್​, ಸೊಪಿಸ್ಟಿಕೆಟೇಡ್​ ಹೆಡ್​ಲೈಟ್ ಹೀಗೆ ವಿವಿಧ ರೀತಿಯ ಬದಲಾವಣೆಯೊಂದಿಗೆ ಸಿದ್ಧಗೊಳ್ಳಲಿದೆ ನ್ಯಾನೋ.

ಫೀಚರ್ಸ್​ ಏನು?

ಇದು 624ಸಿಸಿ ಪೆಟ್ರೋಲ್ ಇಂಜಿನ್ ಹೊಂದಿರಲಿದೆ. ಕಾರಿನ ಮೈಲೇಜ್ ಪ್ರತಿ ಲೀಟರ್ ಪೆಟ್ರೋಲ್​ಗೆ 30 ಕಿಲೋ ಮೀಟರ್ ಚಲಿಸಲಿದೆ ಎಂದು ಹೇಳಲಾಗುತ್ತಿದೆ. ಇದು ಓಡುವ ವೇಗ ಗರಿಷ್ಠ ಗಂಟೆಗೆ 105 ಕಿಲೋ ಮೀಟರ್ ಇದೆ. ಹೈವೇ ಹಾಗೂ ಪಟ್ಟಣಗಳ ರಸ್ತೆಗಳಿಗೂ ಈ ಕಾರ್ ಹೊಂದಿಕೊಳ್ಳಲಿದೆ ಎಂದು ಹೇಳಲಾಗುತ್ತಿದೆ. ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಸಂಪರ್ಕದ ಸೌಲಭ್ಯ ಇರಲಿದೆ. ನಿಮಗೆ 7 ಇಂಚಿನ ಟಚ್ ಸ್ಕ್ರೀನ್ ಕೂಡ ನೀಡಲಾಗುವುದು.

ರೇಟ್​ ಎಷ್ಟು?

6 ಸ್ಪೀಕರ್ ಸೌಂಡ್ ಸಿಸ್ಟಮ್ ಜೊತೆಗೆ ಇಂಟರ್ನೆಟ್ ಸಂಪರ್ಕದ ಸೌಲಭ್ಯ ನೀಡಲಾಗುತ್ತಿದೆ. ಪವರ್ ಸ್ಟೇರಿಂಗ್, ಪವರ್ ವಿಂಡೋಸ್, ಆಂಟಿ ಬ್ರೇಕಿಂಗ್ ಲಾಕಿಂಗ್ ಸಿಸ್ಟಮ್ ಮತ್ತು ಸ್ವಯಂಚಾಲಿತ ಎಸಿ ಸೌಲಭ್ಯ, ರಿಮೋಟ್ ಲಾಕಿಂಗ್ ಸೌಲಭ್ಯ ಸಹ ಒದಗಿಸಲಾಗುವುದು. ಎಷ್ಟೆಲ್ಲಾ ಫೀಚರ್ಸ್​ ಇರೋ ನ್ಯಾನೋ ವಾಹನದ ಬೆಲೆ ಸಾಮಾನ್ಯ ಜನರ ಬಜೆಟ್‌ನಲ್ಲಿ ಇರಿಸಿದೆ. ಈ ಕಾರು ಕೇವಲ 3 ರಿಂದ 4 ಲಕ್ಷ ರೂಪಾಯಿಗಳಿಗೆ ಖರೀದಿ ಮಾಡಬಹುದು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ