ಟೀಮ್​ ಇಂಡಿಯಾ ಗೆಲುವಿಗೆ ಕಾರಣ ಇವರೇ: ಈ ಬಗ್ಗೆ ಕ್ಯಾಪ್ಟನ್​ ಸೂರ್ಯಕುಮಾರ್​​ ಯಾದವ್​ ಏನಂದ್ರು?

ಕೋಲ್ಕತ್ತಾದ ಈಡನ್​ ಗಾರ್ಡನ್​​ನಲ್ಲಿ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್​ ವಿರುದ್ಧ ಟೀಮ್​ ಇಂಡಿಯಾ ಗೆದ್ದು ಬೀಗಿದೆ. ಇಂಗ್ಲೆಂಡ್​ ನೀಡಿದ 132 ರನ್​ಗಳ ಸಾಧಾರಣ ಗುರಿಯನ್ನು ಭಾರತ ತಂಡ ಕೇವಲ 12.5 ಓವರ್​​ನಲ್ಲಿ ತಲುಪಿದೆ. ಈ ಮೂಲಕ 7 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿದೆ.

ಕ್ಯಾಪ್ಟನ್​ ಸೂರ್ಯಕುಮಾರ್​ ಏನಂದ್ರು?

ಇನ್ನು, ಟೀಮ್​ ಇಂಡಿಯಾ ಗೆದ್ದ ಬಳಿಕ ಕ್ಯಾಪ್ಟನ್​ ಸೂರ್ಯಕುಮಾರ್​ ಯಾದವ್​ ಮಾತಾಡಿದ್ರು. ಈ ಪಂದ್ಯದಲ್ಲಿ ಟಾಸ್​ ನಿರ್ಣಾಯಕ ಪಾತ್ರವಹಿಸಿದೆ. ನಾವು ಪಂದ್ಯದ ಆರಂಭದಲ್ಲೇ ಒಂದು ಬೆಂಚ್​​ ಮಾರ್ಕ್​​ ಸೆಟ್​ ಮಾಡಿದ್ದೆವು. ಎಲ್ಲಾ ಬೌಲರ್​ಗಳನ್ನು ತಮ್ಮ ಪ್ಲಾನ್​ ಸರಿಯಾಗಿ ಎಕ್ಸಿಗ್ಯೂಟ್​ ಮಾಡಿದರು ಎಂದರು.

ನಾವು ಮೂರು ಸ್ಪಿನ್ನರ್​ಗಳು ಆಡಿಸಿದೆವು. ನಮ್ಮ ಸ್ಟ್ರೆಂಥ್​ ಏನು ಎಂದು ನಮಗೆ ಗೊತ್ತಿತ್ತು. ಮೂವರು ಸ್ಪಿನ್ನರ್​ಗಳು ಉತ್ತಮವಾಗಿ ಬೌಲಿಂಗ್​ ಮಾಡಿದರು. ವರುಣ್​ ಚಕ್ರವರ್ತಿ ಒಳ್ಳೆಯ ಬೌಲಿಂಗ್​ ಮಾಡಿದ್ದು, ತಂಡಕ್ಕೆ ಪ್ಲಸ್​​. ಆತನ ತಯಾರಿ ಯಾವಾಗಲೂ ಚೆನ್ನಾಗಿ ಇರುತ್ತದೆ. ಅರ್ಷ್​ದೀಪ್​ ಸಿಂಗ್​ ಕೂಡ ತನ್ನ ಕ್ಷಮತೆಯನ್ನು ಪ್ರದರ್ಶಿಸಿದ. ಗೌತಮ್​ ಗಂಭೀರ್​ ನಮಗೆ ಸಾಕಷ್ಟು ಫ್ರೀಡಮ್​ ಕೊಟ್ಟಿದ್ದಾರೆ. ಇದು ಗೆಲುವಿಗೆ ಕಾರಣ ಎಂದರು.

ಟೀಮ್​ ಇಂಡಿಯಾ ಪರ ಓಪನಿಂಗ್​ ಮಾಡಿದ ಸಂಜು ಸ್ಯಾಮ್ಸನ್​​ 20 ಬಾಲ್​ನಲ್ಲಿ 4 ಫೋರ್​, 1 ಸಿಕ್ಸರ್​ ಸಮೇತ 26 ರನ್​ ಸಿಡಿಸಿ ಪೆವಿಲಿಯನ್​ ಸೇರಿದರು. ಬಳಿಕ ಅಬ್ಬರಿಸಿದ ಅಭಿಷೇಕ್​ ಶರ್ಮಾ ಇನ್ನಿಂಗ್ಸ್​ ಉದ್ಧಕ್ಕೂ ಇಂಗ್ಲೆಂಡ್​ ಬೌಲರ್​ಗಳ ಬೆಂಡೆತ್ತಿದ್ರು.

ಅಭಿಷೇಕ್​ ಅಬ್ಬರದ ಬ್ಯಾಟಿಂಗ್​

ಯುವರಾಜ್​ ಸಿಂಗ್​ ಬಳಿಕ ಇಂಗ್ಲೆಂಡ್​ ವಿರುದ್ಧ ವೇಗದ ಅರ್ಧಶತಕ ಗಳಿಸಿದ ಏಕೈಕ ಬ್ಯಾಟರ್​ ಅಭಿಷೇಕ್​​ ಶರ್ಮಾ. ಆರಂಭದಿಂದಲೇ ಅಬ್ಬರಿಸಿದ ಅಭಿಷೇಕ್​ ಶರ್ಮಾ ಕೇವಲ 34 ಬಾಲ್​ನಲ್ಲಿ ಬರೋಬ್ಬರಿ 8 ಸಿಕ್ಸರ್​​, 5 ಫೋರ್​ ಸಮೇತ 79 ರನ್​ ಚಚ್ಚಿದ್ರು. ಇವರ ಬ್ಯಾಟಿಂಗ್​ ಸ್ಟ್ರೈಕ್​ ರೇಟ್​ ಬರೋಬ್ಬರಿ 230ಕ್ಕೂ ಹೆಚ್ಚಿತ್ತು. ತಿಲಕ್​ ವರ್ಮಾ 19 ರನ್​ ಕಲೆ ಹಾಕಿದರು. ಟೀಮ್​ ಇಂಡಿಯಾ 3 ವಿಕೆಟ್​ ನಷ್ಟಕ್ಕೆ 12.5 ಓವರ್​ನಲ್ಲಿ 133 ರನ್​ ಗಳಿಸಿ ಗೆದ್ದು ಬೀಗಿದೆ. ಭಾರತದ ಪರ ಅರ್ಷದೀಪ್ ಸಿಂಗ್ 2, ವರುಣ್‌ ಚಕ್ರವರ್ತಿ 3, ಹಾರ್ದಿಕ್ ಪಾಂಡ್ಯ, ಅಕ್ಷರ್ ಪಟೇಲ್‌ ತಲಾ 2 ವಿಕೆಟ್‌ ಪಡೆದರು.

ಇದನ್ನೂ ಓದಿ:ಅಭಿಷೇಕ್​ ಶರ್ಮಾ ಅಬ್ಬರದ ಬ್ಯಾಟಿಂಗ್​; ಇಂಗ್ಲೆಂಡ್​ ವಿರುದ್ಧ ಭಾರತಕ್ಕೆ ರೋಚಕ ಗೆಲುವು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ