ಟೀಮ್​ ಇಂಡಿಯಾಗಾಗಿ ಕ್ಯಾಪ್ಟನ್​ ರೋಹಿತ್​ ಮಹತ್ವದ ನಿರ್ಧಾರ; KL ರಾಹುಲ್​ಗೆ ಸುವರ್ಣಾವಕಾಶ

ನಾಳೆ ಅಡಿಲೇಡ್​​ನಲ್ಲಿ ಟೀಮ್​ ಇಂಡಿಯಾ, ಆಸ್ಟ್ರೇಲಿಯಾ ಮಧ್ಯೆ 2ನೇ ಟೆಸ್ಟ್​ ಪಂದ್ಯ ನಡೆಯಲಿದೆ. ಮೊದಲ ಟೆಸ್ಟ್​ ಪಂದ್ಯದಲ್ಲಿ ಬರೋಬ್ಬರಿ 290 ರನ್​​ಗಳಿಂದ ಗೆದ್ದು ಬೀಗಿರೋ ಟೀಮ್​ ಇಂಡಿಯಾ ಹ್ಯಾಟ್ರಿಕ್​ ಗೆಲುವಿನ ನಿರೀಕ್ಷೆಯಲ್ಲಿದೆ. ಈ ನಡುವೆ ಕೆಎಲ್‌ ರಾಹುಲ್‌ ಯಾವ ಸ್ಥಾನದಲ್ಲಿ ಆಡುತ್ತಾರೆ ಎಂಬ ಪ್ರಶ್ನೆಗೆ ಉತ್ತರ ಸಿಕ್ಕಿದೆ.

ಮೊದಲ ಟೆಸ್ಟ್‌ ಪಂದ್ಯದಿಂದ ರೋಹಿತ್ ಶರ್ಮಾ ಹೊರಗುಳಿದಿದ್ರು. ಇವರ ಅನುಪಸ್ಥಿತಿಯಲ್ಲಿ ಜಸ್ಪ್ರಿತ್ ಬುಮ್ರಾ ಟೀಮ್​ ಇಂಡಿಯಾವನ್ನು ಲೀಡ್​ ಮಾಡಿದ್ರು. ಇಷ್ಟೇ ಅಲ್ಲ ಕೆ.ಎಲ್​ ರಾಹುಲ್​​​ ತನಗೆ ಓಪನರ್​ ಆಗಿ ಸಿಕ್ಕ ಅವಕಾಶವನ್ನು ಸದ್ಬಳಕೆ ಮಾಡಿಕೊಂಡರು.

ಅದ್ಭುತ ಬ್ಯಾಟಿಂಗ್​ ಮಾಡಿದ್ದ ರಾಹುಲ್​​

ಪರ್ತ್‌ ಟೆಸ್ಟ್‌ನ ಮೊದಲ ಇನಿಂಗ್ಸ್‌ನಲ್ಲಿ ಸ್ಥಿರ ಪ್ರದರ್ಶನ ನೀಡಿದ್ದ ರಾಹುಲ್, ಎರಡನೇ ಇನಿಂಗ್ಸ್‌ನಲ್ಲಿ ಅರ್ಧಶತಕದ ಸಿಡಿಸಿ ಅಬ್ಬರಿಸಿದರು. ಜೈಸ್ವಾಲ್​​, ಕೆ.ಎಲ್​ ರಾಹುಲ್​​ ಜೋಡಿ 200ಕ್ಕೂ ಹೆಚ್ಚು ರನ್​ಗಳ ಜೊತೆಯಾಟ ಆಡಿತು.

ರಾಹುಲ್​ಗೆ ಗುಡ್​ನ್ಯೂಸ್​ ಕೊಟ್ಟ ರೋಹಿತ್​​!

ನಾನು ಮೊದಲ ಟೆಸ್ಟ್‌ ಪಂದ್ಯ ಆಡಲು ಆಗಿರಲಿಲ್ಲ. ಹೀಗಾಗಿ ಎರಡನೇ ಟೆಸ್ಟ್‌ ಪಂದ್ಯಕ್ಕೆ ಬಂದಿದ್ದೇನೆ. ಮೊದಲ ಪಂದ್ಯದಲ್ಲಿ ರಾಹುಲ್‌ ಆರಂಭಿಕರಾಗಿ ಉತ್ತಮ ಪ್ರದರ್ಶನ ನೀಡಿದ್ರು. 2ನೇ ಟೆಸ್ಟ್‌ನಲ್ಲಿ ಇದೇ ರೀತಿ ಬ್ಯಾಟ್​ ಬೀಸಲಿದ್ದಾರೆ ಎಂದರು.

ಕೆಎಲ್ ರಾಹುಲ್ ಮತ್ತು ಯಶಸ್ವಿ ಜೈಸ್ವಾಲ್ ಜೋಡಿ ಮೇಲೆ ನಮಗೆ ಭರವಸೆ ಇದೆ. 2ನೇ ಟೆಸ್ಟ್‌ನಲ್ಲೂ ಇದೇ ಜೋಡಿ ಓಪನಿಂಗ್​ ಮಾಡಲಿದೆ. ತಂಡದ ಹಿತದೃಷ್ಟಿಯಿಂದ ಈ ನಿರ್ಧಾರಕ್ಕೆ ಬಂದಿದ್ದೇವೆ ಎಂದರು.

ಇದನ್ನೂ ಓದಿ:ಒಂದೇ ಪಂದ್ಯದಲ್ಲಿ ಬರೋಬ್ಬರಿ 37 ಸಿಕ್ಸ್​​ ಸಿಡಿಸಿದ್ರು; RCB ಸ್ಟಾರ್​​ ಕೃನಾಲ್ ಪಾಂಡ್ಯ ನೇತೃತ್ವದಲ್ಲಿ ದಾಖಲೆ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ