ಟೀಮ್​ ಇಂಡಿಯಾದಲ್ಲಿ ಸಿಗದ ಸ್ಥಾನ; ಚಹಾಲ್​ ಅವರಿಂದ ಮಹತ್ವದ ನಿರ್ಧಾರ

ಟೀಮ್​ ಇಂಡಿಯಾದಿಂದ ಹಲವು ದಿನಗಳಿಂದ ದೂರ ಉಳಿದಿರೋ ಬಲಗೈ ಸ್ಪಿನ್ನರ್​​​ ಯುಜ್ವೇಂದ್ರ ಚಹಾಲ್ ದೊಡ್ಡ ನಿರ್ಧಾರವೊಂದು ತೆಗೆದುಕೊಂಡಿದ್ದಾರೆ. 2024ರ ಟಿ20 ವಿಶ್ವಕಪ್ ನಂತರ ಟೀಮ್​ ಇಂಡಿಯಾದಲ್ಲಿ ಆಡಲು ಚಹಾಲ್​ಗೆ ಯಾವುದೇ ಅವಕಾಶ ಸಿಕ್ಕೇ ಇಲ್ಲ. ಹಾಗಾಗಿ ಇವರು ಹೊರ ದೇಶಕ್ಕೆ ಹೋಗಿ ಕ್ರಿಕೆಟ್​​ ಆಡುವ ನಿರ್ಧಾರಕ್ಕೆ ಬಂದಿದ್ದಾರೆ.

ಚಹಾಲ್​ ಮಹತ್ವದ ನಿರ್ಧಾರ

ಕೌಂಟಿ ಚಾಂಪಿಯನ್‌ಶಿಪ್‌ನಲ್ಲಿ ಆಡಲು ಚಹಾಲ್​ ಮಹತ್ವದ ನಿರ್ಧಾರ ತೆಗೆದುಕೊಂಡಿದ್ದಾರೆ. ಇವರು 2025ರ ಕೌಂಟಿ ಚಾಂಪಿಯನ್‌ಶಿಪ್‌ನಲ್ಲಿ ನಾರ್ಥಾಂಪ್ಟನ್‌ಶೈರ್ ತಂಡವನ್ನು ಪ್ರತಿನಿಧಿಸಲಿದ್ದಾರೆ. ಐಪಿಎಲ್​ ಮುಗಿದ ಕೂಡಲೇ ಇವರು ನಾರ್ಥಾಂಪ್ಟನ್‌ಶೈರ್ ತಂಡ ಸೇರಿಕೊಳ್ಳಲಿದ್ದು, ಕೌಂಟಿ ಚಾಂಪಿಯನ್‌ಶಿಪ್ ಮತ್ತು ಏಕದಿನ ಕಪ್​ನಲ್ಲಿ ಭಾಗಿಯಾಗಲಿದ್ದಾರೆ. ಈ ಟೂರ್ನಮೆಂಟ್​​​ ಮುಂದಿನ ಜೂನ್​​ 22ನೇ ತಾರೀಕಿನಿಂದ ಶುರುವಾಗಲಿದೆ.

ಕಳೆದ ವರ್ಷವೂ ಕೌಂಟಿ ಚಾಂಪಿಯನ್‌ಶಿಪ್ ಮತ್ತು ಏಕದಿನ ಕಪ್‌ನಲ್ಲಿ ಚಹಾಲ್ ಭಾಗವಹಿಸಿದ್ದರು. ತಮ್ಮ ಮೊದಲ ಪಂದ್ಯದಲ್ಲೇ 5 ವಿಕೆಟ್​ ತೆಗೆದು ಮಿಂಚಿದ್ದರು. ಇದಾದ ಬಳಿಕ ನಡೆದ ಪಂದ್ಯದಲ್ಲಿ 9 ವಿಕೆಟ್​ ಕಬಳಿಸಿ ದಾಖಲೆ ಬರೆದಿದ್ದರು.

ಈ ಬಗ್ಗೆ ಏನಂದ್ರು ಚಹಾಲ್​​?

ಇಂಗ್ಲೆಂಡ್‌ ಕೌಂಟಿ ಕ್ರಿಕೆಟ್​ ನಾನು ಸಖತ್​ ಎಂಜಾಯ್​ ಮಾಡಿದ್ದೇನೆ. ಮತ್ತೆ ಕೌಂಟಿ ಕ್ರಿಕೆಟ್​ಗೆ ವಾಪಸ್​ ಹೋಗಲು ಖುಷಿ ಇದೆ. ಡ್ರೆಸ್ಸಿಂಗ್​ ರೂಮ್​ನಲ್ಲಿ ಕೆಲವು ಉತ್ತಮ ಆಟಗಾರರು ಸಿಕ್ಕಿದ್ದಾರೆ. ನಾನು ಮತ್ತೆ ಕೌಂಟಿ ಭಾಗವಾಗಲು ಖುಷಿ ಇದೆ. ಕಳೆದ ಸೀಸನ್​ನಲ್ಲಿ ನಾನು ಉತ್ತಮ ಕ್ರಿಕೆಟ್​ ಆಡಿದ್ದೇನೆ ಎಂದರು ಚಹಾಲ್​​.

ಇದನ್ನೂ ಓದಿ:ಸಾರ್ವಜನಿಕರೇ ಎಚ್ಚರ! ಈ ತಿಂಗಳ ಕೊನೆಯಲ್ಲಿ ಗೂಗಲ್​​ ಪೇ ಕೆಲಸ ಮಾಡಲ್ಲ; ಕಾರಣವೇನು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ