ಪಾಕ್​ ವಿರುದ್ಧ ಪಂದ್ಯದಲ್ಲಿ ರೋಹಿತ್​ನಿಂದ ಮತ್ತೆ ತಪ್ಪು; ಕ್ಯಾಪ್ಟನ್​ ವಿರುದ್ಧ ಬಹಿರಂಗ ಆಕ್ರೋಶ

ದುಬೈ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​​ನಲ್ಲಿ ನಡೆಯುತ್ತಿರೋ ಚಾಂಪಿಯನ್ಸ್ ಟ್ರೋಫಿ 2025ರ ಹೈವೋಲ್ಟೇಜ್ ಪಂದ್ಯದಲ್ಲಿ ಟೀಮ್​​ ಇಂಡಿಯಾಗೆ ಪಾಕಿಸ್ತಾನ ಸಾಧಾರಣ ರನ್​ಗಳ ಗುರಿ ನೀಡಿದೆ.

ಪಾಕ್​ ನೀಡಿದ ಸಾಧಾರಣ ಗುರಿಯನ್ನು ಬೆನ್ನತ್ತಿದ ಟೀಮ್​ ಇಂಡಿಯಾ ಪರ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಮತ್ತು ಉಪನಾಯಕ ಶುಭ್ಮನ್​ ಗಿಲ್​ ಓಪನಿಂಗ್​ ಮಾಡಿದರು. ಬಿರುಸಿನಿಂದಲೇ ಬ್ಯಾಟ್​ ಬೀಸಿದ ರೋಹಿತ್​ ಶರ್ಮಾ ಪಾಕ್​ ಬೌಲರ್​ಗಳಿಗೆ ನಡುಕ ಹುಟ್ಟಿಸಿದರು.

ಬಂದಷ್ಟೇ ವೇಗವಾಗಿ ಹೊರ ನಡೆದ ರೋಹಿತ್​​

ಆಕ್ರಮಣಕಾರಿ ಬ್ಯಾಟ್​ ಮಾಡಿದ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಬಂದಷ್ಟೇ ವೇಗವಾಗಿ ಮೈದಾನದಿಂದ ಹೊರ ನಡೆದರು. ತಾನು ಎದುರಿಸಿದ 15 ಬಾಲ್​ನಲ್ಲಿ ಬ್ಯಾಕ್​ ಟು ಬ್ಯಾಕ್​ 3 ಫೋರ್​, 1 ಭರ್ಜರಿ ಸಿಕ್ಸರ್​​ ಚಚ್ಚಿದ್ರು. ಅಟ್ಯಾಕ್​ ಮಾಡಲು ಹೋದ ರೋಹಿತ್​​ ಕ್ಲೀನ್​ ಬೌಲ್ಡ್​​ ಆದರು. ಕೇವಲ 20 ರನ್​ ಗಳಿಸಿ ರೋಹಿತ್​​ ಮೈದಾನದಿಂದ ಹೊರ ಹೋದರು.

ರೋಹಿತ್​ ಸದಾ ಅಟ್ಯಾಕಿಂಗ್​ ಮೋಡ್​ನಲ್ಲೇ ಇರುತ್ತಾರೆ. ಇವರು ಕ್ರೀಸ್​ನಲ್ಲಿ ನಿಂತು ಬ್ಯಾಟ್​ ಬೀಸಿದರೆ ಬೇಗ ಮ್ಯಾಚ್​ ಮುಗಿದು ಹೋಗುತ್ತದೆ. ಒಂದು ವೇಳೆ ಇವರ ವಿಕೆಟ್​ ಬೇಗ ಬಿದ್ದರೆ ಟೀಮ್​ ಇಂಡಿಯಾ ಸಂಕಷ್ಟಕ್ಕೆ ಸಿಲುಕಲಿದೆ. ಇಂದು ಕೂಡ ರೋಹಿತ್​ ಅದೇ ತಪ್ಪು ಮಾಡಿದ್ದು, ಟೀಮ್​ ಇಂಡಿಯಾ ಸಂಕಷ್ಟಕ್ಕೆ ಸಿಲುಕಿದೆ. ಇದು ಇತರೆ ಆಟಗಾರರ ಮೇಲೆ ಒತ್ತಡ ಸೃಷ್ಟಿಸುತ್ತದೆ. ಹೀಗಾಗಿ ಇಷ್ಟು ಬೇಗ ಔಟ್​ ಆಗೋ ಅಗತ್ಯ ಇರಲಿಲ್ಲ ಎಂದು ರೋಹಿತ್​ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.

ಇದನ್ನೂ ಓದಿ:ಟೀಮ್​ ಇಂಡಿಯಾ ಬೌಲರ್ಸ್​​ ಮುಂದೆ ಮಂಡಿಯೂರಿದ ಪಾಕ್​​; ಕೇವಲ 241 ರನ್​ಗೆ ಆಲೌಟ್​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ